بجد مش لاقى عنوان للتوبيك

هههههههههههههههههههه

ههههههههههههههههههههه

ههههههههههههههههههههههه

غريبة !!!..صح؟؟

عادى عادى ماتخدوش فى بالكم

أصل أكتشفت ان احلى شئ فى الدنيا

انك تكبر و ماتحطش فى دماغك

و لا تتعب أعصابك

و لا تحرق دمك

و تشغل تفكيرك

عارف لما تبئا شايل هم حد اوى

و زعلان و مقهور

و يارب هيعمل ايه ؟؟؟

و يتصرف ازاى ؟؟

و تفضل اتصالات صبح و ضهر و عصر و مغرب و عشا

طب وصلت لايه ؟؟

طب ايه الاخبار الوقتى؟؟

و بعد ما خلاص قلبك هيقرب يقف

تلاقيه بيرد عليك باستخفاف

خلاص بئا أنا زهقت اوف

و الموضوع دا أصلا ماكنتش حاطه فى دماغى اوى

كبر ياعم كبر

تقوم تتصدم صدمة كبيرة اوى

و تحس انك كنت شخص تقيل عليه

و عاوز الارض تنشق و تبلعك

عارف لما تحس انك عايش عالم من المخادعين ؟؟

و باصرار عجيب بتحاول تقنع نفسك انهم لا يمكن كدا

و فى كل موقف ربنا بيوريك و يشهدك انهم فعلا مخادعين

و انك لا يمكن ابدا تصدق كلامهم

لكن ترجع تسئ الظن بنفسك و تقول بلاش نظلم

خلينا ناخد المواقف دايما على حسن الظن

و بعدين بردوا تكتشف ان احساسك و رسايل ربنا ليك كلها فى محلها

اد ايه بتزعل على نفسك

و تدعى ربنا من قلبك اوى انه يهديك لحد صادق و صافى

عارف لما تشوف حد و تبهرك فيه حاجة ؟؟

حاجة كويسة يعنى ، خاصة لو تدين

و تلاقى الناس نتتكلم عليه ياما هنا ياما هناك

و تقعد معاه تنبهر بجد

تحس انك لقيت حد ممكن تستشيره فى بعض الامور

عن علم و خبرة

و بعدين فى لحظة ما او موقف ما

تكتشف ان كل دا سراب

و ان الافعال و الاقوال يختفى وراءها عقل صغير اوى

و احيانا يكون اسير الانا

اد ايه بتزعل عليه اولا ..

ثم على نفسك ، تحس فعلا ان معدتش حد اهل للثقة

عارف لما تكلم شخص عن مشكلة ما

او تطلب منه طلب

و يعمل فيها الجنتل و الشهم

و اطلب و قول انت تؤمر امر

و يحسسك انك بئا ملك الزمان

و بعدين ... الصمت الرهيب

و أحيانا يتهرب منك كمان

و اه بئا لو فعلا الامر دا حيوى و متوقف عليه أمر مهم بحياتك

اد ايه بتحس انك كنت ساذج عشان وثقت بيه

و كمان أمور كتير فى حياتك بتتعطل بسبب الشخص دا

عارف لما تعيش أحلامك ،

و ترسم طموحاتك ..

و تعيش فى عالم الخيال و المثالية

و بعدين تحاول تطبقه على أرض الواقع

فتتهشم كل احلامك على صخرة الواقع الناتئة

و تلاقى الكل بيقولك عادى

احنا كنا كدا

و بئينا كدا

و انت بترفض تبئا كدا

و تفضل فى الصراع المرير

و ماحدش فاهمك و لا بيحس بيك

و بيقولك كبر؟؟!!

عارف ...

عارف ...

عارف...

حاجات كتير اوى ...

لكن فى النهاية اللى أقدر أقولكم انى توصلت له

اننا نعيش عالم من الخداع .. فلا تحاول الهروب

و لكن حاول التعايش

لا أحد يمكنك ان تثق به اطلاقا ..

لكن هناك العديد من الاشخاص يمكنك ان تحبهم و تقربهم منك

فعلا ماحدش بيقدر المشاعر صح ..

لو كل واحد فينا يخاف على مشاعر التانى ماكنتش الحياة تبئا صعبة كدا

كل انسان بيرسم المثالية ، لكن للاسف محدش بيعيشها ..

فحاول ان تتقبل الواقع بنظرة مثالية ..

و أحلى حاجة اكتشفتها ..

انك فعلا مش هتعرف تعيش الا لما تكبر...

لكن ..

كل ماحاول اعمل كدا ،

بأتضرب قلم صعب اوى .. عشان أفوق

قلم بيقولى .. الحياة مش كدا

و ربنا مش عاوز مننا كدا

و إذا كانت الناس أصبحت بهذا الحال

فاحنا مش مأمورين اننا نسايرهم ونعمل زيهم

احنا مأمورين نبئا زى ما ربنا بيقول بسسسسسسس

و ترجع تانى تعمل زى ما كنت بتعمل

و ماتلاقيش غير انك تقول : يارب صبرنى ... وقوينى .

يارب صبرنى وقوينى

اه منا واخد بالي يا عيني كل شوية تغير العنوان من الصبح

بص انا هقرأ الكلام واختارلك عنوان

اشطة يا مان

بص يا رسمي طبعا كلامك ممكن يكون صح
بس مش كل الناس كدة مش يمكن انت مش عرفت
تختار الناس اللي بتثق فيهم صح ولا اية
وبعدين بص لنص الكوب المليان مش يمكن ربنا
عايز يعلمك درس معين من اللي حصلك دة ولا اية
عارفة احساسك لاني تقريبا جربتة ومن اقرب الناس ليا
بس عارف احسن حاجة انك افكر في اللي اتعلمتة اه
هتتوجع شوية وتتالم حبتين بس لما يقابلك موقف تاني
زي دة ها تتحك علشان خلاص اتعلمت
وعيش تجارب حياتك واستفيد منها ومفيش حاجة
ها تتعلمها كويس ومش ها تنساها غير لما تتوجع
منها معلش طولت عليك بس موضوعك اثر فيا
تحياتي رسمي

اية يا معلم الحباط دة ولا يهمك يا مان خدها ببساطة وطالما ان هذا الشخص كدة نفضلة ومتحولش تسال علية تاني وربنا يقويك

جميل يا رسمي وأنا حاسس بيك ، لكن برضو أنا مع غزل لما قالت ، يمكن إنت ما عرفتش تختار الناس الكويسه

وزي ما قال تامر عاشور (( مش مهم خدعني مين ** لسه في ناس طيبين )) صح ؟؟؟

ربا معاك يا رسمي يارب

تقبل مروري

موضوعك يا رسمى بأختصار

بجد مش لاقى عنوان للتوبيك Heart-break03