أى جمل ستختار / ى ولماذا؟؟

في هذي الجمل عبر و مضامين .. كل إنسان يقرأها بشكل

و يفهما بإسلوب يختلف عن غيره فأي جملة ستختار من هذه الجمل:-

* اذا أردت ان يسامحك الناس فسامحهم

*الغيرة مسألة كرامة وليست مسألة حب

*الاهمال يقتل الحب والنسيان يدفنه

*اننا ننسى أخطاءنا بسرعة لأن احدا لايذكرنا بها

*حنان المرأة أقوى من قوة الرجل

*كلما عظم شأن الزوجة دل ذلك على نبل زوجها وعلى عظيم خلقه

*لاشيء يرفع قدر المرأة كالعفة

*كوارث الدنيا بسبب اننا نقول نعم بسرعة ولانقول لا ببطء

*لا تطلب من المرأة ان تحبك .. اجعلها تحبك

*كلما رايت رجلا وصل بعلمه إلى قمة المجد فاعلم ان بجانبه امرأة يحبها وتحبه

*لو تحدث الناس فيما يعرفونه فقط .. لساد الهدوء أماكن كثيرة

*قد يكمن حاضر بعض الناس في عيونهم .. أما مستقبلهم فهو يكمن بين شفاههم

*كلما زاد اهتمام المرأة بتجميل وجهها قل اهتمامها بتجميل بيتها

*الأدب الكثير مع العلم القليل خير من العلم الكثير مع الأدب القليل

*أدب القلب أفضل كثيرا من أدب اللسان

*ما أقل حاجاتنا الحقيقية .. وما أكثر مانتوهم أننا محتاجون إليه

*أحيانا يقول الأطفال كلمات لاتعجبنا .. نحن نطقنا بها أمامهم

والان اختر الجمل التى شدت انتباهك وسمعنا تعليقك ورايك الشخصى عليها

لكم منى ارق التحيات
M.2K

كوارث الدنيا بسبب اننا نقول نعم بسرعة ولانقول لا ببطء
هي دي فعلا مشكلة في بعض الناس انها ساعات مش بتقدر تقول لا او مش يكون عندها وقت للتفكير فترضي وخلاص وكمان في بعض الناس متسرعة في ردودها مشكلة بتقابل معظم الشعب المصري
قد يكمن حاضر بعض الناس في عيونهم .. أما مستقبلهم فهو يكمن بين شفاههم
بالعكس انا شايف انة ممكن يكون ان حاضر الانسان بيكمن في الشفاة لان الانسان لايمكن ان يدحث الاعن واقع حدث بالفعل والذي انجزة بشخصة اما المستقبل فهو يكمن في العين لان نظرة العين لمستقبلة ونظرة التفائل او التشائم التي ينظرها بعينة هو هي اللتي ستحدد درجة مستقبلة ونجاحة او فشلة فيها
لو تحدث الناس فيما يعرفونه فقط .. لساد الهدوء أماكن كثيرة
بجد دي من ضمن المشاكل ايضا ان كل واحد بيدخل في حياة غيرة من غير وجة حق اما لو كل واحد عمل اللي علية واللي عرفة كان احسن بكتير واكبر دليل امريكا بتدخل في كل حاجة في حاية شعوب الدول الاخري فهي لو كانت في حالها وملهاش دعوة بحد كانت الشعوب عاشت في سلام من غير حقد او كرة ليها وكثرة التدخل الانسان في حياة الاخر يولد الكراهية بالفعل ويد ايضا الصراعات
تسلم الايادي يا درش رائع يابني واللة

تحليلك للجمل اللى فاتت عجبنى اوى يا ستايل وخاصة ان النظرة المستقبلية بالعين اام نظرة الحاضر بالشفاه
تحليلك حلو انا موافق معاك مبدأيا لحد ما اسمع اراء تانية
يسلم مرورك

فى جمل تانية اقوووووووووى بكتييييييييييير عايز تحليلكو فيها
زى مثلا

*الغيرة مسألة كرامة وليست مسألة حب

*الاهمال يقتل الحب والنسيان يدفنه

*لاشيء يرفع قدر المرأة كالعفة

انا موافقه جدا مع المقوله دى لان فعلا اكتر شىء بيرفع قدر المراه عند نفسها اولا وعند الناس هى العفه لانها كل ما زادت عفتها زادت احترامها وارتفع قدرها عند الناس
*لا تطلب من المرأة ان تحبك .. اجعلها تحبك

دى اكتر مقوله عجبتنى بجد حلوه اووووى لان الرجل لازم يحبب المراه فيه بتصرفاته ناحيتها وميطلبش منها ابدا انها تحبه لكن بتصرفاته هيحببها فيه بطريق غير مباشر وبطريقه اجمل من الطلب
*لو تحدث الناس فيما يعرفونه فقط .. لساد الهدوء أماكن كثيرة

فعلا اغلب الالماكن اللى بتبقى زاطه جدا لو شفنا كل الاناس بتتكلم فى ايه هنلاقى ان اكتر من نص الناس دى بتتكلم فى حاجات متعرفهاش وبتفتى وبتكلموا عن بعض فلو كل واحد سكت وكل واحد اتكلم فى اللى يعرفه هتبقى اماكن كتيره هاديه اوووى ومريحه
*كلما رايت رجلا وصل بعلمه إلى قمة المجد فاعلم ان بجانبه امرأة يحبها وتحبه

عجبتنى اووى كمان وخصوصا كلمه تحبها وتحبه فيها كده حنان اوووى المقوله دى
*كلما زاد اهتمام المرأة بتجميل وجهها قل اهتمامها بتجميل بيتها
انا مش موافقه خاااالص على المقوله دى لان المراه قادره على انها تجمع بين تجميل بيتها وتجميا نفسها بالعكس انا شايفه ان الاتنين مرتبطين ببعض يعنى لو هى مهتميه بنفسها فده يدل على انها مهتميه ببيتها
الغيرة مسألة كرامة وليست مسألة حب
انا شايفه ان الغيره مصدرها الحب اكتر عند المراه وعند الرجل سببها الاول الكرامه وبعدان الحب
*أحيانا يقول الأطفال كلمات لاتعجبنا .. نحن نطقنا بها أمامهم
فعلا ده بيحصل علاطول احنا بنشد على الاطفال عشان بيقولوا كلام مش عاجبنا وهما اصلا سمعوه مننا احنا فالمفرود اننا ناخد بالنا من كلامنا قدامهم وبعدان نبقى نحاسبهم
توبيك اكتر من رائع يا درش
تسلم على المجهود
واسفه للاطاله بس بجد كلهم حلوين اوووى ومحتاجين للتعليق

تصدقى يا برينسيس انك اختارتى الجمل اللى انا اعجبت بيها اوى اوى
وردك كمان عجبنى جدا جدا
وخضصوصا فى اجابتك ع الغيرة فلعا عند البنت بتبقى الحب اولا اما الرجل غالبا اسمه وكرامته اولا ثانيا الحب
بس مش بفارق كبيييييييير يا برينسيس والله يعنى هما الاتنين سبب واحد تقريبا
كمان عجبنى ان الست تقدر تجمع بين جمال نفسها وجمال بيتها بس دى الست الشاطرة بسسسسسسسس
كمان الطفل ممكن يتفوه بكلام سمعه مننا احنا
يعنى مثلا ييجى واحد ينادى او يتصل والده يقوله قوله مقعدش وكدة هيتعود على كدة
وبكدة يبقى زودنا عنده الكدب

تسلمى مرورك وكلامك يا برينسيس ولا طولتى ولا حاجة

اولا موضوع جبار يا مصطفي والله
1- الاهمال يقتل الحب والنسيان يقتله
انا موافقه جدا علي كده فعلا لو اللي بيحب اهمل
اللي بيحبه كتير اوي خلاص بيبقي مش في للحب معني
عارف يا درش من اول الاسباب اللي بتخلي الزوج يتجوز تاني او الحبيب يحب علي حبيبته
اول حاجه هايقولك هي اهملتني ومش مهتمه بيا زي الاول مش كده برضه ولا ايه
ده الاهمال ما بالك بالنسيان لازم يقتله طبعا

2- لا تطلب من المراه ان تحبك ...اجعلها انت تحبك
انا بجد بقولها كتير الولد او الراجل يعني يقدر يخلي البنت تحبه
بس الموضوع محتاج شويه ذكاء وانه يقرا البنت اللي قدامه ويحس بيها لو عرف يعمل كده باتقان
وقبل كده لازم تحس انه مش في حد في الدنيا ها يحبها قده اكيد ها تحبه

مصطفي كل الجمل رائعه بجد
تسلم يا استاذ

غزل
كومنتك عجبنى اوى ورفع من معنويتى اوى
تحليلك ع الجملتين كان جميييييييييل اوى اوى وخصوصا كلامك ع ان الرجل يخلى البنت تحبه
باى طريقة ولازم يكون فاهمها كويس وعارف ايه اللى بيسعدها
بس كنت متوقع انك هتحللى جمل اكتر من كدة بس ولا يهمك غزل نورتينى بالجملتين دول والله

والله كنت عايزة امسك كل جمله واتكلم عنها
بس مش في حيل والله تعبانه
بس قلتلك كلهم جامدين

ولا يهمك اختى الصغيرة
والف سلامة عليكى
يسلم مرورك جدا

*الاهمال يقتل الحب والنسيان يدفنه

فعلا الاهمال وعدم المبالاة بيقتل الحب وبيخلي الواحد ينساااااااااااااه

*كوارث الدنيا بسبب اننا نقول نعم بسرعة ولانقول لا ببطء
فعلا ع رأي رمزي ( دولة حبيبي )
ف السرعة الندامة & ف العجلة الحمامة هههههههههههه

تسلم ايدك يا درش

دايما فكاهى وكوميدى فى الردود يا ابو سليمان
شرفتنى يا يا برنسسسسسسسسسسسسس
هههههههههههههههههههههههه
ربنا ما يرحمنا من خفة دمك

ربنا ما يحرمكو مني ههههههه

*كلما رايت رجلا وصل بعلمه إلى قمة المجد فاعلم ان بجانبه امرأة يحبها وتحبه
اولا احيك على الموضوع الحلوه ده والمقوله ده شدت انتباهى لان وراء كل رجل عظيم امراه عظيم والمراه نصف المجتمعبل كل المجتمع لانها هى الام والاخت والزوجه هى تربى وتنشا شباب المستقبل*
* بصراح كل الجمل حلوه

*لا تطلب من المرأة ان تحبك .. اجعلها تحبك

*الاهمال يقتل الحب والنسيان يدفنه
انت متميز كالعادة
كلمات تحفة بصراحة
احييك على اختياراتك
تسلم ايدك

سيدة القصر
ميرسى لمرورك الجميل وحمد لله ع غيبتك وفعلا كلامك صح اللى قلتيه عن المراة

حوووووووووور
مرورك اللى متميز
شكرا لمشاركتك

هل أنا غريب عن الناس الحلوه دي
أنا هختار

الأدب الكثير مع العلم القليل خير من العلم الكثير مع الأدب القليل .

والله فعلا خاصة في الأيام اللي إحنا فيها دي

بمعني إن لو واحد علمه علي قده لكن يعرف الأصول أفضل بكتير من غيره المتعلم وقليل الأدب

وماننساش كلام الرسول صلي الله عليه وسلم

الحياء شعبة من شعب الإيمان

أرجو إني مكونش طولت وقدرت أفيد

تقبل مروري يادرش وعيد سعيد