أيهم أقسى ف نظرك ؟؟

تحاور ثلاثة أصدقاء حول الإحساس الأكثر ألما والأشد قسوة على النفس

هل هو الندم ام الظلم أم الخيانة ؟ ؟ ؟ ؟

قال الأول : إنـه الندم

فقسوته على النفس لا توصف تتمنى لو تعود بك الأيام للوراء حتى لا تفعل ما

فعلت حتى لا تقول ما قلت وكم يأخذ منا أياما نحاول فيها معالجة أنفسنا من

هذا الإحساس المؤلم

وقال الثاني : بــل الظلم

إنه أشد إيلاما للنفس فالندم إحساس داخلي بينك وبين نفسك إذا تصالحت معها

ذهب عنك لكن الظلم إحساس بينك وبين غيرك تحتار نفسك كيف تقنعه انه ظلمك

كيف ترفع الظلم عنك حتى تنسى نفسك هذا الإحساس المؤلم

وقال الثالث : إنــها الخيانة

إنها الأقسى على النفس فمعها تحس بالندم والظلم معا تندم على ثقتك السابقة

فيمن خانك وتشعر بظلمه لك عندما خانك ،إنه صرخة مكتومة لا تجد طريقا

للخروج من نفسك فأي عتاب لا يرضيها وأي كلام لا يكفيها

وانت/ي مع أي الآراء تتفق نظرتك ؟
أيهم أقسى ف نظرك ؟؟ 8177372341570523989

انا قليل لما بندم لانى عشان اختار بحب اخد كل وقتى وتفكيرى فى اختيارى
عشان مرجعش فى يوم واندم ولازم ابقى واثق كل الثقة فى اختيارى ايا كان الحاجة اللى هختارها ايه بس مبحبش استعجل فى الاختيار وارجع اندم بحب افكر كتييييييييير عشان ابقى مقتنع وعندى حاجة لو عندى نسبة عدم اقتناعه ولو 1 % مش هختار الحاجة

اما الظلم الحمد لله مفكرتش فى حياتى انى اظلم حد واكيد ربنا مش هيبعت اللى يظلمنى ان شاء الله هو شعور صعب اينعم بس ان شاء الله ربنا يبعده عننا باذن الله وحتى لو حسيت لحظة انى تظلمت فى حاجة معينة ساى مثلا: تصحيح مادة برجع وبغلط نفسى احيانا وبقول اكيد الدكتر صح انا محلتش كويس

نيجى بقى لاصعب وجود فى الدنيييييييييا يا لهووووووووووووى على كلمة الخيانة
من لفظه اساسا بيحمل اسمى معانى الحقارة والمعانى القذرة مش عارف اوصف بشاعة الصفة ازاى بس اكره صفة بكرهها فعلا ان حد تبقى امنله وفجاة يطعنك فى ظهرك بالسكينة اللى انتى سلمتهالو حادة .........ربنا يبعد عنى وعنكم وعن الناس كملها تجربة اى خيانة سواء من صديق او حبيب او عزيز او زميل او مجرد اى انسان بجد معناه صعب وزى ما انت قلت صرخة مكتوووووووووومة جوة القلب ممكن تفجر الشخص

احييك ميلانو على موضوعك الجميل دة وتقبل مرورى ورايى

اولا احييك علي الموضوع الرائع دة
انا من وجهة نظري ان الخيانة اصعب شئ في حياة الانسان
لان زي ما انت قلت بتجمع معاها الندم والظلم اولا بتندم علي اختيارك السيئ
للانسان اللي خانك وتحس بحرقة الندم في قلبك وبتندم علي الثقة والحب
ثانيا بتحس بظلم اهم الناس في حياتك ليك وقد اية ظلمة ليك سهل علية وقد
اية انت مش فارق معاة وكل الاحاسيس دي لا تجتمع الا مع وجود خيانة
ربنا يكفينا شرها
اطلت عليك بس موضوع ممتاز يا فتي مش جديد عليك ياميلانو تحياتي سيدي

مش هضيف جديد انا موافقة جدا على كلامك وكلام غزل وكلام ام تو كى كلامكو صح

درش & غزل & غارقة

كلكوا مجتمعين ع انها الخيانة

وهي فعلا من وجهة نظري الأشد ألماَ ع الإنسان

نورتوني يا جماعة

ويسلملي ذوقكوا

بس الفراق اقسى

الخيانه بتشعرك بالندم والظلم بس هيجي وقت وتتصالح مع نفسك ونرجع لحقك

اما فراق انسان عزيز على قلبك او بتحبه وفي ثانيه ما يكونش معاك او جنبك هي دي القساوة الحقيقيه من الدنيا

لان اللى خان يعنى مات بالنسبه لك اما اللى يبعد وهو حبيب ياخد قلبك معاه

ودي وجهات نظر

بالرغم من ان الفراق خيار مش مطروح يا مروة ف التوبيك
إلا إن كلامك مقنع اوي وكله احساس
ربنا يجنبنا جميعا الفراق مع أحبائنا ويجعل اللقاء كل حياتنا
ميرسي ع مرورك الجميل وتعليقك الأجمل
نورتي

بجد يارب يجنبنا جميعا الفراق ويجمعنا مع من نحب طول العمر وفي جنته يارب

معرفش يا ميلانو بس حبيت اقول احساسي حتى لو مش مطروح

تقبل مرورى مرة اخرى

انت تقولي اللي تقوليه يا مروة
التوبيك قدامك اوبن بوفيه ههههههه
ونورتي التوبيك

ههههههههههههههه
ممكن اعلق على الكلام يا مروة
الخيانة اصعب بمراحل عارفة ليه لانك ممكن تهب عمرك وحياتك كلها فدى انسان
ومتعرفش تعمل ايه ولا ايه عشان ترضيه وتحافظ عليه
وفجاة ممكن تلاقى خيانة او زى ما بيقولوا يبيعك يتخلى عنك
ودة اصعب شعوووووووووور بالقهر والندم

اما بق الفراق فدة غالبا بيبقى مؤقت طالما لسة فى حب عشان مسير الحى بيتلاقى
فما بالك بقى باللى بيحب اكيد لازم يرجع بسرعة عشان حبيبه...
ولا ايه رايك يارب اكون عرفت اغير وجهة نظرك؟؟

انا مش بتكلم عن الفراق المؤقت لان دا في رأيي مش فراق ممكن نقول عليه غياب لفتره

بس قصدي الفراق الدائم

يعنى انت لو حبيت حد ووهبته حياتك وكل حاجه وخانك انا بقول لنفسي دا غلطى انا انى سلمت قلبي وحياتى لشخص مايعرفش قيمة مروة مش ندم بس اعتراف بالخطأ

ولما تدي حياتك لشخص معين وتحب بجنون ييبقى كل حاجه في حياتك ليه لوحده وفجأه وبسبب ظروف مش بايدك ولا بايده يبعد وياخد قلبك معاه
انا شايفه هو دا الظلم والاسى
صح؟

وبرضو بقول دي وجهات نظر

لشخص مايعرفش قيمة مروة........ايه التواضع دة يا مروة هههههههههه

طيب لحظة وفجأه وبسبب ظروف مش بايدك ولا بايده يبعد وياخد قلبك معاه
انا شايفه هو دا الظلم والاسى
صح؟
دى معناها ايه يعنى الشخص دة راجع تانى ولا مش راجع خالص
طب لو كان راجع اتنى يبقى دة مؤقت صح يبقى انتى متفقة معايا....

اما لو كان مش راجع تانى فهنا الغلط انه مينفعش ان الانسان يفكر فى حد سابه
او يعنى علاقته بيه انتهت نهائيا حتى لو كان فى يوم من الايام بيحبه وانتهت العلاقة نهائيا
مهواش ملك نفسه اكيد لازم يدور على انسان جديد يملى قلبه وحياته ويبدا يحبه من جديد
ويراعيه ويحفظه ويحفظ اسمه وكرامته صح.......
كان فى قصة مش عارف مين كتبها كانت بتدور انه قصة جواز فشلت بسبب انه كانت بتفكر فى شخص تانى وهو معاها او العكس كان هو بيفكر فى واحدة تانية وهى معاه
مش فاكرها كويس

معرفش ياريت توضحى اكتر او تقولى انا فهمتك ولا لا؟؟

بص يا مصطفى انت فهمت نص الكلام
اولا لكل واحد فينا قيمة في حياة الناس ولازم تكون نفسه غاليه عليه جدا علشان كدا لازم يختار صح الانسان اللى هيسلمه حيااته يبقى لو خان او غدر يبقى ما يستهلش انك اصلا تفكر فيه او حتى ياخد جزء ولو بسيط من تفكيرك

لما بقى لو اختفى من حياتك يعنى مثلا بعد الشر عن كل الناس طبعا مات او سافر او حتى اهله او اهلك ماعجبتهموش العلاقه يبقى لازم يكون في بعد وفراق صح؟
طيب يبقى مش كل الناس ممكن تنسى انسان حبته بجد لانه ماظلمهاش او خانها يعنى مفيش حاجه وحشه ممكن تخليه ينسى او يحاول يفكر في حد تانى من جديد

طبعا لازم يعيش ومش هي دي اخر الدنيا ولا هو دا اخر الحب
لكن هيكون صعب وممكن ياخد فتره وكمان ماينفعش يرتبط بشخص تانى ولسه الاول موجود في حياته هو دا بقى الخيانه لنفسه للشخص اللى ارتبط بيه

اما بقى لو يرجع زى ما انت بتقول اكيد هيكون برضو احساس صعب بس هيلاقى حاجات جميله تهون عليه فتره البعد دي
وكل ما يتعب من بالبعد هيفكر في حبيبه دا وانه اكيد وعده انه هيرجع فيصبر

يارب اكون عرفت اوصل وجهة نظرى

انا قاعد أقرى وجهة نظر كل واحد فيكوا والله نسيت الموضوع عن ايه اصلا هههههههههه
بالرغم اني تهت شوية بس كل واحد فيكوا ليه وجهة نظر مقنعة
وانا عن رأيي لو حد بعد ما حبك سابك او خانك او او حيثما كان
تبق انت بتخون نفسك لو فكرت فيه
بتخون قلبك اللي انجرح وبتتفرج عليه
بتخون كرامتك اللي اتهانت وانت لسه بتحن ليه
من الأخر لو حبيبك خانك اعتبره صفحة اتقطعت من كتاب حياتك
متقدرش ترجعها تاااااااااااااااني
ع رأي إبن عروس
من حبنا حبناه وصار متاعنا متاعه ومن كرهنا كرهناه يحرم علينا اجتماعه

نورتو التوبيك يا جماعة

اكيد طبعا الخيانة وخاصة لما تكون من اقرب الناس

موضوعك جميل
مع الاسف أنا مع الثلاث اراء لاني للاسف حسيتهم كلهم
شكرا ليك

وجهة نظر بردو يا جست
تسلمي ع المرور والتعليق
ونورتيني

فعلا يا شجون
الاختيار محير فعلا
وكلهم صعبين اوي
لكن لا بد من الاختيار
تسلمي ع مرورك وتعليقك
ونورتيني

وياترى انت اخترت؟؟

لأ لسه محتار من ساعتها ههههههه

انا شايف انها الخيانة بردو

ممكن ولو اني حاسه انك دقت التلاته

كلنا بنمر بظروف كتير
بس اللي يقدر يتغلب ع الظروف دي

ومتهيألي برضة ان تلاتة سلسلة مع بعض
الخيانة يعني حد ظلمك والظلم بيخليك تندم على كل حاجة
صح؟
اسفه على تطويلي

وجهة نظر جميلة ومعقوله
تسلمي يا شجون
وسرني تفاعلك مع التوبيك
ومش فيه تطويل ولا حاجة
نووووووورتيني

اكيد يا صحبي عارف رائيي بس الخيانة وحشة اوي بتخلي الواحد ممكن ينتحر

بص من ناحية الظلم هو صعب اه بس هى دعوه تطير الشخص لان دعوة المظلوم مستجابه دى دموعه زى النار
من ناحية الخيانه بردو جارحه اوى بس بردو ممكن تدعى عليه وربنا هينتقم
بس الندم ده ماهوش حل غير انك ترجع اليوم من الاول وده مش ممكن يحصل
عشان كده اصعب حاجه الندم