لو خيروك بين ... و ... هتختار ايه ؟؟

انا هترضى الطرف الصح وهحاول ارضى الطرف التانى بعد كده
لو خيروك بين
صديق عمرك وبين حبيبك

مش غريب السؤال يا جاست
بس ممكن اقوووووووووووووووووول حبيبتى لانها اكيد شريكة حياتى وكل حياتى
بس والله على قد ما اقدر مظلمش اصدقائى ابدا ابدا وهحاول ارضى كل الاطراف
واى حد غلطان من الاتنين هواجهه واتاكد ان السبب مش فيا انا
وفى الاخر لو كان ولا بد هيكون اختيار حبيبتى

لو خيروك بين
المتعة والفسحة وانت تعبان ولا تنام تاخد راحتك فى غرفة فايف ستار مرتبة ايه هواء ايه؟؟؟؟

المتعه والفسحة وغصبانى عنى لازم اصحى
لوخيرك بين
النت ولا التلفاز

اختار المفيد اللى فيهم هما الاتنين
وعموما انا اميل للنت اكتر
لو خيروك بين منصب كويس وبين انك تكمل دراسة

منصب كويس وبعد كده هكمل دراستى
لوخيروك بين
انك اللون الابيض واللون الاحمر

اللون الابيض لانه لون الصفاء والنقاء والشفافيف والصراحة

لو خيروك
بين ادمن للمنتدى او عضو عادى او مشرف ؟؟؟ وليه؟؟؟

هختار ادمن المنتدى لانى بحب اكون مشهوره ومعروفه للناس كلها واخدم الناس
لوخيروك بين عضو عادى او مشرف هتختار ايه وليه

عضو مشرف طبعا ههههه
لا والله بحبش اتحط ف مراكز فيها مسؤولية
عشان اريح نفسي

لو خيروك بين شغل جامد ف امريكا
وشغل عادي ف مصر
تختار ايه ؟؟

الشغل اللى فى مصر طبغا
نفس السؤال اللى بعدى

الشغل الجامد ف امريكا
وافيد بيه بلدى
نفس للى بعدى

شغل جامد فى امريكا ارفع اسمى وجيبى واضمن عيشة هنية لاولادى وبعدين اجى استقر فى بلدى

لو خيروك بين
جواز عنم قصة حب وتتحمل مسئوليتها لوحد
ولا تستسلم للبيت وتتجوز صالونات

جواز عنم قصة حب وتتحمل مسئوليتها لوحدي طبعا
يبني وجودك مع اللي بتحبه بالدنيا واللي فيها
اه هتتعب شوية بس بردو مش هتحس بالتعب ده
وكفاية انك بتبني نفسك بنفسك

نفس السؤال للي بعدي عشان دماغي متشفرة ههههه
لو خيروك بين
جواز عنم قصة حب وتتحمل مسئوليتها لوحد
ولا تستسلم للبيت وتتجوز صالونات

لا الجواز عنم حب طبعا

مهم كان في شوية صعوبه ومشاكل

بس حلاوة الحب في تعبه يا مصطفى

كل ما تتعب في حبك كل ماتحافظ عليه صح؟

لو خيروك بين اجازة خارج مصر اواجازة جوه مصر

خارج مصر احلى طبعا او جوة مصر اماكن معينة محدش يعرفنى فيها

نفس السؤال للى بعدى

لما اخلص اللى ف مصر الاول
ابقى اخرج براهاااا هههههههه
معلش مفيش حااااجة ف دمااااغى دلوقت

يعنى مش هجاوب على حد

طب اسال

لو خيروك بين تقدير حلو اوى اوى وتتعب لحد ما تلاقى شغل
ولا تقدير يعنى مش ولا بد وتلاقى شغل بسهولة

اكيد تقدير يعنى بس الاقى شغل هو حد لاقى ههههههه

لو خيروك بين انك تروح تحضر ماتش فى الاستاد او تسمع فيلم بتحبه فى اخر يوم عرض ليه فى السينما

الفيلم طبعا

لو خيروك بين تاخد نتيجتك من الكنترول قبل ما تطلع ولا تستنى لحد ما تتعلق
مع العلم انه من الكنترول احيانا بتيجى باخطاء

من الكنترول

لو خيروك بين الشاى والقهوة هتختار ايه

نسكافيه
هههههههههههههههههههه

لو خيروك بين تقعد ع كرسى الاعتراف ولا تسال كل يوم 50 سؤال لكل شخص ع المنتدى

لا كرسي الاعتراف ارحم
السؤال
لو خيروك بين انك تبقي مع اهلك ولا حبيبك تختار مين

في الوقت الحالي اكيد مع اهلي لكن لوربنااراد يعني اني اتزوج
انا افضل اننا نعيش في تفس البلد اه لكن بعيد عن اهلي واهله علشان المشاكل

لوخيروك بين
رضى ابوك وامك ورضى خطيبك اوخطيبتك

لو خيروك(ى) بين الحبيب او الحبيبة مقابل رضا الاهل هاتعمل ايه
بس عاوزة اجابة واقعية لانه اللى فى الموقف غير اللى بره لانة بيكون محتار جدا وانا شفت دة وعاصرته مع حد من قرايبى كان بيحب واحدة حقيقى ياجماعة الموقف بيبقى صعب جدا

اكيد الموقف صعب
ممكن احاول كتير اوفق بينهم اما لو فشلت
فهختار اهلي,علي الاقل هما هيبقوا جنبي فأي مشكله ومش حلو لو بعد تربيتهم ليا اني افضل حد عليهم

السؤال

لو خيروك بين(ي)العمل في هيئة التدريس فالكليه وبين العمل فشركه بمرتب ممكن يكون اكبر

انا كمان مستنى اجابة لنفس السؤال فعلا سؤال صعب ياريت حد يقول رايه بحكمة جامدة