البنت تشتغل و لا لأ . . .

اكيد الموضوع دة في اختلاف آراء

يا تري البنت بعد ما تعبت و اتعلمت كل دة تقعد ف البيت

و تخلي بالها من ولادها و جوزها او حتي تقعد ف بيت بباها لغاية ما يجلها العريس

و لا تخرج و تشتغل و تثبت نفسها و تفيد مجتمعها و قبل كل دة تخلي بالها من بيتها

يا تري انت رايك اية و هتعمل اية ف الموضوع دة ؟

و البناويت كمان ناويين علي اية خصوصا لو الشخص اللي هترتبطي بيه مش راضي انك تشتغلي ؟

ف انتظار رايكم و وجهات نظركم

اجمل و احلا تحية ليكوااااا . . . ز

ههههههههههههه يخرب عقلك يا رسمي
خلاص انا هعمل مزكرة بكلامك ده وهوزعه ع مكاتب القوى العاملة
و ع كل الاماكن اللي فيها وظائف خاليه
وكمان ع كل المؤسسات اللي فيها حوا شغاله
ومنصور يبني ان شاء الله هههههههههه

معا شعار المسيرة

عمل بدون حواء .. حياة أفضل بدون بكاء هههههههه

اكيد طبعا هرد علي كل واحد فيكوا

بس انا حابة اشكركم الاول ع المشاركة و الاراء الجامدة دي

ميلانو

رسمي

ستايل

سافيكو

غزل

نورتوني و نورتوا الموضوع و الله

موضوع رائع .. بس هل سألتي نفسك قبلنا ؟؟ هل جوزك ان شاء الله لو رفض إنك تشتغلي

خصوصا وإنك مثقفة ومعاكي مؤهل وكمان مش بس كده لأ لغات كمان هتتناقشي معاه وتحاولي تقنعيه

ولا من أول مرة هتسلمي بالأمر الواقع وتقعدي في البيت ؟؟؟

أما عن رأيي الشخصي .. أنا مش ضد إن البنت تشتغل لكن في الإطار المسموح .. يعني مثلا آخرها في الشغل يكون الساعه 2

مش بقه يكون في سهر وكده .. ومافيش مانع ومش عيب لو ساعدت جوزها في مصاريف البيت ماهو في الأول وفي الآخر لبيتها

ولأولادها ..لكن برضو رجل البيت ليه وجهة نظر وكلمه لازم تمشي

وعلي رأيي

الواحده مالهاش غير بيت جوزها .. وليل نهار لاويه في بوزها

هههههههههههههههههههههههههههههههههههههههههههههههههه / بهزر طبعا

تقبلي مروري

ميلااااااااانو

احترم رايك و جهة نظرك طبعا و عقليتك المتفتحة

و ان مكنش ادم يحمي حوا يبقي مين هيحميها ؟

و بشكرك كمااان ع المرور الجميل دة

ستااااااايل

بردو احترم وجهة نظرك لكن

البنت لو نفرض انها اشتغلت يبقي مش مفروض عليها انها تصرف ع البيت

اه هي هتصرف بس دة اصلا مش واجب عليها و لا دوها كماااان

المصاريف المفروض علي الراجل

دي نقطة

النقطة التانية انه مفيش حاجة اسمها تسمع كلامه و خلاص لا

في حاجة اسمها نقاش يعني يقنعني و انا تحت امره

لكن نظام الاوامر دة مش حلووو

بس ف كل الاحوال تحياتي ليك

رسمي

شوف يا سيدي رايي دة لو البنت او الست قادرة انها توفق

بين بيتها و شغلها

يبقي اللي هيحصل انه

البنت هشتغل و هتخلي بالها من بيتها

هتبقي علي علاقة بالعالم الخارجي

مداركها هتزيد و هتفهم اكتر

بالتالي هتربي اولادها تربية صح و هطلعهم شباب جدعان

و بنات محترمة

و بناءا عليه هتقدر تستوعبهم و تستوعب مشكالهم من قبل ما تحصل

و بالتالي الشباب هيفكر صح و يفيد بلده

و خطوة بخطوة الشباب يصحي و يفوق لنفسه و يبطل جريمة و كسل

و كماااان هتحسن من مستوي اسرتها المادي و التعليمي

واحدة بواحدة الشباب دة هيكبر و يبقي فاهم الدنيا ماشية ازاي

زي والدته ما فهمته و يربي ولاده كدة و نتقدم شوية

و مع الوقت هتلاقي العملية فرقت كتير

و ف نفس الوقت هتثبت نفسها و تحس انها محترمة من مجتمعها

هتبقي نفسيتها حلوة و مش حاسة بتفرقة و بالتالي

هتحاول تسعد جوزها و ترضيه و تخلي بالها منه

و كمان ان يبقي ليها زمة مالية مستقلة دة بيديها نوع من الامان

اللي بالتالي هتنقله للاسرة

و قيس بقي

و مسألة فرص العمل دى مسالة كفاءة سواء بقي بنت او ولد

لو ولد كفائته احسن هيشتغل

و لو العكس يبقي البنت هي اللي هتشتغل و ف الحالة دي الاحقية تبقي ليها

المهم

و لما الشباب يصحي و يفوق و الفكر يتغير م البيت

العالم العربي كله فكره هيتغير و هنتحد

و هيبقي لينا كلمة و موقف سياسي

و هنتاخد ف الاعتبار

و دة كله هيغير من الخريطة السياسية الحالية

و اجندات دول كتير

و دة اكيد هيفرق مع الدول المحتلة

و طبعا لما نعمل كدة و نساعد بعض و نبقي صف واحد

ربنا هيحبنا و هندخل الجنة كلنا ان شاء الله

شكرا ليك يا رسمي

نورتني

غزوووول

انا بردو بقول عليه كدة

ههههههههه

مقلتلناش رأيك اية بقي ؟


سااااااااافيكو

شوف يا سيدي انت متقدرش تعمم و تقول ان البنت هتقصر ف بيتها

دي بقي مسألة نسبية

يعني في بنات عندها مقدرة انها تشتغل و ف نفس الوقت دة ميأثرش ع البيت

بالعكس دة شغلها دة هيبقي ليه اثر ايجابي ع البيت زي منا قلت فوق

و المفروض ان البنت لو حست ان شغلها هياثر

يبقي من وجهه نظري البيت اولي لانه دة وظيفتها الاساسية

و موضوع فرص العمل زي منا قلت كفاااااااااائة

مش شرط بقي بنت او ولد الافضلية للاحسن

يا رب يكون رايي وصل

و بجد نورتني كالعااااادة

شاااااااااااعرنا الجميل

شوف يا سيدي رأيي لو خطيبي ان شاء الله رفض

الحاجات دي المفروض نتفق عليها قبل الجواز مش بعده

المهم لو حصل و رفض الفكرة

لا طبعا مش هسلم هتناقش معاه و هفهمه وجهة نظري و هسمع منه

و هفهمه انه بيتي هيبقي رقم وااااحد و ان الشغل بعديه و بعد البيت

و اني لوحسيت بتقصير اكيد من غير ما يقلي هسيب الشغل

و هحاول اوصل معااااه لحل وسط

لازم احنا الاتنين نبقي راضيين تمام عن قرار زي دة عشان متحصلش مشاكل بعد كدة

و انا عن نفسي شايفة اني اقدر اوفق بين الاتنين

و بردو لما اشتغل هيبقي زي منت قلت كدة

بضواااابط تحفظ للمرأة انوثتها و كرامتها

يعني تبقي شغلانة محترمة في مكان محترم و مواعيد مناسبة

عشان لو الشغل هيبهدل الست و يقل كرامتها تبقي قلته احسن

بس اللي يدور كويس اكيد هيلاقي شئ مناسب

و لازم تبقي في مرونة فكرية مينفعش التفكير المتحجر دة

كله يتحل بالنقاش و التفاهم

و طبعا زي منت قلت مفيش مانع انه الست تساعد ف البيت

بس الراجل يفضل راجل ليه رأيه اللي يحترم و عليه المصاريف

و مهما عليت الست برة بيتها ف الوظيفة مش لازم ابدا تنسي انه دة جوزها

و انه لو عليت برة مينفعش تعلا عليه

انا حاولت اوصل وجهة نظري علي قد ما اقدر

يا رب تكون وصلت و معلش طولت عليك

بشكرك ع النقاش الجميل

و منورني دااايما

أنا اللي بشكرك يا هند وأرجو إنك تكوني فهمتي وجهة نظري كويس

وتعليقك وشرحك في منتهي الروعة

تقبلي مروري مرة كمان

شااااااااعر

ربنا يكرمك و وجهة نظرك واااصلة

و اسعدني مرورك كمان مرة


ستاااااااااايل

معلش يبقي انا فهمت غلط

و انا اتفق معااااك ف الرأي دة

نورتني كمان مرة

شوف يا رسمي هو الموضوع دة ف الاخر

نسبي جداااااااا

بيختلف من بنت للتانية و من ظروف لاخري

لكن لو هنتكلم عن الواقع بقي

يبقي العيب فينا كلنا و ف العقلية بالتحديد

لو كل واحد ظبط عقليته و نفسه

اكيد الوضع هيختلف

و طبعا لكل قاعدة شواااذ زي منت قلت كدة

نورتني كمااان مرة

رسمي

يا ريت زي منت بقتول

نورت كمان مرة

الامووووورة

احترم وهة نظرك طبعا و زي ما رسمي قال

رحم الله امرئ عرف قدر نفسه

و طبعااا امورة لايق عليكي

عرفتيني و لا لأ ؟؟؟؟؟؟؟؟؟؟؟؟؟؟

وحشاني و الله و طبعا نورتيني

غزووووول

فعلا خير الكلام ما قل و دل

بشكرك ع المرور دة