اطفال آخر زمن فعلا ...

انا انهاردة محتاجة رأيكوا يا شباب و الموضوع انه انا عيلتي فيها اطفال كتير و بيحبوني جدا و بيعتبروني صاحبتهم يمكن لاني مربياهم و بنزل لسنهم
المهم ف منهم ف ابتدائي و اعدادي جم قالولي انهم بيحبوا حد م العيلة بردو و كدة و جايين يحكولي و يقولولي نعمل اية
و انا جاية اسألكوا ارد عليهم ازاي و احتويهم ازاي بحيث ارشدهم للصح و ف نفس الوقت مش يبطلوا يحكولي
لاني بطمن عليهم لما اعرف احوالهم و كدة
يا رب تكونوا فهمتوا سؤالي و كنت حابه اوضح عن كدة بس انا بكتب من موبايل
ف انتظار ارائكوا يا شباب و انتوا لو مكاني تتصرفوا ازاي ؟

بصي يا ايجيبت انت الاول تفهميهم ان الفترة دي مش ينفع فيها حب وكدة عشان غلط وانتي فاهمة دة وكمان توقليلهم اهم حاجة الدراسة دلوقتي ولما يكبروا ويروحوا الجامعة هيكون هو دة الحب الحقيقي وحاولي تاخديهم بلين وكمان حاولي بحبهم ليكي تاثري عليهم بالكلام دة
لانة مش ينفع حب في السن دة
وحاولي تقنعيهم ان دة غلط ومش ينفع في سنهم

كلهم بييحبوا حد من العيلة ههههههههههههه مش فاهم
ع العموما ان هكلمك كمرحلة قدامى
لازم تقعدى معاهم او مع اللى بيحب دة بلاراحة وبعيد عن الناس وبشويش
تقوليله دة احساس جميل ومش عيب بس لما يكون وانت فى عمرك كدة بيبقى عيب ويضر مش ينفع
ولازم تقوليله انه لما تحس بكدة هتتعطل عن دروسك ومصلحتك ومش هتبقى شاطر اوى
لو فعلا بتحب وعايز تثبتلها وتثبت للعيلة كلها اتعب وذاكر وشد حيلك ولما تكبر وتدخل كلية اتكلم وابدا طلع كلامك
عشان الناس تعرف انك كنت بتعمل كدة عشانها وقوليله انك معاه فى اى حاجة عايز يحكيهالك
ومتديهوش فرصة انه يدخل فى عمق الحب دة اوى عشان دى مرحلة مراهقة يعنى كلها تقلبات
ولا فاهم اساسا انه دة ممكن يتغير كلنا اعجبنا وحبينا بس حسينا لما كبرنا انه كان كلام فاضى اللى فات
والاحساس الحقيقى اللى بيبقى موجود بعد 19 سنة او 20 مثلا
وياريت تتابعيهم وتتابعى دراستهم اول باول ويارب تبقى فى تقدم مش تاخر

شوفى يا ايجيبت

ف الاول انتى ممكن تحتويهم بالتوجيهاااات اللى تخليهم مينفروش او يبعدوا
عنك 000 بمعنى

متقوليلهمش من الاول ع طووول لاء كدا عيب ودا غلط ومش هو دا
اللى تفكر فيه دلوقت
تاخديهم بالسياسة وتقوليلهم انو الحب ده ف حد ذاته شيئ واحساااس جميل
بس مش هو دا وقته ولا مكانه

انتو دلوقت المفروض تهتمو بالدراسة والتعليم وبس
ولما تكبروا وتحققوا مستقبل وشخصية كويسة ليكوا
ساعتها بس تقدروا انكو تحبو وتتحبوا

المهم تركزى معاهم برضو ع انو دا احساس مش صادق دلوقت
دا ممكن يكون اعجاااب بالشخصياااات او الشكل

لكن انتو لسه متعرفوش يعنى ايه حب لحد دلوقت بمعناه الواقعى
يارب اكون قدرت اوضح حاااجة

تحيااااتى ليكى0000000

انا بجد يا جماعة مستغربة اوي و بجد مش عارفة الجيل دة

بجد اكبر من سنه بكتيررررررررر

بس دي بجد ظاهرة ان الاطفال كلهم سابقين سنهم ف كل حاجة

مش عارفة اذا كان دة شئ سلبي و لا ايجابي

بس دة يمكن من التلفزيون و النت و الاصحاب و المدارس و الشارع

و انا بشوف اني مش هقدر اتحكم ف كل دول

لكن اقدر اتحكم ف الطفل دة

و عشان كدة حابة بجد انه اي حد ليه قرايب صغيرين يهتم بيهم و يقرب منهم لانه

لما يقرب هيكتشف فيهم حاجات عمره ما عرفها

و عشان كدة بردو انا كنت مستنية منكوا رايكوا القيم عشان مش ابقي انا بس اللي فكرت لوحدي

لا و اخواتي اللي هنا كمان معايا عشان لما اقول للطفل دة حاجة

اكيد هيكون ليها تاثير عليه زي محنا كدة فاكرين حاجات من ايام ابتدائي

و مش ناسينها لغاية دلوفت رغم اننا ممكن نكون ناسين موقف عدي علينا امبارح

و عشان رايي دة بيكون شخصية و عقلية طفل هيكون بعد كدة

راجل و ست مسؤل عن اسرة و بلد بحالها

.....

ستااااااااااايل

ماشي يا اسامة منا عارفة انه دة مش وقته و كدة و اني لازم اقنعهم بكدة

بس انا بسأل بقي عن افضل طريقة لكدة و اقولهم اية

فاهمني ؟؟

يعني اوصلهالهم ازاي و بشكل يخليهم مش يخافوا مني بعد كدة

و مش يبطلوا يحكولي و كمان يكونوا مقتنعين و هما بيعملوا اللي بقولهم عليه دة

مش بس ينفذوه و خلاص

فاهمني ؟؟

مصطفي

شوف يعني بنوتة منهم جت قالتلي انها بتحب ولد من عيلتنا بردو

و بعدها بنوتة تانية جت حكتلي ع نفس الولد

انها بتحبه و كدة

فاهمني ؟؟

بس هو انا بجد حسيت ان كلامهم ليا مش كلام عيال و اطفال

دة كلام ناس كبار قدنا مثلا

و فعلا رديت رد يشبه كلامك انت و المتر كدة و حسيت بردو

انهم مش مقتنعين اوي بكلامي

بس هحاول تاني اكيد

تسلم ياا مصطفي ع رأيك و نصيحتك الجميلة دى ...

اه يا متر وجهة نظرك واضحة طبعا

و فعلا هحاول تاني اوصلهم الافكار اللي انت وقولتها دي

و هضيف عليهم افكاري بردو

و باسلوب كويس كدة هحاول احتويهم و اتابعهم زي منت قلت

و ربنا يسهل و يوفقنا جميعا

و يكرمك يا متر ع كلامك العاقل دااايما ....

هما الاتنين بيحبوا نفس الولد
ههههههههههههههههه
طب هو الولد أمووور اوى يا هند فعلا ؟؟؟
او ممكن تحكيلنا بجد عنه ؟؟
دة ولد جامد اوى انا غيراااااااااااااان منه ههههههههههههههههههههههههههههه
يا بخته ههههههههههههههههههههههههه
بس احنا عجزنا خلااااااااص والحمد لله هههههههههههه

ع العموم ربنا يوفقك فى تعاملك معاهم وتكسبيهم قد ما تقدرى
ويقتنعوا بكلامك دة

اقوللك ع حاجة هتكتشفيها كمان
ان البنتين دول هييجى عليهم وقت وهيغيروا اوى من بعض وممكن يكرهوا بعض عشانه وهتشوفى كلامهم ولاحظى تصرفاتهم
وخصوصا لو هما الاتنين صرحوا لبعض بنفس الاحساس

هههههههههههههههههه

ضحكتني و ربنا يا مصطفي

بس هقلك حاجة و شوف انت بنفسك العيال تفكيرهم بقي ازاي

بقولها ف وسط الكلام طيب اية يعني اللي شدك فيه

قالتلي

بصي يا هند هو انا مش بحبه عشان هو امور بس

لا انا بحبه من قلبي بجد

انتي اكيد فهماني

شوف بقي وصلوا لاية يعني بتفهمني

انها بتحبه بجد مش عشان شكله

و قالتلي انا لما بروح عندهم و اشوفه بحس ان قلبي بيدق

هههههههههههههههه

و ربنا عيال فظاااااااااااااع بجد

و زي منت بتقول بالظبط

بنوتة منهم بتكره التانية و دايما تتخانق معاها و كدة

و بجد انا بشد ف شعري وسطيهم

confused

يعنى حصل وكرهت طيب الله اكبر
لا اطفالكو فظااااااااااااااااااااع بصرااااااااااااااااااااااااااحة
مينفعش غير اقول يا بخته برضوا
هههههههههههههههه
طب هو ايه بيحب حد فيهم او مدى اهتمام لحد فيهم مثلا او بيقولهم كلام حلو كدو يعنى
وهو فى سنة كام اساسا
ربنا يعينك بس سيبى شعرك فى حاله انتى هتقطفيه

الله يسهلو يا عم بلاش حقد يا درش
خلية يحب من دلوقت بدل ما يتصدم بعد كدة زي ومش يعرف يعمل ايو ويكرة حياتة كلها

لا بجد يا ايجيبت
اقنعية لو هو قادر يتجوزها دلوقت ويصرف عليها ويقول لبابا وماما
خلاص يروح ويصارحهم
ولكن اذا طبعا ودة اكيد هيقول لا فانتي تقوليلة طبعا مش ينفع دلوقت ودا كلة هيكون ذكريات
وبعد ما اتكبر هتحب واحدة تانية خالص يمكن عشان مش شايف غيرها دلوقت لكن لما يدخل الجامعة وتفكير هيختلف
وطبعا هيحب حد تاني خالص
ما احنا كلنا كنا بنحب قرايبنا ودلوقت عايزين نخلع مش قادرين
طبعا فهماني

ع فكرة يا ستايل الطفلة صاحبة المشكلة بنت مش ولد
وهى بتسال ازاى بتتعامل معاها كطفلة ودى مشكلة اكبر فعلا من انه يكون ولد

وبعدين مش عارف تخلع ليه يا ستايل اعمل خلع من عيلتك يا عم اساسا
محدش هيفرض عليك حاجة

مصطفي

هههههههههههههه

ماشي يا سيدي يا بخته

بس هو طفل و لسة صغير اوي ع الكلام دة

و هو كمان عمره ما قال كلام حلو بس يمكن لما بيلعب معاهم

دايما بيكسب و كدة لكن دة طفل ف اولي اعدادي

و تلاقيه كمان مش عارف كل الحوارات دي اللي بتحصل

و هما كمان اطفال ف رابعة و ساته ابتدائي

و لعلمك بقي

قبل ما يجوا يحكولي و يفتحوا قلبهم ليا

مش كنت اتوقع منهم ابدا الكلام اللي قالوه دة و فهمهم للامور بالشكل دة

بس لما قربت منهم بجد عرفت كدة

انت كمان يمكن لما تقرب من الصغيرين اللي ف عيلتك

هتلاحظ كدة بس واحدة واحدة

اية رأيك بقي ؟

يااااااااااااااا ستايل

بقولك عياااااااااااااااااااااااااااال

مصارحة اية بس اللي تبقي دلوقتي ؟؟

و بعدين زي ما قلت الواد ف اعدادي و البنات ف ابتدائي

يبقي الحل اية بقي ؟؟

و بعدين اكيد فهماك و زي ما قلتلك و زي ما بيقلك مصطفي

مش ممكن ترتبط بحد غصب عنك و انت اكيد

عارف الاسباب طبعا

ما انا عارف انهم اطفال انا كنت عايز اقول
انك تفهميهم ان الحب في الفترة دي من غير ارتباط غلط
وان لازم الحب الحقيقي يتبعهم ارتباط لكن في الفترة اللي هما فيها مش ينفع ارتباط وبالتالي مش ينفع حب
ولما يكبر ويكون قادر يصرف علي بيتة وهي كمان تقدر تتحمل مسؤلية الاولاد ويقد يواجهة المجتمع بحبهم دة يبقي هو دة الحب الحقيقي
بس لما يكبروا مش وهما لسة دلوقتي

وطبعا يا درش مش في حد يرتبط بحد وهو مجبر
ودي كانت هزار مش اكتر

ايجيبت
اولى اعدادى طب ما اشطة مش صغير اوووووووووى انا حبيت فى خامسة ابتدائى ههههههههههههه
بس سافرت قطر ومعرفش حاجة عنها من ساعتها بس سمعت من ابن خالتها انها فى طب هناك

ع فكرة اانا عارف من غير ماقرب انهم فظاااااااااااع والله
فكرتينى ببنت خالتى ف تالتة ابتدائى دايما خالتى تناغشها وتقولها نجيب مصطفى نجوزهولك
تصدقى ابص عليها الاقيها مكسوفة وساعات تيجى تكلمنى تقوللى انت لما تكبر تانى هتجيب عربية ؟؟؟ هههههههههه
قبل كدة برخم عليها لقيتها نازلة بحمالة مدخل البيت وهى طفلة سااسا خالص
بقولها محبش مراتى تبقى كدة من صغرها ههههههههههههه انا هلبسك نقاب وميبنش فيكى غير عينيكى
قالتلى لا يا اخويا خلاااااااص شوفلك عروسة تانية هههههههههههههههههههههه

بجد زمن غير الزمن
زى ما برضوا ابانا شايفينا احنا زمن غير زمنهم وهما الاطفال دول نفسهم هيشوفوا جيل انيل منهم
هههههههههههههههههههههه

وتقريبا والله اعلم دى من علامات القيامة الصغرى

ستايل ياباشا ولا يهمك اتمنالك حياة سعيدة مع اللى تختارها

ستاااااااايل

موافقاك ف كلامك و ان شاء الله هحاول

اوصلهم كدة باسلوب كويس

مصطفي

ما ياما الواحد حب ناس و هو صغير بس دة اصلا كله مش حقيقي

و الحمد لله الواحد عدي المرحلة دي بخير

و عايز الباقي يعديها بخير و يخرج منها فاهم و واعي خصوصا

لما يكون الزمن اصعب و التحديات اكتر

و لو ع علامات القيامة فالعلامات الصغري خلصت من زمان

بشكركوا يا شباب ع النقاش الجميل دة ...

كلامك جميل يا هند وانا موافقك بس ممكن اعترض على حاجة
العلامات مش بتخلص لسة فى علامات صغرى جاية وعلامات عدت
بس انا متفهم وجهة نظرك قصدك تقولى العلامات الصغرى من زماااااااااان بنحس بيها
ودة فعلا حقيقى
التبرج الزائد عن حده اليومين دول والعاريات فى الشوارع والتخلى عن الدين وكتاب الله وسنة رسوله
الاساءة لسيد الخلق وتقهقر المسلمين للخلف واهانة المواقع الاسلامية وضربها فى الدول العربية
والله اعلم هنشوف ايه بكرة وبعده
كلد دة قليل جدا جدا من العلامات الصغرى بجد