ربنا ينصرك يا مصر

يا جماعة عايزين نعمل الموضوع ده ندعى فيه لمصر ربنا يحافظلنا عليها.............ويعدى الأزمة دى على خير .........ويهدى شبابنا

وهبتدى ................

%%% اللهم إنك عفوُ كريم تُحب العفو فاعفو عنا %%%

على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
على اسم مصر
ربنا يحميكى يامصر

يارب

يخليكى

ياااااااااااااااااااااااااااااااااااااااااامصر

ونرجع احسن من زماااااااااااااان

ياااااااااااااااااااااااااااااااااااااارب

انا مش عارف اللى عايزين يتظاهروا تانى دول عايزين ايه ....... تانى.......

اللى قاعد فى ميدان التحرير واحد من دول :

1- مأجور وتمنه وجبه وبطانيه وعلبة سجاير

2- احزاب ريالتها نازله على السلطه والكرسى

3- اخوان مسلمين مكروهين اصلا من الشعب المصرى

4- ناس عواطليه لاليهم شغله ولامشغله

5- شاب مصرى محترم بس مضحوك عليه باسم الثوره والحريه والكرامه

6- واحد مش فاهم هو قاعد هنا ليه ولا بيعمل ايه

وف كل الحالات دى احنا بندعو الجميع يرجع لبيته ولا للتظاهر غدا الجمعة

ومن الاخر اللى يحب مصر يخاف عليه مصر بلدنا فوق كل شى وفوق كل عد ولازم نخلى بالنا لنبقى فى حرب اهلية بسبب قناة الجزيرة واللى بتعملو فينا علشان امريكا تتدخل
بجد اللى بيحب البلد دى لازم يكون ليه كلمة ويكون موقف ايجابى مش موقف سلبى
وكل واحد فى ميدان التحرير وكان مطالب بالتغير كل المطالب اتنفذت يا جدعاااااان والراجل ماااااااااااااااااااشى وقال ابنى مش مترشح تااااااااااااااااانى يبقا اللى فى ميدان التحرير قاعد ليه

أكيد عايزين يخربوها ويولعوها .......

ربنا يسترها يوم الجمعه 4 فبراير ويعديها على خير وتكون جمعة سلام ...

آميـــــــــــــــــــــــــــــــــــــــــــــــــــــن ...........