عيشها بدماغك

عيشها بدماغك ، وليه لا؟ ليه تعيشها بدماغ حد
غيرك ؟ كتير اسمع حاجات زي "لو راجل وابن راجل اضرب" التاني يرد "طيب ...
اهو" ، كانه بيثبتله انه راجل ، وابوه راجل ، لمجرد كلمة اتقالتله من واحد
زي ده ، السؤال هنا ، الشخص ده هو الي هيحدد انت هتعمل ايه امتى وازاي
وليه ؟ ولا احنا ؟ لما حد يهزئك هتزعل .. ليه ؟ لانك منقاد ؟ لانه مشاك
واتحكم في مشاعرك بدماغه ! لما بنتولد بيكتبولنا قصتنا وبيحددوا احداثها
واحنا بنكبر علشان نعيشها وممكن نعيش قصة مختلفة كتبهالنا حد تاني علشان
نموت واحنا مقتنعين تماما اننا عيشنا حياتنا ، حياة بؤس ، تعاسة وذل ، كده
كده مكنش فيه غيرها ، كابوسي الجديد اني اكبر وبطني قدامي مترين وجاي من
الشغل وشايل بطيخة تحت ايدي والايد التانية شايل جرنال وكيس فيه سمك علشان
ولادي ياكلوه ، ببص يمين وشمال خايف تعدي عربية تخبطني واموت معاشي ناقص ،
كل ده لاني عايش قصة مش قصتي ، بس لا من النهاردة هرفض اني اوصل للوضع ده
واعيشها بدماغي ، وبناديك انك انت كمان تعيشها بدماغك ، لان ديه حياتك ،
دنيتك الي بتعيشها ،يا اما هتموت فيها يا اما هتعيش ملك ..

عرف
عندنا نقول يابخت من بات مظلوم ولا باتش ظالم ، ليه نبات مظلومين اساسا ؟
مين قال ؟ مين قال انك تبقى مظلوم احسن من انك تظلم ، مين
قال انك تعيش في ذل احسن من انك تعيش رافع راسك ، مين قال ؟ مش لازم تبقى
ظالم او مظلوم ، من هنا كلنا هيعرف حقه فين ، كلنا هنعيش حياتنا ، كلنا
هنحدد احداث قصتنا .. وكلنا هنقول "يابخت من عايش بدماغه ولا عاش بدماغ
غيره"

يلا نعيش حياتنا احسن من كده ، يلا نعيش بدماغنا

بجد ياحسين انت دماغك دي عاليه اوي وتفكيرك سليم ميه ف الميه تسلم عالتوبيك الحلو ده

الله عليك يا سحس يا معلى الطاسه والاشتغالات ادينى كمان وكمان

على الطلاق استاذ يا ماااااااااان

موضوع جميل جدا يا حسين والله

يا جامد يا سيحس
بس الظروف اللي حوليك وانت بتعيش مع ناس ووسط بشر
بتختلط بيهم هما اللي بيخلوك لازم او مجبر انك ممكن تغير تفكير
لانك مش عايش لوحدك في الدنيا دي انت بتعيش مع بشر

مون
منورانى دايما بمرورك الجميل دا ميرسى ليكى
رسمى
تسلم يا صديقى وبس كده متقلقش هظبتك انتا تؤمر نورت يا ريس
لاف بوى
اى خدعه يا معلم ربنا يخليك نورت
المهندس
ميرسى يا مهندس ربنا يخليك منور دايما
ستايل
تسلم يا صديقى
بس يا اوس اوس ماشى انا معاك انا مقصدتش انك تفرض رأيك مثلا على البشر كلها وتجبرهم على كده لا انا قصدى انك تعيش بدماغك انتا
متخليش حد ياثر فيك بل بالعكس المفروض احنا اللى ناثر فى الدنيا مش هيا اللى تأثر فيا اطلاقا
يعنى انا شايف انى اعمل الصح واللى انا شايفو صح بغض النظر بقى عن رأى الناس وانتقادتهم لاننا كده مش هنوصل لاى حاجه او هدف لو مشينا ورا انتقادتهم لان دى طبيعة البشر كده
نورت يا صديقى
ميرسى ليكو يا جماعه نورتو التوبيك

هو مش عيشها بدماغك هو عيشها بدماغ سحس العاليه دى

ايه الجمال ده يا سحس والله جامد جدا

موضوع: رد: عيشها بدماغك السبت أبريل 24, 2010 2:13 am

هههههههههههههههههه
مش للدرجادى يعنى يا عم فالنتينو
لو هتعيشها بدماغى يبقى كده ما طلعناش بحاجه من التوبيك ده ولا ايه
انا عايزك تعيشها بدماغك انتا وبس مش بدماغ حد غيرك
نورت يا ريس
تسلم على المرور

جاامد يا حسين

عندك حق مليون في الميه

اكتر من رائع

موضوع: رد: عيشها بدماغك الأحد أغسطس 15, 2010 2:11 am

ميرسى يا اموله
اسعدنى مرورك
ونورتى التوبيك

عيشها بدماغك 493615