خطاب الرئيس الامريكي باراك اوباما ...

اكيد كتير مننا شاف خطاب الرئيس الامريكي اوباما اللي القاه من القاهرة

يوم الخميس اللي فات و اللي مش شاف الخطاب اكيد سمع عنه

و اكيد اللي شافه او سمع عنه كون انطباع و وجهة نظر و فكرة عن الخطاب دة

طبعا في وجهات نظر كتير اوي مطروحة ع الساحة

بس خلينا احنا هنا نتكلم عن وجهات نظرنا احنا و احنا شفنا الخطاب دة ازاي

و بيمثل لنا اية ؟؟؟؟؟؟؟؟

اتمني اشوف وجهات نظركوا و تعليقاتكوا

تحية خاصة ليكوااا ........

هو اكتر حاجة عجباني فية ان كان ثابت في ادائة وكلامة ومش كان بيلقي من ورقة ومش بتهته في الكلام كمان استشهد بقران كتير بس محلش حاجة في فلسطين بل بالعكس انة قال انة بيساند اسرائيل وعلي العموم مش هيبان دلوقتي

اولا يا ايجيبت اسمحيللى احييكى
على حسن اختيارك وانتقائك لموضوعاتك القيمة
ثانيا..
من وجهة نظرى الشخصية البسيطة جدا.. عاوز اتناول خطاب اوباما
من زاويتين.. او من منظورين
الزاوية الاولى من حيث شكل الخطاب اوباما اتكلم فى منتهى الزوق والاحترام للعالم الاسلامى
لوحظ ابتسامته طوال الخطاب
تحسيه كان بيتكلم بتلقائية ومش متكلف ولا متصنع
وكان كلامه محدد السياق وكرتب افكاره والموضوعات اللى هيتكلم فيها
اه.. وذكره انه من اب مسلم وذكده اسمه باراك حسين اوباما
واخيرا خطابه كان من غير اى اوراق بما يدل على ابداعه فى الالقاء
وكمان اختياره لقبة جامعة القاهرة بينبئ عن احترامه للصرح العلمى ده
وتقديره ليه....
النقطة التانية.. او الزاوية التانية ..من الناحية الموضوعية..
من ناحية مضمون الخطاب بقا..
تناول عدة موضوعات جميلة زى رغبته فى تبادل السفر بين الشباب العربي
والامريكى الى بلاد كل منهم وتبادل البعثات التعليمية
تأكيده على احترامه لحقوق المسلمين فى بلاده واتاحة الحرية لسبعة
مليون مسلم فى امريكا فى ممارسة شعائرنا الدينية
تأكيده على حق المرأة المسلمة فى وضع الحجاب على رأسها
ايضا.. استشهاده بالايات القرانية دا كان ليه تأثير كبير
فى نفوسنا كمسلمين..
كل الحاجات دى اسعدتنى على المستوى الشخصى
ولكن ان كنت اعقب على تجاهله للقضية الفلسطينية
ومعلش اذا كانت فى حاجة انا مذكرتهاش لانى ساعة الخطاب انا كنت ف امتحان
وسمعته بعد كدا مش كامل واسف على الاطالة..
لكن الخطاب بصفة عامة كان كويس وبيدى امل
كويس فى رئيس اقوى دولة فى العالم..
ولسه هيباااان اكتر واكتر مع الايام الجاية ان شاء الله..
مرة تانية بحييكى يا ايجيبت على التوبيك الرائع ده...

ستاااااااااايل

هو انا متفقة معاك تماما ف كل اللي انت قلته دة

بس ف كل الاحوال و زي ما هو قال بردو عمر الحال ما هيتعدل و يتصلح

من خطاب واحد بس دي مجرد بداية

و مشكلة فلسطين يا ستايل مش المفروض حد يحلها غيرنا

باننا نتوحد و نرجعها تاني زي ما اتخدت مننا

و القرآن بيقول كدة

بس السؤال بقي

امتي هنتوحد و نسترد حقنا من جديد ؟؟؟؟؟؟

بشكرك ع تعليقك و مرورك كماااان

المتر

ربنا يكرمك يا رب و دايما مشجعني كدة

بس اصله مينفعش بردو حدث زي دة يعدي علينا كدة من غير

حتي ما نتكلم او نقول رأينا فيه

و طبعا اتفق معاااك ف كل كلاااامك الجميل

بالنسبة للشكل فعلا زي منت قلت هو حلوو اوي و عنده كاريزما جامدة بصراحة

بس هقلك حاجة بقي

انا عن نفسي عجبني جدا انه ازاي قدر يوصلنا كدة

و ازاي كان بيخاطبنا بلغتنا

و ازاي قدر يعرض وجهات نظره اللي قد نختلف معاها

زي مثلا القضية الفلسطينية بس ف نفس الوقت

اجبرنا اننا نحترمه و نحترم وجهة نظره حتي لو مخالفة لينا

لية ؟

عشان اسلوبه ف الكلام و طريقة تفكيره و الكاريزما بتاعته

انا عن نفسي و من وجهة نظري الخاصة و بغض النظر عن الاراء

اللي بتقول

انه دة كلام و بس او انه جاي يحسن وجه امريكا القبيح او انه دة كلام معسول

او او او

انا شايفة انها خطوة ايجابية جدا منه و شايفة اننا طول ما احنا الحلقة الاضعف ف سلسلة

الدول دي كلها يبقي نقبل بقي التعاون و السلام معاهم و لو حتي بشكل مؤقت

طول ما احنا مش جاهزين يبقي منهاجمش

و ع فكرة اوباما عليه ضغط كبير جدا ف بلده من الاحزاب و التيارات المختلفة

و بالرغم من ان امريكا ف الاول و الاخر سلطة مؤسسات مش ريس

قدر بردو يحط ليه بصمة او لمسة ع الحكم دة

معلش طولت عليكوا

بس دة رأيي و ممكن يكون صح او غلط و لكني مقتنعة بيه

بشكرك كمااان مرة يا متر

منور التوبيك و المنتدي كله ......