الصداقة مواقف & والندالة دروس

موضوع جميل قوي
يستاهل اني افكر قبل ما ارد عليه
اصل من الحاجات الكبيره اللي ممكن تعذب الانسان خيانة صديقه ليه

اسمحلي يا مصطفي اني اعلق علي الموضوع الجامد ده ومعلش لو هطول بس حابه اني ابدأ تحليلي بتكملة لباقي تعريف الصديق
هو الذي يرفع شأنك بين الناس و تفتخر بصداقته و لا تخجل من مصاحبته و السير معه..تثق فيه ويثق فيك تأتمنه علي اسرارك وانت واثق انه مستحيل ان يخونك ويكون اول شخص يقف معك في الازمات والمشاكل.

خيانة الصديق " ندالته " أشد من ألف طعنه سيف....اكيد اه وياه لو كانت الثقه ملهاش حدود وانت بتوفيله علطول وواقف جنبه فكل مشاكله وحتي حياته العاديه وفجأه بعد ده كله تلاقي الخيانه اصعب حاجه والله
الصداقة كلمة ثمينة لا تقال لكل إنسان...اكيد وألا كل واحد منا كان بقاله الف صاحب في فرق بين الصاحب القريب والصاحب العادي
بس بحتار ليه ساعات مش بنلاقي اصحابنا القريبيين منا في مشاكلنا هل المشكله صعبه عليهم , هل احنا بنطلب اكتر من حق الصداقه ,ولا هوه زمنا ده محتاج كذا صديق عشان نعرف نساعد بعض .

. هل بتعرف المواقف اللي صحبك بيخونك او بيتنادل معاك فيها ولا بتبقي عامل زي القرطاس ؟؟

هه لأ بيتهيألي كلنا بنعرفها كويس قوي ولو مش بنعرفها مكناش هنتجنبها ومنحولش نعتمد عليهم فالحته دي بس هنرجع لمشكلة هنصاحب اصحابنا ليه لو هحتاجلهم ومش هلاقيهم

هل فعلا الصداقات اللي مريت بيها او مريتي بيها كانت صداقة فعلا مبنيه على
الأخوة والحب والصدق.والحب في الله
اكيد مش كلها ولو ان فيها من النوع بتاع المصلحه واللي ياخد وميديش وألا مكناش اتعلمنا وشوفنا الصاحب الحق الجدع

بس في حاجه عايزه اقولها لازم قوي يبقي لينا صاحب قريب مننا وحوالينا يبقوا اصحاب تانيين مش الصديق الاساسي
الصديق لو موقفش جنب صاحبه وساعده بصراحه كده قلته احسن عشان هيبقي تعب عالفاضي

معلش لو طولت بس الموضوع فعلا حلو قوي واسمحلي لو افتكرت حاجه اخش اضفها

اكيد طبعا لو افتكرتى حاجة تخشى تقوليها لانه توبيك فضفضة من القلب وكلامك فعلا حقيقى وجميل
واضافة لكلامك عن الصديق الخائن او السوء انه ممكن تقابلى صديقة تبقى وفية اوى معاكى وتصرفاتها جدعة جدا معاكى
وتحبيها اوى وتحبك اكتر وبعد ما يحدث بينكو حاجة تحسى انها بتكرهك او ممكن تتهمك بالكراهية لها ههههههههه اة والله
كنوع من انواع النتانة فى الطبع ومش بس كدة ممكن صديقتك ياا لالا اللى فكرت تندل معاكى تعمل كل الاستحالات
عشان تكسب هى اصحابك او اصحابكم فى صفها وانها تقول كلام وتزود كلام عليكى وانتى تبقى مظلومة كمان منه
هو اينعم عيب من اللى بيصدق وخلاص بس احيانا يبقى الصديق الندل عنده قوة فى استخدام الاساليب القذرة اللى يعرف
يستخدمها لتغيير افكار شخص او تغيير قبوله من شخص
انا فرحان بكلامك اوى يا لالا وانتى ولا طولتى ولا حاجة
ونورتينى بمرورك يا لالا

بجد الموضوع اكتر من هايل وانا عيشته وكان عندى الصديقة اللى بجد وكان عندى الصديقه الندلة او بمعنى تانى صاحبة المصلحة وعلى فكرة صاحبة المصلحة بتبان واكيد بتتعرف من موقف بس بتتوجع منها لما تكون مفكر انها كانت خلاص بقيت صاحبة بجد وفى الاخر بتكتشف ان الحكاية مجرد بداية لتحقيق المصلحة مش اكتر وحتى لو اكتشفت ده بدرى للاسف بتحاول تنكرة كمحاولة ان الصحبية دى دوم وتتحسن لحد ما تتوجع

عارفاها عارفاها يا يوكا ما انتي اللي بصيتي لبره ههههههههه
بس بجد يا يوكا كنتي ممكن تلاحظي من الاول انها بتاعة مصلحتها لانها ماشاء الله مكنتش بتعمل اي حاجه لغير لنفسها وعلفكره هترجع تاني بس برضه عشان مصلحتها بس ساعتها خلااص كل شيئ انكشف وبان
لازم فعلا الواحد ياخد باله في اختياراته

شكرا للمشاركة يا يوكا ولالا وشرفتوا الموضوع
وربنا يبعد عنكم شر ندالة الاصحاب وغيبتهم ونميمتهم وتنخيصهم هههههههههه

وبجد والله الموضوع تحفه وكمان مهم لان الصديق الصح تلقيه وقت الازمات وهو برضه اللى يخاف عليك وعلى مصلحتك مش تهمه مصلحته بس بس لازم يكون الصداقه مبنيه على الاخد والعطاء يعنى مينفش تاخد ومن ما تعطى والعكس وانا الحمد الله وربنا عطينى صديق اكتر من اختى بلقيه وقت الازمات وعندى اصحاب برضه كويس بس على قدر من نداله الصديق تالم على قد ما تعلم دروس وشكرا على الموضوع الحلوه ده

الصداقه مواقف والنداله دروس
بجد عنوان حلو قوي
بس ازاي نعرف الصاحب اللي قدامنا وفي ولا لأ اساسا بشك ساعات ان في اصحاب بجد هل المفروض ان المعامله بالمثل يعني لو صحبتي بتساعدني اساعدها ولو هي مسعدتنيش وموقفتش جنبي مساعدهاش واسبها
بس ساعتها مش هحس ان دي صحوبيه ومعرفش اشوف صحبتي فمشكله ومساعدهاش لازم احاول اعمل اي حاجه فالوقت اللي لو انا فمشكله هي ممكن تكتفي بالكلام ونصحتي بس بحجة انها مبتعرفش تتصرف زيي وههل ده فعلا مبرر كافي
السؤال ليه بنبقي علي حد احنا عادي عنده
انا فعلا حاسه دلوقت ان الصداقه دي حاجه وحشه قوي يعني الاسم بس صحبتي بس عند اول مشكله ممكن تبيع
وازاي افضل اساعد حد واقف جنبه وهو مش واقف معايا جد قوي مش لاني مستنيه مساعده بس لاني حاسه انها من حقوق الصداقه اللي بيعامل بيعامل ربنا ماشي اوكي بس الواحد نفسيته فعلا بتتعب ويفضل يبقي صاحب كده عادي عشان ميستناش حاجه من حد هي مش هتيجي اساسا
واصعب حاجه فعلا لو انت مصاحب حد اناني
هتفضل تفكر هفضل ادي لغاية امتي بس لانه طبع فيك مش هتعرف تبطل فهتتعب اكتر والله حاجه صعبه قوي

اانا سعيد يا لالا انك علقتى على موضوعى اكثر من مرة

بصى لا طبعا المعاملة بالمثل دى بنعملها عشان نقول كرامتنا
لكن لو هتعاملى صديقتك صح يبقى عامليها عشان ربنا
الدين المعاملة
مش بيقوللك اعملى الخير وارميه البحر
اعمليه اللى عليكى وعديلها مرة واتنين وتثلااتة بس لو لقيتى منها خيانة او ندالة
او اكتشتفى انها بتخونك من ورا او بتعمل مواقف مش لذيذة او بتقول عليكى كلام من ورا
وانتى مش عملتيلها حاجة ياريت تسيبها احسن بالمعروف دون خصام يعنى سلام سلام
يارب اكون افدتك

لا مش الكلام اللي انت قولته يعني مش بتجيب كلام علايا
بس كفايه قوي انك ممكن تحس ان صحبك ده مش مبقي عليك زي ما انت مبقي عليه وانت فعلا بتحبه و لان الوفي ده طبع فيك
وموضوع الكرامه ملوش دعوه بالحته دي بس ازاي حد يفهمني فعلا افضل اساعد حد هو اساسا مش بيساعدني او حاسه يعني ان الحته دي فعلا بتجبلي ضيق
بجد زي ما الصداقه حاجه حلوه والله هي حاجه وحشه قوي قوي
يعني افضل اني ابقي عادي مع كل اصحابي عن التعب النفسي

لا هى مش حاجة وحشة خالص
انا مثلا بحب امشى بمبدا اللى يبيعك بيع ابوه
ههههههههههههههه
بجد بيريحنى جدا
اصل مين دة اللى يفكر يبيع وانا اجرى وراه ما فى داهية

وفى نفس الوقت اللى يشترينى
اعمله قصر جوة قلبى واحاوطه

مبدأ برضه
بس مش حكاية اجري ورا حد
بس كل الحكايه ان الانسان اللي قدامك خلاص خد علي انك لازم هتقف معاه ولازم هتضحي عشانه
لأ بجد كرهت الحكايه دي وقررت خلاص اوقفها صعب قوي اني اضحي عشان حد والاقي نفسي انا اللي تعبت فالاخر
بس المشكله مهما قررت مش بعرف انفذ
بجد طبع كرهته فيا

عارفة لييييييييييييه

عشان انتى طيبة اوى وقلبك ابيض ومبيعرفش يدايق او يبقى وحش

ع العموم اتمنالك السعادة فى الاختيار

ههههههههههههههههههههههههههههههههههههههههههههههههههههههههههههههههههه

عجبتنى اوى الصورة دى واول ما شوفتها افتكرت حوار اللى دار بينى وبين لالا