عاوزة رأيكم بصراحة

انا صاحبتكم كلكم وبجد بحب كل الموجودين فالمنتدي ده وحاسه اني لقدر افضفض معاهم وبجد عاوزة رأيكم بصراحة في مشكلتي
انا كل مشكلتي بتتلخص اني بحب شخص من حوالي سنه ونص بحبه حب مايتوصفش يعني ما اقدرش اقولكم قد ايه والمشكلة بقي بتنحصر في انه انسان منطوى جدا جدا على نفسه واستحاله حد يعرف هو بيفكر في ايه ولا مشاعره ايه وهو مش مصارحني باي حاجه من مشاعره تجاههي وفي اوقات بحس انه مهتم بيا جدا وبيعاملني معاملة غير عادية واوقات تاني بحس اني مش على باله خالص ولا حاسس بيا ولا انا قادرة اعمل اي حاجه ولا عارفه اتصرف ازاى ارجوكم انكم تشوفولي حل في مشكلتي وانا في انتظار ردكم عليا

اولا وقبل كل شئ انا بشكرك جدا على اهتمامك بالموضوع وتقديم المساعدة والنصيحة لاصحابك لما بيحتاجولها وبشكرك مرة تانية على النصايح والكلام الغالي الجميل اللي فعلا ما انكرش اني استفدت منه بمجرد ماقريته واتمني تنفيذه في حياتي كمان بس في مشكله ان الشخص ده مش انطوائي في الفتره دي بس زى ماخمنت لانك بتقول ان ده يكون نابع من ان فيه مثلا حاجه مدايقاه فالكلام ده مش صحيح هو شخص انطوائي من صغره يعني كل المعلومات اللي اعرفها عنه من اقرب الناس ليه بيقولوا ان هو انطوائي طول عمره والانطوائية دي مش بتمثلي اي مشكلة بالنسبالي فانا بحب شخصه زى ماهو وعارفه من الاول انه انطوائي لكن انا لما طرحت مشكلتي كنت بوضح انه انطوائي علشان افهم اي حد يحاول يساعدني انه رغم انه انطوائي ومع ذلك بحس باهتمامه بيا وانه بيخصني بالكلام في كتير من الاوقات فده بيبين انه ممكن يكون بيبادلني نفس الشعور لان تصرفاته اللي بيعملها معايا لوصدرت عن شخص غير انطوائي عادي يعني هتكون تصرفات عادية بين فتي وفتاه بتربطهم علاقات اسرية عادية جدا ومرة تانية بشكرك جزيل الشكر

واحب اضيف كمان انه شخص متدين جدا وليس متعصب وبيأدي كل الصلوات في ميعادها وقريب قوي من ربنا

اولا بشكر لف بوي على كل اللي نصحني بيه ولكن انا كنت متوقعة كتير من اصحابي هيحاولوا يساعدوني ما توقعتش ابدا ان ماحدش هيساعدني ولا يقولي رأيه غير واحد او اتنين بس