والله العظيم حاجة تكسف.............!!!!!!!

والله العظيم انا هتجنن خلاص
تخيلوا يا جماعة قريت خبر فى جورنال الاهرام
بجد حاجة تكسف اوى
الخبر يعتبر عار على المجتمع العربى
الخبر بيقول
"عملوا احصائية عن القراءة فى العالم
وجدوا ان الامريكى بيقرا 8 كتب فى السنة والانجليزى 6 كتب فى السنة طبعا دى حاجة جميلة
المصيبة بقى تخيلوا لقوا العربى المحترم المثقف بيقرا اد ايه
تخيلوا اد ايه

هتتصدموا

العربى
بيقرا
ربع صفحة!!!!!!!!!!!!!!!!!

ربع صفحة
تخيلوا يعى مش محصلين حتى صفحة واحدة فى السنة كلها
مش محصلين كتاب واحد حتى
قولوا لى بالذمة مش حاجة تكسف
احنا بس اللى فالحين نقول ان مصر حضارة والعرب اصل الحضارات
واصل التاريخ
احنا بق على الفاضى وبس

مش فالحين غير فى الاعتراض ع كل حاجة واى حاجة

وكان الله فى العون

والله بجد حاجة تكسف
بس انا بشك في الاحصائية دي
اذا كان انا بس بقرأ كل يوم حوالي 9 كتب يبقي ازاي العرب بيقروا ربع صفحة
انا هرفع قضية علي جريدة الاهرام
وشكرا ليكي جدا يا نور
يا مشرفة القسم الديني
ويارب تكوني مهتميه بالمنتدي اكتر من كدة

بجد بجد الواحد بعد ما قرى الموضوع
ده جاله احباط ده حتى مش هيطيق يبص فى الكتاب
بس فعلا الواحد مضايق بس ده واقع لازم نرضى بيه
والف شكر على المواضيع الجامدة دى يا نور

اولا بشكرك يا ماهر على ردك ده وانت بجد بجد فشار اوى
بقى بذمتك بتقرا تسع كتب فى اليوم دانت لو قريت كتاب الدراسة بتاعك كنت هزغرط
ههههههههههههههههههههههه
قال 9 كتب قال

اما احمد صلاح فبشكرك جدا على ردك ده بس انا زعلت ان جالك احباط
المفروض اننا نحاول نرفع مستوى ثقافتنا شوية ونحاول نقرا ونعرف الدنيا اكتر
واللى مزعلنى اكتر يا احمد ان العالم العربى هو اصلا اللى علم البشرية دى كلها العلوم والثقافة
ف عيب اوى نطلع كده فى الاخر

وكمان الانجليزى ولا الامريكى هم اكتر الناس اللى عندهم تطور تكنولوجى دلوقت ومع ذلك مسابوش القراية وقعدوا بالساعات ادام النت وخلاص بالعكس دول ادوا للقراية حقها وادوا للتكنولوجيا كمان حقها
وربنا يهديكم ياعرب امين

اعترااااااض.... بس مش خبر زى دة اللى يجنك او يخليكى تفكرى فييييييه عارفة ليه.....لان فى حاجة اسمها ضربة صحفية بمعنى انا صحفى عايز اشتهر وعايز اكبر عدد من الناس يقرا مقالاتى اعمل ايه بقى اعمل ضربة صحفية حتى لو مقالى دة مش بنسبة صدق 100% اهم حاجة قروا اسمى وتكلموا عنى وقروا موضوعى ولا لا.......يارب تكونى فمتينى........
لانه استحالة استحالة يكوووون الفرق دة كله اة جايز هما اكتر لكن بالنسبة دى شووور لا

متنسيش ان احنا امة اقرا احنا امة الرسول ص

ويارب يارب يارب ربنا يكرمنا ويكرم العرب والمسلمين ونتفوق عليهم اجمعين

اولا انا حاسس ان الاحصائيه دى مش مظبوطه

مصر فيها ادباء كتيييييييييييييير

وفى ناس كتييييييييييييييير بتحب القراءه

والمصرى طول عمرة معروف بجبروته وقوته

وشكرا على الموضوع الجمييييييييييل دا

و انا كمان حاسه ان الاحصائيه دى غلط
عشان اكيد الامريكى و الانجليزى بيقروا اكتر بكتير من ست كتب ف السنه يا بنتى
انا سمعت انه ف الطبيعى بيقروا حوالى كتاب كل اسبوع
احسيبها بقه

و بعدين يعنى العربى مش لدرجه ربع صفحه يعنى
مش للدرجادى...انا حاسه ان الموضوع فيه مبالغه قوى

اينعم الفرق اكيد كبير...و كبير جدا كمان بينهم
بس النسب هنا فيها شويه لغبطه

و عامتا...انا حاسه اننا مش بنقرى لان معظمنا حاسس ان القرايه دى هم
و بيقولوا مش لما نبقى نقرى اللى علينا الاول نبقى نفكر نقرى بزياده
و انا بتهيقلى هما بيقولوا كده عشان ما جربوش حلاوه القرايه
او جربوها و نسيوا
ممكن نبص يا جماعه للقرايه على انها بتمكنك انك انت بمزاجك تقرى اللى عايز تقراه
و اللى حاسس انك هتستمتع بيه
و اللى عايز تعرف معلومات عنه
بعيدا عن الاجبار بتاع الدراسه
بس ف الاول

بس ف الاول و الاخر بيبقى السبب اننا مش عارفين قد ايه القرايه دى ممتعه
و اننا بننشغل بحاجات تافه عن القرايه

يا جماعه الاحصائيه دي ممكن تكون ع مستوي مصر كلها يعني المتوسط و احنا مش عارفيين معايرها ايه يعني ممكن يكون ف حد بيقرا اكتر حد اقل واكييييد في ناس مش بتقرا خااااالص عموما هي بتدل ع المستوي المشرف
شكرا ليكي يا نور ع الموضوع الجميل ده

شكرررررا ليكو كلكوا
ووالله لو الاحصائية دى غلط انا هفرح جدا جدا
يا مصطفى بجد ياريت تكون غلط
انا بنقل ليكم اللى قريته

لكن على رأى نودى دول بيقروا كتاب كل اسبوع يعنى لو زودنا العربى هنزود الانجليز كمان يعنى هى هى
حتى لو طلع العربى بيقرا كتابين
هتلاقى قصادهم عشرين مثلا للانجليزى او الامريكى

شكرا على مروركوا

اعتراااااااااض اقولك حاجة الانسان اساس ليه بيقرا اكيد عشان يتعلم اوك والقراية عمرها مكانت الوسيلة الوحيدة للتعلم ده رأى شخصى

هى مش الوسيلة الوحيدة
بس هى وسيلة مهمة جدا جدا جدا
ولو كلامى مش صح
مكانوش فى امريكا واوروبا اللى هما اصلا اللى اخترعوا النت والتكنولوجيا بيقروا كل العدد ده من الكتب
لو كانت فيه وسائل تانى اهم واحسن كانوا استعملوها
وشكرا على مرورك يا سافيكو

هي فعلا حاجه تكسف / بس أنا مستغرب من الإحصائيه الجامده دي / لأننا زي ماقلتي اصل الحضاره

لكن أنا ليا رأي كمان زي ما قال المثل ( العلم في الراس مش في الكراس

بعدين أنا أهو شاعر زي ما انتي عارفه وما بقراش ولا كتاب

ميرسي جدا ليكي يا نور

العفو يا احمد
انت طبعا شاعر جميل وبتكتب اغانى حلوة اوى
بس الانسان لازم يبقى عنده معلومات عن كل حاجة فى الدنيا مش بس مجال واحد
المعرفة انك تعرف حاجة عن كل حاجة
العلم انك تعرف كل حاجة عن حاجة
فهمتوا حاجة
ههههههههههههههههه
شكرا ليك