شويه نكت اضحك من القلب

واحد بلدياتنا اتصل بالاستعلامات قال لهم
إديني رقم المطافي ،

الموظف قال له: 999

قال: يعني تلات تسعات؟

الموظف قال: أيوة تمام
قال: طيب أنا ماعنديش غير تسعة واحدة في التليفون.

قال له: والله إنك صعيدي صحيح.

قال له، ياعفريت، ومركب كاشف كمان ؟؟؟

واحد بلدينا كل ما يخلف ولد يموت، اتفق هو ومراته إذا جالهم ولد يسموه مبروك

يوم ما ولدت مراته، طلعت الممرضة، بيسألها، ها؟ إيه اللي حصل؟

قالت له: ألف مبروك يا حاج

رد قال: يا بووووي .... هأصرف عليهم منين دول كلهم؟

واحد في مأتم واحد بلدينا مات امبارح، بيسأل، هو بلدينا مات بإيه؟

رد عليه اللي جنبه: حط إيده في برميل مية نار

قال له: طيب وهو اللي يحط إيده في برميل مية نار يموت؟

قال له: لأ، ماهو لما مالاقاش إيده ... دخل راسه في البرميل عشان يدور عليها!!

بيقولك ليه بلدينا بيكون ذكي لما يطلع من الصعيد؟

علشان بيكون خارج نطاق التغطية

************

بلدينا من سوهاج سمع في النشرة إن فيه عاصفة جاية على سوهاج، كتب على
مدخل المدينة: مرحبا بك في أسيوط

بلدينا راح عند القصر الجمهوري وكلم العسكري اللي هناك

قال له: أنا عايز أترشح لرئاسة الجمهورية

قال له العسكري: إنت حمار ولا إيه؟

بلدينا قال له: ليه؟ هو شرط يعني؟؟؟؟

واحد صحفي بيسأل بلدينا: نسبة البطالة عندكم قد إيه؟

بلادينا : والله الصعيد كله أبطال.

صعيدي فتح محل جواهرجى عمل أول يوم ببلاش

************ **

صعيدي بيقول لصاحبه شوف العالم الهطلة يدفعوا 25 مليون دولار علشان بن لادن أمال لو كان بن محوج كانوا عملوا إيه

************ **

صعيدي مفتاح عربيته ضاع ميكانيكي جه فتحاله بطفاشة تاني يوم عمل نسخة من الطفاشة
************ **

الصعايدة فتحوا محل بيتزا سموه بيتزا هعععععععععع

صعيدي حب واحدة إتجوز أختها علشان يضمن يشوفها كل يوم

عملوا مسابقة للي يجيب أكبر قطة جابوا صعيدي وألماني وأمريكي الألماني
دخل جاب قطة 5 كيلو والأمريكي دخل جاب قطة 10 كيلو الصعيدي دخل ساعة ساعتين ولسه مخرجش دخلوا يشوفوه لقوه ماسك اسد وقاعد يضربه ويقوله
هتنونو يعني هتنونو
************ ******
صعيدي دايخ في كل محلات الموبايل ومش لاقي طلبه وراح شركة نوكيا برضه مش لاقي طلبه علشان عايز موبايل بقرص
************ ***

صعيدي بيعمل كشف نظر طلع نظره 6/6 فبيقول لصاحبه أنا كنت ممكن أجيب أكتر من كده بس الدكتور اللي لخبطني
************ ***

صعيدي صغير بيسأل أبوه بيقوله ليه ربنا خلق لنا الودان قاله: علشان نعرف العمة هتجف لحد فين

بلدياتي بيعاكس واحدة في التليفون
قالتله شكلك صعيدي
قالها ينعل ابو اظهار الرقم ديه
************ ********* ****صعيدي سال اجنبي
انت مرتبك كام
قاله 1000 دولار بدل معيشة
1000 دولار بدل سفر
1000 دولار بدل تغذية
1000 دولار بدل .......
قاله وانت
قاله 200 جنيه
وسكت
الاجنبي قاله دا بدل اية
الصعيدي قاله بدل ما امد ايدي عليك
************ ********* ****
واحد بلدياتي حب يطور طيارة هليكوبتر
شال المروحة وركب تكييف

تسلم نكت حلوه ...................بس ياريت تانى مرة متكتبش اسماء زى كده

علشان اصحابنا

بلدينا من سوهاج سمع في النشرة إن فيه عاصفةجاية على سوهاج، كتب علىمدخل المدينة: مرحبا بك في أسيوط

واحد بلدينا كل ما يخلف ولد يموت، اتفق هو ومراته إذا جالهم ولد يسموه مبروك

يوم ما ولدت مراته، طلعت الممرضة، بيسألها، ها؟ إيه اللي حصل؟

قالت له: ألف مبروك يا حاج

رد قال: يا بووووي .... هأصرف عليهم منين دول كلهم؟
نايس توبيك

واحد بلدياتي حب يطور طيارة هليكوبتر
شال المروحة وركب تكييف
هههههههههههههههههه نااااااااااااااااااايس بجد