رايك عن الغيرة...تعالى ندردش

انهردة جاى عشان نتكلم فى قول رايك بصراحة عن موضوع مهم جدا وحوار
فى غاية الاهمية الا وهو الغيـــــــــــــــــــرة.......يلا بينان ندردش ونتكلم عنها

عندما تغار المرأة .. تبكي

وعندما يغار الرجل .. يصمت

عندما تغار المرأة تكره الرجل

وعندما يغار الرجل يكره نفسه !

::: أحياناً :::

يغار الرجل على امرأة تحبه

حتى لو لم يكن يحبها .

وتغار المرأة على رجل يحبها

حتى لو لم تكن تحبه !

أجمل أنواع الغيرة: غيرة الحب ..

وأسوأ أنواع الغيرة:غيرة الحقد .

من بوادر الغيرة

اشتعال المرأة، وانطفاء الرجل

تسعد المرأة بغيرة الرجل الذي تحبه

وتختنق بغيرة الرجل الذي يحبها ولا تحبه!

::: نحن :::

نغار على الذين نحبهم لأننا نحبهم

ونغار على الذين يحبوننا لأننا نحب أنفسنا !

لا تعبر عن حبك لهم بالغيرة ..إذا كنت غير متأكد من إحساسهم تجاهك

فقد تكشف لحظات ضعفك لمن لا يستحق!

ما أكبر الفرق بين الحب والغيرة ..

فالحب الكبير يولد الغيرة، والغيرة الشديدة تقتل الحب

......................دلوقتى محتاج انكم تتكلموا واسمع كل ارائكم عن الغيرة
ومميزاتها وعيوبها ودى حاجة كويسة ولا لا والى اى درجة........ارجو التفصيل فى الشرح بليز

اوك احييك اولا
بص يامصطفي لازم نتفق علي اللي يذيد عن حدة يتقلب ضدة دة اساسي
اذا طبقنا الكلام دة علي الغيرة
الغيرحاجة حلوة بمعني ان بيقولو الغيرة دليل الحب يعني لما بغير علي انسان قد يكون
صديقة او حبيب يعني بحبة ويهمني ولو بيغير عليا اكيد هفرح علشان بيحبني واهمة
دة من المميزات واحيانا بتكون مش عارف انت نفسك بتحب الانسان دة ولا لأ بس لو حد
قرب منة بتحس احساس غريب وانك عايز تاخدة من الناس لو حسيت كدة انت اكيد بتحبة
او علي الاقل بداية حب او يهمك ميزة برضة يعني بتساعدك الي حد ما في تحديد احساسك
اما عيوبها الغيرة القاتلة اللي ممكن بسببها انك تكرة احساسك بالانسان اللي بيغير عليك او بتغير علية يعني خير الامور الوسط غير براحتك من حقك بس مع الغيرة في ثقة كبيرة
وخوف علي اللي بتحبة
انا كبنت بشوف الغيرة المعقولة الطبيعية شئ جميل ومطلوب في الحب وبيصحي الاحساس
لو كان فتر شوية والرجل الغيور انا احترمة جدا اما الغير غيور علي حبيبتة وعلي كل شئ فيها انا لا احترمة سوري انا احب اني اغير علي حبيبي مستقبلا يعني بس الغيرة الحلوة
اللي تبسطة مش تخنقة والرجل متهيالي انة مش بيحب الخنقة مش عارفة
دة راي الوسطية حلوة
سوري طولت بس انت اللي جبتة لنفسك عايزين نعرف رايك يامان تحياتي يافتي

والله انت رايق يا درش
يعني خلصت كل الأبحاث اللي هنقدمها بكرة وجاي تدردش
اه يا موس
ع الحموم هقولك رأيي بعدين اكون خلصت من هم بكرة
والنيلة الكبيرة امتحان الايطالي
اول مرة احسد حد انه الماني هههههههه
وحسبي الله ونعم الوكيل ف الدوك

الموضوع رائع

والغيره ممكن نقول عليها سنه من سنن الحياه

تقبل مروري يامان

كتب / شاعر الشباب

فعلا انا مع احمد هي سنه من سنن الحياة

ومع غزل اللى يزيد عن حده يتقلب ضده

يعنى الغيره جميله جدا في الحب دايما بتعمل اتعاش للمشاعر بين الاتنين وكل واحد يحس ان التانى بيحبه لما يغير عليه

بس ممكن الغيره تكون سبب رئيسي جدا في انهاء علاقه بين اتنين لما تزيد عن العرف وعن الحدود ممكن تكون انانيه وممكن تكون شك كمان

لا والمصيبه الاكبر بقى ان حد يزهق او يمل من غيرةالتانى اعتقد احساس صعب انك تكون مقيد في تصرفاتك او حركاتك
الحمد لله على نعمة الثقه والغيره الطبيعيه

ويبعد عن اى حد الغيره المرضيه

تقبل مرورى يا مصطفى

اولا اشكرك جدا غزل على اللى قلتيه وانا معجب اوى كل اللى قلتيه لانصه صح الصح
شكرا لمرورك بموضوعى شرفتينى
اما بالنسبة رايك يا فتى؟؟؟ فمش دلوقت شوية كمان اسمع رايكم

ميلانو حرام عليك يا اخى ابحاث ايه ما انت شايف الابحاث اللى بتترفض وبترجع
هههههههههههه كل دة ذنبى عشان شلت الكورة انا غلطان

شرفت موضوعى يا شاعر الشباب

مروة شرفتى موضوعى بجد وانا معاكى فى كلامك وكل حاجة
بس فى نقطة التحكم فى التصرفات والحركات دة مش غيرة؟؟؟ صح

محتاج مناقشات وكلام تانى منكم يا شباب على الموضوع دة

موضوعك جامد يا مصطفي
بس يا غزل اللي بيحب مش بيحس بنفسة بيغير ذيادة عن حدة ولا لأ لانة بيكون خايف علي حبيبتة موت

لا يا مصطفى مقصدش انى اغير على شخص فاتحكم في تصرفاتى

قصدي غيرتى عليه تخليه هو اللى يتحكم في تصرفاته ومايكونش حر في بعض المواقف

وبعدين بجد حاجه متعبه جدا لما تحس ان كل حاجه بتعملها ممكن تضايق الللى بتحبه ممكن توصل لدرجة انك تنعزل عن الناس وتبقى لوحدك علشان تحافظ على احساسه وغيرته

وارد على شاب استايل الغيره هي الحب بس الغيره الشديده احيانا بتكون خنقه او حب تملك

وبعدين بجد حاجه متعبه جدا لما تحس ان كل حاجه بتعملها ممكن تضايق الللى بتحبه ?????????????
لا يا مروة اللى بيحب بجد من جووووووة قلبه لما يعمل حاجة عشان حبيبه بيبقى نقتنع اوووووووى بيها وبيبقى فرحااااااااان اوى انه بيبسط حبيبه وانه اكيييييييد مش فارقة معاه غير حبيبه وبس صح ولا ايه.؟؟؟
ايه اللى يسعده بقى لما يعمل حاجة مش راضية حبيبه؟؟؟؟؟
انا اعارضك تماما يا مروة معلش لانه اللى بيقدم لحبيبه مش بيتعب لانه المفروض انه طووووول عمره هيطول ويتعب صح.........اعقليها صح كدة تلاقينى صح.........وهتلاقيها مش حب تملك خالص بالعكس

لالالا ماقصدش خالص انى اتعب من ارضاء الحبيب

قصدي يتعب من رغبته الشديده في ارضائه

يعنى يفكر مليون مرة في حاجه معينه هى هتزعله او هتفرحه او ممكن يضايق بسببها

يبقى التعب من التفيكر في كيفيه ارضاء الحبيب

فهمتنى ؟؟؟؟؟

هي الغيرة مطلوبه بين اي اتنين بيحبوا

بعض بس تبئى في حدود المعقول حتى

عشان يبقلها طعم حلو بين الحبيبين ومحدش

يتخنق من التاني بسبب الغيرة الزائده وعشان

الغيرة بتحسس الطرفين بنوع من الخوف عليه

سؤال جميل يا m2k

كلامك حلو يا صمت
شكرا لتشريفك موضوعى

StyLe كتب:: موضوعك جامد يا مصطفي
بس يا غزل اللي بيحب مش بيحس بنفسة بيغير ذيادة عن حدة ولا لأ لانة بيكون خايف علي حبيبتة موت

تصدق جميـــــــــــــــــــــــــــل جــــــــــــــــــــــدا يا ستايل وفى حكمة جميلة اوى
وانا موافق اوى على الجملة بتاعتك دى
ويارب تدخل تانى كتير وتطمنا عليك

ثانكس درش والشعور بالغيرة شعور لا ارادي بجد وعلي ما اعتقد ان الغيرة بتدل علي حب الشخص دة وكلما زادت زاد حبة ليها