لية احنا كدة ؟

متحولش تبقي اي حد تاني غير نفسك دور بنفسك جوه
نفسك متكسلش و قوم قلب
هتلاقي ميزتك صدقني هأ هأ
هتلاقي ميزتك دور بنفسك جوه
نفسك

متحاولش تبقي حد تاني
غير نفسك خليك واثق في نفسك
قوم دور بنفسك جوه نفسك
هتلاقي حاجه محدش فيها ينفسك

متحولش تبقي اي حد
تاني غير نفسك دور في نفسك جوه نفسك
متكسلش قوم قلب و دور هتلاقي
ميزتك , ميزتك في صوتك او في رسمك
متستبعدش تبقي ميزتك حركه
بيعملها جسمك او فكره فانتستيك في مخك ممكن
كمان تكون مميز في الطب و
الحساب او ميزتك نفسك في طبخك ممكن ميزاتك
تطلع في لوحه او كتاب ممكن
تكون ميزتك ليقتك ميزتك إنك قلب ميت تقدر
تضرب كل الناس

بودي جارد

او تكون ميزتك سياستك
ميزتك إنك رومانسي و مأفور في الإحساس
او تكون ميزتك فراستك

ممكن ميزتك تكون قلب
ابيض او حنون , ممكن تكون ميزتك حماشتك

في ناس تعرف تفصل لبس
الناس بكل إحساس مهما كانت خامه قماشتك
و ناس بضربه فاس تحول تربه
قلقاس

او اناناس

بفضل ربي مش بفضلك ,
ولو في يوم لبست قضيه
في ناس ميزتها هي [هي ايه ؟]
ميزتها إنها تجيب برأتك
بسس ركز في الي جاي
[ركز]
محدش عجبه حاله و حالة غيره
اللي بتحلاله شرقي بيغرب,و ايسر نفسه يبقي ايمن
طخين بيخسس , رفيع نفسه يطخن
, اسمر بيفتح ابيض نفسه يبقي بلاك (فحمه)
خلفله بت بيزعل نفسه يخلف
واد ايوان ايوان ايوان
........
إنسان مبتردي بحالك دايما
عجبك حال الغير مهما تكون حالتك دايما باصص للتغير
صدقني لو بصيت جواك هتلاقي
ياما كتير قدرات,مميزات إن كنت غني او فقير
متقللش من نفسك ده انت بنفسك
طاقة خير هتحقق اللي في نفسك و اللي يمسك خليه
يطير , ارضي يا ابن آدم
باللي اتقسم عليك ولا ويني عرفك مش هتردي غير بتراب
في عينيك
ربك ميز كل واحد منا بحاجه
فالناس فعلا لبعض محتاجه
دور و القي ميزتك حاول حافظ
عليها طورها اتميز بيها حياتك هتلاقيها
ارضي بحياتك انت واقبلها
باللي فيها ده الرضا نعمه كبيره إحمد ربك عليها و خدها مني
كلمه مافي حاجه بتساويها yeah yeah .......
حد يترجملي بيقول ايه الواد
ده

انا اجلك عيقول
متحولش تبقي حد تاني تاني
غير نفسك خليك واثق في نفسك ولااااااا
جوم دور بنفسك جوه نفسك
هتلاقي حاجه محدش فيها هينفسك

لو ملكش عازة مكنتش
اتخلقت ولا اتحسبت من الناس و اترزقت
if you with me i will kick your ah ah ah

انا سمعت الاغنية دي النهاردة وشدتني جامد ووقفت علي كلامها

احنا لية مش بيعجبنا حالنا اللي ربنا خلقنا علية

بجد لو الانسان دور جواة هيلاقي مميزات كتير لكن دايما بيبص للميزات غيرة

وربنا خلق لكل واحدة ميزة مختلفة عن التاني ولو خلقنا كلنا متشابهين في الميزات كنا صعب نعيش لاننا محتاجين لمميزات الشخص الاخر

وفعلا لو ملناش عازة في الدنيا مش كان ربنا خلقنا ولا رزقنا

في الاخر احب اعرف منكوا احنا لية مش بيعجبنا حلنا ؟

بص اولا مرسي على كلمات الاغنيه لاني مكنتش بعرف اجمع كل كلمتها

بالنسبه ليه مش بنرضى مش هعرف اجوبك قوي بس فعلا كتير بنبص للعند غيرنا وننسا جوانا حاجات اجمل
يعني والله ساعات لما اقعد مع نفسي الالقي عندي وجوايا حاجات كتير
بس يمكن عشان بنركز فغيرنا اكتر من نفسنا فنسينا اللي عندنا

تسلمي يا لا لا علي المرور وعلي زوقك
بس برضوا انا مش اعرف اجاوب قوي لاني وبصراحة كدة بس احاول اجاوبك علي قد ما اقدر
فاكيد ربنا خلقنا وحاطت فينا مميزات كتير بس ممكن يكون دة ضعف ايمان من عندنا
كمان مش بنرضا باللي قسمة لينا ربنا
مع ان احنا مش اللي عندنا انة نغير من نفسنا ربنا هو اللي بايدة كل شئ
واحب اختم بقول الله في حديثة القدسي
" من لم يرضي بقضائي فليذهب من تحت سمائي ويجد ربا سواي "

كلمات حلوة يا ستايل والله
دى لام تى ام ؟؟؟
بس فعلا لازم كل واحد يفرح بنفسه انا اوحد من الناس اللى مش معترض على نفسى
بس عايز اصلح فيها حاجت معينة

اجاوب انا واخش فالوسط
دي بتاعة احمد مكي

ميرسى يا لالا

طب روح اتأكد بدل لما تطلع دي كمان غلط اصل انا بيجيلي تهيأت هههههههههههه

بص يا ستايل انا بجد بحب الاغنيه دى جدا جدا لانها اغنيه ليها معنى كده ومفيده جدا وكلماتها عميقه
وبالنسبه لسؤالك فده حال الناس والدنيا ان كل حد مش عاجبه حاله بالظبط كده كلمات الاغنيه
تقبل مرورى

تسلم يا درش علي مرورك
بس فعلا انت كدة جامدة لان في نسا كتير بيعترضوا هما لية بقوا كدة .
وبصراحة انا منهم وكنت لسة سائل السؤال دة لنفسي لية بقيت انا في السياحة واية اللي دخلني اصلا سياحة

ذي ما لالا قالتلك دي اغنية احمد مكي

وبالنسبة لبرنسيس طيب لية الواحد بيعترض اصلا مع ان مش في ايدة انة يغير حاجة كلة في ايد ربنا
بجد احنا محتاجين نصلح الاول علاقتنا مع ربنا عشان ينصلح حالنا
وتسلمي علي مرورك

كلامك صح طبعا جدا يا ستايل الحل عشان نبطل اعتراض اننا نصلح علاقتنا مع ربنا عشان كل واحد يرضى بنصيبه
وربنا يرزقنا الرضا والقنااعه دى فعلا اكبر نعمه

يارب يا برنسيس وتسلمي علي مروريك
وكنت عايز اضيف الحكمة دي عجبتني اوي

فلسفة الحمار

عجبي
عليك يا ابن ادم يا كبير الدار قومت الدنيا وما قعدت لما قالوا حمار

هو اسمي شتيمة ولا جنسي دا عار خلقني ربي وخلقك ومحدش لة خيار

وانا مهما زاد الحمل فوقي صابر علي المشوار

لا في يوم اقول اشمعنا اخويا واخد منة تار

ولا يوم ابص لرزق غيري واطق منة واغار

ولا ارفع في يوم عيني علي جارتي واصون الجار

ولا مهر ادفع لحمارتي ولاشبكة ولا سوار

ولا شقة اجمع في تمنها ولا اجهز دار

ولا حرمي حامل وتتوحم علي الكافيار

ولا بنت تخرج عن طوعي وتجبلي العار

ولا ابن يدمن ويهلوس ويقع وينهار

عايش في حالي ومتهني ولية افكار

باكل وبشرب وبنهق ومفيش اسرار

وعندي ابن ادم يخدمني ليل ونهار

ان جعت يشتري برسيمي باغلي الاسعار

وفي مرضي يفضل يعالجني ويدعي الستار

خادم امين من غير راتب ولا حتي ايجار

والحين عرفت يا ابن ادم مين فينا الحمار !!!!!!!!

ازيك يا ستاااايل وايه الاخبار
بالنسبة للسؤال الاول
يمكن محدش راضى بحاله عشان هو عاوز يبقى احسن من كدا
يعنى كل واحد فينا دايما بيطمع انو يكون احسن من كدا ويحاول ينال قدر من
اعجاب الناس المحيطيين بيه ........
المهم انو الانسان لازم ف النهاية يبقى نفسه ويقدر يثبت ذاته كويس
وياخد قدوة حسنة ليه يسير على نهجها,,,,,,,
يارب اكون اقدرت اوضحلك وجهة نظرى
بالنسبة لفلسفة الحماااااار..........
اكيد طبعا حكمة لو فهمناها صح هنعرف انو الحمار افضل مننا ف بعض التصرفات
لكن ربنا سبحانه وتعالى خلقنا مكرمين بالعقل والتفكير
والامكانيات اللى بيها
( نقدر نجيب اكل الحمااااار) انت فاهم انا عاوز اوصل ايه ؟؟
تحياااااتى يا ستااااااااااااايل
وتسلم ع التوبيك الرائع ده ,,,,,,

انا بحيي درش المحااااااااااااااااااامى اوى على رايه لانه عجبنى جدا
وانا بضم رايي لراى المحامى
وبشكر ستايل تانى ع التوبيك
وبشكر درش على التفكير والكلام الجميييييييييييل دة فعلا اقنعنى

ربنا يسامحك على اللى عملتوا فيا بسببك
هههههههههههههههههههههههههه

تصدق اقنعتني فعلا
بس في ناس بتكون كويسة وحالها كويس
بس بتحب تبص في اللي عند الناس ولو كل واحد بص
حولية هيلاقي نفسة احلي من ناس كتير فلازم نرضي بحلنا مهما كان ونحمد ربنا بجد
واحييكم ايها السوهاجيان الدرشان علي الرد