عايزين رأيكم فى الفرق بين الجبن والخوف؟؟؟؟

هل هناك فرق أو اختلاف بين الخوف والجبن ؟
أعتقد أن الخوف أمر طبيعي يحدث مع كل إنسان حتى مع أشجع الشجعان أي أنه رد فعل نفسي تجاه أمر معين....
أما الجبن فيمكن أن نضعه في قائمة الصفات الملازمة للشخص المصاب بهذا المرض أي أن الجبن صفة وليس رد فعل لموقف معين...........

هذا عن رأيي الشخصي فماذا عن رأي الحلوين اللى معايا فى المنتدى؟
وهل يمكن أن يعالج الجبن كما يعالج الخوف ؟؟؟؟؟؟؟

فعلا يا مصطفى
الخوف ده شئ طبيعي عند الإنسان
والإنسان اللي يقولك انه مبيخفش يبق كداب
لإن الخوف مرتبط بالإحساس
ومعتقدش ان ف اي انسان معندوش إحساس
كلامك جميل يا مان
وربنا يوفقك

فعلا يا مصطفى كلامك صح
الخوف ده احساس طبيعى
لكن الجبن ده بتيبقى صفة ملازمة للانسان وعايزة اضيف ان الانسان الجبان فعلا هو اللى بيهرب من اى موقف صعب يتحط فيه
وهو بردو الانسان اللى مش اد المسؤلية ولا اد انه يواجه اى ازمات او مصاعب
شكرااااااااااااا ليك يا سوهاجى

شكرا ليكم على المرور الجمييييييييييييييييييل
بس نسيييييييييييييييييييت اضيف ان اجبن انسان هو الست ههههههههههههههههههههههه
مش عارف ساعات مبيهنش عليا وانا بدوس فى الحرب دى

على فكره الست مش جبانه
لكن اعترف انها ضعيفه وفى ضعفها سر لقوتها
مش عارفه اذا كنتوا متفقين معايا فى كده لكن ده حقيقه

ارجوك يا مصطفى كفاية حرب
الخوف احساس طبيعى لاى انسان
وياريت نهون عليك يا سوهاجى
وانا معاكى فى كلامك يا نور

اة طبعا
يا نور مبارك
حلاوة الست اساسا فى ضعفها
انا دايما بقول لو انسان بيحب ست بجد هيستمد قوته مع الناس من ضعفها قدامه او ضعفه معاها

شكرا لتعليقكك

ولا يا نووووووووووور مش هوقف هستمر بس هخليها مقبولة

الخوف موجودوعلي طول اقل حاجة لوحد متضايق ممكن يقولك خايف من بكرة
ربن خلقنا بالفطرة بنخاف من بعض الاشياء
انا عن نفسي عندي مرض الخوف من القطط
اما الجبن فهو فعلا مرض بس ممكن علاجة لانة صفة مكتسبة وليست موروثة
وانت حنين يامصطفي مش هنهون عليك ولا اية
حلو التثبيت ده

انتى شايفة انى اان حنين؟؟؟؟؟؟؟؟

بلاش شغل علب الجيل دى والتثبيت

برضوا هنحارب من انهردة مفيييييش حكومة

انا الحكووووووووووووومة

انت كدة جانيت علي نفسك انت اصلا شرير
والبادي اظلم ياسوهاجي
وهنوريك

ههههههههههههههههههههههههههههههههههههه

لا والنبى خفت انا خفت يامى يامى يامى

لا يا غزل على مهلك على قلبى عشان بيتخض

هههههههههههههههههه

طيب يا ليل وحديثه واخره

فعلا الخوف يعبر عن الاحساس ورقه المشاعر وزى ما قال ميلانو الانسان اللى يقول مايخفش يبقى كداب

اما الجبن اعتفد ان الجبان مش بيعرف بتحمل المسؤليه او مش قدها بس ممكن يتعالج مع المواقف وتشجيعه على الشجاعه يبقى كويس

كلامك صح يا مروة وشكرا على مرورك الجميييييييييييييل

هو الخوف زي منت قلت كدة يا مصطفي عند كل البشر

مهما كان شجاع او شرير او مفتري

لكن الجبن دة بردو زي منت قلت كدة بيبقي صفة و صفة وحشة كمااان

و بيؤدي اللي السلبية و شوية صفات اوحش

و اعتقد مسألة تغييره دي مسأله نسبية تختلف من شخص للتاني

علي حسب ارادته و عزيمته

موضوعك جميل يا سوهاجي

شكرا ليك

شكرا ليكى انتى يا هند
وعلى مرورك الطيب دة
ميرسى تانى مرة

اسمحولى اقول رايى فى الموضوع ده
فى ناس كتير جدا
عندها اعتقاد او مفهوم غلط
ان اللى بيخاف ده مش شجاع
انا عايز اقول ان الخوف عندنا كلنا وعند الصغير والكبير
الفرق هنا بيكون اواجه خوفى ولا لا
هنا بيبان مين شجاع ومين لا
يعنى لو واحد بيخاف جدا من المية زييى كده
بس اتحط فى موقف صعب جدا جدا على سبيل المثال
يا ترى هيواجه خوفه ولا لا
هنا لو هو واجه خوفه وانقذ الوقف
هو هنا شجاع
انما لو خوفه سيطر عليه وكان عارف ان عدم مواجهته لخوفه
هتبوظ الدنيا
وبرده مش واجه خوفه هنا اللى نقول عليه جبان
انا بس حبيت اوضح النقطة دى
كمان انا بختلف مع مروتى
انا مش شايف ان الخوف بيعبر عن رقة المشاعر ولا حاجة
بالعكس انا بشوف الخوف غريزة عند الانسان
وغريزة من الغرائز المهمة جدا كمان اللى قد تدفعه للقتل فى اوضاع معينة
ولذلك انا بشوف الخوف مش رقة فى المشاعر ولا احساس عالى ولا حاجة
كمان هى قالت ان الجبان مش بيعرف يتحمل مسئولية
كلامها صح طبعا
ولكن لما يكون الجبان ده خوفه الاساسى من المسئوليه
ومش بيواجه خوفه ده
هنا يبقى كلام مروتى صح
انما مش بينطبق على كل حالات الجبن
لانه ببساطة ممكن يكون واحد بيتحمل مسئولية كبيرة جدا فى شغله او فى الكارير بتاعه
بس فى نفس الوقت جبان جدا فى مواجهته مع اخوه مثلا او مراته او حتى باباه
وطبعا الاختلاف لا يفسد للود قضية يا مروتى
يا رب اكون قدرت اوضح قصدى وتكونوا قدرتوا تفهموه
وميرسى ليك جدا يا سوهاجى على السؤال الجامد ده
تقبل مرورى

ياباشا كلامك جمييييييييييييل
وشكرا اوى لمرورك ورايك