تحس إنك بتحس و هما ما بيحسوش

لما ترحل بتحس بكميه كبيره وطاغيه من الإشتياق ..
وتحسب إنهم بيستنوا موعد رجوعك .. بكل مافيهم من مشاعر.. وبعدها
ترجع ومتلاقيش اللي يستقبلك .. أو يحضنك .. ويقولك ( افتقدتك ..)

هنا ...تحس إنك بتحس و هما ما بيحسوش ..!

لما تتألم .. وتتألم .. وتشتكــي وتتكلم ..
وتحسب إن اللي بتشكيله يتمنى لو إنه يكون مكانك ..
عشان يشيل عنك الهمـ.. وبعدها .. تنصدمـ .. إن عينيه معاكـ .. من غير قلب ولا عقل ..

هنا ...تحس إنك بتحس و هما ما بيحسوش ..!

لما تفرح بإن أقرب الناس حواليك ... وبيرفعوا من قدرك ..
ويشجعوك. ويحسسوك بإنك أقرب الأقربيــن ليهم .. وبعدها تنصدم
إنهـــم.. بعــد خروجكـ ..بيحطوك في محط للاستهزاء .. والسخــريـــه...

هنا ...تحس إنك بتحس و هما ما بيحسوش ..!

لما تحزن .. وتحزن .. لدرجة إنك.. تحس لو إن اللي بيكرهك..
لو عرف إيه اللي فيك .. كان جري عليك وحضنك .. فـ نستنى أي حد من أقرب الناس ليك إنه يحس إنك حزين
يقرأ عينيك .. من غير ما تتكلم .. فـ يواسيك.. بـ لغة العيون ..
يحسسك بإنك حته منه وإن اللي بيوجعك يوجعه .. فـ تتحطم .. لا في حد يواسي..ولا عيون تفهمكـ..

أكيـــد هنا ...تحس إنك بتحس و هما ما بيحسوش ..!

لما تبكي وتبكي .. وتغرق بالدموع ..وتستنى اللي يمسح دمعة عينيك .. و يئــيـــد شمعة قلبك..
ويهديـك جرعه من النسيان عشان تنسى اللي حصلك .. فـ تزيد دموعك .. وتبقى الأزمه أزمتين ..
لأنك على يقين ..إن مفيش حد هيمسح دمووعك..

يبقى مفيش بإيدك إلا إنك تحس إنك بتحس وهما ما بيحسوش .. !

لما تحب .. وتتمنى لحظات اللقــــا إنها تيجي وتتولد ما بينكم ..
وتحاول إنك تفرح وتبسط اللي بتحبه بكل ما تملك ..وميحسش بحبكـ ولا يقدّرهـ ..
وتكتشف إن حبكــ ناقصه إنه يكون متبادل..

إحبطاك هيجبركـ .. إنك تحس إنك بتحس وهما ما بيحسوش ..!

لما تقرب لحظات الوداع اللي بتوجع أووووي ...
وتتمنى إنها متتكتبش في لوحات القدر .. وبعد كدا تكتشف إن اللي بتودعـه.. مش هيحن ليك بعد الوداع ..
وهينســـاك..بمجرد إقلاع طيارة الوداع..

تحس وقتها .. بإن محدش يستاهل .. وإحساسك هيخليك ...تحس إنك بتحس و هما ما بيحسوش ..!

لما تتجمع بيك كل الأحـــاسيس المرهفــــه .. وما تلاقيش زيها عند أي حد..
يبقى الأحاسيس المجتمعه دي .. هتأكدلك ..

إنك بتحس و هما ما بيحسوش ..!

بتمشي بينا الحيآه .. ونكتشف إننا لما نحاول نخلي حد يحس بينا ..

هنقدس نفسنـــا لأن محدش هيحس بينا غير نفسنـــا ..

تحياتى للجميع

بيحصل كتيييير معايا
وبيقى شعور وحش قوى

اكتر حاجة حصلت معايا
وبالذات مع اهلى بحس ساعات اتهم عاوزينى عشان الحاجة بس غير كده مبشوفش وشهم
و بزعل اوى و الله

معلش ياويكا انت ولاف بوي
ماتزعلوش
وميرسي لمروركم

قلبتى علينا المواجع


ههههههههه

قلبتى علينا المواجع

اهى اهى اهى اهى

الزمن تغير ياحور كل واحد بيقول يلا نفسى واهم حاجة مصلحته ده حتى لو كان قريب منك اوى على العموم ماتزعليش

خلاص ياجماعة حقكوا عليا
حسيستوني بالذنب
دي كانت مجرد فضفضة وللاسف
دايما الحقيقة بتوجع
ميرسي ليكم جميعا

ولا يهمك يا حووووور احنا بنحب نفضفض






　

لا تجعل مشاعرك ارض يداس عليها بل
اجعلها سماء يتمنى الناس الوصول اليها

فعلا يا اخت حور عين
دى عالم معندهاش دم

بتديهم كل المشاعر والاحاسيس الحلوه وبعدين تلائيهم كدا ... ايه البنى ادمين دى ...