يوم الاربع بالليل وأنا تحت بطانيتي بقلب في الأرقام اللي ع الموبايل عشان اشوف مين بقاله كتير مختفي ماعرفش عنه حاجة من زمن.. كانت ــــــــــــ وبما أني بدأت اتعلم الندالة وقعدت كتير مش بكلمها لا نت ولا تليفون فأكيد مختفية قولت ارن عليها اشوفها عاملة ايه ردت لي نفس الرنة وحلو اوي كدة .. يبقي الست بخير الحمدلله المهم ايه .. تاني يوم بدور على الأكونت بتاعها لسبب في نفسي مالقيتوش مع أن نيتي كانت سليمة بشوف في النوتس بتاعتي بما أني دايما بعمل لها تاج .. لقيت الأكونت بتاعها مقفول اشوفها ع الميل بس هي غايبة بقالها كتير عنه أو بتدخل أوف لاين وبالصدفة بقلب في المدونات اللي عندي وبدخل بتاعتها لقيت مكتوب
لا يبدو أنك مدعو لقراءة هذه المدونة الإلكتروني ةإذا كنت ترى خطأ في ذلك، فقد يكون عليك الاتصال بمؤلف المدونة الإلكترونية وطلب دعوة
وبما أني بشطب على رصيدي دايما ومش بيقعد ليلة معايا أساسي كان (لقد نفذ رصيدكم) وأنا برن عليها تاني والحل كان في الرسايل المجان يفبعت لها رسالة بس ماوصليش تقرير أن الرسالة وصلت اسأل عليها حد مثلا ..؟بس أكيد يعني ماحدش هيكون عارف عنها أي حاجة بما أن كل الوسائل مقفولة كدة راحت فين البت يا ناس دماغي بقي يجيب يمين وشمال وتخمينات بالعبيط وبما أني بسرح في حاجات غريبة وبفكر في حاجات أغرب ما علينا ايه هي بالظبط يمكن تكون مش عاوزة تدخل نت تاني بس إزاي دي ....كائن منتدياتى وفيسبوكي أصيل جدا فجأة كدة تهجر العالم ده مش ممكن دي زيها زينا كلنا .. النت أفيون حياتها يمكن تكون زعلانة أو تعبانة المهم نفوخي صدع من التخمينات فقررت اجيب توك توك إفتراضي وميكروفون وانزل ادور في كل دهاليز الفيس بوك والمنتديات والايميلات يمكن الاقيها تايهة هنا ولا هناك يا ولاد الحلال بروفايل .......... تايه .. اللي يعرف عنها أي حاجة يجي يكتب لي ع الوال دا الإفتراضى ومعرفشى ايه الواقعى
موضوع: إختفاء كائن فيسبكوكى أصيل 
الخميس أبريل 15, 2010 6:53 pm
