الحلقة الثانية من....كونى جنتة !!!

الزوجين في قارب شراعي بسيط
يجلس كل واحد في طرفي المركب
لحفظ توازنه خشية انقلابه
ثم السقوط لاعماق البحر
فلا يجد الا جمع من القروش
والحيتان تتسابق لنهشه وبلعه !!
.....
فكان لزاما على كل من في المركب
حفظ التوازن داخله
مهما كانت العواصف عاتيه حتى تهدأ
لتوصله الى شاطيء الامان
دون انكفاء المركب في عرضه ..!!

سنعرض هنا قوارب منجية نمتطيها
ونوجه اشرعتها لذاك الشاطيء
البعيد حسب اتجاه الرياح ....

القارب الاول

قارب الحب العاطفي الوجداني
نعم قارب الحب الحقيقي الأبدي
الذي لا يرجو منه حصول مقصد سريع ثم يزول
بل هو تجسّد الحب العاطفي

القارب الثاني

قارب الثقة المتبادلة
يجب على كل من الزوجين حفظ الثقة بينهما
كغرسة وحفظها من مرض الشك المدمر
المؤدي نتائجه للخيانات الزوجية المتبادله والعياذ بالله !!!

القارب الثالث

قارب كسر الجمود
يجب على الزوجين تجديد الحياة الزوجيه
كنهر جار تتجدد فيه نبظ الحياة الجميله
وعدم ركودها كمستنقع اسّن
لا تعيش فيه الا الحشرات المؤذية !!

الحلقة الثانية

كل أخت منا تدري ما الذي يغضب زوجها وما الذي يحبه
وليكن أختي شغلك الشاغل .. أرضيـــه إزاى؟؟
وليس .. أخنقه ازاى ؟ .. انغص عليه حياته ازاى؟؟

اهتمي بمظهرك وبمظهره وسنتكلم عن كل منهم على حدا

لنبدأ بمظهر زوجك أولا :
انتقي معه ملابسه عند شرائها بإعطائك الرأى فقط وأنك مهتمه بالأمر .. وليس قهر وإجبار
هتجيب دي يعني هتجيب دي ..
خلاص طلقني !!!
للأسف كتير جدا .. الكلمة دي على لسانها ولنا عودة مع هذه الكلمة المزعجة جدااا

قوليله : ده أحلى عليك .. ده شكله أشيك .. ده مفتحك .. ده ..
طب لو لبس حاجة مش عجباكي ؟؟
إيه الأرف ده ؟؟
هو انت عمرك ما تلبس حاجة عدلة عليك ؟
استني هنا ااااااا
إنتي بتكلمى مين ؟؟
بكلم الباشا هو في غيره ؟
لااااا انتظريييي .. وقفة هنا .. ده زوجك .. حياتك .. نصفك الآخر .. أمرك ربك بطاعته .. وجعل طاعته باباً لك لدخول الجنة !
طب ماهو اصل شكله يقرف في الهدوم دي !!
يا ستى حسني ألفاظك شوية .. اسمها شكله مش حلو في الهدوم دي .. أو اللبس ده مش مناسب
اه هو ده فعلا .. بس بقة بلاش إحراج ..
قوليله : شوف ده أحلى .. أنا مش عارفة حاسة ان في حاجة اشيك من كدة .. وهكذا

((الكلمة الطيبة صدقة)) يا اختى وتذكرى كل كلمة كل ابتسامة كل .. كل .. في ميزان حسناتك
طالما شئ في وسعك ليه متعمليهوش؟؟

*****
تعالى للنظافة .. زوجى مش نظيف .. لا يهتم بالنظافة الشخصية .. اعمل ايه ؟؟
الله يقرفك .. هو انا شوفت معاك يوم عدل من ساعة ما عرفتك
لاااااا .. إياااك ثم إياك وكفران العشير .. الأمر ده مهم جدااا جدااا

هاتى انتى ادوات النظافة ليه
قوليله : شوفت جبت لك ايه انهاردة .. الصابونة دي ال... دي .. ال ... ده
إيه رأيك .. أكيد هيقول جميل .. وهيستعمله ان شاء الله ..
وكدة كسبتي ايه؟؟؟
رضاه .. رضا ربك طبعا .. قلبه .. ثواب عظيم والكثير والكثير

طيب نظافتك ومظهرك إنتى ؟؟
الحلقة القادمة إن شااااء الله .. انتظرونااا في كوني جنته .. باذن الله هنوصل

طبعا يا صفاء والله الكلام زي الفل
انا كل اللي ها اضيفه معاكي ان ياريت فعلا كل بنت تستفيد بالكلام ده
علي اد ما تقدر هي ها تعيش مرتاحه في الدنيا وهتعيش في نعيم في الاخره
انا ها اضيف حديثين من احاديث الرسول الكريم عليه الصلاه والسلام
طبعا احنا عارفين ان في زوجات من حور العين لو
انتي بتحبي زوجك لا تتركيه لزوجات الحور العين ولو بتحبيه ادعي ربك انك تكوني زوجته في الجنه ومش تتبدلي بحور العين

طيب شوفوا الحديث ده
قال الرسول عليه الصلاه والسلام

**لا تؤذي المرأه زوجها في الدنيا الا قالت زوجته من الحور العين لا تؤذيه
قاتلك الله فانما هو عندك دخيل يوشك ان يفارقك الينا **
شفتي بقي هي خايفه عليه وعلي مشاعره اكتر منك ليه تأذي نفسك بقي حافظي عليه علي قد ما تقدري اعملي كل اللي في وسعك

ده حديث تاني قال الرسول عليه الصلاه والسلام
** ما تركت بعدي فتنه هي اضر علي الرجال من النساء**
يارب نكون فهمنا الكلام

طولت بس حبيت افيد واستفيد

صفــــــــــــــــــــــــاء
بسم الله ماشاء الله عليكى يا بنتى بجد
بجد كلام تحفة جدا جدا موووووووووت
انا بحب الحلقات دى اوووووووووووووووووى
كلامها جميـــــــــــــل فعلا
تعرفى لو كل واحدة تطبق وتعمل النصايح دى اكيد هتحس بالفرق مووووووووووت
واكيد هتعيش حياتها الزوجية بكل سعادة

ربنا يجازيكى كل خير ياب يا صفاء ويكرمك بابن الحلال

غزوووووول
حبيبة قلبى
ربنا يباركلك دايما على الاحاديث المفيدة دى
بجد ربنا يكرمك يا رب
وكويس انك بتطبقى حكاية اننا نضيف على الموضوع
وربنا يكرمك يا رب
ودايما تكونى منورة توبيكاتى بمعلوماتك واضافاتك الجميلة دى

مصطفى

ربنا يكرمك يارب على دعواتك الجميلة دى
ويارب دايما تكون توبيكاتى راضية لربنا اولا
ثم ليكوا يا رب
والكل يستفاد منها
ونكسب منها ثواب كبييييير
ان شاء الله
وربنا يخلينا كلنا نستفيد منها يااااااارب

وشكرا على مباركتك الحلوة دى للمولود الجديد
بس على فكرة انا مش هابقى طنط ولا حاجة
لان عمر دة (المولود) يكون ابن خالتى
ههههههه
يعنى هيقوللى صفاء حاف كدة
يلا بقى عايزالة توبيك مخصوص تهنئة لية بقى
علشان انا حبيتة جدا
وكنت اول واحدة تشيلة من ولاد العيلة
هههههههههه
:bounce:

ربنا يباركلك بجديا صفاء ويسعدك يارب
كلامك حلو اوى ويارب كل البنات تستفيد منه وتحفظ على بيوتها وازواجها
لان فيه للاسف بنات كتير بتضيع بيوتها وبتخربه بسبب انها مش فاهمه حاجه
ربنا يخليكى دايما للمنتدى وتفييدينا دايما بتوبيكاتك الرائعه دى
تسلمىعلى المجهود

شكرا يا برنسس يا قمر
ربنا يباركلك انتى كمان يا رب
ويسعدك ويسعد كل الناس يارب
ويارب فعلا نستفيد كلنا ونحافظ على بيوتنا وازواجنا يارب
عشان نكون اسرة صالحة جميلة

نورتينى يا جميل