مين هيحج ويعتمر معانا النهاردة؟

ازيكم ياشباب

حد عايز يطلع عمرة .. ويحج كمان ؟؟؟؟


انا كل يوم معايا تاشيرات مجانية ..

ووالله ببلاش جدا ولا هتدفع فيهم ولا قرش ...

وممكن تعمل عمرة كل يوم لو انت عايز كمان .... وحج كمان والله ..


وانتوا كمان يابنات عمرة كل يوم تخيلي وحجة كمان ...

ومش مهم معاكي محرم ولا لا ...

ومش هتدفعي ولا حاجة ...


وهتاخدي عمرة وحجة تامة تامة تامة ....



عارفين بايه ؟؟؟؟

عارفين العمرة والحجة دي تعملوها ازاي وثمنها ايه ؟


النهاردة دلوقتي انت صليت الفجر

ربنا يتقبل منك يارب ...


عايز تتم جميلك وتعمل عمرة وحجة كمان عشان يبقى يومك تمام

هيا ساعة ... ساعة بس ياشباب ...

ساعة بعد ماتصلي الفجر ...

يعني على ماتخلص صلاة الفجر او تخلصي الصلاة

هتكون الساعة تقريبا 5

هتقعد لغاية الساعة 6 ...

تقرى قران وتقول اذكار الصباح وتسبح وتهلل وتستغفر ...

وبعدين الساعة 6 وربع تصلي ركعتين الضحى ...


عمركم شفتوا عمرة او حجة اسهل من كدا

وانت في مكانك وانتي في قودتك ...


بشوية ذكر لله

تكون عملت عمرة وحجة تامة تامة تامة زي ماقال الرسول الكريم صلى الله عليه وسلم

"من صلى الفجر في جماعة ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة تامة تامة تامة .
(صحيح) انظر حديث رقم: 6346 في صحيح الجامع


ها يا شباب مين هيطلع النهاردة لحجة او لعمرة

ها يابنات دي فرصة ثمينة قوي استغليها لانك يمكن

ماتقدريش تعملي عمرة في بيت ربنا ..

اهو ربنا اداكي عمرة وانتي في بيتك وقاعدة مرتاحة

وفي مكانك ..

اوعي تقولي انك هتضعيها اوعي ...


ها ياشباب ويابنات مين هيحجز معايا

اول تاشيرة واول تذكرة ؟


مين هيعمل عمرة وحاجة تامة ؟؟؟

وشوفوا الاجر والثواب بقى عند الشكور الكريم ايه ؟؟؟

اوعى تفرط فيها

اصل تبقى ضيعت على نفسك فرصة غالية قوي ....

فرصة ببلاش بس مين الذكي اللي يغتنمها

يلا ياشباب يلا اوعى تنساها ...

وكل يوم ان شاء الله هبعت لكم تذكير بيها ...

عشان دي غالية قوي ومهمة قوي ..

ومش المفروض ننساها ابدا ....

نورتوا
وربنا يكرمنا كلنا

ياعمي اعمل كده وخليها على الله وصفي نيتك
وده المهم

ربنا يجازيكى خير يا نايل

الللهم اميييييييييييييييين

جزاكى الله خيرا