لو مضايق تعالا فضفض

انا مش متفق مع حور خالص بصراحه
بصى يا حور مش شرط ان لما الناس كلها تبقى ضدك يبقى انتى الغلط بالعكس
فى ناس بتحكم و ايديها ف الميه البارده مش مقدره الشخص اللى فى الموقف
بتحكم بمنطق العقل كأنهم عساكر فى الجيش مفيش حاجه اسمها قلب ندخله فى حساباتنا
اكيد يا حور مش شرط لما الناس تبقى ضدك انهم صح
بالنسبه لفضفضه بأه
اسمعينى انتى لو من جواكى مش عاوزه الانسان ده عشان اي سبب ف المفروض تقفى ضد الناس كلها ادام راحتك هتكون معاه مش شرط هما شايفين ايه ادام انتى بتقولى بتحبيه يبقى تقفى قدام الكل ده اسمه حب
مش عشان كله رافض يبقى هما صح انتى راحتك فين
حبك يستاهل او لا بردو تحطيها ف دماغك
و مش غلط ان احنا نخطأ فى حق نفسنا
الغلط الاكبر ان احنا نفضل ماشيين فى الغلط ده
متظلميش نفسك ولا تظلمى اللى حبك ده
يا ريت تتقبلى رأيي
شكراااااااااااااااا

انا مش اقصد الناس العادية

انا اقصد اختها لو تعرف صحبتها امها

الناس هاتخاف عليا

وخصوصا صحبتها اكتر واحدة هاتحس بيه فلو صحبتها او اختها الشخص اللي بتتكلم معاه برضه كان من ضمن الناس اللي رافضه

يبقى لازم تحط دا في الاعتبار كويس

لان سافيكو بصراحة

اللي جوا الموضوع مش بيشوف كل حاجة صح

واللي بيحب بقلبه بس

مش بعقله وقلبه مع بعض

برضه مش بيشوف كل حاجة

دي مجرد وجهة نظر

وانا متفقة معاك انها المفروض تشوف راحتها فيت وتعملها بس مش اي راحة

راحة لقلبها وعقلها وضميرها مع بعض
وانه تكون متاكدة انه يستحق دا

ولا ايه؟؟؟؟؟؟

ميرسي جدا علي تفاعلكم معايا ياجماعه ومنتظره اراء باقي الأعضاء

بصي خدي الكلام الموزون واللي من الاخر من عمو ستايل
الموضوع يكمن علي صلاة استاخرة
بجد صلي صلاة استخارة وربنا هيهديكي للصح ودا عن تجربة بجد

اما باة من وجهة نظري لازم الواحد يفكر بعقلة ولو للحظة مش الحب كل شئ ولا القلب كل شئ
لازم تفكري ولو للحظة هل ينفع انك تعيشي معاة
لان القرار دة مش قرار وقتي دا قرار هيتوقف علية نص حياتك التانية ومستقبلك
لو الشخص دة انسان كويس وابن حلال وقلبك بيحبة يبقي اشطة
بس لازم تفكري قبل ما تاخدي قرار مصيري في حياتك

انا اعرف واحد بيحب واحدة لكن عشان مصلحتها وحكم عقلة شوية للحظة
مش قدر يقولها انة بيحبها لان حياتة هتتوقف علي قرار زي دة

بس نصيحة مني صلي استخارة لربنا وادعيلة اللي في المصلحة يدهالك
وربنا هيوقف جنبك
اتمنالك السعادة

متفق معاكى اكيد يا حور
بس اللى بره الموضوع مش بيحس باللى جوه الموضوع اللى بره الموضوع ده بيدى رأيه و هو مش عامل اعتبار للجو اللى فيه الانسان اللى جوه الموضوع فحكمه اكيد مضلل

انا مع اسامه فى صلاه الاستخاره لكن طبعا مختلف معاه فى كتير
اولا انت يا اسامه مجربتش انك تحب و تتحب و تبقى جوه الموضوع ده ف انت بتتكللم افتراضا و محكم عقلك بس كأنك بتتكلم بقوانين حازمه و أكيد الدنيا مش كدا مثلا الاب لو حكم عقله بس و مسمعش لقلبه خالص هيعيش اولاده ف عذاب
مهو مبيحسش هو عامل زى الروبوت ماشى بقوانين فقط
و الواحد اللى انت بتتكلم عليه ده اكيد لو كان لاقى الحب اللى عاوزه من الطرف التانى مكنش اتردد ثانيه ف انه يقوله خلينا صراح مع بعض
مش 100% هنمشى بالعقل و القوانين
و اخوك اكبر مثال انه محكمش عقله بس و اهو اديه مرتاح الحمد لله
لو كان اخوك حكم عقله من البدايه مش قلبه
كان خسر كتير

يابني كمل الكلام وافهم انا قلت يفكر ولو للحظة واحدة
والله العظيم انا قولت كدة
كمان ممكن تكون بتحب واحد او واحدة
بس مش تكون صالحة ليك من ناحية الفكر والناحية الاجتماعية ونواحي كتير يبقي
الارتباط في هذة الحالة مستحيل مع
انة في حب انا ابن خالتي اتجوز اللي بيحبها بعد سنة باع البيت بسببها وانا حاكتلك علي الموضوع دة
فهمت انا اقصد اية

لازم يكون في تفكير ولو لي لحظة
كمان مين قالك اني محبتش لا انا حبيت بس انا حكمت عقلي قبل ما اروح اقولها
ولقيت انة صعب اعيش انا وهيا

السلام عليكم

اليوم بدى احكى عن اكبر همومى
انا شخصيه يعنى شبه منغلق على نفسى
جائنى الانسان اللى ما كنت اتمنى غيره فى العالم
قويت به على الزمن
تركت عشانه كل حد دايقنى
لانه ما بدى اي اشى فى الدنيا غيره
كل الناس اللى كان بدها تشوفنى تعيس
ما عدت اكلمها لانه جاء من يقوينى
من يحافظ على قلبى
من يحمينى من الايام
و على اتفه الاسباب جاء الفراق ليفرقنى عن روحى
لقد انتزع الفراق روحى
و تركنى جسد بلا روح
كم هو صعب الفراق
لقد حاولت و حاولت اتناسى
فجائنى في احلامى فلم انم لكى انسى فمرضت
لا احد غير الله يشعر بهذا الجرح الذى لا يلتئم
كنا الافضل
كنا الاحسن فى كل اشى
لماذا يا فراق اتيت لتقتلنى
لماذا تفرق عنى روحى
و السؤال اليكم
ما هو الحل الذى يمكن ان يداوى قلبى
كيف اساعد نفسى كى استطيع ان اتنفس مجددا
كى اعيش
اي عالم هذا الذي يستطيع ان يعيش به الجسد من غير روح
اى عالم هذا ؟
ساعدونى..............................

بص يافضفضه اجمل حاجه ف الدنيا الحب فمينفعش نسيبه يضيع من ايدنا ونتفرج لازم تاخد خطوه لو انت بتحبها بجد كلمها وماتسبهاش ابدا وحاول تصلح اي خلاف بينكو مهما حصل بين اتنين بيحبو بعض بيتنسي لان اللي بيحب بيسامح انت بس كلمها وان شاءالله هاترجعو لبعض

با لهوى مينفعش كده حاول ترضيها باى حاجة لو بتحبها بجد اعمل المستحيل عشانها بجد حرام عليك تضيع من بين ايديك

وبعدين ف الدنيا دي مش عايزه تتعدل ابدا ولا تبقي حلوه
كل ما تحلي ترجع توحش اكتر من الاول .. غريبه يادنيا ..

السلام عليكم
ازيكم يا جماعه
انا كنت مضايق شويه وكنت عايز اتكلم
انا مشكلتى
انى بحب واحده وهيا مش حاسة بيا مع انها عارفه انى بحبها وعارفه كمان انى بحبها اوى وجد مش هزار
بس انا معرفش اذا كانت هيا بتحبنى او حتى موافقه عليا ولا لا لان الموضوع مختلف شويه
هيا مش بتكلم حد فى الكليه وكده ومش بتحب تقف مع حد وكده ورافضه تمام فكرة الحب والارتباط فى الكليه مش منى لا
دا عموما قبل ماتعرفنى
بس وانا شفتها وحبيتها وكلمتها
قولتلها انى بحبها ومش طالب منها ارتباط ولا حاجه لا انا بطلب بس اعرف رأيها هل موافقه عليا لو اتقدمتلها فى يوم من الايام ولا لا
قالتلى ان الموضوع ده لسه بدرى عليه وقالتلى ااجل السؤال ده لوقتو يعنى لما اكون رايح اتقدم ابقى اسئلها السوال ده
بس هيا قبل كده كان اى حد بيكلمها وكده كانت بترفض علطول وتقول انها مش بتفكر فى الكلام ده
بس فى حالتى دى لا رفضت ولا وافقت
وفى نفس الوقت انا بصراحه محتجلها جنبى اوى الفتره دى ومش عارف اعمل ايه بس مش قادر على بعدها عنى
ومش عارف اعمل ايه انسحب وابعد واحاول انسى ودا صعب جدا ومستحيل ولا افضل فى العذاب ده مش عارف اعمل ايه

ومش قالتلك انها لو تعرف في حاجة في المستقبل كان ممكن يكون في نصيب
لكن دي فترة كلية وهتعدي وان كل واحد هيروح لحالة وان في مشاكل معاها في البيت
وكدة

بتفكرني بواحد صاحبي نفس الحوار الله يمسية بالخير

انا لو مكانك و بحبها و الله ماسيبها
و لو محتاجلها بجد قولها انا محتاجلك بجد اليومين دول
و بينتلها حبك بطرق كتير
و بكرة و بعده ربنا اللى يعلمه يعنى مش عارفين حاجة
ربنا معاااااااااااك
و يا رب تحبك زى ما انت بتحبها و لو انى اشك مدام هى كلمتك يبقى معجبة بيك على الاقل
ربنا معااااااااااااااااك