مثنى وثلاث ورباع....أم واحدة وكفى؟؟!!لازم رأيكو

عربة السيدات في المترو

على أحد المقاعد تجلس سيدة في الأربعينيات تتحدث في التليفون بصوت مرتفع نسبيا:

- يعني إيه يتجوز عليّ؟ هو مفكر نفسه شباب لسه؟ ده خلاص حسن الختام.. لا ماتخافيش مش هاسيب حقي.. ورحمة ماما ما هاسيب حقي.. سلام هاكلمك لما أشتري الساطور!

تغلق التليفون ثم تنظر إلى وجه زميلاتها في العربة قبل أن تنفجر فجأة بالبكاء بصوت مرتفع، تقترب منها إحدى السيدات الكبيرات في السن تربت على كتفيها وتسألها:

- مالك يا حبيبتي.. ما كنت بتتكلمي من شوية في قوة وشر ريا وسكينة!

- مش قادرة يا نينة.. أنا باعمل كده بس قدام الناس.. بس نفسي صعبانة عليّ خالص.. ومش عارفة أعمل إيه

تقترب منهما سيدة في العشرينيات تحمل حقيبة جلدية وتضع روب المحاماة على كتفيها تقول لها في صوت مرتفع:

- ارفعي رأسك يا أختي.. خلاص زمن البكا انتهى.. القانون من بكرة هيبقى في صفك.. وممكن أطلقك منه في ثواني وكمان تنضفيه من كل مليم معاه لو عاوزة.. ويبقى يورينا بقى هيعمل فيها سبع البرومبة ويتجوز اتنين إزاي ومنين؟

تتدخل في الحوار سيدة في الثلاثينيات:

- مش عارفة أنتم محموقين كده ليه.. مش ده شرع ربنا.. هو يعني الراجل كفر؟ مش الدين بيسمح له يتجوز اتنين وتلاتة وأربعة.. ولا دي كمان حاجات هنلعب فيها؟!

المحامية:

- ما هو التفكير بتاعكم ده هو اللي مضيعنا، أراهن أن الأخت خايفة قطر الجواز يفوتها ونفسها تتجوز أي راجل إن شالله تكون الزوجة الرابعة..يعني حتى ماحصلتيش الزوجة التانية زي سعاد حسني!

يتوقف المترو في المحطة المخصصة له، وقبل أن ينغلق الباب بلحظات يدخل إلى العربة بطريق الخطأ رجل ثم ينغلق الباب خلفه، ينظر إلى الراكبات ويدير ظهره لهم معتذرا:

- آسف يا جماعة هاغير العربية المحطة الجاية؟

تنظر له المحامية في شراسة وهي تقول:

- تلاقيك متجوز اتنين.. ماهو لو كنت مركز ماكنتش عملت في نفسك كده!

الكلام ده جد فعلا
لأ مش قصة عربة السيدات في المترو -وإن كان وارد حدوثها-
وإنما الكلام حول قانون يقيد تعدد الزوجات في مصر

أولا لك أن تعرف أن قانون الأحوال الشخصية الذي ينظم أمور الزواج في مصر هو قانون صدر منذ عام 1920
ولك أن تعرف ثانيا أن وزارة العدل تناقش مشروعا يجري تعديلات على هذا القانون
تعديلات ستقنن تعدد الزوجات
أو على الأقل ستجعله يتم بضوابط

فمثلا يصبح من حق الزوجة التي مر على زواجها 15 عاما ولم تنجب أن يوفر لها زوجها شقة خاصة لها إن أراد تطليقها للزواج من أخرى

كما يناقش المشروع إمكانية وضع بند في عقد القران يشترط حصول الزوج على إذن من المحكمة إن أراد الزواج من أخرى، أو بند آخر يوقع عليه الزوج يقر فيه بأنه لن يتزوج مرة ثانية مطلقا على زوجته

وكما هو متوقع تسبب مشروع القانون ده في موجة جدل كبيرة

وكالعادة هناك فريقان

الأول.. يؤيد منع أو تقنين تعدد الزوجات ومنهم علماء في الأزهر مثل الدكتور أحمد عبد الرحيم السايح الأستاذ بكلية أصول الدين بجامعة الأزهر الذي قال لجريدة الشرق الأوسط، إنه لا يوجد ما يسمى بتعدد الزوجات في الشريعة الإسلامية أصلا، إنما التعدد الذي أباحته شريعة الإسلام هو تعدد في أمهات اليتامى فقط، مستدلا على ذلك بقول الله تعالى «وإنْ خِفْتُم ألا تقسطوا في اليتامى فانكحوا ما طاب لكم من النساء مثنى وثلاث ورباع» قائلا بأن النبي ـ صلى الله عليه وسلم ـ طبق ذلك في زواجه، حيث لم يتزوج بكرا غير السيدة عائشة ـ رضي الله عنها ـ وباقي نسائه كُنَّ إما أرامل، أو أمهات يتامى وبالتالي، فإن تعدد الزوجات ليس مطلوبا في الإسلام بنص آيات القرآن الكريم على حد اجتهاده

الفريق الأول يستشهد بأن عقود زواج بنات العائلات الكبيرة في مصر في بدايات القرن العشرين كان فيها بنود كثيرة تضع شروطا فيما يخص الأثاث والسكن وحتى تعدد الزوجات

بل إن هذا الفريق يعود إلى وثيقة زواج موجودة في متحف رشيد وفيها سرد للشروط التي وضعها أهل "زبيدة" على الجنرال "مينو" وفيها اشتراط بعدم الزواج من غيرها، مما يعني أن القانون الجديد هو عودة إلى حقيقة غائبة فقط لا أكثر ولا أقل، خاصة وأن وضع الشروط في عقود الزواج لا يخالف الإسلام في شيء.
لكن الفريق الثاني.. يتزعمه أيضا علماء من الأزهر ومنهم د.عبد الحكم الصعيدي الذي يرى أن الإسلام جاء لترشيد تعدد الزوجات الذي كان مفتوحا دون تقييد في الجاهلية وأن الإسلام أباح للرجل الزواج من أربع سيدات، بدليل قول الله تعالى «فانكحوا ما طاب لكم من النساء مثنى وثلاث ورباع» مؤكدا- في تصريحات مماثلة للشرق الأوسط- أن التعدد مرتبط بظروف اجتماعية محددة وبالتالي فإن المطالبة بسن تشريع لمنع تعدد الزوجات وقَصْره على واحدة، بحجة أن في ذلك اجتهادا يتنافى مع الشرع الإسلامي، لأن القاعدة تؤكد أنه لا اجتهاد مع النص.

الموضوع كبير فعلا
ويستحق النقاش

والسؤال الذي ننتظر إجابته منكم

هل تؤيد صدور قانون يمنع أو يضع ضوابط على تعدد الزوجات

أم ترى أن ذلك لا يجوز ولابد أن يظل تعدد الزوجات حتى أربعة مباحا دون شروط؟

انتوا مقلتوش موافقين على اى راى
هل انتم مع الاتجاه الاول
او مع الاتجاه الثانى
ولماذا؟؟

الموضوع كبير جدا فعلا يا مصطفى بس متهيئلى ان تعدد الزوجات ليه قوانين وظروف معينه واهمها علم الزوجه ورضاها فانا مع فريق تقنين تعدد الزوجات حسب الشريعه الاسلاميه

اممممممم
وجهة نظر جميلة وسليمة
بس انا شايف ان طالما الراجل شايف سعادته وهناه
مع الزوجة اللى اختارها بمزاجه ورضاه وعن حب يبقى
مينفعش انه يجرحها ويفكر يتجوز تانى حتى لو فى عيب فعلا
فى الانجاب مثلا واعرف ناس كدة والله
القناعة حلوة اهم حاجة الراجل يقتنع بالزوجة اللى معاه

شكرا جدا جدا جدا ساد جيرل على تشريفك ليا

فعلا طبعا اهم حاجه الاقتناع ورضا الطرفين عن بعض بمعنى ان حتى العيوب يحاولوا يتعايشوا معاها وده طبعا هيبقى موجود لو فى حب هيستحملوا بعض لو فى اييييييييييييه

انت بقى عايزة تقولى التضحية
صح
اة طبعا لو فى حب حقيقى لازم يكون فى تضحية عشان الحب دة يكبر اووووى
بجد اجمل حاجة لما الانسان يعيش قصة حب حقيقية ويبقى بطل قصة حب جديدة مشهورة

ربنا يسعدك ويكرمك يا ساد مع اللى يقدرك ويستاهلك
قولى امييييييين ويلا ادعيلى هههههههههههههههههههههههه

اميييييييييييييييييييييييييييييين يا مصطفى ويارب يكرمك انت كمان
واه انا قصدى التضحيه
يعنى لو الاتنان بيحبوا بعض حب حقيقى مش هيستغنوا عن بعض ابدا

يا عم سيب الناس تتجوز هوه انت بتدفع حاجة من جيبك ههههههههههه
وسمعني سلام لفلمي المفضل إمرأة واحدة لا تكفي ههههههههه
بهزر طبعا
انا بقى شايف ان تعدد الزوجات حاجة مش حلوة يعني مع احترامي لكافة الآراء
واحترامي الشديد لسنة الرسول عليه الصلاة والسلام
بس الواحد كفاية عليه اوي واحدة ف البيت
تنكد عليه تسعده هوه وحظه
لكن يتجوز تاني ده تؤتؤ
موضوعك جميل يا درش
تسلم يا مان

اولا احييك يا مصطفى على موضوعك المهم جدا جدا

انت بتقول انه يبقى فيها عيوب ولازم يكون قنوع طيب ايه رأيك في اللى عنده عيال وكمان عايشه معاه على الوحشه قبل الحلوة وفي الاخر تكتشف انه اتجوز عليها وبدون علمها وكمان علشان يغطى عملته بعد ما الناس عرفت يطلع عليها اشاعه انها مريضه ومن حقه يتجوز

فين بقى الاصل والرجولة والشريعه

ربنا لما قال مثنى وثلاث ورباع كملوا طيب الايه (ان تعديلوا وان خفتم الا تعدلوا فواحده)اعتقد دا برضو كلام ربنا

وكمان اكيد ولازم يكون في ابتلاء من ربنا للعبد عشان يختبر ايمانه وصبره وكمان اخلاقه

واللى مش بيخلف من ميرات يصبر زى ماهى مشتحمله مش يتجوز يتنبى طفل الايتام كتيييير مش حجه يعنى

وليه هى مش من حقها تتجوز او تتطلق لما يكون (سورى طبعا) العيب منه هو والمفروض انها تصبر سبحان الله

انا شايفه واسفه طولت عليكم بس الموضوع دا بيرفعلى الضغط من حق الراجل ان يتزوج باخرى في شروط ومقاييس واسباب معينه ومحدده واهمها علم الازوجه الاولى حتى لا تصبح خيانه

ومرة تانيه اسفه للاطاله

احييك ميلانو على مرورك الجميل ورايك عجبنى جدا

احييكى مووووووووت يا مروةو على رايك الجمييييييييييل واسلوبك المقنع اوى دة
اة صحيح المثال اللى انتى قلتيه دة يشل مش يرفع الضفط يعنى ايه يطلع اشاعة وربنا
رازقه بزوجه بتحبه وتحترمه وعايشة وراضية باقناع دة سورى يعنى مش ر؟؟؟

ربنا يكرمك باللى يقدرك وميفكرش من اساسه يبص بعيد تكون عينه مليانة يارب

بص يا سوهاجي الانسان اللي يتجوز تاني في رايي
لازم يكون في ظروف يعني لو واحد زوجتة الاولي لا
تنجب من حقة يتجوز تاني وفي اسباب كتير للجواز التاني
بس انا احترم الراجل اللي يتجوز ويقول ويخير زوجتة الاولي
يعني مايداريش وبين الرجل وزوجتة اشياء لا يعلمها سوي رب العباد
وهما الاثنين واحنا مهما كنا مش افضل من ربنا وكلامة ولا اية

بص يا عم درش
انا مقدرش امنع حاجة ربنا حللها00000000 بس بالاصوووووول
يعنى متجوزش عمال على بطال 000 لاء طبعا
بس فكرة الجولز من اكتر من وااااااااحدة0000 موجودة وقائمة وصحيحة
بس انا لو شايف انى محتاج زوجة ثانية 0000 مش هتردد لحظة
لكن لو مراتى مريحانى وسعيد معاها يبقى مفيش داعى للارتباط الثانى
بالنسبة للقانون
بررررررررررررررررررررفضه طبعا
برفض اى حاجة تخالف الشرع تحت مسمى الحرية

غزل نورتينى بتعليقك وشكرا جدا ليكى

مصطفى شكرا اوى لكومنتك وربنا ما يحرمنا من قوانينك هههههههههههههه