لماذا خلقت حوا من ضلع ادم وهو نائم ؟!!!

لماذا خلقت حواء من آدم وهو نائم؟؟

حين خلق الله ادم عليه السلام كان هو أول بشري وُجد ..

و كان يسكن الجنة .. و بالرغم من كل ما هو موجودٌ هناك لابد له من ونيس ..

فحين نام خلق الله حواء من ضلعه ....!!!

يا ترى ما السبب ؟؟!!..

لِما خُلقت حواء من آدم و هو نائم ؟؟!!!

لِما لم يخلقها الله من آدم و هو مستيقظ ؟؟!!

أتعلمون السبب ؟؟
يُقال إن الرجل حين يتألم يكره، بعكس المرأة التي حين تتألم تزداد عاطفةً و حباً !!...

فلو خٌلقت حواء من آدم عليه السلام و هو مستيقظ لشعر بألم خروجها من ضلعه و كرهها،

لكنها خُلقت منه و هو نائم .. حتى لا يشعر بالألم فلا يكرهها..
بينما المرأة تلد و هي مستيقظة ، و ترى الموت أمامها ، لكنها تزداد عاطفة ..
و تحب مولودها ؟؟ بل تفديه بحياتها ...
لنعدْ إلى آدم و حواء ..
خُلقت حواء من ضلعٍ أعوج ، من ذاك الضلع الذي يحمي القلب ..
أتعلمون السبب ؟؟
لأن الله خلقها لتحمي القلب .. هذه هي مهنة حواء .. حماية القلوب ..

فخُلقت من المكان الذي ستتعامل معه ..
بينما آدم خُلق من تراب لأنه سيتعامل مع الأرض ..

سيكون مزارعاً و بنّاءً و حدّاداً و نجاراً ..

لكن المرأة ستتعامل مع العاطفة .. مع القلب .. ستكون أماً حنوناً ..

وأختاً رحيماً .. و بنتاً عطوفاً ... و زوجةً وفية ..

الضلع الذي خُلقت منه حواء أعوج !!!!

يُثبت الطب الحديث أنه لولا ذاك الضلع لكانت أخف ضربة على القلب سببت نزيفاً ،

فخلق الله ذاك الضلع ليحمي القلب .. ثم جعله أعوجاً ليحمي القلب من الجهة الثانية ..

فلو لم يكن أعوجاً لكانت أهون ضربة سببت نزيفاً يؤدي – حتماً – إلى الموت ..

لذا ...
على حواء أن تفتخر بأنها خُلقت من ضلعٍ أعوج ..!!

و على آدم أن لا يُحاول إصلاح ذاك الاعوجاج ،
لأنه و كما أخبر النبي صلى الله عليه وآله و سلم ،

إن حاول الرجل إصلاح ذاك الاعوجاج كسرها ..
و يقصد بالاعوجاج هي العاطفة عند المرأة التي تغلب عاطفة الرجل ...

فيا ادم لا تسخر من عاطفة حواء ...

فهي خُلقت هكذا ..
و هي جميلةٌ هكذا ..
و أنتَ تحتاج إليها هكذا ..
فروعتها في عاطفتها ..
فلا تتلاعب بمشاعرها ....

و يا حواء ، لا تتضايقي إن نعتوكِ بناقصة عقل ..

فهي عاطفتكِ الرائعة التي تحتاجها الدنيا كلها ...

فلا تحزني..... أيتها الغالية ...... فأنتِ تكادِ تكونين المجتمع كله ..

فأنتِ نصف المجتمع الذي يبني النصف الآخر ..

*******

الله اكبر
والله معلومه جديده عليا
بس ربنا بيخلق في كل شئ حكم معينه
ممكن مش نكتشفها الا بعد سنين كتير
ناقصات عقل ودين
صح ميه الميه ومش تزعل بالعكس
كلامك مظبوط يا متر تسلم والله
موضوعك افدني بمعلومه حلوه اوي
تحياتي

ناقصات عقل ودين
صح ميه الميه ومش تزعل بالعكس
كلامك مظبوط يا متر تسلم والله

ودة اعتراف لكاميرتنا كاميرا قناة شباب سياحة
من البنات نفسهم بانهم ناقصات عقل
هههههههههههههههه
لا والله بهزر ربنا يخليلنا حوا دايما

المتر
ياباشا موضوعك لذيذ والله
ومعلوماااااااات حلوة اوى اول مرة اسمعها

بس اسمحلى اناقشك فى حاجة
هل موضوع ان حوا خرجت وحوا نايم
وان لما الرجل يشعر بالالم يكره والمراة تشعر باالالم تعطف
هل هذا له سند قرانى او قدسى مثلا
؟؟؟؟
معلش بس انتشر الان ما يدعى بالاجتهادات الدينية
فلازم نتحرى كل شئ من القران والسنة
لو فى سند ياريت تبحث عنه وتجيبهولنا

غزل
نورتى يا غزل وكويس ان المعلومة عجبيتك
يسلم مرورك يا فتاااااة مصطفى
نورنى مرورك وتعليقك وسؤالك
بس اسمحللى انت اوضحلك حاجة
لا سورى هما اتنين
الاولى ... اعتقد انك لو عملت عملية وانت صاحى من غير بنج
اكيد هتحس بالالم وتتعب كمان فدى حاجة مش محتاجة دليل
لانها بتتحس بس..
الحاجة التانية ... هى برا الموضوع دا لكن لفت نظرى انك كاتب (الاجتهادات الدينية)
انت مين اللى قالك انو الاجتهادات دى انتشرت مؤخرا او هى حاجة عيب
الاجتهادات دى من عهد الرسول ص وهو اللى اوصى بيها
كان الرسول (ص) لما يبعث باحد من الصحابة ليتولى امر ما
فيقول له بماذا تحكم فيرد عليه الصحابى بكتاب الله
فيقول له فان لم تجد فيرد عليه بسنة نبيه
فيقول له فان لم تجد فيرد عليه بالاحتهاد والراى يا رسول الله
ففكرة الاجتهاد يا مصطفة تقترب كثيرا من علم اصول الفقه الاسلامى
اسف ع الاطالة بس حبيت اوضح معلومة

ههههههههههههههه
كلامك صح لكن الست لو عملت عملية من غير بنج مش هتحس بالم لانها عاطفة بقى
اممممممممممممم تمام كلاااااااااام مظبووووووووووط

النقطة التانية بقى
انا مقصدش الاجتهاد اللى وصى عليه الرسول عليه افضل السلام
انا اقصد اجتهاد القرن الواحد والعشرين اللى بيبقى مختلف جدا
يعنى الكلام بيتقال فى اقرا يتغير فى الرسالة يتغير فى المسلمون يتسائلون وهكذا
طب ليييييييييييييييييه
تنكر ان كلام المشايخ فى موضوع واحد بيختلف جدا وساعات تحتار تمشى ورا كلام مييييين ؟؟
امال ليه دلوقت بنقول دة متشدد اوى ودة كويس ودة مش عارف ايييييه ؟؟؟

النقطة التالتة يا درش
ان الاجتهاد بيبقى فى حاجت معينة تانية
نش فى كيفية خلق حوا من ادم
يعنى اكيد ان شاء الله لو الكلام دة صحيح هيبقى فى كلام من القران او السنة بانها خلقت منه وهو نائم
؟؟؟؟؟؟؟؟؟؟

قولت ايه بقى فى الكلام دة

شوف يا مصطفى الاجتهاد واحد من يوم ما شرع
ما فيش حاجة اسمها اجتهاد القرن الواحد والعشرين والقرن ال15 مثلا
تمااااام
بالنسبة للاختلاف بين العلماء والمشايخ دا طبعا موجود ووارلاد ولازم كمان
لانو الاختلاف رحمة
انا ع المستوى الشخصى درست 4 سنوات مادة الشريعة الاسلامية ف الكلية
وكانت دايما عندنا موضوعات فيها اختلاف بين الموضوعات
يعنى الاختلاف اللى انت بتقولى تقدر تنكره
دا وارد طبعا وموجود وحتى ف امتحانات الشريعة بتاعتنا
كانت كل الاسئلة عبارة عن وضح اختلاف الفقهاء ف كذا وكذا مثلا
يعنى الاختلاف موجود وحله بحاجة اسمها القياس الاسلامى واجتهادات اهل الراى
ودا موضوع يطول شرحه
بالنسبة بقى للمصدر القرانى انو حوا خلقت من ادم وهو نائم
مش موجود حاجة ف القران زى كدا الله اعلم
بس انا هسالك سؤال
هاتلى ايه قرانية واحدة بتقول انو الضهر 4 ركعات او المغرب 3 بس
او او ......
اقصد انو الشريعة اتت فارضة للتكاليف وللاحكام الشرعية دون التعرض لبعض
الجزئيات والتفاصيل
فمش كل حاجة ف دينا الاسلامى العفيف شرط يكون مصدرها القران الكريم
الموضوع دا كبير جدا عن القران والقياس والحكم التكليفى ويطول شرحه كمان
بس انا حبيت افيدك واوضحلك وجهة نظر الفقه الاسلامى ف الكلام اللى انت سالت فيه
يارب تكون قدرت تفهم وجهة النظر وقصدى
تحيااااااتى ,,,,,,,,,,

ياباشا تمام كلامك جميل والله
بس انا مقلتش ان القران بس قلت او السنة او الاحاديث القدسية
الضهر كم ركعة دى سنة عن الرسول عليه افضل الصلاة والسلام
اقرا كتب
صفة صلاة الرسول عليه افضل الصلاة ولالسلام
زيه كمان الوضوء مش مذكور فى القران
بس مذكور عن سنة الرسول صفة الوضوء
فاهمنى
لكن انا اللى اقصده هل القران او الاحاديث النبوية قلات ان حوا خقت من ادم وهو نائم بسبب كذا
؟؟؟
ولو لا يبقى دة اجتهاد مييييين عشان اقول اصدقه اولا
فاهمنى
ودى حاجة مش تدايقك ولا تدايقنى الاختلاف دة مطلوووووووووب
وربنا من نعمه علينا نعمة التدبر والتفكير
شوووووووووووف
د/مصطفى محمود طبعا مش انت ههههههههههههههه
درس كل الاديان عشان يقتنع بالدين الاسلامى وياسلم ويصبح كمان علامة اسلامية وداعية
فاهمنى
لك منى ارق تحياتى على المنافقشةالجميلة دى انا سعيد بيها جدا

انا اللى اسعد

لأ هو الحقيقة انا اللي اسعد بالمناقشة دي بجد

اولا الموضوع جمييييييييييل بجد يا متر و الكلام دة قاله الدكتور محمد هجاية قبل كدة

بس انا مش فاكرة كلامه عن انها خلقت و هو نايم و لا و هو صاحي

بس بجد الكلام جميل اوي و مقنع اوي

و بالنسبة للاختلاف ف الاراء فهو فعلا رحمة لينا

اختلاف الفقهاء رحمة بجد

و بحيي كمان السوهاجي انه حابب يتاكد من مصدر الحاجة

و دة شئ مطلوب اليومين دول خصوصا ع النت

لان ف تااليف و اشاعات كتير اوي

و كمان بحييك اخويا الكبير ع اقتناعك و علمك التام بالحاجة قبل ما تكتبها

ربنا يحميكوا يا شباب

تحية خاصة من اختكوا الصغيرة

معلش الاسم اتكتب غلط

اسمه دكتور محمد هداية اللي بيجي ف برنامج طريق الهداية

بسم الله ما شاء الله
و الله معلمومات اول مرة اعرفها
بجد انت جااامد يا متر
و ربنا يحميك و يخليك لينا كلنا و للمنتدي
وبجد يشرفي ان ادخلك اي موضوع
تقبل مروري يا متر