لو مضايق تعالا فضفض

حلوة الفكرة يا ميلانو
بس ازاى؟
قل ما تريد ولن يعلم احد من انت

تسلم

احييك ع الكلام الجميل و العرض الرائع للفكرة الهايلة دي

الله ينور عليكوا و دايما من تقدم لتقدم يا رب

............

الله عليك يا ميلانو
تصدق انا مريت بظروف ومواقف
صعبة وعناد حظ غريب وقرارات كتير وفعلا
لاحظت اننا مكنتش صح وضيعت حاجات كتير
فعلا ندمان عليها

بصي يا صافي

هدف الموضوع دة ان لو حد عايز ياخد رأينا او يحكلنا حاجة معينة

من غير ما احنا نعرف مين صاحب الموضوع

هيدخل بالعضوية دي

و يكتب اللي هو عايزه و احنا نقله رأينا

لان محدش هيقدر يعرف مين هو العضو فضفضة لان اسمه و باسوورده

عام للجميع

دي الفكرة

فهمتيني ؟؟؟

بصي انتي و هي ف فترة امتحانات دلوقت يعني هي المفروض تزاكر و تبطل حزن و كدة و انتي حتي لو عايزة تبعدي عنها ميبقاش دلوقت انتي بس فهميها انك مشغولة ف مزاكرتك و ان هي كمان لازم تزاكر و كل ما هي تحاول تفتح موضوع حزن او كدة انتي رجعيها لنقطة المزاكرة تاني و قوليلها تأجل اي حاجة للاجازة
ان شاء الله ربنا يوفقك انتي و صاحبتك

بجد فكرة راااااائعة يا ميلانو

انا مخنوقة جدا ومش عارفة اعمل ايه

حواليا مشاكل كتيرة ومش عارفة احلها ازاى؟

من ناحية كل حاجة والمشكلة انى انا المسؤولة عن كل شىء فى حياتى

وباخد كل حاجة على اعصابى

انا تعبت من كتر المشاكل ونفسى انى استجم او ابعد عن المشاكل شوية نفسى اسافر ولو ل3ايام

لكن عشان انا بنت ماينفعش طبعا

انا مخنوق جدا من موضوع لدرجة انى مش عارف اذكر خالص
نااااااااااايس توبيك يا ميلانو

يا محمد متخليش اي حاجه في الدنيا مهما ضيقتك تأثر على مذكرتك لأن اللي مضايقك بدل ما يبقى موضوع واحد ممكن لا قدر الله يبقوا موضوعين لو مذاكرتش و محلتش كويس في الامتحانات

و دي فكره جامدة اوي و اشكر كل اشتركوا فيها

ههههههههة

تسلم ايدك ياميلانو
ايه الجمال ده
استاذ
فكره جميله

احييك على الفكره الجميله دى ولو ان ذكائك ممكن يخليك تعرف
مين اخ فضفضه ده بس متحاولش تشغل مخك ياريت عشان تخلى
الطابق مستور ههههههه
مش عارفه ليه حاسه بملل على قد ماانا عندى اصحاب كتير واهلى وبحكى واطلع الى جوايا
معاهم بس برضو مش مرتاحه قربت احس ان مهما حصل فى الدنيا مش هرتاح بس للاسف دى الحقيقه عشان دى دنيا حاسه انى ماشيه فى طريق غير الى انا عيزاه خالص انا مبعملش حاجه غلط بس برضو مش هو ده الصح الى عيزاه نفسى اقابل انسان فى حيات يخلينى اقدر احدد طريقى وكان نفسى الانسان ده يبقى ابويا بس هو مش حاسس بيا خااااااااااااااااااااالص
وتخيل لما تبقى عمرك ما حبيت ويوم ماتحب وبجد تلاقى ان البنى ادم ده ميستاهلش احساس بيدمر كل شىء حلو فى حياتك كفايه كلام خلى الواحد يحاول ينسى

السلام عليكم ورحمه الله وبركاته
ياجماعه انا عايزه اوصل رساله للى يفهمها
انا مخنوقه اوى اصعب حاجه ف الدنيا ان حد اكون بحبه اوى يفهمنى غلط
انا والله ما كان قصدى لكن هو فهمنى غلط المشكله انى حبيته بس كنت خايفه ما يكونش بيحبنى بجد
لانى ثقتى معدومه خااااالص من كذا سبب كنت محتاجه انه يثبتلى حسن نيته لكن هو فهمنى غلط لما طلبت انى اسيبه فترة وقولتله يسيبنى لو عايز وقولتله انى مش هازعل عشان ما يستمرش معايا شفقه عشان اشوف اذا كان بيحبنى بجد ولا لاء لكن مع الاسف فهم ده غلط وسابنى لكن كان نفسى يفهمنى صح لانى كنت محتاجه وجوده جنبى اوى

وعليكم السلام
اولا فكرتك حلوة انك تقوليلو يسيبك فترة
وانتى عايزة تعرفى رد فعله ايه عشان بناءا عليه
تعرفى معزتك اد ايه عندو
طيب يبقى اللى جاى دورك انتى واحساسك انتى
هل هو اضايق وزعل قوى من كلامك وحاول يتصل بيكى او يكلمك
او اى حاجة تبين حبو ليكى
وفى الحالة دى لازم تفهميه كان قصدك ايه
لكن لو كان رد فعلة غير كدة
يبقى زى ما بيقولك احساسك
يعنى الامر ده فى الاول والاخر يرجع ليكى
وفكرى كويس جدا هل ده انسان ممكن يكمل معاكى ولا لأ ؟؟؟
ده اللى اقدر اقولة

السلام عليكم

انا واحدة قربت انسى يعني ايه سعادة

حياتي كلها جرح والم

عشت قصة حب من تلات سنين ولم يشأ الله ان تتم

وبعده لم اذق طعم السعادة ابدا

لم ارى من الجميع سوى الالم

كأن البشر خلقوا كي يعذبوني

ويجرحوني اشد الجراح المدمية

عندما انتهم قصة حبي الاولى ظللت اكثر من سنة غير قادرة على التفكير في احد

ولكن حاولت التناسي

وجاءتني الصدامات تتوالى

انجذبت لشخص وظننت ان الدنيا ستضحك لي

لكن للاسف اكتشفت انه يحب احدى صديقاتي المقربات

وبل ويطلب مني مساعدته في ذلك

وبالفعل كنت المعاون واحد الاسباب التي جعلتهم مرتبطين الان
تعذبت كثيرا

لكن تفكيري في الاخرين طغى علي وحاولت الصمود والوقوف مرة

وتتوالى الصدامات في تكرر نفس الامر مرة اخرى ولكنه هذه المرة مع اعز اصدقائي

وليس لدي خيار سوى الصمت وانا اموت في داخلي

ليس لانني احببتهم جدا
لا فالامر لم يكن يتعدى الاعجاب

ولكن صعوبة الموقف وكان قلبي لايختار الا من هم مستحيل التفكير بيهم

وهاهو مجدد يشعر بالوحدة المميتة

اوشك على الياس من ان هناك شخص يبحث عنه هو

واشعر بانجذابي لشخص لكني لا اعرف شئ عنه

ويكاد الخوف يميتني

بمن يفكر هذه المرة؟؟

ممن ساجرح هذه المرة؟؟

تمنيت مرارا وتكرار ان استطيع ان اخرج قلبي واقتله بيدي

لا اعرف ماذا افعل

انني وانا اكتب هذه الرسالة ابكي بدل الموع دم

من شدة حزني والمي وضيقي

اسفة على الاطاله

هل هناك احد يستطيع ان يتحمل هذا كله؟؟؟؟؟

فليجيبني ويقول ماذا اصنع في نفسي

انا في حالة يرثى لها

انت فهمتني غلط ياميلانو

انا مش قصة موهومة

لا انا اتصدمت كتيرررررر

وصدامات متتالية

انا مش مريضة بالحب

ارجع بعد اذنك واقرا الرسالة كويس

يمكن تقدر توصل للي انا عايزة اقوله

بجد يافضفضه انا حاسه بالاسف الشديد ناحيتك وحاسه بيكي اوي بس مش هاقولك غير فكري ف مستقبلك لان الماضي ليس سوي صفحات مكتوبه ف كشكول الحياه فبلاش نفكر فيه الا عشان نتعلم من اخطاءنا وسيبي الامور تمشي لوحدها مفيش احلي من الصدفه فهمي

ياجماعه انا تعبانه اوي وحاسه اني بانهار قلبي موته بايدي بعد ماجاتلي الفرصه اللي مستنياها جوايا صوتين عكس بعض عقلي بيقولي برافو انك بقيتي قويه واتغلبتي علي مشاعرك وقلبي تعبان وبيقولي ازاي تكوني سبب ف جرح انسان وحاسه بالفشل ف كل حاجه حتي الدراسه ضايعه وبالرغم من كل ده بضحك وبهزر وبداوي وبمسح دموع ومش مطلوب مني انطق بولا كلمه المشكله ان كله ضد حبي وكله بيقولي لأ بس بجد مش قادره استحمل وف نفس الوقت مش هاقدر ارجع ف قراري لأني هابقي عيله بجد مش عارفه اسمع لمين قلبي ولا عقلي؟

اسمعي للصح

اللي يجمع اقتناع الاتنين

ومعنى ان كل اللي حواليك ضد الحب دا

معنى كدا اني في حاجة غلط

انتي مش قادرة تشوفيها لانك بتحبي

بس لوعايزة ترتاحي وتمشي صح لازم تشوفيها