اصعب شىء فى الدنيا هو الفراق!!!!!

ديما كل واحد جواه شئ بيتمنى انه يكمل لكن فى ناس فرحتها مش بتكمل وحياتها بتبقى واقفة على شئ وبتسيب جرح كبير فى

القلب ناس بتحاول تنسى الحب القديم وناس بتعيش على ذكريات الحب القديم من بعد مايضيع جوايا كلام كتير عايز اقوله واحكيه

فى ناس مش تقصد تجرح ناس وفى ناس تقصد تجرح وتهين ياترى كل واحد عارف حقيقة نفسه ولا ده طبيعه جوانا احنا على حسب

نية كل انسان فين أه كتير بحس انى وحيد وسط اصحابى واهلى كتير بتمنى حاجات لكن مابتحصلشى مع انى فى حياتى شئ واحد

مهواش كبير كل واحد فينا نفسه فى حجات جميلة ناس حظها حلو فى الدنيا وناس حظها وحش ناس تحب وتعيش وناس تجرح وتقول

عادى وناس تفارق ناس وميبقاش عادى محدش مننا بيبقى نفسه يبقى وحش ولا يبقى من جواه قسوة الناس بجرحها هى للى بتخلى الانسان للى كان جواه حب وطيبة يتحولو لانتقام الجرح بيحول الانسان لقسوة محدش فينا بيتولد من جواه قسوة لاء
أصعب حاجة لماتشوف اللى تحبها وسط الناس وتيجى تناديها وصوتك مش يسمعه وانت مش عارف هتنساها ازاى وهى قصاد عنيك

ياريت تفهمو كلامى كويس

ياترى لما تفارق للى تحبه وهو قصاد عنيك كل يوم هتقدر تبقى عادى ولا
ليه كل شئ فى الدنيا بنتماه مش بيحصل ولو جزء منه
ليه لما نحب ديما بنتفارق وبنكون قصاد بعض وبننسى الحب للى كان بينا
ليه الفراق فى الحب صعب
ليه كل واحد فينا بيمشى فى طريق بعيد عن التانى لما بنتفارق

مستنى ردكوا على كلامى ويارت تقولولى رايكم

**الماجيـــــك**

نااااايس توبيك ويارب مايجيب فراق لحد

انا شايف ان الفراق اصعب حاجة فى الدنيا
بس جامد التوبيك دة يا مجيك اصعب شىء فى الدنيا هو الفراق!!!!! 832176

فعلا اصعب حاجة في الدنيا الفراق وانت عبرت مش علي اللي جواك لا علي اللي جواية انا
انا برضة حاصل معايا اليومين دول نفس الموقف ومش عارف اتصرف ولا حتي اكمل حياتي عادي ويا ريت اللي حوالية حاسين بيا او فاهميني كلة عاوزني اضحك وبضحك بس من ورا قلبي
علشان مزعلهمش ويا ريت قادر اتكلم ............شكرا ليك جدا Crying or Very sad

يا ماجيك صحيح ان الفراق حاجه صعبه وخصوصا لو كان الحب بجد اوى لكن لازم تخرج من حالتك
الدنيا ما بتقفش عند حد واكيد ربنا ليه حكمه ف كده حاول تعيش حياتك وحاول تنسى الحب القديم بحب جديد
وحاول تقرب من ربنا اوى لانه هو الوحيد اللى يقدر ينسيك ومفيش حاجه هاتنفعك غير قربك من ربنا
معلش طولت عليك لكن ياريت يكون بفايدة

بصراحة انت لمست جزء فظيع من حياتى
ولعبت على الوتر الحساس
لانى اليومين دول انا مش عارف اعيش
يا راجل حتى صينية البطاطس اتحرقت منى ومعرفتش اكل حاجة رحت جبت دليفرى كنتاكى
وده الفرق بين الفراق واللى مش فراق
زى الفرق بين صينية البطاطس فى الفرن ووجبة كنتاكى
--------
وبعدين بصراحة كلامك صح يا ماجيك وانت دوست على الجرح
وفكرتنى بالموال الشهير بتاع المطرب العالمى الرقيق الحساس
ابو عيون جريئة
الاستاذ عبد الباسط حمودة

لما غنى اغنيتة الشهيرة اللى غناها فى شتاء 2008
انا مش عارفنى
انا تهت منى
انا مش انا
لا دى ملامحى...ولا الشكل شكلى ولا دا انا
ابص لروحى فجاءة
لقتنى كبرت فجاءة
تعبت من المفاجاة
ونزلت دمعتى....
---------------

تعبير حى وصادق ومعبر عن اللى جوايا
لانى اليومين دول انا والبت بيسة حبى الوحيد متخانقين وعايزة تفارق وتهجرنى
على الرغم انها لسة من يومين شاربه 5 بيرة على حسابى
بس تقول ايه ناس مابيتمرش فيها البيرة
----------------

نايس توبك يا ماجيك
بس لنت قطعت قلبى يا راجل
حسبى الله ونعم الوكيل

موضوع رائع لانه من جواك بجد
انا ليا رد عليك بس هأجله شوية
بس بالنسبة لكلام مون طبعا حلو و لكن اختلف معاها ف نقطة انسي الحب القديم بحب جديد
انا شايفة ان اي انسان خارج من تجربة زي كدة احسنله انه ياخد زي فترة نقاهة كدة يكون اثناء الفترة دي قافل قلبه و بيعيد حساباته
لان حب بعد حب ع طول يبقي التاني مش حب يبقي وسيلة نسيان بنجرح بيها غيرنا
يا رب يكون قصدي وصل
من هنا لغاية ما ارد ع اسئلتك
ليك مني تحية ع الموضوع دة ..

اختلاف الرأى لا يفسد للود قضيه
اكيد يا ايجبت كلامك اصح لانك اكبر منى وعارفه اكتر منى
بس انا مش كان قصدى حاجه وحشه لحد

اكيد يا مون و انا عارفة قصدك
و كلامك كله كان جامد بس النقطة دي انا وضحتها بعد اذن اختي الصغيرة
ادعيلي بقي و شدي حيلك انتي كمان

طبعا ده شرف ليا انك تكونى اختى
ان شاء الله كلنا هانعدى من الامتحانات على خير

يا رب

لو سمحتلى موون وا يجيبت انى اعلق على الموضوع بتاع الخروج من حب الى حالة حب جديدة
دا طبعا بعد اذنهم ...
بص يا هندزة .. خد اخر الكلام من بيتوفل ميستيك ..
علشان نتكلم بشكل منطقى وعقلى بعيد عن التهريج فى النرويج بتاع حب سابق وحب لاحق
لازم نعرف ايه هو الحب الاول قبل ما نتكلم عن اى حاجة

من وجهة نظرى ان الحب هو حالة من النشوة بين اتنين توافقت عندهم الافكار والمشاعر ..الخ ... فى لحظة زمنية معينة وكان الاتنين بيدوروا على الحب فى نفس التوقيت ..او على الاقل عندهم الاستعداد النفسى للحب ..
يعنى من الاخر ..هو كيميا .. بين اتنين

كدا حلو .. اوكى يا هندزة

الاتنين عاشوا الحالة وتعايشوها .زوبعدها بتتشكل رؤية خاصة بالاتنين والمفروض انها تكون رؤية واحدة .. يعنى حالة من التوحد ..وهى اعلى درجات الحب .. ببساطة يعنى انا ممكن احس فجأة ان اللى بحبها زعلانة او فرحانة .زعلى الرغم ان هى فى بلد وانا فى بلد تانية
راعى حاجة ..انا باتكلم عن الحب الصادق اللى بجد مش الهبالولى

ماشى كدا يا هندزة
اوكى

يحصل ان الرؤى تختلف او ان الكيميا اللى كانت موجودة حصلها لخبطة او لاى سبب انفصل الطرفين
اسباب الانفصال اكيد مهمة .. بس امهم فى النهاية انقفصلو ..

تعالى بقى يا معلم .. شوف كل طرف هايحاول ان يدور على الحب مع حد تانى وفى حتة تانية
ماشى ..كلام جميل

- بص يا باشا .. من المستحيل ان اى طرف هاينسى الطرف الاخر . يعنى الحب الاول .. مش هايتنسى
لان حالة الكيميا الاولى صعب التخلص منها .. كليا . علشان نكون واضحين
هاتيجى لحظات على الطرفين هايفتكرو بعض .. وده اكيد هايكون له تأثير على الحب التانى

يبقى ايه الصح ان الواحد يخلى فى فترة زمنية كبيرة نسبيا .. بين الحب الاول والتانى علشان يكون اطمن انه قدر يتخلص من اكبر جزء ممكن الحب الاولانى
..
لان ممكن يكون الشخص التانى ده مجرد شخص مناسب ..فنتخيل ان احنا بنحبة
لان فى التوقيت ده الانسان بيحاول يهرب
وبعدين فى فرق بين شخص مناسب اتعايش معاة ..وشخص مناسب احبــــــــــــــــــــــــــــــــــــــــــــــــــــــــــــــــــه

حد فهم حاجة منة اللت والعجن بتاعى ده
اشك ..

لا يا ميستيك انا فهمت
وعالعموم شكرا عالافاده العظيمه دى
انا عايزة اعرف حاجه
صاحب الموضوع هو ماجيك تمام
لكن كلنا قاعدين نتناقش وصاحب الموضوع نفسه مختفى
هو راح فين بقى

هههههههه
صاحب الموضوع وراه امتحانات

بس بجد توبيك حلو يا ماجيك و متنساش تعدى عليا النهاردة

اصعب شىء فى الدنيا هو الفراق!!!!! 99152_1212585374

و تشك لية يا ريس
كلامك مفهوم و واضح و جزء منه نفس كلامي اللي فوق

لأ يجماعة انا مش مختفى ولا حاجة وبجد انتوا شرفتونى فى التوبيك ومرسى على كل الاضافات والاراء الجامدة

ومرسى لايجيبت ومستيك وقمر على مشاركتم فى التوبيك

Thanks

صح يا ايجيبت

ده احلى كلام

تسلم يا غالى
مجنون + ماجيك = سحر مجنون و مع الساحر ماجيك

اصعب شىء فى الدنيا هو الفراق!!!!! Crazyboy

اولا احييك كتيررررررررررر ع التوبيك دا
ثانيا الفراق صعب اوى سواء بين الاصحاب او اى حاجه اسمه فراق بالنسبه للحب بيكون اصعب ف ناس بنشوفهم كل يوم بس كاننا مش شيفنهم وناس حتى لو مش قدامنا مش بننساها مش لازم يكون قدامك حبيبك ع يبقى الفراق صعب اكيد صعب ف حاجه انا قدامك و مش معاك بس اهون كتير انك تكون مش شايفه اصلا وعموما الفراق جرح كبير عمره مابيتنسى و كمان لو ف عشره كبيره
اصعب شىء فى الدنيا هو الفراق!!!!! 832176