عالم مجاملات.......

السلام عليكم

انهارده حابب اتكلم معاكو عن المجاملات

وهل فيه فرق بين المجاملات والنفاق...؟؟؟

وامتى نقول المجاملة وامتى منقولهاش ونسكت احسن؟؟؟؟؟

وامتى بتحس انى المجاملة بتتحوووول لنفاااااااااق؟؟؟؟

..........................................

عايز اعرف وجهة نظركم ف الموضوع ده
لانه كل واحد فينا بيتعرض للموضوع ده يوميا
انه بيجامل او بيتجامل

وعاوز اعرف هى المجاملة نوع من انواع التشجيع !!!!

وانا هقولكم وجهة نظرى ف الموضوع ده
بس بعد معرف ارائكم المفيدة...

وعليكم السلام ورحمة الله

اكيد في فرق بين المجامله والنفاق

لو المجامله زادت عن الحد تبقى نفاق

بس للاسف انا وحده من الناس استاذه تثيبت ومجامله

ونسي بجد ابطل العادة دي ومش بعرف

الا لو مخنوق من حد مش بعرف بصراحه اجامله

اما امتى نقول وامتى ما نقلوش مش عارفه

بس اعتقد ان لو المجامله دي هضايق حد تانى يبقى بلاش منها
وممكن لو هتزيد اوى معاك في المجامله يبقى بلاش احسن

بس مش الواحد يبقى صريح اوى يزهق الناس منه

وطبعا المجامله من انواع التشجيع وزياده الثقه كمان يعنى تخلى الواحد واثق من نفسه حتى لو هو مقتنع انها مش حقيقه بس بيكدب على نفسه يعنى هههههههههههه

وتحياتى لك يا مصطفى

أتفق مع هذا الكلام
كلام مروة يعني
وبصراحة فعلا الواحد زهق من المجاملات و ف نفس الوقت ميقدرش يستغنى عنها
يعني لو جاملت واحد يقولك لأ متجاملنيش
ولو مش جاملته يقولك انت بتحبطني يا أخي جاملني
يعني مش عارف بس انا بكرة النفاق اوي والمجاملة
بس لا ننسى فضل المجاملة ف ان فيه ود بين الناس
بس عارف لو انتهت المجاملة اعتقد الانتاج هيبق افضل ف كافة نواحي العمل

تسلم ع الموضوع يا درش

موضوع جميل يا درش
بس اكيد فى فرق بعد اضافتى لكلام مروة لانه صح جدا
لما تجامل شخص بكلام الكلام دة غير صحيح يعنى مش موجود فيه
دة نفاق بعينه!!!!!!!
بس انا واحد من الناس بحب الصراحة اوووووووى ومبحبش اجامل كتير
ولونى بلجا للحوار دة كتييييير بس الصراحة اكتر وعشان كدة ببقى خايف اللى قدامى من كتر
صراحتى تزهق من كلامى وصراحتى او تزعل
بحس ان اللى بيثبت هو الكسبان

امتى بقى يا درش؟؟
لما تحس ان لما تقول كلمتين حلوين ملهمش ضرر لشخص هيحلوا حاجة معينة او
يمشوا حاجة او مصلحة معينة او هيحلوا مشكلة ايه المشكلة بقى جامل ثبت يعنى؟؟

مروة
شكرا لمرورك وتعليقك الاكثر من رائع
انتى اكيد حد مش بيجامل لانى الكلام الجميل والاخلاق الحميدة
بيطلعوا منك بصورة تلقائية وعادية...دى تربيتك الجميلة
نورتينى بمرورك
ميلانوووووووووووووووو
من غير مجاملة....انت عسل..هههههههه
عجبنى اوى اخر سطر ليك بتاع زيادة الانتاج.......
وكأنى بتتكلم مع محلل اقتصادى..هههه
تسلم يا مان على مرورك وتعليقك
وتسلم على تظبيط الموضوع يا جميل
درش
والله عارف انك صريح....دانتا عشرة عمر يابنى
وشكرا على تعليقك الرائع........
شكرا ليكم يا جماعة على مروركم........
من غير مجاملة..نورتونى..

جيه بقا دورى عشان ارد على الموضوع ده
المجاملة حاجة جميلة وحساسة قوى......
وبتأثر فينا.....بس اى مجاملة؟؟؟؟؟؟؟؟
انا شايف انى المجاملة اللى فيها تعبير عن الراى بصورة
زايدة شويتين وبغرض تشجيع اللى بقوله المجاملة..ومن غير نفاق
هى دى المجاملة اللطيفة اللى تشجعنى ومحسش انى اللى قدامى بيضحك عليا
وبيستعبطتى......
يعنى يكون الشيئ اللى قدامى فعلا كويس بنسبة 70 ف الماية مثلا
فانا طالما مقتنع بيه هقوله ان الشيئ دا جميل اوى اوى...
عشان اشجعه...لانى القدرات والمهارات بتظهر مع التشجيع
اما بقا انه لو انا لو مش مقتنع اصلا بالعرض اللى قدامى
واجى اقول لصاحبه...الله دا جميل اوى...
ورائع ومدهش وكلام من القبيل ده.....
دا بقا النفاق بعينه والعياز بالله
ارجو انى اكون وضحت وجهة نظرى ف الموضوع ده
وشكرا لمرور وتعليق كل الناس الجميلة

اللى نورتنى