ايه رايك في البنت اللي شخصيتها قوية؟

انا النهاردة عايزة افتح باب المناقشة في وهي ليه الراجل مش بيحب البنت القوية الشخصية او لعلارة اخرى الي بتناقشه ومش موافقة علىطول او موافقة على طول
ليه دايما عايز اللي تقول حاضر ونعم بس عشان يثبت انه هو الراجل وهو المسيطر عالوضع ياريت اسمع رايك

لأ اكيد فى مننا بيحب انه يرتبط بأنسانه ليه شخصيه ورأى ومش معنى انها تقول للراجل اه ونعم وحاضر زى ما بتقولى تبقى بنت ضعيفه او سيطره الراجل عليها .. لأ
هى مش بتتقاس كدا رأيى ان الإحترام المتبادل بين الراجل والمرأه بينعكس على طريقه الحوار والمناقشه بينهم مش شرط كلام الراجل يكون هو الصح دايما
برأيى ان المرأه متحاولش ترفض رأى معين من مبدأ نقيض الشىء او انها تكون مش مع الحاجه دى وخلاص كون انها تكون مختلفه يحسسها اها قويه لأ المفروض انها تكون ليها رأى مختلف عن قناعه مش مجرد انها مختلفه وليها رأى تانى وخلاص بس كدا دا رأيى شكرا

ياريت كل الرجالة يكون رايها زيك
على فكرة الاختلاف مش بيكون مقصود
بس للاسف في رجالة مش بتبقى عايزة حد يناقشها وبيتصور انه لما البنت تناقشه انها تبقى عايزة تسيطر عليه
ميرسي على رايك الجميل

البنت الى شخصيتها ضعيفة انا مش ممكن حتى ف يوم من الايام
اخد رايها ف اى موضوع
لانها ساعتها هتوافقنى ف كل كلمة يمين هتقول يمين
شمال هتقول شمال برضو
لكن المتحدثة واللبقة والفاهمة هى اللى نقدر نعتمد عليها فى بعض
امورنا الحياتية
يبقى ملخص كلامى
انو البنت المتحدثة واللبقة والى فاهمة الدنيا من حواليها
هى دى فعلا البنت اللى شخصيتها قوية جدا
حتى وان كان صوتها دا مش بيطلع
يعنى قوة شخصية البنت مش ف عصبيتها ولا صوتها العالى
لاء بالعكس دا اللى عصبية وصوتها عالى دى
دايما بيكون موقفها ضعيف ومهزومة
لكن الواعية هى دى فعلا البنت اللى اى شاب يحلم بيها
تحياااااااااااااااااااتى ع الموضوع الجمييييل ده ,,

من رأيي بصراحه البنت اللى شخصيتها قويه مش محبوبه اوى
لان ممكن الحياه هتتملى مشاكل لفرض السيطره على البيت
و العلاقات هتبقى متوتره لازم يكونو على الاقل متفاهمين بينهم و بين بعض
المشاكل و النكد بيموتو الحب لو هما بيعشقو بعض بس النكد و المشاكل بينهم بتقتل كل حاجه حلوه
المركب اللى ليها ريسين بتغرق مينفعش اتنين شخصيتهم قويه يتجوزو هيبقو عاملين زى الديوك كل يوم مشاكل
و ف الاغلب احنا كعرب شرقيين بنحب البنت او المرأه تكون بتسمع الكلام
مع عدم الغاء شخصيتها و ووجودها و عدم الاستماع لرأيها اكيد
لازم الزوجه تكون مطيعه الرسول ص ع س قال فيما معناه لو امرت الزوجه تسجد لاحد بعد ربنا لامرتها تسجد لزوجها
ممكن الزوجه تخفى قوه شخصيتها ف رقتها و بالسياسه ممكن تاخد اللى عاوزاه
والله اعلم
نيس توبيك
تقبلى مرورى و رأيي

معتقدش ابدا ان فى حد مننا يحب يرتبط بانسانه ضعيفه ولا يحب انه يهمش دورها لو كانت قويه
مدى قوه او ضعف شخصيه البنت فى بدايه حياتها وقبل ما تتجوز بتنعكس اكيد على الأطفال بعد كدا لان الجزء الأكبر من حياه الطفل اكيد بتكون مع الأم مش مع الأب ..........

ان شايف بصراحة ان قوة شخصية البنت في زكائها مش في شخصيتها

لان قوة شخصية المراءة هينعكس علي طبعها وبالتالي هتفقد انوستها

من الاخر مش هتبقي المراءة المعروف عنها الجنس الناعم الرقيق

اما اذا كانت زكية هتعرف ترضي جوزها وتعرف تربي الاولاد

لو مان
بجد بحييك على رايك الجميل ده

سافيكو
بصراحة انا مش بعاك بس برضو ده راي يحترم

رسمي ميرسي عالتعليق وكلامك فيه وجهة نظر جديدة

ستايل اكيد الست لاوم تكون زكية بس قوة الشخصية مش مهناها ابدا انها تفقد انوثتها