نقل المواضيع

موضوع: نقل المواضيع الخميس يناير 28, 2010 9:11 am

بسم الله الرحمن الرحيم

أخوتي في هذا المنتدى لابد ان نتحدث عن المواضيع المثيرة وياحبذا لو كانت تهمنا

وعشان كدة أنا هتكلم بصراحة بدون أحراج في موضوع لازم نتكلم فيه وهو

( نقل المواضيع )

سؤال هسألة وياريت نجاوب عليه .

أنت موافق علي نقل المواضيع ونكتب في أخر الموضوع بالبنط العريض ( منقولة ) أو ( م ن ق ول ة ) ؟؟

أنت بجد موافق ...

تصدقني لو كلت أنا عن نفسي موافق ( بس بشروط ) طبعا

والشروط هي :

1- النقل ليس نقل كل شيء وليس كما هو .

2- لازم الموضوع اللي أنت هتنقلة تنظمه بنظام مختلف ( يعني بنظامك أنت ) .

3- ومش لازم أكتب تحتيه ده منقول . بس في أول الموضوع أقول أنا ( خت فكرة الموضوع دي
من كذا ) . وده طبعا بعد ما تنظمة انت بنظامك زي مقلنا .

ملحوظة /

في منا مبيعرفش يفرق بين ( تجميع موضوع - ونقل موضوع ) ..

أولا : تجميع موضوع .

المقصود بتجميع الموضوع (مثلا )أنا عايز أتكلم عن فكرة وليها عنوان فمن الممكن اني أخد من المواضيع اللي أنكتبت قبل كدة عشان تساعدني في موضوعي . وكلنا تقريبا بنعمل كده وده مفهوش عيب . وده عشان أحنا بناخد من غيرنا بس بنضيف علية سواء ( بمعلومة - بفكرة - بتنظيم جديد وده أضعف الأيمان ) . وبكده هيكون الموضوع من مجهودك تعبت فية تقدر ترد علي المشركات بقلب جامد . مش اللي بيحصل دلوقتي مثلا ( موضوع منقول ) وأشوف مشركاته ألاقي الناس اللي بترد
بتهظر وعلي سبيل المثال رد بيقول ( تسلم أيدك ياجميل ده كلام جميل مفيش بعد كدة مواضيعك كلها جامدة ) طيب أزاي وعلي أساس أية ده هو نقلة هو بذل مجهود عضلي بس وأحنا بجد أخوتي عيزين نتميز, عيزين نتكلم أحنا, أسلوبنا أحنا, عقلنا أحنا, فكرنا أحنا, مش أكتر من كده
وكما قال علي بن أبي طالب ( كرم الله وجهه ) ( تكلم حتي أعرفك ) وأرسطوا قال تكلم حتي أراك

يعني أنت فين . أحنا عيزينك أنت عيزين كلامك - رأيك - فكرك - شخصيتك .

ثانيا : نقل موضوع ..

أي نقلة كما هو بما فيه بدون تعديل أو تغير وللأسف هو ده اللي بيحصل دلوقتي للأسف .
عشان الواحد يزود مواضيعه يخش أي منتدي تاني ويجيب اللي فيه ويحطه كما هو . وللأسف أفتكرت حاجه ومعلشي هقلها بس هقلها بالعكس عشان محدش يزعل مني ( نحن لسنا كالحمار يحمل أسفار ) ... مع ان من الأفضل والأحسن ان الواحد يكتب أن شاء الله موضوعين بس في اليوم بس يكونوا ( بتجميعه ) ( بتاعه هو فكرته ) ( يطور فكرة تانيه شافها في مكان ما ) . وهكذا .

وقبل من خلص الموضوع لازم أسئلك السؤال ده :

هل أنت موافق علي نقل المواضيع كما هي من غير تعديل ولا غير موافق ..؟؟

ولو موافق ..... موافق ليه ؟؟؟

ولو مش موافق .... مش موافق ليه ؟؟؟؟

وبصراحة !!!

موافقه و مش موافقه
موافقه لو موضوع مهم هيفيد بجد
مش موافقه لو مش مهم اوى وال نقله حتى مغيرش فيه
نااااااااااااااااااااااااااااااااااااااااااااايس توبيك محمد
نقل المواضيع 832176