عايزة اعرف!!!!!!

اولا ازيك يا جميلة
ثانيا انا عايزة اقول حاجة لستايل
انت ازاى فى الاول تقول

متنسيش اننا في مجتمع شرقي او في الصعيد عاما

وبعديها تقول

المفروض برضوا انها لو معجبة بية زي ما هو معجب بيها تحاول تبينلة دة بطريقتها


دة تناقض

اما بالنسبة ليا انا
فطبعا لازم هوة اللى يبدا وهية حتى لو حاسة عمرها ما تبدا ابدا
انا عارفة فية ناس ممكن تقول انى شديدة شوية
بس انا بالنسبة ليا
كرامتى فوق كل شئ
وقلبى وحبى غاليين عليا جدا
وعلى ما اعتقد ان المفروض الولد هوة اللى يبدا بس طبعا يكون جاد
مش بتاع كلام
وعلى العموم البنت بتقدر تفرق باللى شاريها واللى بيلعب بيها

الحب فعلا شئ سامى جدا
بس للاسف نادر لما نلاقى حد يكون مقدرة فعلا

لان دلوقتى سهل ان اى واحد يقول لواحدة بحبك
بقت كلمة عادية بالنسبة ليهم
لكن بجد الحب اكبر من كدا بكتير
بشهادة كل اللى حبوا بجد
ربنا يرزقنا ويرزقكم
باللى نحبهم ويحبونا بجد
ونكون اسرة صالحة باذن الله

تقبلى مرورى

كلامك هو كلام استايل وميلانو
بس انت فعلا جبت من الاخر وكلام جميل
بس مش كل تفكير الاولاد زى بعضها
ولا كل تفكير البنات زى بعضها
يعنى حسيت من كلامكو ان انتو شباب طبيعيه
لكن فى ناس اعرفها واسمع عنها تفكيرها معقد جدا وعندهم نقص اوى
وده ميستاهلش الحب اصلا
يعنى ممكن تلاقى حد كل ما تقربله يبعد عنك وكل ما تبعد عنه يقربلك
ده ايه ده بقى

انا ليا وجهة نظر تاني خالص

انا شايفة ان الشاب لواعجب بواحدة او حبها قبل مايفكر في كل دا اولا يفكر هو في سنة كام قدامه قدايه ويخلص
هايقدر يفتح بيت امتى ويعتمد على نفسه ؟؟؟
الحب مش كلمة بتتقال ولا احساس بيتحس بين اتنين وبس
الحب مسؤولية
الحب مش انك تقولها بحبك وهي كمان وتقعدها جنبيك 10سنين الجامعة والجيش ويبدا يدورعلى شغل الخ الخ
لحد مايجي يوم ويقولها انا مش عايز اقعدك جنبي شفي حالك
ودا بعد ايه بعد خراب مالطا
انا شايفة ان اللي بيحب بجد حبه مايكتملش غير بالارتباط الرسمي
لوظروفه تسمح يروح يقولها ويصارحها بحبه
ولو ماتسمحش اكبر اثبات لحبه انه يحافظ عليها ومش يحاول يقربلها الا لما يكون جدير بها
معلش طولت عليكم
بس دي وجهة نظري

لحن حبى
زى مانا قلت قبل كدة فى ردى على ستايل وميلانو
بس عجبانى جدا لما قلتى

وعلى العموم البنت بتقدر تفرق باللى شاريها واللى بيلعب بيها

معاكى حق جدا
الواحدة بتقدر تفرق
بس فية ناس بتحب تعيش نفسها فى وهم
لحد ماتتصدم فى الحقيقة
وتغنى ظلموه


ويارب يرزقنا ويرزقك بالانسان الصالح اللى نكون معاه اسرة صالحة باذن الله

بسنت
نورتينى ياقمر
وفعلا فى ناس كدا بينطبق عليهم مثل
القط مايحبش الا خناقه
الناس طباع بقى
ربنا يصبرنا
ونورتينى

يا جماعه انا مش باحرض علي الصحوبيه والكلام الفاضي ده . لا والله انا قصدي علي مرحله القبول الأوليه لكن بعد كده طبعا الأهل هيعرفوا ويقوموا بدورهم.لكن انا أصلا ضد فكره ان الموضوع يكون من ورا الأهل لإنه مش يصح ابدا. انا داخله دلوقتي مخصوص عشان اوضح الفكره لإني مش مستعده اني اشيل ذنب اي حد يصاحب او يمشي مع حد . ارجوكوا ياجماعه كل واحد يفكر قبل ما يعمل اي حاجه عشان ربنا شايفنا وهنتسئل عن اعمالنا واقوالنا. اللهم بلغت اللهم فاشهد . يارب تكون وصلت

لو قالها ممكن يكون رد فعلها وحش يا جميلة ، واتفق مع حور العين ان الجواز للي جاهز ويقدر على تحمل المسئولية / Mohamed

ههههههههههههههههههههههههههههه
الحب بيبقى مشاااعر بين الاتنين اللى بيحبو بعض و معلش ممكن ايوة مش يبقى من اول سنة و لا تانى سنة و ممكن يجى من اول نظرة و ممكن يبقى طيش شباب لانها بتحصل كتير المهم و اهم حاجة انت حاسة بايه ناحيته و هو حاسس بايه ناحيتك
مثلا ممكن هو راح يقولها انا معجب بيكى و هى معجبه بيه بس تقوله لأ تبقى هى عاوزة تشوف مدى حبو ليها لو اتكسف مرة ممكن الواد يقولك خلاص طنش و ممكن يقول لأ وراها وراها
لانه متاكد وواثق انها بتحبه وهو بيحبها و ممكن بيبان من العيووون لانها احلى لغة الواحد يقدر يفهم بيها

اما بالنسبة لقادر و شغل و الكلام التافه ده تقدير و توفيق ربنا يعنى مش المفروض ان الواحد مثلا ميحبش لحد ما يقول انا خلاص لقيت شغل ساعتها هحب الواحد لو بيحب الواحدة عمرو مهيتخلى عنها و العكس تمام هو ده اللى اسمه الحب الحقيقى

اسمعو الفيلمين دول
اسمهم
walk to remember
sweet november

و قولولى رأيكو

و الحمد لله على كل شىء

يا بيبيتو يا جامد
يا بتاع بلدك