زعلانة من نفسى اوى........!!!!

والله مش انتى بس يانور
بس تعرفى انتى فيكى ميزه حلوه اوى
انتى زعلانه اوى من نفسك اوى كدا
دا كويس
غيرك مش بيحس انه فى الضياع اللى هو فيه
جايز اتعودنا اننا نقرب من ربنا
ونعمل الصح دايما لما نكون فى مشكله
بس دا غلط خالص
اقولك يا نور
انتى عندك حماس لشئ كويس
وحاجات حلوه كتير
الحل انك تشوفى حد متحمس زيك
حد نفس المود بتاعك شويه
هو دا اللى يشجعك
تانى بفتكر كالعاده
موقف ليله القدر
شوفى بقى انتى ازاى الواحد لما بيلاقى حد بيعمل حاجه صح
بيشجع اللى قدامه انه يعملها
دا حقيقى
جربى كدا وهتشوفى
أسألينى انا حماتك
مربياهم اتنين
هههههههههههه

بص ياقمري انا زيك تماما واحيانا كتييييييييييير اوى مش بزعل من نفسي بس بحتقر نفسي جدا لما ابقى مقصره في حق ربنا ومع كدا ربنا كريييم اوى معايا بحس انى غبيه اوى وبخاف اوى كمان

زى ماقل توتن شوفي حد يشجعك على كدا صدقيني الشيطان هو اللى بيضحك عليكي عارفه بقول لنفسي لما الاقيني قصرت اوى ((شوفتى يامروتى اهو الشيطان اللى ربنا حظرك منه عرف يضحك عليكي واخرتى الصلى او ما قراتيش قران النهارده((

لازم تحسسي نفسك انك في صراع بينك وبين نفسك وشيطانك وانك لازم تكسبي الصراع والحرب دي وكل ما يغيب ذكر الله عن بالك قولى لا انا اقوى من الشيطان واقوى من نفسي اعتبري كل يوم في حياتك اخر يوم في عمرك واقنعى نفسك بعد الشر طبعا عليكي ان مفيش بكره وهقابل ربنا ازاى

لما تيجي تصلى وعايزة تخشعى اقنعى نفسك وماتقوليش هروح اصلى قولى انا هروح اقابل ربنا وشوفي تحبي تقابلى ربنا ازاى

اكتبى وعلقى على مكتبك وفي جهازك وفي اوطتك حاجات تفكرك بربنا وهدفك اللى عايزة تعمليه يعنى علقى قدام المكتب اذكار الصباح والمساء اول ما تشوفيها هتفتكري تقوليها حطى المصحف في نص المكتب وخلى السجاده مفروشه لما تلاقيها على الارض هتصلى وتفتكري انك اخرتى الصلاة



اسفه ياعمري طولت عليكي الكلام بس ربنا وحده يعلم انه لمصلحتك وابعدي عن اصحاب السوء وادعى الله يرزقك صحبه صالحه تعينك على الخير وربنا يعينا كلنا يارب....اختك مروتى

عارفه اكتر حاجه هتخليكي كدا مش عارفه تتقدمى ان الشيطان بيضحك عليكي ويقولك انتى احسن من غيرك وشوفي فلانه ولا فلانه

او يقولك انتى زعلانه من نفسك يبقى ربنا عالم اللى في قلبك وهيغفرلك عليه طبعا ربنا يعلم ماتخفي الصدور بس ما تصدقيش نفسك

اللى زعلان من حاجه بيصلحها مش بيقول كفايه انه مأثر فيا صح؟؟؟ طيب هقولك حاجه جميله ولله المثل الاعلى طبعا لما حد يعملك خدمع وتانى مرة يجبلك حاجه وتالت مرة تطلبي منه ويعملك وانتى حتى شكرا يا تقوليها يا ماتقوليهاش ورغم كدا برضو مستعد يقدملك كل اللى تحبيه وتعزيه وفي مره ......تأكدي يانور ان هيوصل لدرجه مش هيبقى طايق يبص في وشهك اصلا علشان يعملك حاجه ههههههههههه سوري يانور عارفه بهزر

يبقى ما تشوفيش الحاجه الحلوة وشوفى تقصيرك علشان تعرفي تصلحي
الله يخليكي ماتزعلي من كلامي

انا مش زعلانة من كلامك يا مروة
لان انتى مقلتيش كلمة واحدة تزعل اصل
وانتى معاكى حق فى كل كلمة انتى قلتيها

وانا اصلا قلت نفس كلامك ده فوق
لما قلت:-
بس الاهم ان التغييير ده يحصل والاهم اكتر انه يستمر مش يومين وخلاص

ومتخفيش والله انا مش زعلانة