يبقى انت اكيد في مصر ....!!!

لماتقرى على الميكروباصات جمل مكتوبة بخط اليد هى خلاصة التجربة والحكمةالبشرية زى " يا سلام لو الناس تبطل كلام " " ما تبصليش بأيامه دا انابجرى على يتامى " – " الحلو حلو ولو صحى من النوم " – " الحاسد ربنا يعينه" – " يا بركة دعاكى يامه " – " يقينى بالله يقينى" – " كل واحد عاجبهعقله " – " ما حدش فاهم حاجة " – " لا افتخار ولا غنى دى من ربنا " – "للبيع عشان ترتاحوا " .

• لما تلاقى أعمدة النور منورة بالنهار بنورها الاصفر زى كوبههههههههههههههههت ينسون ايزيس أورجانيك

• لما تلاقى نفس العواميد دى مطفية بالليل .

• لما تقرا أسماء شوارع وماتعرفش مين الناس دى " ميدان لاظوغلى " " شارع نوال " " شارع ابن الوز عوام " .

•لما تكون إشارة المرور معمولة مخصوص عشان الواحد يكسرها .

•لما اى حد يسألك عن أى حاجة بس بصيغه دينية زى " الساعه كام والله ؟ " -أو " والنبى شارع طلعت حرب إزاى؟ " – فحد يجاويه ب " على طول إن شاء الله" .

• لما تقف بعربيتك ف الاشارة جمب ميكروباص وتلاقى كل الركاب بيبصوا لك ف وقت واحد نظرة ملهاش معنى .

• لماتلاقى فرق الافطار السريع ف رمضان لحظة اذان المغرب عشان تدى الصايمين عالطريق أكياس بلح ، وتلاقى الشاب منهم متحمس ويقف لك ف نص الطريق (ماعندوش مانع انك تدوسه بس المهم تفطر ) .

وبكده انت فعلا شرفت القاهره واقولك حمد الله ع السلامه وويلكم كمان

انا معاك ف كل اللي قلته وانه كله غلط ولازم حد يوجه الناس دي
لكن آخر حاجة قلتها بتاعت الصايمين انا شايف انها حاجة حلوة مش وحشة
مش عارف ايه وجه الغلط فيها يعني انا شوفت ناس كتير

بتكون واقفة ع جمب الطريق يعني مش ف وسط الطريق
وده كله من أجل انهم ياخدوا أجر افطار صائم
كل واحد له طريقته بس الشاطر اللي ينجح ف طريقتة
زي الجهاد زمان كانوا بيقتلوا ف بعض وعارفين انهم ممكن يموتوا

بس كانوا بيبقوا مطمنين عشان لو ماتوا هيبقوا شهداء
كذلك ف حالة إفطار صائم

بيتعبوا شوية عشان ياخدوا اجر افطار صائم

غير النقطة دي انا معاك ف كل الكلام
موضوعك مهم يا مان بس مين يسمع ومين يصحح العادات دي
تسلم ع الإبداع

ما انا قلت لك يا فكك ، انت رااااااااائع

الموضوع جامد أوي .... أحييك

وموضوع إفطار صائم يا ميلانو دي حاجه بتميز الشعب المصري العظيم عن غيره

تقبل مروري يا برنس

كتب / شاعر الشباب