ف يوم مكنش السواق موجود كالعاده و برضو كالعاده ركبت تاكسى شوفو قد ايه التكاسى دلوقتى بقوا رغايين
انا/ المكان ال... لو سمحت
هو/اه اتفضلى يا انسه
(يا سلام ع الاحترام و الهدوء)
هو/ حضرتك قولتى فين
انا /المكان الفلانى لو سمحت
(مكنتش اعرف ان دى البدايه)
هو/هو حضرتك ركبتى معايا قبل كدا
انا/ مش عارفه بس والله معتقدش
هو/ مش عارف بس تقريبا ركبتى معايا
هو/ مش انتى ال سالتينى عن؟؟؟
انا /لا مش انا
هو/مش عارف اصل انا سياتك بشوف كتير
هو/تعرفى دا انا بشتغل من الساعه كذا
هو/الواحد خلاص مبقاش فاكر حاجه
(خدوا بالكم هو بيتكلم قد ايه)
ولقيه ظبط المرايه الحركه المعروفه طبعا
وللاسف كان مشوار بعيد شويه عن بيتى
هو/باين ع حضرتك مش منهنا
هو/اصل لمواخذه شكلك نضيف و بنت ناس
(معنا كدا ان ال هنا مش نضاف ولا ولاد ناس)
هو/هو حضرتك قولتى رايحه فين معلش الدماغ
انا/رايحه كذا
لالالالالالالا و عشان يكمل الصداع شغل برنس التكاسى مطرب غير معروف بيقول حاجات غريبه
و ف الاخر كأى بنيادم طبيعى كان الريأكشن بتاعى
انا/لو سمحت انا هانزل هنا
هو/ هو حضرتك قولتى هنا
انا/لا بس غيرت رايى لو سمحت هنا
طبعا نازله بدعى ع البنت ال رايحالها و ع اليوم و ع التاكسى و صداع ايه مقولكوش
لالالالالالالالا و كمان ف الخر يقولى ايه
معلش دوشتك
اما انت راجل ثقيل عديم الاحساس و الذوق يمكن ع انا بنت ناس استحملتك هاتعمل ايه لو حد تانى
يعنى انت عارف انك رغاى و انا مبردش عليك و برضو مكمل
لالالالالالالا بجد مكافح الاستاذ اوى متهيالى بيشقى من تعب لسانو
ايه تعليقكم ع الحكايه دى و ايه رايكم ف التكاسى؟؟؟؟
لو مكانى هاتعمل ايه بزمتك؟؟؟؟؟؟؟؟
سورى لو طولت بس مش اول مره تحصلى باختلاف طبعا الحوارات كل تاكسى ليه خصوصيات
موضوع: حكايه التكاسى؟؟؟؟ 
الأحد فبراير 07, 2010 8:00 am
