لعبة كرسي الاعتراف !!!!!

ياسلام يا خويا بعد دة كلة

تقولى كل سنة وانتى طيبة

قصدك تقول البقاء الى الله تعيشى وتاخدى غيرها حاجات زى دى

والله هاتندم يا شحيبر هاتندم ها




يا جماعة انا بتاسف جدا جدا للدولى وامولا لانى انا


ما جوبتش ع اسئلتهم لان والله انا دلوقتى عندى ظروف جامدة

ماعنديش وقت افكر حتى

فاسورى ع تاخير العب وسورى ع عدم الاجابة

يا جماعة وانا برشح مكانى القمر امولا

يالا يا امولا وارينا شطارتك

وانا موافق

امولا بتتلكك يا جماعة انا مش موافق

خلاص انا صدقت
ع الاخت العزيزة (لانا) لاحظى انى بتكلم باحترام اهواانها تختار كدا حد غير امولا
ولا ايه !!!!!!!!!!!!!

والله يا جماعة انا لسة شايفة الردود حالا


وع العموم ممكن عيون

شوفوة انتم عايزين مين

وانا كمان برشح لانا

انا شخصيا عايزة اعرفها اكتر

يا سن سن يا قلبى انا لسة قايمة من ع الكرسى


وانا كنت برشح عيون توقعد بعدى


مش عارفة هى رضيت ولا لاء

ولا هما هايرشحوه حد تانى بردوة لسة مش عارفة

اللعب واقف فى رمضان مش عارف ليه ياجماعة
ع اعموم هنشوف موضوع عيون

سورى

انا مكنتش متابعة

بس اطمنى شفت الاسئلة واجاباتك

بجد حسيت انك شخصية جميلة اوى

وموافقة على عيون بس هى تدخل

السلام عليكم
معلش ياجماعه انابس مكنتش متابعه فى كرسى الاعتراف لكن عمرنبهنى وانا ماعنديش اى مشكله انى اكون على كرسى الاعتراف ومتشكره جدايالانى ياحبيبتى على ترشيحك ليه

شكرا ليكى يا عيون ع قبول الجلوس وبما اننا فى رمضان الاسئلة
مش عايزينها تبقى طويلة اجماعة


اولا :- من واقع البطاقة الشخصية
الاسم - السن - العنوان - تاريخ ومحل الميلاد
2- عدد الاخوة والاخوات وياترى مين اقرب لقلبك ؟
3-ايه اكتر موقف محرج حصلك فى حياتك ؟ ولازم تحكيه
4- هل حسيت بالفشل فى حياتك ؟ ولو حسيت بيه حسيت بيه ليه ؟
5- ايه هدفك فى الحياة وياترى بتسعى ورا هدفك وعملت حاجة علشان تحققيه ولا لأ
6-( الصداقة -الحب ) بالنسبة ليكى ايه ؟
7- ايه اكتر حاجة بتشدك فى الشخص اللى قدامك ؟
8- حلم حياتك ايه ؟
9- ايه رايك حياتك راضية عنها ولا لأ؟
10- يومك الرمضانى شكلوا ايه ؟
11- عرفتى المنتدى هنا ازاى ؟
12- كرهتى حد فى حياتك ؟
13- بتغضبى ولما بتغضبى شكلك بيبقى عامل ايه وبتعملى ايه وانتى غضبانة وياترى لغضبك حدود ؟
14- بتحبى الهزار ؟
15-اوصفى نفسك واذكرى 5 عيوب و5 مميزات شايفاهم فى نفسك ؟
16- اكتر القنوات اللى بتحبيها ايه؟ اكتر البرامج مشاهدة عندك ؟ اكتر ممثل /ة بتحبيه ؟
17- ايه رايك فى الشخصيات دى
امولا
لانا
سناء
راشد
دوللى
ويكا
ماجيك
18- اكتر عضو واكتر عضوة قريبين منك ؟

كفاية دول وبعدين نركز على ابعاد تانية فى عيون القلب

معلش على الغلطه انا كتبت الاساله بدون اجابه
اولا :- من واقع البطاقة الشخصية
الاسم - السن - العنوان - تاريخ ومحل الميلاد
الاسم بلاش الاسم منعاللاحراج
السن 18 سنه الاشهر
العنوان شارع محمدبدوى المنيا
محل الميلادالمنيا
تاريخ الميلاد26/9/1992



2- عدد الاخوة والاخوات وياترى مين اقرب لقلبك ؟
اناماعنديش غيراخ واحداكبرمنى بسنه واناماعنديش غيره فطبعاقريب لقلبى

3-ايه اكتر موقف محرج حصلك فى حياتك ؟ ولازم تحكيه
انا الحمدلله قليل اوى اللى احرجت فيه بس كان فيه موقف كان وانا فى اول ايام فى الكليه وانافى سنه اولى كنت فى محاضره صحه واتاخرت عن المحاضره غصب عنى والدكتوره مارضيتش تدخلنى وكسفتنى وطبعا كان اول تعامل مع الطلبه فكان الموقف بالنسبالى فى منتهى الاحراج واقعدت اليوم كله بعيط ومتنكده
4- هل حسيت بالفشل فى حياتك ؟ ولو حسيت بيه حسيت بيه ليه ؟
والله موضوع الفشل ده كان لسه قريب لان كان هدفى انى احضرالماجستيرواطلع بتقديرفى اول سنه فى الكليه لكن مع الاسف انا نجحت بس نزلت بماده القانون واول مره فى حياتى انزل بموادفى حياتى وكان بردووانا فى تانيه ثانوى انى جبت مجموع وحش بدون ذنب كانت سنه مايعلم بيها الاربنا وتعبت فيها جدافساعتها مش حسيت بفشل بس انا اتمنيت انى اموت
5- ايه هدفك فى الحياة وياترى بتسعى ورا هدفك وعملت حاجة علشان تحققيه ولا لأ
كان ليه هدف لكن ضاع منى وهوانى ادخل طب وماكنش فى حدبيقولى غيريادكتورة من يوم ماجيت الدنيا والامل كبرمعايا لكن للاسف اتصدمت فى امتحان الفيزياء فى اول ثانوى وكان فى منتهى الصعوبه وغيرت رغباتى من علمى لادبى بخيبه امل رهيبه خلتنى حزينه جداودلوقتى هدفى انى ابقلى حاجه كويسه فى الكليه وانى اعوض السنه اللى عدت من الكليه فى السنتين اللى باقين وربنا يقدرنى واحقق هدفى
6-( الصداقة -الحب ) بالنسبة ليكى ايه ؟
الصداقه هى بالنسبالى شئ رائع للى يصونها ويحفظها صح باعتبارانى ماليش اخوات بنات فربناعوضنى ده فى صحباتى وبشوف فيهم اللى اتحرمت منه
الحب فده اكترحاجه مصبرانى على الحياه لانى لقيته بصوره جميله ونضيفه وحب متوج بحب ربنافمتمسكه بيه جدا
7- ايه اكتر حاجة بتشدك فى الشخص اللى قدامك ؟
اكترحاجه الطيبه والتفاهم فى الكلام
8- حلم حياتك ايه
حلم حياتى انى احقق مستوى عالى فى دراستى شغلى فيما بعدوانى افضل مع الانسان اللى اختارته
9- ايه رايك حياتك راضية عنها ولا لأ؟
لابصراحه شايفه فيها مليون عيب بس برضولما بحاول انى اصلحه بحس براحه ورضا

10- يومك الرمضانى شكلوا ايه ؟
الحمدلله بصلى الفجرحاضربعدكده اقراقران وانام فى غيبوبه واقوم اصلى الفروض اللى عليه وانم لحدالمغرب بعدالمغرب احيانا بخرج اوبشوف المسلسلات اللى متبعاها واقعدعلى النت شويه واعيديومى من بعدالفجرتانى
11- عرفتى المنتدى هنا ازاى ؟
انا عرفته عن طريق امولا وريتاج وهما اللى عملولى الاكونت

12- كرهتى حد فى حياتك ؟
بصراحه عمرى ماتربيت على الكره دايما بحاول اسايرالحياه واعدى
13- بتغضبى ولما بتغضبى شكلك بيبقى عامل ايه وبتعملى ايه وانتى غضبانة وياترى لغضبك حدود ؟
انا مش من النوع العصبى بس يوم مابحس انى حدجه عليه ومايبقاش ليه ذنب فببقى زى مالامثل بيقول اتقى شرالحليم ازاغضب بس بسيطرعلى غضبى بسرعه وبحاول انه مايتعداش الحدود
14- بتحبى الهزار ؟
جدااااااااااااااااااااااااااااااااااااا
15-اوصفى نفسك واذكرى 5 عيوب و5 مميزات شايفاهم فى نفسك ؟
وصف نفسى
انا بنت من النوع الحساس جدا بحاول ابقى فى مستوى افضل من التدين
اقل كلمه تضايق دموعى تنزل على طول
اتظلمت كتيرواولهم من البيت عندى بعدكده من ناس حواليه كانوقريبين منى
لما بحب حدبحبوبجد
صعب انسى اى حاجه مرت فى حياتى سواء حلوه اووحشه
ماعرفتش لحدالان يعنى ايه اكره
من النوع الصبورجدااا
من النوع المتحمل
بس
اما بالنسبه للخمس مزايا اللى فيه
فايعنى ممكن اقول الصبروالتحمل وعدم الكره طاعتى لاهلى حبى لاصحابى
اما العيوب فكتيرمش خمسه بس
ممكن اقول العياط على اقل حاجه التفكيربقلبى فى حاجات كتيرانى بفتكرحاجات المفروض انى اعديها بس مابعرفش فبتعب تقصيرى فى حق ربنا فى حجات كتيروطبعا فى اكتلرمن كده بس دايما اللى قدامى هواللى يلاحظ اكترمنى
16- اكتر القنوات اللى بتحبيها ايه؟ اكتر البرامج مشاهدة عندك ؟ اكتر ممثل /ة بتحبيه ؟
قنات العفاسى لانى بحب صوت ميشيرى راشدوهى قنا مخصصه ليه باقلى القنوات بالنسبالى مجردتسليه بس
البرامج فانا بحب البرامج الصريحه اللى بتتكلم عن الواقع زى برنامج صبايااوالجريمه اليوم
بصراحه هوطبعا مش حب بس اللى بفضلهم عبدالحليم وسعادحسنى وعبله كامل وكريم عبدالعزيز
17- ايه رايك فى الشخصيات دى
امولا دى من اقرب صحباتى وانسانه فى منتهى الادب والزوق والكرم وبجدوصفها مالهوش حد
لاناانسانه محترمه ودمها خفيف من الاعضاء الظرفاء فى المنتدى
سناء فانا ماعرفتهاش اوى بس هى دوفعتى وشفتهافى الحقيقه بس واضح عليه الالتزام والادب والاجتماعيه وخفه الدم
راشد والله هو انسان جدع وطيب ودمه خفيف جدا بس من الشخصيات اللى بتدارى الحزن وراء ستارالضحك والهزار
دوللى بصراحه مااختلطش بيها خالص

ويكا بجدانسان فى منتهى الادب والزوق خدوم وجدع وزوق جداجدا
ماجيك انسان هادى اوى وفى حاله
18- اكتر عضو واكتر عضوة قريبين منك ؟
اكترعضوه فهى ريتاج وامولا وحور
اكترعضومش عارف بصراحه مش مرتبطه باعضاء بس طبعا كلهم بحترمهم جداكاخوات

كفاية دول وبعدين نركز على ابعاد تانية فى عيون القلب
اتمنى ردى ينول اعجابك ياعمرومتشكره جدا على اسالتك الجميله وانا تحت امرك

منورة الكرسى يا قمر

مش هطول عليكى

مين تؤام روحك ؟

الحب بيمثل ليكى ايه ؟

ليه ديما بحس انك حزينة وخايفة ؟

لو مسكتى منصب مهم فالبلد ايه اول حاجة هتعمليها ؟

فى حاجات فحياتك نفسك تحذفيها ؟

لو ممكن يرجع الزمن اى فترة هتختارى ترجع ؟

لما بتتظلمى او تتجرحى بتسامحى بسرعة ولا بتاخد موقف ؟

كفاية عليكى كده وميرسى على رايك فيا انا كمان والله حبيتك اوى لما اتعرفت عليكى

واتمنى نكون صحاب ربنا يوفقك انتى بجد تستاهلى

ياجماعه معلش عيون بتعتذرلكم انها مش هاتقدر تكمل الاسبوع

لظروف خارجه عن ارادتها

وبتسال مين اللي لسه ماقعدش عالكرسي؟؟؟؟؟

ليه بس دا انا لسه ما لحقتش اسالها
عالعموم حصل خيييييييير

ايه رايكم فى سنو وايت وربنا يستر

اغيب يومين ارجع الاقي عيون قعدت وقامت عموما حصل خير

وبيس في سنو وايت بجد حد لذيذ

شكرا يا امولا


بس بلاش اسئلة كتير عشان بتعب من الكتابة

هاي سنو ازيك
اسئله دوللي
متى تسقط دموعك؟
متى يبكى قلبك؟(لو مش فهماه اقليلى)
متى تحسين بالفخر؟
متى يسقط شخص غالى عندك من نظرك؟
امام من تحسين حاللك حقيرة؟
ما هى قمة
الذكاء
الحزن
الفرح
الصداقة
الحب؟
من اكتر شخصية اعجبتى بها(مشهور فقط)؟
ما هى نظرتك الى نفسك؟
هل انت غيورة؟ومن اية بتغيرى؟
اية رايك فى اللون الاخضر؟والازرق؟
بتحبى البحر؟لية؟
سؤال خفيف بقى
اية رايك فى (تامر حسنى)او سومة العاشق؟

1/متي تسقط دموعك؟
عند الغدر والخيانة ولما حد غالي عندي يبعد بمعني يسافر بعيد او يتوفي
وكمان لما بابا وماما يزعلو مني
2/متي يبكي قلبك؟
لما حد يحبني بجد وانا مكنش قادرة احبه وخصوصا لما يكون عاوز يجيب الدنيا كلها بين ايديكي
3/متي تحسين بالفخر؟
لما اجيب تقدير عالي هههههههههههههه
4/متي يسقط شخص غالي عندك من نظرك؟
الشخص ده بيسقط من نظري لما يكدب عليا او يعمل حاجة غلط مينفعش تسامحيه عليها خصوصا لما يكون عارف ان الحاجة دي انا مش بحبها
5/امام من تحسين حالك حقيرة؟
حقيرة دي كلمه كبيرة قوي وانا عمري ما حسيت اني حقيرة قدام حد
خصوصا لو كان انسان زي
6/قمة الذكاء/انك تفهمي الدنيا دي صح وانها ما تستاهلش وان اللي جاي اهم قصدي الآخره طبعا
والذكاء بردو انك تتعاملي مع الشخص اللي قدامك علي حسب طبيعته وتعرفي تكسبيه صح

قمة الحزن/ انك تحسي ان ربنا مش راضي عنك
قمة الفرح/انك تريتطي بحد بيحبك بجد كل همه انه يسعدك
قمة الصداقة/ان صديقتك تقف جنبك في الفرح والحزن واكيد اما تغلطي تنصحك مش تجاملك
قمة الحب/حب ربنا وماما وبابا
7/ما هي اكتر شخصية اعجبت ؟
كممثل احمد حلمي
كلاعب كره احمد حسن
8/ما هي نظرتك الي نفسك؟
محتاجة للتغيير والقرب لربنا اكتر
9/هل انت غيوره؟
بالنسبة لغيرة الحب مجربتهاش لسة بس انا بحب الغيرة بشرط متكنش شك غيرة مبنية علي الثقة في النفس وثقة في الطرف الثاني
10/اللون الاخضر رمز الامل
واللون الازرق رمز الشباب والحيوية
11/ بحب البحر جدا واكيد عشان بحب العوم اوي،وكمان البحر حنين اوي مش عارفة ليه بس في نفس الوقت غدار وكمان غامض وانا بحب الغموض
12/ بحب تامر بتاع زمان دلوقتي اغانيه مش بتعجبني اوي بس بردو ليه اغاني جديدة حلوة ،لكن انا مش من قائمة المغرميين بيه

شكرا يادوللي علي اسئلتك الحلوة دي بس يارب اجاباتي ماتكونش تافهة ومتعجبكيش

سنوووووووووووووووو بما انه مفيش غيري انا وانتي وسناء فالمنتدي يبقي ابدأ التحقيق......الاول تاخدي سيجاره؟؟؟؟

افتح محضر يابني
اسمك وسنك وبلاش عنوانك
اسرتك بتتكون من كان فرد
بتقولي انك بتحبي البحر لانح حنين وغدار هل معني كده انك بتفضلي الراجل الرومانسي والشقي (عينه زايغه ومبصبصاتي يعني)؟؟؟
ايه المود اللي بتفضليه فالاعضاء هنا يعني تحبي الهادي اللي فحاله زيي ولا المشاكس الشقي زيك؟
يا تري تحبي تسافري بره مصر ؟؟؟ لو اه يبقي فين وليه وتحبي تقعدي اد ايه !!!
بتقولي علي الاولاد ميفهموش حاجه فالرومانسيه واخرتهم كلمتين تافهيين وده الحب بالنسبالهم....هما برضه الاولاد اللي خلوا تامر حسني وحماقي وامثالهم نجوم وبيروحوا يترموا فاحضانهم ويصرخوا ويغمي عليهم فحفلاتهم؟؟؟
ايه السعاده فنظرك ....شايفه لو اتوفر عندك ايه هتبقي مش محتاجه اي حاجه تانيه ؟؟؟!!!!
ايه رأيك فالعضوه دوللي و موون؟؟؟؟؟
عرفتي المنتدي ازاي ومين صحباتك من الاعضاء ؟؟؟
ايه نوع افلامك المفضله ؟؟؟
بتحبي الدراما الهنديه ولا العربيه ولا الغربيه ؟
ايه اكلتك المفضله؟
ملاحظ انك معظم اوقات دخلوك المنتدي بتبقي بالليل متأخر بتحبي السهر ؟؟؟
كفايه كده علي ما افكر فشويه تاني

محشية ولا كوكو الضغيف يا ابني لاحظ انك بتكلم بنت
-اسمي نونا والحقيقي سنو ههههههههههه اسمي يبدا بالنون وينتهي ب دال حظر فظر
-سني عشرين سنة
-اسرتي اربع اشخاص
-اكيد بحب الراجل الرومانسي وبكره وبشدة اللي عينه زايغة اوعي تكون منهم يا ابو الرشد
-لا بحب اللي يشاكل في الناس وبعدين انت هادي منين ان شاء الله
-احب اسافر الهند عشان بحبها ونفسي اروح قصر تاج محل وبحب لغتهم جدا
-المدة كفاية شهر مش بحب السفر يطول
-اكيد لأ مش الولاد ولكن البنات التافهة اللي مالهاش حاكم ولكن فيه بنات محترمة تخاف ربنا وانا احتقر البنات بتوع بحبك يا تمورة
-السعادة هي رضا الانسان بالمكتوب عليه
-لو اتوفر عندي رضا امي وابويا اكيد يتوفر رضا ربنا وبكدة انا مش محتاجة حاجة
تاني من الدنيا