كل واحد يقول رايه في اللي قبله

ستايل

من اعمدة المنتدى

بجد انسان في قمة الادب والذوق

والشخصيات اللي تحب تتعرف عليها

وتسمع رايها

لانه بصراحة رايه بيعجبني وبحسه مقنع

مش بيرد علة اي توبيك الا اذا عجبه فعلا ويقول فيه وجهة نظره

طيب جدااااااااااااا

رومانسي

حزين شويه

بيحرمنا من انتشاره كل فترة

حووووووووووور

برنسيسة المنتدي

متدينة جدن ومحترمة اخر حاجة

طيبة جدن جدن

دمها خفيف

توبيكاتها روعة

تفكيرها عالي

ثانكس ستايل كلك ذوق واخجلتم تواضعنا

ميلانووووووووووو

قدوتنا في الدح
هههههههههه

محترم جدا

طيب

دمه خفيف

بيحب الهزار والضحك جدااااااااا
ودا لانه بيخبي وراهم

.................

بيحب صحابه

توبيكاته لاجداااااااال عليها

حور
انسانه طيبه وجدعه
محترمه
زوق
متدينه
كليه السن
جامعة المنيا
بتحب المنتدى
مشرفه
بتحب صوحابها

سحس بومبه
كلاكيت تاسع مره
بعت رجالتي حاولوا يتجسسوا ويعرفوا هوا مين من بعيد لبعيد الكليه
سألوني
طب يازعيم وهنعرفه ازاي
قولتلهم
هو فتي
كانه شمس والناس كواكبو
اذا طلع لم يبد منهم كوكبو
اذا اردتم قفشهوا فاجتازوا العتائبو
فهو داهيه ادهي من الثعالبوا


فلاخر معرفوش
ورجعوا قفاهم يقمر عيش
بس معلش هجيبك برضه

من غير مجاملة بصراحة كاملة
الراجل دا شكلوا صاحب صاحبوا وجدع
ودموا خفيف

عمر
واد زى العسل وجدع وطيب ومحترم و تقريبا احنا دفعه واحده ومنعرفش بعض بس دا العادى متقلقش
راشد المتخفى
بص يا سيدى عايز توصلى اقولك تعمل ايه
تروح الكليه وتسأل عن تمثال حسين عارف فين يا جماعه
هيقولولك اهو هناك التمثال
هتروح للتمثال هتلاقى مكتب وسكرتاريتى الخاصه هتقولهم فين مستر حسين عارف هيقولوك فى معاد
طبعا هتقول لا زى الشاطر لانهم عارفين مواعيدى بس قولهم هو قالى كده
بس هيفتشوك ويقلبوك طبعا وكده
وبعدها لما اشوف انتا وحظك بقى يا تشوفنى يا لا
سب التساهيل
شفت سهله وبسيطه ازاى

ربنا يخليك يا سحس
دابس من ذوقك
والدفعة حلوة طول منتا فيها

حسين
اولا ميرسي جدا على رايك وذوقك

محترم

طيب

دمه خفيف بس في حاله

عودته للمنتدى كانت ليها اثر جميل عالمنتدى

محبوب

انت شايف كدة يا لاف
يبقى من بكرة هسال على حسين

ههههههههههههههه بس يلا

اولا ميرسى جدا يا حور على الكلام الجميل ده دا كتير عليا
عمر
ميرسى يا عمر على زوقك برضو
لاف بوى
عيل بكاش
وبيهدى النفوس
ومسيطنى
ومودينى فى داهيه
وبص مش واصف يلا

بكاش بكاش ياسحس بس اكيد كلامه فى محله

سحس انا رحت وسالت عن التمثال
دلوني علي التمثال اللي قدام فنون ده
اللي متعرفهوش رجل فرخه ده ولا ايه
ولا لقيت سكرتاريه ولا دياولوا
ولما سالت قالولي اهوه سحس كل يوم يجي هنا ومعاه حته تربيزه وكرسي رجله مكسوره ويقعد ويعمل فيها بشكاتب
ويجري ورا البنات يخطف منهم الشبس والبسبس
فالاخر يطلبولوا الحرس يجي يرميه بره يا عيني
والله قلبي اتقطع لما سمعت حكايتك يابني
ابقوا فكروني يا جماعه اجيبله كيس شبس فمره كده ولا حاجه
لوف بوي كلاكيت سادس مره
بيلقح كلام علي سحس
وهوا اساسا داهيه مسيحه
تعرفه فالكليه من عدد البنات وحالتهم يعني
اليوم اللي يكون هوا موجود فيه تلاقي الكليه زي ما تكون مسوره حريم ضربت
مليانه بنات ايشي من سياحه وايشي من دار علوم وايشي من اداب
وتلاقي بقي الميك اب والميك ام والميك ابن والاكسيزورس
والشياكه بقي واييييييييييييييييييييه
اوعه وشك
وكلهم مستنينه يطلع من المحاضره واول ما يطلع بقي ايه
طبعا البودي جاردز جمبه يحاولوا يبعدوا المعجبات وهمه بقي يصرخوا ويرموا نفسهم
واللي يغمي عليها واللي تنهار
والاسعاف تشيل بقي
وياخدوه بسرعه يدخلوه فعربيه الجامعه اللي بتطلعله مخصوص
ويطلعوا بيه بره الجامعه علي طول

اوه ستايل باشا

غنى عن التعريف طبعا

اذا ذكر ستايل ذكرت

المجدعة والطيبة

وخفة الدم والروح الحلوة

والذوق اللى ماله حدود

ولو بيدى اديلو لقب ملك الرومانسية فى المنتدى

سنااااااااااااااااااااااااااااااااء
كلاكيت تاني مره
بتجيب صور غريبه مش قادر افهم ايه وجهه نظرها
المهم
بنت مؤدبه وذوق
فحالها
سمعت كده اشاعات ان صوتها حلو
دمها خفيف
وجدعه
بس تغير صورها دي

الكومندا راشد

بجد قسم الالعاب من غيره ملوش لزمة

مرشد الله يسهلو مش عايز يعترف مين اللى فى الصورة

مش بتعجبه صورى رغم انى بتعب لحد ما اجيبها

بس دمه خفيف وتعليقاته ملهاش حل

وبالنسبة لصوتى هى فعلا اشاعة اوعى تصدق

وهغير الصورة المرة دى بسببك ولا تزعل نفسك خالص

سناء

بنت جدعة
طيبة
عاقلة اوى
ردوردها مميزه
بس كده

ويكا
صديقى
جدع جدن طيب اوى
محترم
فنان
موهوب ما شاء الله
طيوب كده وهادى وفى حاله

الواد سحس
قصدي حوكشه
طلع واحد امور كده بشوفه كتير
ودايما في نفس المنظر الطبيعي الساحر
وجنبه لوف بوي عمال يقول
الله يسهلوااااااا
واجي انا امسك لوف واقعد اقوله عيب يابني كده سيب الراجل يشوف اكل عيشه
وعيب لما يكون في ايد اخوك لقمه طريه
عيب اوي انك تبصله فيها
وبعد ما يمشي لوف بوي اقف انا واقول
اللي اداك يدينا يا سيدي
انما بجد حسين واد رجوله وذوق
مش من النوع اللي بينفض لاصحابه حتي لو مع مين
بيقوم ويسلم
ولو مزنوق اوي بيرمي ابتسامه
ومشهور فالكليه كمان