هتسأل ايه العضو اللى بعدك........؟

انا بصراحة مش لاقية حد مثالي او يمكن لسة مقابلتوش اصلا مش لاقية حد مش خبيث او قلبة ابيض بس لو بايدي الطالب المثالي هو عبدالله ثالثة سياحة والطالبة هي بصراحة مش عارفة 0(اية اكتر صفة بتكرها في الولد او البنت ؟)

الاول عايزة ارد على رسمى عايزه اقوله انى مش لازم اكون من الشله دى عشان اسئل السؤال ده بس انا شايفة انهم لافتين النظر من زمان قوى فكنت عايزه اعرف ليييييييه
ثانيا اجاوب على سؤال غزل اكتر حاجة بضايقنى فى الولد او البنت قلة الذوق وسؤالى هو ايه اكتر حاجة ممكن تزعلك من حبيبك او حبيبتك وتخليك\ى ممكن تسيبه

علي فكرة يا ساد جيرل
انت من الشله دي
و انا عارفك مين بالظبط
بس مش عايز اقول علي اسمك
وانا هجاوب علي سؤالك
اللي ممكن يزعلني من حبيبتي

انه يقول كلام ويوعدني بيه
ومش ينفذة خالص
دة سبب ممكن يخليني اسيبه خاااااااااالص

سؤالي !!!!!!!!!!!!!

انت شايف مين احسن شخصية ف المنتدي ( منتدي شباب سياحة )

M a H e R

انا شايفه ان فيه شخصيات كتيير كويسه بس أكتر شخصيتين هما رسمى فى الاولاد وفى البنات مروتى

سؤالى هو ايه رأيك فى جواز الصلونات؟؟

اولا برد على غزل: مش المفروض تقولى ايه الصفات الموجودة فى الزميل عبدالله علشان يبقى مثالى معلش مثالى ومش معروف طب ازاى مهو المفروض يكون ظاهر ف الانشطة والدراسة يتهيالى مش من الاوائل؟؟

بالنسبة لجوااااااااااز الصالوناااااااااات انا مش برجحه خاااااااااالص لانه غالبا بيبقى تقليدى مش ناتج عن حب احلى جواز اللى هو بيبقى علاقة حب بتبدا بين الاتنييييين وبعدين بتنتهى ع جواااز بس لو كان السن كبر بيك يا صحبى ومفيش حب او الحب اتغير او اتهز او او او فلازم تسمع كلام بابا وماما ههههههههه وتدخل الصالون

سؤالى:
واحنا ف سنة اولى كانت النتيجة ف ابريل وف سنة تانية كانت فى اخر مارس وف سنة تالتة اخر فبراير والسنة دى ف رابعة بيقولوا خلاص يعنى اول فبراير واظن انه بعد كم سنة هيطلع الطالب من اللجنة يستلم النتيجة وهو طالع!!!!!!!!!!!! السؤال بقى تفتكر ايه سبب قرب ظهور النتيجة كل سنة ودى حاجة كويسة ولا تفتكر الورق بيتكروت ولا حقنا بيتهضم......دورك انت/ى تفسر وتتكلم شوية ف الموضوع دة

هتسأل ايه العضو اللى بعدك........؟ - صفحة 3 Funnypictures12kb0

لأ لحد هنا وإستوب
المنطقة دي منطقة أعراض هههههههههههههه

أقولك أنا يا مصطفى
السنة دي الكلية يعتبر مفيهاش حد من برة الكلية كتير
يعني السنة دي اللي بيدرسولنا من جوه الكلية مش بره
لكن لو فاكر السنة اللي فاتت كان فيها حوالي 4 او 5 من خارج الكلية
عشان كده النتايج كانت بتتأخر
لكن السنة دي الدكاترة ( سياحة 100 % )
عشان كده الحاجات بتخلص بسرعة وبتكون تمام
وربنا يوفقنا جميعا يا رب
ويا رب مرجعش ف كلامي بعد ما اشوف النتيجة ههههههههه

سؤالي

امتى اتمنيت ان الارض تنشق وتبلعك ؟؟؟

ههههههههههههههههههههههههههههههه ايه السؤال دة يا ميلانو

لا الحمد لله انا محستش الاحسااااااااس دة خالص قبل كدة فى حياتى والحمد لله بحب كل حاجة بتحصللى وربنا يستر ومحسش بالاحساس دة خالص

السؤال:
ايه اكتر موقف مر عليييييييك كنت مكسوووف فيه اوى اوى اوى اوى ونفسك تغمض عينيك تفتحها متلاقيش الناس؟؟؟ سبه سؤال ميلانو تقريبا

موقف كسفنى !!!!!!!!!!!
لما شوفت حد كان نفسى اشوفه واتمنيت ده
بصيت لاقيته قدامى ساعتها اتكسفت
وحسيت ان الناس كلها عرفت انى اتمنيت كده
سؤالى ؟؟؟؟
ايه اكتر موقف اثر فيك فى حياتك سواء موقف فرح او حزن؟

هجاوب ع سؤال مصطفى ..
وبعدين نور

يوووووووه يا مصطفى ف بلاوي ههههههههههه
بس اكتر حاجة خلتني نفسي اختفي من مكاني
لما كنت بدرس ف الرياض
كان عندنا ف المدرسة كل يوم فصل يعمل الإذاعة المدرسية
كذا مقال او موضوع بنعملهم وبنطلع طلبة من الفصل تقراهم قبل الطابور
انا كنت شايل نص الليله انا وواحد صحبي ف المواضيع
المهم كان ناقصنا كلمة الإفتتاح
واحد قاللي هجيبلك كلمة حلوة وكده
الواد جاب كلمة الإفتتاحية متأخر
وملحقتش أقراها قبل ما تبدأ الإذاعة
توكلت ع الله وبدأت يا مان
وعينك ما تشوف الا النور
تقريبا الواد كان بيوفر حبر وكاتب الكلام بخط صغير
ونا مش شايف نص الكلام فبسأل اللي جمبي
ونسيت أبعد المايك
وألاقي كل المدرسة بالمدير والوكيل والمدرسين بيضحكوا
سمعوني ونا بسأل اللي جمبي
اول ما حصل كده
لخصت ف كلمة الصباح وجريت ع جوة
وخليت واحد يكمل مكاني
من ساعتها مبقولش كلمة الافتتاحية حطوني ف الختام هههههههههههه
أستر عليا يا واد ومتقولش لحد هههههه

affraid

بالنسبة لسؤال نور
يعتبر الموقف اللي انا حكيته ده أثر فيا كتير
عشان بسببه بطلت أشترك ف أي حاجة خالص

:lol!: سؤالي :lol!:

لو خيروك بين حبيبتك ( حبيبك ) وبين اعز صديق ( صديقة ) فمن تختار ؟
بمن ستضحي لأجل الأحتفاظ بالآخر ؟؟

هتسأل ايه العضو اللى بعدك........؟ - صفحة 3 Funnypictures30oc3

نفسى اجاوب ع سؤال نوووور وبعديها اجاوب عليك يا احمد
اجابة سؤال نور:: انى راح من قدام عينى اعز جدة وحيدة وكمااااان احلى واعز عم وكمان ابن عمى الشاب كل دة رحلوا عن دنيا الناس فى اقل من اسبوعين......وكان عمى وابن عمى موتهما الفجأة دون مصاحبة اى امرااااااض.......سبحان الله ربنا يتغمدهم برحمته يارب ويرزقهم فسيح جناته ويكونوا ف الجنة

اجابة ميلانوو:

مش عارف ليه حاسس انك عارف انى انا اللى هجاوب على سؤالك
سؤالك صعب
واجابته انى استحاااااااااااااالة اتخلى عن الاتنييييييييييين ولا صاحبى وحبيبى ولا الانسانة اللى بحبها استحاااااااالة طبعا
فكرتنى بالمثل اللى بيقول الراجل بمية بنت بس لو جات البنت!!!!!!!!!
سؤالى:
لو والدك او والدتك عرفوا ان انت/ى على علاقة مع شاب/ة وطلبوا منك تنهى العلاقة دى........هتعمل ايه يا ترى هتتخلى عنه/ا بسهولة ولا ايه موقفك؟؟؟؟؟؟؟؟؟؟

لا طبعا مش هتخلي عنه
هقعد مع اهلي
واشوف وجهة نظرهم ايه ؟
واقول انا وجهة نظري
وااللي وجهة نظرة صح
هي اللي هتمشي بالتأكيد

سؤالي !!!!!!!!!!!!!!!!

ايه الكدبة اللي انت كدبتها ف حياتك ،ومش ممكن تغفرها لنفسك طول حياتك ؟

M a H e R

نقطة ضعفى هى مشاعر الحب والرومانسية وتزيييييييييد ضعفا كلما كان الشخص اللى قدامى بحبه اكتر

سؤالى: اخر مرة سمعت اهانة او جايز يكون تضربت من والدك بقالو اد ايه وكان ايه شعورك بعدها وعملت ايه وكان لسبب ايه من البداية؟؟؟؟؟؟؟؟؟؟؟

هههههههههههههههه هههههههههههههههه فكرتنى ليه؟؟؟!!!

اخر مرة اخد علقه محترمه من السيد الوالد كنت في تالته اعدادى تقريبا وكنا في السعوديه وماما مسافره جايه مصر وفي حاجات مهمه ضاعت مش لاقينها وقعد البيت كله يدور عليها وقلبنا البيت فوق تحت وميعاد الطياره خلاص لازم امى تمشي ومش لاقيين الحاجه وبعدين الوالد من نرفزته نزل علينا كلنا ضربنا هههههههههههههههههه كان يوم يجنن يا حرام تعب كل شويه يروح لحد يضربه ويرجع للتانى.... وسافرت ماما .....

في الاخير بقى اكتشفنا ان الحاجات دي كانت في شنطه ماما ههههههههههه بعد ماوصلت مصر طبعا وبعد ما اكلنا العلقه كلنا هههههههههههههه ههههههههههههههه كاااااااااان يوم بس بصراحه بابا ما هانش عليه وجابلنا شوكولاته ههههههههههههه ههههههههههههه

سؤالى:::/

امتى اخر موقف قررت فيه الاستسلام وحسيت بيه بالضعف؟؟؟!!

الموقف ده كان فى تانيه ثنوى
طبعا عرفتوا ده كان تبع المذاكره
ههههههههههههههههههههه
سؤالى؟؟؟؟
امتى حسيت انك مش عايز تعيش وكام مره؟؟

بصراحة انا بحس الاحساس ده لما بتحصلى مشكلة كبيييرة جدا ومبقدرش اواجهها
وبحس انى عايزة اموت لما احس ان الحياة ملهاش لازمة او انى مش حاسة فيها بالامان وان الحياة مفيهاش حاجة تفرحنى
لكن لما بقرب من ربنا بيروح الاحساس ده وبرضى باللى ربنا قاسمه

سؤالى:-

تعمل ايه لو ليك او ليكى صاحبة بتحبيها اوى وهى كويسة اوى بس الناس بتتكلم عليها كتير وبينصحوكى متصحابيهاش لكن انتى شايفة انها طيبة وقلبها ابيض والناس ظلماها؟

هتسمعى كلام الناس ولا هتستمرى تصاحبيها؟

لا طبعاً مش هسمع لكلام الناس ادام انا شايف ان صاحبى دا كويس وبحبه اوى و طيب و قلبه طيب وى وى وى
يبقى ليه أسمع كلام الناس دى حريه شخصيه وكل واحد حر فى تصرفاته واختيار اصحابه وساعتها مش هيهمنى اى حد يتكلم بعد كدا
ثم انتى قولتى الناس ظلماها يعنى هى مظلومه من وجهه نظرك !!
اكيد رأيى وصلك

لو انت الأدمن تحب تخلى مين مشرف معانا فى المنتدى ؟

انا بشكرك يا رسمى على ردك بس احب اقلك ان كلام الناس بيأثر على سمعة البنت جدا
وده غير الولد طبعا وممكن الكلام يأثر على الاتنين والناس موراهاش غير النميمة والرغى وانت فاهمنى وعارف كده كويس

ارد على سؤالك:-

انا بصراحة حابة انك المشرف العام جدا لان مواضيعك تحفة
لكن انا شايفة ان شغل سوبر ميلانو ممكن يخليه مشرف كويس اوى وكمان مروتى
وياريت كلنا نبقى مشرفييين
هههههههههههههههه

سؤالى بقى:-
بيقولوا عليا مغرورة وتنكة مش عارفة ليه تقدروا تجاوبوا بصراحة؟؟؟؟؟

انا اقولك ليه بصراحه انا كمان بيقولوا عليا كده لكن كل اللى بيتعامل معايا بيقول
انه كان شايفنى مغروره وغير رايه تماما
لكن كمان تعبرات وشنا وكمان شكله وملامحه بتبقى هى السبب
ليه دايما بتبقى متسرع فى حكمك على الناس قبل ما تتعامل معاهم؟؟؟
لاوايه بتقول رايك فيهم لاكبر عدد ممكن وتبقى اصلا ما اتعاملت معاهم
ممكن تجاوبنى بصراحه؟

يعنى دلوقت سؤال واحد لشخصيييين نور ,,, ونور مبارك صح
انا هعتذر عن اجابة نور مبارك عشان معرفكيش بجد انا اسف
اما نووووور:: يمكن سمعت كدة قدامى مرة فعلا بس لما قعدتى معانا ف الاجتماع بتاع الاسرة لل د/محمد على لقيت غير كدة خالص ولقيتك متفهمة ف الحوار وعادى يعنى اجتماعية.......طيب انا معرفش افيدك كويس عشان مش دفعتك بس انتى ترتيب كويس هل فكرتى تساعدى الناس انا اعرف ان احلى حاجة بتخلى كل الناس بتحب احمد عاطف عندنا انه بيساعد الدفعة كلها ويجيب الكشكول اخر السنة وكله بيصور يمكن اكتر من تلتتين الدفعة.........بس لكن انتى مهتمة ليه اوى براى الناس يتهيالى اهم حاجة ربنا وبس انتى طالما نيتك سليمة وكويسة من جوة خلاص.. ودة نفس رايى على صديقتك المظلومة طالما هى كويسة خلاص كملى معاها ميهمكيش وربنا اللى بيحمى مش الناس.........والحديث بيقول:: لو اجتمعت الامة على ان.................الا قد كتبه الله لك فى الحالتين صح؟؟
انا اسف طولت اوى بس محستش بنفسى وانا بكتب

سؤالى::
امتى حسيت انك اخدت حاجة مش من حقك او مش ليييك......وندمت ....طب وعملت ايه؟؟؟ تفصيل الموضوع؟

مرة و انا صغييييييييييييير
مرة بابا اشتري موز واداه لامي توزعه
اصل احنا 6 اخوات
فانا اخدت نصيبي وكنت عايز تاني علشان بحب الموز جداااااااااااااا
فنزلت و هما نيمين فتحت التلاجة
واخدت من كل نصيب واحد موزة
يعني 5 موزات
وبعد كدة حسيت ان الحاجة دي مش بتاعتي
وندمت ندما شديداااااااا
وبعد كدة
اممممممممممممممممممممم
بس ماحصلش حاجة

سؤالي بقي

ما هي أول حاجة هتعلموها لولادكم ؟!!!

king Rouka

سؤال جميييييييييل جدا يا جلادياتور ومرحبا بمشاركتك معانا اول مرة......

اهم حاجة هعلمها لاولادى:: الصدق ........- الامانة.......... -الصرااااااااااحة-.............المواظبة على الصلاة...............-محاولة مساعدة الناس بكل ما استطاعوا-............-احترام والدتهم وكيفية التعامل معها--............كتيييييييييييييير بس مش ف دماغى

سؤالى:
ياريت اجابته منكم كلكم مش بس اللى جاى بعدى

عايزك ترتبلى الاشخاص اللى هنا اللى بتهتم تقرالهم موضوعاتهم او كومنتاتهم بالترتيب الاهم فالاهم

سؤالك محرج قوي بس انت ياm.2kوميلانو ومروتي وتوتن بس بحسة متعصب شوية من غير زعل .
سؤالي :تعتقدون ان الابراج لها دور في التوفيق بين الطرفين؟

خااااااااااااااااااااااااااااااااااااااالص خاااااااااااااااااااالص
لا طبعا الابراج دى كلها جهل فى جهل ودجل
وكذب المنجمون ولو صدقوا
بس ساعات بحب اقراها مش عشان اصدقها حب استطلاع

سؤالى:
طبعا السؤال الاول مستمر لكل الناس مفيش غير غزل بس اللى جاوبت
السؤال الاساسى
هل حسيييييييييييييت مرة انك نفسك تعمل عملية تجميييل؟؟؟ امتى والسبب وتجميل ايه؟؟

اولا احب ارد على نور واقولها ان فعلا طريقة كلامنا او نظراتنا او شكلنا الخارجى بيحسس الناس اننا مغرورين

لكن اللى يتعامل معانا من قريب هيحس عكس كده وانا مش بشكر فى نفسى ولا حاجة انا بس بقول اللى بيقوله الناس

ودى فعلا مشكلة اننا دايما دايما بنحكم على الناس من بره بس

لكن نستنى نعرف حد من جواه لا مش بيحصل ودايما التسرع فى الحكم على الناس من شكلها الخارجى

اما مصطفى بشكرك جدا على صراحتك وتعليقك الجميل ده ورأيك اللى شرفنى بجد

وانا مش كنت بهتم بكلام الناس لغاية ما جالى واحد فى الدفعة وقالى الناس بيقولوا عليكى مغرورة ومناخيرك فى السما!!!!!!!! طب ده هقوله ايه

لو مردتش هيقولوا دى مش بيهمها حد ويقولوا انى مغرورة اكتر واكتر ولو رديت هيقولوا دى بتهتم بكلام الناس

شفت بقى المشكلة؟؟

اما موضوع المذكرات ده فانا الحمدلله اى حد بيطلب منى محاضرات بياخدها وناس كتير بتصور منى محاضرات

اما بالنسبة للسؤال فانا بحب اقرا كل المواضيع بصراحة وبيعجبنى مواضيعك والادمن ورسمى وميلانو كلكوا بصراحة وكمان بحب مواضيع ايجيبت

اما سؤال ghazl فبقولك انى بؤمن بموضوع صفات كل برج لكن مش بؤمن بالتنجيم وعلم الغيب لان بينهم فرق كبير

وفعلا فيه ناس مينفعش يتوافقوا مع بعض

لكن مش هناخد الابراج كأساس للحياة يعنى لو انا متوافقة مع حد فى كل حاجة والابراج بتقول عكس كده يبقى هسيبو مثلا

يعنى هى مش اساس هى حاجة كده اضافية والله اعلم

سؤالى:-

مين هو مثلك الاعلى فى الحياة؟

انا اسفة يا مصطفى بس فيه فرق بين التنجيم وعلم الغيب وبين صفات الشخصية
انت لما تعرف صفات شخصية حد انت كده مش بتنجم ةلا بتبحث فى حاجة فى علم الغيب وعموما اختلاف الرأى لا يفسد للود قضية

هجاوب على السؤال:-
اه حسيت
نفسى بجد اعمل تقويم لسنانى واعمل ليزك عشان نظرى ضعيف وشكراااا