ليه حياتنا كلها ما تكونش رمضان

السلام عليكم ورحمة الله وبركاته


ازيكم يا شباب وفتيات سياحه

كل سنه وانتم طيبين بمناسبة رمضان والعيد

المهم

من اول رمضان والحمدلله معظمنا محافظ جدا ع الصلاه

كتير مننا ختم القران

ربنا يصلح حالنا اجمعين قولوا امين


ومعظمنا برضو لما يزعل او يضايق من حد يقولوا انى صائم

ويبقى مسالم اوى وهادي جدا وفي روحانيات جامده



عمركم ما سألتم انفسكم ليه حياتك كلها ما تكونش رمضان في رمضان

معلش سؤال بسيط اسأله لنفسك هو ربنا موجود في رمضان بس؟


استغفر الله العظيم وسبحان الله موجود في كل وقت وحين

طيب ياعم مش عيب اوى تعبده شهر وتنسى باقي السنه


سؤال تانى

القران مش موجود في بيتك غير في رمضان بس؟

بالله عليك مش مكسوف وانت بتقرأه اول رمضان

احيانا لما اغيب عن قراة القران احس انه بيقولى انا زعلان منك علشان نسيتى حق ربنا اللى مكتوب فيا


اعذرونى كمان سؤال

هو انت ماينفعش تبقى مسامح ولسانك حلو بطاعة الله غير وانت صايم؟

زمان واحنا صغيرين كان في وحده صحبتى لما كنت ازعلها او نتخانق تقولى هعتبر نفسي صايمه ومش هرد عليكي

اتغاظ طبعا واحاول استفزها اكتر علشان ما احسش انها احسن منى

ربنا يجزاها خير يارب

بجد كلامها صح اعتبر نفسك او اعتبري نفسك صايم او صايمه كل يوم

وماتردش على اي حد غلط فيك


لانك اكبر بكتير من انك تضيع وقتك في حاجه زى كدا



معلش يا شباب طولت عليكم بس نفسي الاقي الناس كلها في نور رمضان دايما

وفي روحانيتهم دايما

والله الدنيا بتبقى منور من الخير في رمضان

تحياتى