هل هناك صداقة بين الشباب و البنات . . . ؟ ؟

السلام عليكم يا جماعة

طبعا هو الموضوع واضح من العنوان و انا حابة اسمع

ارائكوا ف الموضوع دة بمنتهي الوااااقعية و من غير تعصب

ف ظل مجتمع و وسط اختلطت فيه المفاهيم و تعددت فيه الآراااااااااااء

هل انت شايفين انه ممكن تكون في صادقة بين الشاب و الفتاة ؟؟؟

لو قلت اه يا ريت تقول اه لية

و لو العكس و قلت لا يبقي لا لية

اتمني اسمع منكوا آرائكوا ف الموضوع دة

و اتمني كمااان انكوا تقبلوا مني تحية عطرة ليكوااااااا

حمدلله ع السلامه يا ايجبت ايوة كده ارجعى نورى المنتدى بمواضيعك و طبعن اكيد فى صداقه و علاقات جميله كده فيها موده بينهم بس طبعن فى اطار المسموح

ثانكس و نورتى القسم بتاعى ههههههه

الله يسلمك يا سافيكو و المنتدي منور بأصحابه و انت منور قسمك
اما بقي بالنسبة لردك افهم منه انك شايف انه في صداقة بين البنت و الولد
طيب لو فهمي صح يبقي من وجهة نظرك اية المسموح اللي انت بتقول عليه ؟ ؟ ؟
لان اختلاف الحدود و المسموح هو اللي بيعمل اختلاف آراء و دة اللي احنا عايزين نناقشه مع بعض
بس انت طبعا نورتني بمرورك الجميل سافيكو

بصي يا ايجيبت احنا دلوقت ف عالم غير زمان خالص

يعني دلوقت كل حاجة اتغيرت والحال اتبدل 360 درجة

وانا شايف ان الصداقه بين الشاب والفتاه
من ناحية المبدأ والصداقه العاديه البرئيه الخاليه من اي مصالح مفيهاش مشكله ومن الممكن ان تتكون صداقات كهذه الصداقات
طالما ان العلاقه معروفه انها صداقه وكل طرف بيلتزم بحدوده ما في اي مشكله في ذلك

لكن

اللي بشوفه ف بعض الاحيان ان بنت تجري ورا ولد او بنت تقعد تضرب ف ولد بالكشكول دي حاجة مرفوضة تماما وغلط أوي

لأنه وببساطة لو كانت البنت دي عامله حسابها انها هتتجوز الواد ده بعد كده

هوه هيقعد مع نفسه ويقول طالما بتعمل معايا كده ممكن تكون بتعمل كده مش ناس تاني

ويقول الحق نفسي احسن وابعد وبكده البنت تكون قضت ع نفسها و ع سمعتها

و ف الآخر اكيد زي ما ف الحلو فيه كمان اللي مش حلو

والبنت طالما محترمه نفسها محدش هيقدر يتكلم عليها

وهتكون الصداقة صداقة ايجابية وقد تدوم ويترتب عليها زكريات جميلة

وممكن تنتهي بسرعة إذا البنت مش احترمت نفسها واحترمت أنوثتها

ويترتب عليها الندم طول العمر

ياريت تكون وجهة نظري وصلت

وسوري ع الإطالة

موضوعك جميل يا ايجيبت

حمدالله ع السلامة ويارب تكوني منورة ع طول المنتدى

اولا ثانكس يا ايجبت ع ردك الجميل ده ربنا يكرمك

اسمحيلى ارد ع ميلانو الاول

يا ميلانو كل ده اسمه هزار عادى يعنى لما تجرى وراه و تضربه بالكشكول الشاب و الانسه دول وصلو لمرحله انهم بقو اكتر من الاخوات و اكيد الهزار ليه حدود طبعا مش مسموح يكون فى هزار زائد بس اللى انت بتقول عليه ده من وجهه نظرى شىء عادى شويه الشاب ده والانسه لو عملو كده قدامك يبقى هما متاكدين ان اللى بيعملوه مش غلط وكويس انهم بيتصرفو ع طبيعتهم قدام الناس

بس طبعن لازم البنت تكون عندها نوع من الاحترام لذاتها و تعرف ان الهزار بالايد بيقلل من احترام الناس ليها وبيجرأ الشاب عليها

اما عن رأيى عن الحدود المسموح بيها

اولا مفيش ولد بيصاحب بنت الا لازم تكون فيها حاجه عجبته شكلها مثلا طريقه تفكيرها وكلامها مع الناس او يكون دمها خفيف مثلا

فالبنت فى اغلب الاحوال هيا اللى بتضع الحدود لأنها لو عملت استوب ع موقف معين عمله صاحبها اكيد لو بيحبها كصديقه مش هيعمل كده تانى عشان ميزعلهاش و بكده هيا بتحدد اطار الصداقه

و من وجهه نظرى ان علاقات الصداقه بين الولد و البنت لازم يكون فيها نوع من الحب البرىء الاخوى عشان الشاب يحافظ ع البنت اللى مصاحبها

ده رأى شخصى انا بس المسؤل عنه

لأ لأ لأ متلغبطش يا سافيكو
يعني مثلا تقبل ان اختك تهزر بالطريقة دي تجري وتضرب بالكشكول
يعني لازم قبل من نقول اه او لأ نشوف إذا كنا نستحمل الكلام ده ع حد من قرايبنا ولا لأ
إنت ممكن تشوفه حاجة عادية
لكن بالنسبة ليا لا طبعا

وطبعا الإختلاف ف الرأي لا يفسد للمشرفين قضية ههههههه
وبما إني مشرف أقدم منك فلازم تمشي رأيي وتقتنع بيه وليك كانز هدية هههه

اولا وحشتينا يا هند
بصي ياستي صداقة يعني ليها صلاحياتكتيرة يعني
صديقي هانزل معاة ازورو ويزورني يعني احنا اصدقاء في كل مكان
لو حصل كدة بين الولد والبنت تكون صداقة طبقيها علي صداقتك مع بنت
تعالي بقي من منظور الدين فهو حرام ماحدش يقدر يقول غير كدة
اما المنظور الاجتماعي بصي مش كتير من الشباب بيقبلو يرتبطوا ببنت لها
اصدقاء اولاد طبعا لوبيحبها علشان ماينفعش وبركز لكل قاعدة شواذ
طيب طبعا البيت وكل الناس لازم تكون عارفة انها صداقة بس
بصي انا اعرف بنت لها اصدقاء اولاد وهم نفسهم اللي بيقلولها خفي
هزار خلي بالك من طريقة تعاملك لانك كدة ممكن ماترتبطيش طيب
اذا كان راي اصدقئها كدة مابالك بالناس التانية
بس ممكن تحسي ان الشاب اللي امامك دة زي اخوكي يعني تسلمي علية
تعرفي اخبارة ولو مضايق تحاولي تتكلمي معاة ولكن دون اطالة في الوقفة
او في طريقة الهزار او الضحك وبعدين اية يحصل لو كل واحد صادق من جنسة
سوري طولت بس موضوع جميل قوي تسلم دماغك
بس دة رائي واتمني محدش يتضايق مني

بصى يا هند موضوعك جميل طبعا وبجد يجبر الواحد انه يرد عليه
انا رايى ان اه فى صداقه بين الولد والبنت طبعا كماله لكلام ميلانو لكن بردو فى حدود
يعنى مش لازم يهزروا مع بعض بالايد طبعا دى حاجه مرفوضه للبنات
لان مهما كان اللى قدامك ده اخوكى فى الاول وفى الاخر ده ولد وانتى بنت
يعنى الناس لما تشوف الهزار ده مش هيقولوا دول اصدقاء لالا هيجيبوا العيب عليكى انك سمحتى للولد ده انه يتعدى حدوده معاكى
لكن طبعا متفقه مع الناس اللى قبلى ان لازم الصداقه دى يكون فيها حب اخوى برى ويكون الولد هيحافظ على صديقته دى لاانها ذى اخته
اسفه للاطاله

اولا مفيش حاجة اسمها صداقة بين الولد والبنت!!!!!!!!!!!
اصبروا بس متستغربوش
بس فى حاجة اسمها زمالة بين الولد والبنت
يعنى دى زميلتى وبس اتكلم معاها اطمن عليها اسالها فى اى حاجة فى الدراسة ابحاث كدة يعنى
لكن صداقة اسلم عليها بايدى واحكيلها اسرارى زى اى ولد انتيم صاحبى او انى ازودها اوى دة مينفعش
غير بقى لو بتحبها فعلا يبقى عادى بس بتحبها حب ارتباط وف الحالة دى يبقى عشان بتحبها لازم تكون بتغير عليها لانى فى نظرى اللى مش بيغير على خطيبته او اللى بيحبها مش راجل ولا يستحق الكلمة

اشكرك ايجيبت ع مواضيعك الحلوة وحمدلله بسة

احييكى ع الموضوع يا ايجيبت
بس اسمحيللى ف الاول اعلق على كلام مصطفى
مصطفى انت كده خلطت الامور مع بعضها............
الزمالة والصداقة مع بنت........غير البنت اللى انت بتحبها ومرتبط بيها خالص
ثانيا.....
ليه لاء متكنش فى صداقة بين الولد ولبنت........!!!!!!!!!
ولكن السؤال....ايه هو الاطار المشروع بتاع الصداقة دى ؟؟؟؟
اولا..لما اجى اتعامل معاها هعاملها كأخت ف جميع الاوقات والاحوال والظروف
ثانيا... طبعا مفيش حاجة اسمها اجرى وراها وتجرى ورايا...الكلام دا فارغ طبعا

مع احترامى لما سبق
ثالثا مأكلمهاش ف اى حاجة وبس واى موضوع وخلاص..
لانى منساش انى بتعامل مع انثى..........
معديش عليها ف البيت مثلا ولا هى تعدى عليا....احنا عايشين وسط ناااااس
رابعا.. لازم اهلها قبل اهلى كمان يعرفوا بالصداقة دى.........
دا مختصر وجهة نظرى ارجو التقبل....... وخالص تحياتى وتقديرى....

لا انا مقصدش اخلط بين الاتنين طبعا دى لها وضع ودى وضع تانى خالص اكيد اللى بحبها تبقى كل حاجة فى حياتى غير اللى مزاملها دى حاجة
تانى حاجة يا مان طب ما انت قلت اللى انا اقصده انا مش بقول مفيش صداقة فى حاجة اسمها زمالة يعنى تبقى فعلا زى اختك فى كل حاجةوتعاملك وكلامك انا معاك وموافق على كلامك بيييسسسسسسس يا مان

انا اتكلم عن نفسي ان ممكن تكون في صداقة بين الولد والبنت بس طبعا في حدود وانا بالنسبة لي كل البنات اللي بكلمهم اصحابى واخواتي الا طبعا بنت واحدة

قبل اي رد مني او تعليق حابة اشكركوا ع التفاعل الجميل دة

و المناقشة الاجمل دي بجد

ميلااااااااااااانو

وجهة نظرك ف الجزئية الاولانية واضحة طبعا

و بالنسبة للجزء التاني و الهزار غير اللائق انه البنت تجري ورا الولد و الكلام دة

دة طبعااااا شئ مرفووووووووض تماما

لانه دة بغض النظر عن وجود صداقة او لأ دة طبعا فيه تقليل من احترام

البنت لنفسها مش بس عشان الولد هيفكر فيها ازاي

لأ منظرها هي قدام نفسها اهم و اولى

و بالنسبة للجزئية التالتة فانا معاااك فيها لانه البنت المحترمة محترمة

و بتجبر الناس انها تحترمها

سواء بقي كانت مع مبدأ الصداقة بين البنت و الولد او ضده

و انت طبعا مطولتش و لا حاجة لانه

انت و كلامك نورتوني و الله

و احييك ف الاخر علي ردك الواقعي العاقل دة

سااااافيكو

انا طبعا وجهة نظري تختلف معاك ف اول جزئية لانه الهزار بالأيد بين البنت

و الولد مرفوووض

و مش الهزار هو اللي هيخليهم اخوات و اكتر يعني مش هتتحسب كدة

و انا بجد بحييك ع الجملة اللي انت قلتها دي

بس طبعن لازم البنت تكون عندها نوع من الاحترام لذاتها و تعرف ان الهزار بالايد بيقلل من احترام الناس ليها وبيجرأ الشاب عليها

معااااك جدا ف الجزئية دي

بالنسبة للجزئية التانية و الحدود المسموح بيها فانا

اختلف معاك بردو ف انه ممكن الصداقة تتكون عشان شكل او خفة دم الطرف التاني و بس

لا من وجهة نظري في حاجات اهم من كدة و هي الشخصية و طريقة التفكير

و طبعا الشكل و باقي الحاجات دي مكملات

سواء بقي صداقة مع بنت او ولد

و بالنسبة لانه البنت هي اللي بتحط الحدود فأنا معاك ف النقطة دي

بس دة مش معناه انه الولد يكون امعة بناءا علي حدود البنت

لا هو كمان لازم يكون ليه حدود البنت متتعدهاش

لانه في بنات دلوقتي جريئة اوي و بتحتاج انه الولد هو اللي يحطلها الحدود

و طبعا زي منت قلت اي صداقة لازم اساسها الحب الخالي من المصالح

اتمني اكون قدرت اوصل وجهة نظري

و اختلاف الرأي لا يفسد للود قضية

نورتني بجد يا سافيكو

غزل

انتوا اللي بتوحشوني و الله ربنا يعلم

بالنسبة للموضوع دة من منظور الدين فانا سمعت معز مسعود

و ملخص كلامه انه الكلام يكون محدووووود جدا و عند الضرورة

و انا عن نفسي و بمنتهي الواقعية مش بعمل كدة

بس ف نفس الوقت عمري ما هوصل لدرجة انه الولد هو اللي يقلي خلي بالك

من هزارك او من معاملتك عمرها متحصل ابداااا

و بالنسبة لمنظور المجتمع ليها فطبعا في شريحة كبيرة من مجتمعنا رافضة

الموضوع دة و انا اعتقد انه الرفض دة بناءا علي فهمهم ان الصداقة دي حب

يعني مش قادرين يفهموها بالمعني البرئ ليها

و دة طبعا لانه ف الغالب الصداقة دي بتتحول لتعود يتبعه حب

دة ف الغالب بس طبعا مش دايما

بس انا مبسوطة بردو برأيك و انتي نورتي الموضوع يا سكرة

سااااااد

طبعا انتي كلامك دة انا مقتعنة بيه جدا

بس اهم حاجة الحدووووووووود

و ف كل الاحوال الصداقة بين البنت و الولد عمرها ما هتوصل لدرجة

الصداقة بين ولدين او بنتين

و هي بردو مرحلة متقدمة شوية عن الزمالة

يعني انا شايفة انها حاجة وسط كدة بين الاتنين

كل الاحترام لرأيك و كل الحب ليكي يا قمر

السوهاااااجي

هو انا شايفة انك خلطت بين الصداقة و الزمالة

لانه انت بتقول كلامكوا هيبقي ف حدود الدراسة و استححالة تحكلها اسرار

و جيت بعد كدة وافقت علي كلام المحامي

حيرتني بصرااااحة

بس انت دايما تنورني بمرورك الجميل دة

المحااااامي

مفيش بعد رأيك و كلامك دة لانه دة بردو مختصر وجهة نظري

اهم حاجة البنت تحترم نفسها و اهلها يكونوا علي علم بتصرفاتها

انت بجد جبت م الاخر

تقبل تقديري و احترامي

نورتني بمرورك الرائع دة

ستاااااااااااايل

وجهة نظرك واصلة

بحييك و بشكرك ع المرور

ههههههههههه والله يا هند انا اشك ان فى بنت اعرفها ف اى مكان عندها نفس عقليتك دى بجد مشاء الله عليكى بحس انك مبتغلطيش ارائك علطول صح مش اقدر اقول غير ربنا يحفظك

و الله كلامك دة انا افتخر بيه بجد و مش عارفة اقول اية بجد
بس انا اكيد بغلط لاني بشر
بس خليني اقلك حاجة انا يمكن زي منت قلت آرائي اغلبها صح و لكن ف الحقيقة مش دايما ببقي صح لانه انا قبل مكتب ع المنتدي بفكر عشان اقول الحاجة الصح اللي تفيد اللي قدامي
بس ممكن ف الحقيقة مفكرش كويس او يبقي ليا رد فعل غلط دة طبعا ناتج عن المؤثرات اللي حواليا و يمكن اقول رأيي لحد ف موقف معين و لما اتحط انا ف نفس الموقف مبقدرش افكر كويس و يمكن اعمل حاجة غير اللي انا نصحت بيها و دة طبعا ناتج عن الظروف اللي حوالين الواحد و بس
صدعتك معلش بس كنت حابة اوضحلك بس
دايما منورني كدة

صدعتنينى؟؟؟؟؟؟؟ بالعكس خالص والله انا عارف طبعن ان الواحد لما بيتكلم هنا ف المنتدى بيفكر كويس قبل ميتكلم عشان كده فعلن فى ناس شخصيتها ف الحقيقه غير المنتدى

اند ثانكس ع الرد

لااا بس انا شخصيتي واااحدة ع المنتدي و برة
بس الفكر اني ع المنتدي بدي نفسي فرصة كويسة افكر فيها
و شكرا ليك انت ع المتابعة

لا ولا تحتارى ولا حاجة يا ايجيبت
انا بقول نفس الرد منع المحامى على انه

ولكن السؤال....ايه هو الاطار المشروع بتاع الصداقة دى ؟؟؟؟
اولا..لما اجى اتعامل معاها هعاملها كأخت ف جميع الاوقات والاحوال والظروف
ثانيا... طبعا مفيش حاجة اسمها اجرى وراها وتجرى ورايا...الكلام دا فارغ طبعا

يارب تكونى فهمتى وجهة نظرى ازاى
انا مش بخلط بين الصداقة والزمالة بس انا شايف ان الصداقة لها معانى كبيرة اوى مش ينفع تتقال على الولد للبنت يعنى ينفع انتى تقولى لزميلك او صديقك ايا كان اللى بتقوليه مع صحبتك؟؟؟ طبعا لا
لكن الزميلة هى الاخت العزيزة صح

شوف يا مصطفي انا هقلك علي حاجة

و دة يمكن كان نفس ردي علي موضوع شبه دة

انت لو هتتكلم علي الصداقة بمعناها الحقيقي

اللي هو اتنين بيعرفوا كل حاجة عن بعض و دايما مع بعض

و اكتر من الاخوات

و هيفضلوا مع بعض سواء بقي اتخطبوا او خطبوا او اتجوزوا

و كل مقومات الصداقة اللي بجد

يبقي فعلا زي منت قلت كدة هي اكبر من انها تكون بين بنت و ولد

لكن احنا بنقول صداقة مجازا يعني صداقة محدودة

بمعني انه في حدود و حدود كبيرة كمان

حدود تخليني اقدر اتعامل مع الشخص دة بنفس الطريقة سواء اتخطبت او غيره

فاهمني

يعني زي منا قلت كدة هي اكتر من الزمالة

لانها ممكن تشمل الكلام عن البلد عن مواضيع و امور عامة

او حتي نصايح شخصية

بس كله يبقي بحدود و احترام

يعني احنا مش هنختلف ع المسمي

لكن الفكرة ف الحدود

منا ممكن اقلك دة زميلي

و حدود علاقتنا تعدت الصداقة و الاحترام

فاهمني

يعني انا حاولت بقدر الامكان اوضحلك وجهة نظري

و اللي انا شخصيا ماشية عليه

نورتني مرة تاني