هل تستطيع الفتاة ان تنسى حبيبها اذا تزوجت ؟؟؟

هل تستطيع الفتاة أن تنسى حبها الأول إذا تزوجت ؟ ؟

خاصة إذا كان هذا الحب صادقا حقيقيا مؤثرا وجزءا

من حياتها . . .؟ ؟

هل تستطيع أن تُبعد هذا الحب عن تفكيرها . . .؟ ؟

هل تستطيع الفتاة التوقف عن التفكير في حبيبها وهي

برفقة زوجها. . .؟ ؟

هل تستطيع الفتاة أن تمنع قلبها على الاستمرار في

حب حبيبها الغائب والبعيد عنها . . .؟ ؟

وخاصة أن تركيبة المرأة مختلفة كل الاختلاف عن تركيبة

الرجل . . .

فالمرأة هي عاطفة بل هي كل العاطفة والحب والحنان

والرجل هو عاطفة أيضا ولكن الجزء الأكبر منه هو

وظيفة . . .

فالمرأة 80% من مشاعرها هي عاطفة حب وحنان

ورومنسية . . .

و20% من مشاعرها هي وظيفة . . .

على عكس الرجل . . .

فعاطفة الرجل لا تشكل شيئا مقارنة بعاطفة المرأة

فـ 80% من مشاعر الرجل هي وظيفة . .

و 20% من مشاعره هي عاطفة . . .

* * *

أنا برأيي أن الفتاة لا تستطيع نسيان الرجل الأول في

حياتها . . ولا تستطيع أن تنسى حبها الأول خاصة اذا

كان هذا الحب صادقاً حقيقياً. . .

ولا يمكنها أبداً أبداً أن تٌبعد ذكريات هذا الحب بحلوها و

مرها وحزنها وفرحها عن قلبها وعقلها . . .

ولكنها تستطيع أن تجعل هذا الحب يسكن ويستوطن

جزءاً كبيراً من زوايا قلبها. . وتكون هذه الزاوية

بعيدة ومخفية عن أعين الجميع وتكون مكاناً خاصاً بها

وتكتب على باب هذه الزاوية ممنوع الاقتراب. . .

ومن المهم أن لا يعلم بهذا الحب سواها. . لأنه خاص

بها وحدها حتى ولو كانت تعاني . . .

ويجب على الفتاة أن تحترم الزوج الذي قدم لها حياته
واسمه وبيته. . .

* * *

دائماً أسمع مقولة هي ( حب ينسي حب ) ولا أعلم ان

كانت هذه المقولة صحيحه ولكنني أعلم بل متأكد أن

الحب الحقيقي الصادق الشفاف النقي لا يُنسى حتى لو

طالت السنين وبعدت المسافات . . .

الحب الحقيقي لا يأتي الا مرة واحده في العمر

وأي حب يأتي بعده هو اسمه حب . . فقط حب مجرد حب

خلص الموضوع
بس على فكرة الموضوع ده زى ما بيهم البنات بيهم الولاد
ماهو برضه الولاد بيحبوا ..طب ممكن انت تنسى البنت اللى حبيتها لو انت اتجوزت غيرها؟
بس لازم كلنا ناخد بالنا ان الكلام هنا على الحب ..الحب بجد مش لعب العيال
يعنى ولد وبنت حبوا بعض بجد واتفقوا على مشوار حياة لكن فى اللحظات الاخيرة
محصلش نصيب
اتمنى من الكل انه يرد ويقول رأيه ايه فى موضوع مهم زى الموضوع ده

M.2K

حلو الموضوع ده بس للاسف مقرتش منه غير اللى مكتوب باالاحمر

ههههههههههههههه يبقى انت قريت ايه منه على كدة يا سافيكو
التوبيك باظ عشان اللفية بقيت فاتحة لكن ممكن حضرتك لو عايز تقراه
تظلله كانك هتاخد كوبى وبكدة هيظهر اوى ويبان اللون والكلام
ميرسى لمرورك يا باشا

هههه أكيد طبعــــــــــــــاً هتنساااااااااااه

هل تستطيع الفتاة ان تنسى حبيبها اذا تزوجت ؟؟؟ Headk

هل تستطيع الفتاة ان تنسى حبيبها اذا تزوجت ؟؟؟ Eat92131

دة انت كاره المراة اوى يا حودة يا ساتر يارب مفيش اى ثقة ههههههههههههه

من رأيي ان البنت لو حبت حد فالاول واتجوزت حد تاني
ممكن يفضل الحب معاها كذكري واسم بس لكن مش هتعيش مع الحب ده يعني لو اتقت ربنا اكيد هتنسي
ويبقي مجرد ذكري لان صعب تنسي البنت اول حب مرت بيه وخصوصا انه صادق

انا موافق كلامك مليووووووووووون فى المية يا لالا عندك حق بجد

بص انا قصدي بالضبط انها لو غصبا عنها حتي افتكرت لازم تبعد الحب ده
وتستعيذ من الشيطان

هتنساه طبعا يا عم بلا حب بلا بتاع اساسا البنت مننا بتحب عشان تتجوز واول ما ضمنت تستريح وتروق وتبقى اخر راحة الا لو كان الولا دة جامد اوى ولا نمرة بمعنى الكلمة تزعل عليه هئ هئ هئ هئ هئ معلش اسلوبى غريب شوية

تصدقس يا غارقة اول مرة اقتنع بكلامك
انتي قولتي المفيد
لا بجد ردك جامد

لالالالالالالالالالالالالا انا مش معاك يا سمسم انت و غارقه لان الحب الاول مش ممكن يتنسى ممكن ااه نبطل نفكر فيه بس هو هيفضل زكرى فى حياتنا بس طبعا مش ممكن نفكر فيه لانها اتجوزت ولازم تحترم زوجها وتحافظ عليه انتى صح جدااااااا يا لالا انتى وام 2 وده رايى

اول مرة تقتنع بكلامى يا ستيل اوك محدش قالك اقتنع وبعدين انا مع نانى فى كلامها اة صح برافو ياحبى انتى كدة صح انا مفكرتش فى كلام ام و كويس او قريته كويس اعذرونى يابنات دة الرجالة دول تعابين

لا يا غارقه أنا ماسمحلكيش تقولي عالرجاله تعبانين

إحنا جامدين أوي

وبعدين .. لو عايزين الكلام الصح

البنت كل هدفها في الأول وفي الآخر هو الجواز سواء عن طريق الحب أو لأ

ودا مش عيب ولا حرام ، بالعكس دا حق وهدف مشروع

وزي ما بنسمع من الستات الكبار في السن شويه

البنت مالهاش غير بيت جوزها

لكن حب .. أه في حب .. لكن قليل وصعب أوي ..

شكرا ليكو كلكو

تقبل مروري يا سوهاجي

بجد كلامك صحيح يا احمد وهو دة اللي بفكروا في البنات واهلهم

وكمان يعني اية يا غارقة محدش قالك اقتنع امال احنا هنا عشان بنغلس علي نفسنا
انتي هترجعي تاني ذي الاول

عندك حق يا سمسم بس البنت برضه يهمها الحب جداااااااااااااااااا

ههههههههههههههههههههههههههه

NO COMMENT

كملوا كملوا انا متابع اووووووووووووووووووووى

شاعر
هى غارقة بتقول ثعابيت مش تعبانين بس لو احنا كدة بجد يا غارقة يبقى انتوا ايه سحالى ولا كوبرا ؟؟؟؟

ههههههههههههههههههه

تصدق اني قريتها تعبانين

رحت رديت وقلتلها / احنا جامدين قوي

زي عادل امام في فيلم مرجان

هههههههههههههه

تقبل مروري يا درش

اكيد ربنا مش خالقنا نقول كلام وحش ع بعض ايه تعابين وايه سحالى وكوبرا
ياجماعه من غير غلط وكلام من ده هنبقى احسن وياريت مش نعمم كلامنا يعنى مش كل
الولاد وحشين ومش كل البنات وحشين

نور ....

غارقه هي اللي بدأت وعممت من الأول

دا إذا كنتي داخله تحكمي بالعدل

بعدين دا هزار وإحنا كلنا إصحاب وإخوات

مافيش زعل ولا حاجه

شكرا ليكي

لا بجد عندك حق يا نووور انا غلطت انى عممت ولا تخصيص اساسا
معلش يمكن انفعلت شوية او حاجة
وبعدين يا نوووووووور انتى عارفة قيمتك ووضعك ومركزك كويس
ومش محتاجة حد يتكلم على نبل اخلاقك او طيبتك
غارقة ربنا يسامحك

والله زين يا ولدي

عين العقل اللي عملته

إيه رأيك / حته من مسلسل الرحايا اللي إتصور عندكو ياعم

اة اتصور فى اخميم اللى منها د/ مؤمن هيبقى معيد عليكم السنة دى

انا مش اقصد انا والله
ولا اقصد انكم غلطوا فيا
لا انا اقصد عمه المفروض لو حد داخل يستفز ناس
ويقول كلام مش حلو ع اى حد لا بلاش من رده
والواجب علينا اننا حتى لو كتب ده احنا نعتبره مش دخل ولا نعلق ع الكلام
وانا اسفه اوى بجد انا حتى مش عجبنى ردود غارقه هنا
وده رايى الشخصى ومش فيه تجريح ليها اظن كده

اوك يا افندم رسالتك وصلت يا باشا

بس انا بقى اكتب رايى ف الموضوع نسيتونى
انا من زمان بفكر ف الموضوع ده
ودايما بشوف انه بكل الطرق البنت لازم تبقى مخلصه ف حبها لزوجها
اذا كانت حبت قبله ف الواجب عليها انها تعرف قبل ما تتجوز الشخص اللى وهبلها اسمه عشان تشيله
انها تكون قد انها تحافظ عليه حتى وهى مع نفسها
انا شايفه انه مطلوب انها تحافظ عليه مع نفسها اكتر من قدام الناس
ولو مش هتقدر تنسى حبها الاول يبقى مش تظلمه معاها كده حرام
وبجد هى لو صانت جوزها ف ده هيخليها ف قمة الاحترام لذاتها وهيزود من قيمتها

اسفه ع الاطاله