مضايق....و مش عارف السبب

ممكن يحصللك انك تكون مضايق اوى اوى.....و ما فيش اى سبب معين يكون هو اللى مضايقك؟؟
بتكون قرفان كده .......و مش عايز تكلم حد......مع ان الطبيعى ف شخصيتك انك رغاى
طيب لو بيحصللك كده....و الناس بتقوللك مالك مضايق ليه......بتقوللهم ايه؟؟
هتقولهم ما فيش حاجه هيقولوا مش عايز يقولنا و يفضلوا يقولولك لا صح بجد مالك
و انت تفضل تدور جوه نفسك على سبب عشان تسكتهم بيه...و عشان كمان ما يزعلوش منك
و تكون مش مقتنع اصلا بالسبب ده...وهو ممكن يكون فعلا سبب مقنع و ممكن يضايق اى حد
بس من جواك انت متاكد ان مش ده اللى مضايقك
ف بلاقى نفسى مش عايزه ابين لاى حد انى مضايقه عشان اتجنب ده كله

المشكله بقه
مع الناس اللى هما اصحابك اوى و اللى مش بتخبى عليهم حاجه
ممكن بتلجأ لانك تدارى ضيقك ده قدام الناس العاديه عشان ما يقعدوش يسألوك
بس المشكله ان اصحابك بيكونوا فاهمين انك بتمثل
و انت نفسك مش بتقدر تمثل عليهم
و يا سلام لو لقيت نفسك بتبكى بقه......مش هيسبوووك و يحلفوك بالله تحكيلهم
و الواحد و الله مش بيبقى عارف ايه الى مخليه يبكى
طيب اعمل ايه
بلاقى نفسى بهرب منهم...و انا اصلا ف الطبيعى ما بعملش كده خالص
بس بسيبهم عشان بحس ان دمى تقيل
و ما فيش سبب عشان يعزرونى بيه
طب انا نفسى ف تفسسير للموضوع ده

بصي يانودي ده احساس بيحصل لكل انسان
واول مايحصلك كده راجعي اللي حصل من كام يوم
اكيد هتلاقي حاجة حصلت بس انتي ما اتضيقتيش وقتعا
واتضايقتي بعدها وبعدين مع اصحابك لما يسألوكي قوللهم انا
قرفانة مش عارفة من اية ممكن يلاقو معاكي السبب وبعد كده حاولي
تفتكري اي حاجة حلوة حصلت ممكن تخليكي تضحكي وتكوني مبسوطة
وافتكري ان ربنا انعم علينا بحاجات كتيرة لازم نكون فرحانين بيها وفي غريرنا
مش لاقيها وقبل كل دة الجأي طبعا لله واقرا او اسمعي قرآن او صلي ركعتين
وهتلاقي نفسك باذن الله فل وتمام
معلش طولت بس موضوع حلو واحيكي

طبعا مفيش كلام احسن من اللى قالته غزل
ابقى صلى ركعتين واقرى قران
وانتى ان شاء الله تبقى كويسة
انا عن نفسى
ببقى فى الموقف ده زيك بالظبط
وكتيييييييييييييييييييييير كمان
وربنا بيعديها
ميرسى نودى على موضوعك الجامد

موضوع حلو اوي يانودي

وفعلا كل انسان فينا بتجيله حاله القرف والزهق دي من غير سبب

وكلام غزل وسيتو مش هزود عليه لانه صح قراءه القران بتخليكي

تتطلعي من الحاله دي وانا جربتها

تعرفى يا نودى امبارح بس كنت بتكلم مع صاحبى فى نفس الموضوع دا بالظبط
جايز لأن الواحد فعلا بيبقى حاسس ان مفيش حاجه تخليه يدايق بس لو تتأكدى هتلاقى
حكايه انك تبكى دى بفسرها انها مرتبطه بقرب زمايلك منك ومدى اهتماهم بكونك زعلانه ولا مبسوطه
مش مرتبطه باللى مدايقك على اد ما يفتكر زمايلك ان مشكلتك دى صعبه لدرجه انك بتبكى
جربى حاجه دايما بعملها لما تكونى مدايقه ومش عارفه ايه السبب ومش عايزه غيرك يزعل منك
مش كونك مش عايزه تحكى لأ زى ما قولت كونك مش عارفه تقولى ايه
زائد كلام غزول وسيتو حاولى تغيرى اى حاجه بتعمليها ولو ليوم واحد هتحسى بالفرق
سورى يا نودى طولت عليكى بس دى ايدى كانت بتكتب لوحدها مكنتش بدور على الكلام

عارفه انا حالا كنت ببكى من نفس السبب والله
ولما قريت موضوعك زودتب عليا ههههههههههههههه

يلا بقى دموع ببلاش

بيبقى سبب دا الاول الاخير الروتين في حياتك اعملى اى حاجه تححسك بتغيير في حياتك اى حاجه حتى لو بسيطه
اشغلى نفسك وتفكيرك بحاجه مفيده روحى اى مكان تحسي انك ممكن تعملى في حاجه تريحك

صدقينى هترتاحى كتييير اوى لو مثلا ساعدتى حد او فرحتى حد او حتى يا ستى غيرتى جو في مكان جديد

غزل

طمنتينى قوى لما قولتيلى ان الموضوع ده بيحصل لكل الناس

لانى كنت مستغربه الموضوع ده فى نفسى اوى

و انا عارفه فعلا ان الحل انى الجا لربنا

بس كل اللى مش عارفاه

هو ليه

تفسير الموضوع يعنى

عشان ما احسش انه جنان

انى اضايق من غير سبب

بس بجد يا غزل كلامك جميل و ريحنى كتيرو الله

ميرسى اوى يا حبيبتى

سايتو

ميرسى على ردك و تعليقك

و ربنا يبعد عننا جميعا اى ضيق

صمت الحياه

برضه طمنتينى ان ناس كتير كده

ميرسى يا حبيبتى على مرورك و تعليقك

رسمى

الف شكر يا رسمى على كلامك الجميل ده

و انا فعلا بفكر اسافر اغير جو و اكسر الروتين ده يمكن اكون احسن

لا ما فيش تطويل و لا حاجه دى حاجه تبسطنى انك بتقول اللى بيحجى على باللك على طول

مروتى

سلامتك يا مروتى من البكا

بس انتى بتقولى

انك كنتى بتبكى من نفس السبب

اللى هو ايه بقه؟

اك مش عارفه السبب؟

و يا رب يزيل همومنا جميعا

ميرسى بجد ليكوا كلكوا يا جماعه

الواحد مبسوط انه بيفضفض معاكو

و بيحكيلكوا

اينعم انا لحد دلوقتى لسه ما وصلتش لتفسير الموضوع ده

اللى انا عماله اسال نفسى عنه

مش حاسه انه الروتين هو السبب

لانى من كام يوم قولت هعمل حاجه مختلفه خالص

رحت نظمت مؤتمر مع اصحابى و كان يوم مختلف جدااا

اينعم كنت مبسوطه جدا ف اليوم ده

بس مجرد انى رجعت البيت بس رجعت لنفس الاحساس

و ما رحوتش محاضرات خالص حتى بعد يوم المؤتمر ده ما خلص

قولت اخد اجازه كده بعيدا عن اى روتين

بس برضه....

بس اكيد الموضوع ده مش هيطول ان شاء الله

بجد اسفه ع التطويل

و انى ضايقتكو معايا