shababsea7a
أهلا بك فى منتدى شباب سياحه جامعه المنيا ، نتمنى لك قضاء وقت سعيد بالمنتدى وتشريفنا انضمامك لأسره شباب سياحه .

shababsea7a

منتدى كليه السياحه والفنادق جامعه المنيا
 
الرئيسيةhttp://shababseالتسجيلدخول

شاطر | 
 

 روحت استفتاء النهارده ؟؟

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
law man
عضو فعال
عضو فعال


العذراء عدد الرسائل : 1380
العمر : 30
العمل/الترفيه : Diploma of science Administration - Faculty of Law, University of Assiut
المود : tmaaaam al7
السٌّمعَة : 2
تاريخ التسجيل : 26/02/2009

مُساهمةموضوع: روحت استفتاء النهارده ؟؟   السبت مارس 19, 2011 6:57 pm

طبعا كلنا النهارده نزلنا الاستفتاء

يا ترى مين قال '' نعم'' ومين قال '' لا ''
ومن غير منخش فى تفاصيل انت قولت ده ليه
عايزين نعرف مين اللى وافق ومين اللى رفض ؟؟ Laughing Laughing
تحياتى Wink
الرجوع الى أعلى الصفحة اذهب الى الأسفل
king of hearts
عضو مشارك
عضو مشارك
avatar

السمك عدد الرسائل : 123
العمر : 29
الموقع : لا اله الا انت سبحانك انى كنت من الظالمين
العمل/الترفيه : مستنى الليسانس اللى مدبلره على ماده
المود : الى حد ما متفائل لكن طموح جدا
السٌّمعَة : 0
تاريخ التسجيل : 07/10/2009

مُساهمةموضوع: رد: روحت استفتاء النهارده ؟؟   السبت مارس 19, 2011 8:11 pm

يبقى ايه لازمتنه لما تعرف نعم او لا

من غير ليه ؟؟؟؟؟
ما علينا


انا قلت نعم طبعا من اجل تسير الاعمال والحياه السياسيه فمصر لان كل اللى بيرفض بيبقى بسبب انه عايز يفصل دستور على مقاسه وانشاء الله ده مش هيحصل بما فيهم كل احزاب المعارضه وكل من يرفض بازن الله نعم ستكون هى الباقيع من اجل مستقبل افضل ومن اجلك انت على راى الوطنى ههههه
الرجوع الى أعلى الصفحة اذهب الى الأسفل
ahmed clever
عضو فعال
عضو فعال
avatar

الاسد عدد الرسائل : 1360
العمر : 26
الموقع : Somewhere in this world
العمل/الترفيه : ...............؟؟؟
المود : ولدت يا إبن أدم باكيا والناس يضحكون .... فإعمل ليوم تموت فيه ضاحكا والناس يبكون
السٌّمعَة : 0
تاريخ التسجيل : 20/09/2010

مُساهمةموضوع: رد: روحت استفتاء النهارده ؟؟   السبت مارس 19, 2011 10:12 pm

انا قولت
لالالالالالالالالالالالالالالالالالالالالالالالالا
Laughing
الرجوع الى أعلى الصفحة اذهب الى الأسفل
small bird_ereny
عضو فعال
عضو فعال
avatar

الاسد عدد الرسائل : 1891
العمر : 27
الموقع : a place in the earth
العمل/الترفيه : table tennis
المود : 3ady
السٌّمعَة : 7
تاريخ التسجيل : 13/05/2009

مُساهمةموضوع: رد: روحت استفتاء النهارده ؟؟   السبت مارس 19, 2011 11:10 pm

king of hearts كتب:
يبقى ايه لازمتنه لما تعرف نعم او لا

من غير ليه ؟؟؟؟؟
ما علينا


انا قلت نعم طبعا من اجل تسير الاعمال والحياه السياسيه فمصر لان كل اللى بيرفض بيبقى بسبب انه عايز يفصل دستور على مقاسه وانشاء الله ده مش هيحصل بما فيهم كل احزاب المعارضه وكل من يرفض بازن الله نعم ستكون هى الباقيع من اجل مستقبل افضل ومن اجلك انت على راى الوطنى ههههه


تسمحلى اعلق عليك
بص انا حاسة انك زى معظم الناس اللى قالت "نعم" انتوا فاكرين ان كده الحياة هتستقر والدنيا هتمشى والحياة السياسية هتتعدل يعنى من الاخر بتقولوا "عشان نخلص بقى من وجع الدماغ ده" لكن لو فكرت شوية وكنت قريت ايه هو التعديل اللى عايزين يعملوه كنت عرفت انه مفيش اى حاجة لصالحنا يعنى قولى مثلا حاجة واحده عدلوها فى الدستور وكانت حلوة او مثلا هتغير فى النظام للافضل... للاسف احنا دايما ماشيين مع التيار يعنى على رأى المثل معاهم معاهم عليهم عليهم.. بصراحة انا مش مقتنعة باللى بيقولى انا قلت "نعم" من اجل الاستقرار انا نفسى اعرف ايه هو الاستقرار ومنين هييجى من هذا الدستور
انما لما نغير بقى الدستور كله ونحط احنا كلنا كشعب مصرى الدستور الجديد والريس اللى هييجى هيبقى جاى ومش معاه دستوره لا ده هيبقى جاى ومعاه دستورنااااااا احنااااااا وعلى فكرة احنا مش كل واحد هيفصله على مقاسة ده احنا كلنا هنختاره يناسبنا كلنا وفعلا يحققلنا الاستقرار والحياة الناجحة السعيدة اعتقد ان ده هو الافضل. ولا انت ايه رأيك؟؟
انا اسفة انى علقت عليك ولو كلامى ضايقك ممكن تعتبرنى مقلتش حاجة وطبعا انا بحترم كل الاراء بس لما لقيتك فسرت رأيك حبيت اقولك رأيى


الرجوع الى أعلى الصفحة اذهب الى الأسفل
small bird_ereny
عضو فعال
عضو فعال
avatar

الاسد عدد الرسائل : 1891
العمر : 27
الموقع : a place in the earth
العمل/الترفيه : table tennis
المود : 3ady
السٌّمعَة : 7
تاريخ التسجيل : 13/05/2009

مُساهمةموضوع: رد: روحت استفتاء النهارده ؟؟   السبت مارس 19, 2011 11:13 pm

i said NOoOoOoOoOo
Wink
الرجوع الى أعلى الصفحة اذهب الى الأسفل
Wika zamalkawy
مشرف
مشرف
avatar

العقرب عدد الرسائل : 2575
العمر : 27
العمل/الترفيه : Graphic Designer
المود : نو كومنت
السٌّمعَة : 18
تاريخ التسجيل : 08/11/2009

مُساهمةموضوع: رد: روحت استفتاء النهارده ؟؟   السبت مارس 19, 2011 11:28 pm

قولت لا طبعا ومقتنع برايى تماما
رحت وخدت معايا خمسة عشان نقول لا وغالبا كنا احنا بس اللى قولنا لا
دخلت اديت وكيل النيابة بطاقتى وبعد كده رحت عشان اسحب الورقة
لقيتو ماسك قلم وهيكتبلى هو وهيعلم على نعم
طبعا عملت مشكلة معاه وكنت هعمل مشكلة فى اللجنة
لان الدنيا كانت ظايطة خالص وناس من الاخوان كانو جوه ملهمش اى صفة
واحد منهم كان عايز ياخد منى الورقة بردو عشان يحطهالى لكن انا رفضت
وقولتلو انت المفروض متبقاش موجود هنا ولفت الانظار جامد
وحطيت الورقة بنفسى

اما انا قولت لا ليه
لان ببساطة احنا ماشيين بالمشقلب والمراحل اللى جاية ماشية غلط
ثانيا التعديلات لا تجدى نفعا لانها ممكن تجيب ديكتاتور
ويعمل الدستور الجديد باللى يخدم مصلحتو وكمان لان لا هى الاستقرار
انا شايف كده

_________________
البرادعى : رفض الحوار مع بى بى سى لرفضها بث نداء غزة
موقع الجزيرة نت 28/1/2009

البرادعى : حملة اسرائيلية شرسة وغير مسبوقة ضد البرادعى

اسرائيل تطالب بطرد البرادعى من الوكالة الدولية للطاقة الذرية
المصرى اليوم بتاريخ 9/11/2007

موقف جريدة الاهرام من الدكتور محمد البرادعى قبل اعلان نيته الوقوف مع التغيير
فى مصر وامكانية ان يكون مرشحا للرئاسة

محمد البرادعى واجائزة المستحقة بقلم عبد الرؤوف الريدى
بتاريخ 16 اكتوبر 2005

البرادعى فى مواجهة الضغوط الامريكية بتاريخ 21 يناير 2005

والكثير من مقالات المدح والاعجاب بمواقف الرجل على مدار تاريخه


البرادعى تبرع بنصيبة من المبلغ المالى من جائزة نوبل الى دور رعاية الايتام فى مصر

ادخل ودور وابحث واعرف الحقيقة مش لازم ترشحو رئيس لكن
اعرف حقيقة من يجب ان تفخر بهم مصر بلدك وبلدى
الرجوع الى أعلى الصفحة اذهب الى الأسفل
https://www.facebook.com/home.php?#!/profile.php?id=1257347132
bebitoolove
عضو نشيط
avatar

الثور عدد الرسائل : 504
العمر : 30
العمل/الترفيه : كتابة المقالات والقراءة
المود : الحمد لله على كل حال
السٌّمعَة : -5
تاريخ التسجيل : 22/12/2009

مُساهمةموضوع: رد: روحت استفتاء النهارده ؟؟   الأحد مارس 20, 2011 1:14 am

انا قولت لالالالالالالالالالالالالالالالالالالالا طبعا من غير فكاكة عمر الحياه ما تمشى بدستور مرقع زى ده يا اما تغييرررررررررر جذرى يا نعود للدكتاتورية مرة تانية وبعدين الماده 189 مكرر بتقول ان الرئيس يعين ثلث مجلس الشورى الجديد يبقى فين الديمقراطية يبقى قامت ليه الثوررررررررة
الرجوع الى أعلى الصفحة اذهب الى الأسفل
JOKER
عضو نشيط
avatar

السمك عدد الرسائل : 792
العمر : 26
الموقع : ???????
العمل/الترفيه : !!!!!!!!
المود : .......
السٌّمعَة : 6
تاريخ التسجيل : 20/10/2009

مُساهمةموضوع: رد: روحت استفتاء النهارده ؟؟   الأحد مارس 20, 2011 2:43 am

انا روحت و عملت (لا)
الرجوع الى أعلى الصفحة اذهب الى الأسفل
Bet magnona
عضو مشارك
عضو مشارك
avatar

القوس عدد الرسائل : 493
العمر : 25
الموقع : الكبير كبير
العمل/الترفيه : بشتغل نفسى دايما
المود : مافيش ف الدنيا احلام بتتحقق ع نحلم
السٌّمعَة : 0
تاريخ التسجيل : 12/03/2011

مُساهمةموضوع: رد: روحت استفتاء النهارده ؟؟   الأحد مارس 20, 2011 3:48 am

لالالالالالالالالالالا
بس صراحه كنت متردده شويه
مع العلم ان ناس كتير نعم ودا ال خلانى متردده
الناس عايزه تخلص من الحوارات ال حاصله و خلاص
study
الرجوع الى أعلى الصفحة اذهب الى الأسفل
law man
عضو فعال
عضو فعال


العذراء عدد الرسائل : 1380
العمر : 30
العمل/الترفيه : Diploma of science Administration - Faculty of Law, University of Assiut
المود : tmaaaam al7
السٌّمعَة : 2
تاريخ التسجيل : 26/02/2009

مُساهمةموضوع: رد: روحت استفتاء النهارده ؟؟   الأحد مارس 20, 2011 12:40 pm

keng
احب اوضحلك نقطة صغيرة وهى انا ليه طلبت منكم الاجابة بنعم او لا من غير منتقول ليه
عشان مش عاوزين نخش فى جدال اصبح معدوم
عشان الاستفتاء تم واللى حصل حصل
احنا هنا كأننا بنعمل استفتاء مصغر فى المنتدى بنعرف فيه من قال نعم ومين قال لا
اشكرك
انا قولت نعم لاسباب مقتنع بيها جدا ومن واقع تخصصى
thx 4 all
sharftom

الرجوع الى أعلى الصفحة اذهب الى الأسفل
Private Emotion
عضو فعال
عضو فعال


السرطان عدد الرسائل : 1511
العمر : 26
الموقع : المنيا
العمل/الترفيه : الشقاوه
المود : بيس
السٌّمعَة : -3
تاريخ التسجيل : 09/11/2010

مُساهمةموضوع: رد: روحت استفتاء النهارده ؟؟   الأحد مارس 20, 2011 3:12 pm

الناس قالت لمبارك اتنحي ... قام ساب الحكم وسلمه للجيش ... قامت الناس اتنططت عالجيش وقالتله متحكمناش انته امسك الامور لغايه ما يجي رئيس بس وبعدها امشي ... مش عاوزين حكم عسكري ... حدد لنفسك جدول زمني تمشي فيه ...

الجيش : حاضر همشي بعد ست شهور .... اكون جبتلكوا رئيس جديد ...

الناس : مش عاجبنا مجلس الشعب طيروا...

الجيش : حاضر... قرار بحل مجلس الشعب والشوري

الناس : ولا عاجبنا احمد شفيق طيره ...

الجيش : حاضر ... احمد شفيق ... طير انت

الناس : وبص يعم الجيش شيل ام الدستور ده علشان قرفنا منه

الجيش : من عنيا .... وقع يابني الدستور وعطل العمل بيه .

الجيش : بس كدا يا جماعه بقي مفيش لا رئيس ولا حكومه ولا مجالس تشريعيه لازم اجيبلكوا كل ده مش بس رئيس زي الاول ..

الناس : ايوه يعم علشان ده كله نظام ابن ستين اصلا ...

الجيش : حاضر اللي تقولوا عليه ...

الناس : بس خلي بالك كل ده فست شهور زي ما قولت اوعه تصيع عاللي خلفونا وتقعد فالحكم زي ما عمل عبد الناصر وشلته ...

الجيش : لا متخافوش مش هعمل كدا هيه الست شهور وهمشي ...

الجيش : تعالي يا يحيي يا جمل يا فقيه يا دستوري ... تعالوا يا احزاب ... تعالوا يا قضاه ... تعالوا يا ناس يا فاهمه فالدستور وفالسياسه والاقتصاد . تعالوا اعملوا مجلس استشاري واخد برايكوا وتساعدوني ..

المجلس الاستشاري : ايوه يا جيش ... عايز ايه اخلص علشان مش فاضينلك بروح امك .

الجيش :دلوقتي انا عاوز اجيب رئيس جمهوريه .... ومفيش دستور ... ولا مجلس شعب والبلد ففوضي مش هينفع اعمل انتخاباات مباشره اعمل ايه ؟

المجلس الاستشاري : بص يا جيش انته المفروض لما تجيب رئيس يبقي بشروط مينفعش تسيبها كده يجيلك واحد من اسرائيل يترشح ولا واحد مالهند ولا يمسكها تامر حسني .... لازم تنظيم ...

الجيش: طب يا رجاله العمليه دي تتنظم ازاي؟

المجلس الاستشاري : من خلال الدستور يا جيش...

الجيش : طب ماهو الدستور واقع يا بلد ...

المجلس الاستشاري ( فيما بينهم ) : ياااااااااه هوا الدستور وقع ؟؟؟ وقع يا رجاله ؟؟؟ وقع بجد ؟؟؟ امتي الكلام ده ؟؟؟ وقع يا دكتور يحيي؟
الدكتور يحيي : مش عارف والله اسئلوا اباظه ... يا اباظه سيب الهباب اللي فايدك ده وقولي هوا الدستور وقع ؟
اباظه / وقع ازاي يعني مش فاهم ؟؟ كان بيبص مالبلكونه وداخ وقع ولا ايه ؟ هعهعهعهعهعهعهعهع

مجدي الجلاد : كركركركركر لا حلوه دي يا اباظه ... داخ ووقع قال هههههههههه الله يجازي شطانك يا بعيد ..

الدكتور يحيي : ما تبطلوا مسخره يا شويه ............ وتردوا عدل ... الزفت وقع ولا لسه ؟

المستشار : جودت يعم بالراحه علينا يعم ... اعصابك مش كدا الله ..

الجيش : خلالالالالالالالالالالالاص يا جماعه خلاص ... انا بقولكوا وقع اه انا عطلته بناء علي مطالب الشعب صدقوني والله

المجلس الاستشاري : طيب فالحاله دي يبقي ممكن اننا نستلف شويه مواد من الدستور القديم ننظم بيهم العمليه الانتخابيه بدل ما نستني الدستور الجديد علي ما يتعمل بقي واهوا نمشي حال البلد بدل ماهي هتخرب وهنقعد علي تلها تلت شهور وهنعلن افلاسنا يا جيش عارف يعني ايه يعني ابوك اخر الشهر يجي يقبض ميلاقيش قبض هتعيش ازاي ؟ هتلاقي نفسك طلعت عالطريق السريع توقف العربيات وتاخد الدهب مالبنات والمحافظ مالرجاله وتهجم عالمحلات والعيشه هتبقي معدن ...

الجيش : يا حفيظ ... لا يعم فكرتكوا حلوه ومنطقيه جدا وديموقراطيه ...

المجلس الاستشاري : بس في حاجه يا جيش .... المواد اللي هنستلفها مالدستور القديم مواد بايظه ومايعه وسافله ومتاكلش عيش ....

الجيش : امال ؟ نعمل ايه .... دستور جديد؟

المجلس الاستشاري : لاوالله هوا في فكره تانيه احنا ممكن نعدل المواد دي علشان تبقي مواد محترمه وتحقق ديموقراطيه فالبلد وتجيب رئيس محترم ... بس الاول نعرضها عالناس ونشوف هيوافقوا عالفكره دي وعالمواد بعد تعديلها ولا هيقولوا لاء وهيقولوا دي مواد كوسه زي اللي عملها الرئيس مبارك عشان يجيب ابنه دي عملينها برضه علشان تجيبوا واحد صاحبكوا .

الجيش : امممم فكره والله يا رجاله .... بس افهم من كدا ان الدستور القديم مش هيرجع برضه ؟؟؟

المجلس الاستشاري : يعم الجيش انته غبي؟ مين جاب سيره دستور قديم ؟ احنا قولنا كام ماده ننظم بيها حالنا
هنضمها فاعلان دستوري .... زي دستور صوغنن وكميله كدا نمشي بيه البلد علي ما الجديد يتعمل يعني دستور مؤقت ... ومحدش هيجي عن ام الدستور القديم خااااالص يادوب هناخد منه الكام ماده بس .... او تقدر تقول هنعمل كام ماده جديده علشان ننظم بيها انتخابات ... متجيش انته بقي يا جيش يا حمار وتقولي لو الناس قالت اه يبقي هنرجع الدستور القديم ونجيب ديكتاتور من تاني والتفاف عالثوره وكلام بصمجيه بدل ما اقوم افتح دماغك ...احنا قولنا الدستور القديم خلاص ولع بجاز وسخ ... بس اخدنا منه تمن تسع مواد نظبط بيهم الدنيا فالدستور المؤقت او الاعلان الدستوري ....

الجيش : بيس فالحلابيس يا رجاله كدا تمام ... طيب لو الناس قالت اوك بعدها ايه اللي هيحصل ؟

المجلس الاستشاري : استغفر الله العظيم يارب .... شكلك غبي يا جيش ومش بتفهم ... يابني قولنالك هنضم المواد دي للاعلان دستوري مؤقت ونمشي بيه الامور ونعمل انتخابات مجلس شعب الاول وبعدها رئاسيه ...

الجيش : اه اه طيب تمام .... طيب ايه هيه المواد اللي هتتعدل دي اللي هتستلفوها يعني .... بفهم انا اهو ...

المجلس الاستشاري : شاطر يا خويا ..... بص اولا هنخلي مده الرئاسه تمن سنين بالطول بالعرض تمن سنين ... تطلع تنزل تمن سنين ... ثانيه نخليه المرشح مصري حتي النخاع وابن بلد ومجدع .... ثالثا هنقرف ام الريس علشان يعلن حاله الطواريء فالبلد وهنخليها بموافقه مجلس الشعب الجديد هاه الجديد مش بتاع الحزب اللي احمد يعز يرفع ايده يقوم كله يرفع وراه وفتحي سرور وراه خابط الموافقه ....ز وكمان متزدش عن تلت شهور ولو زادت تبقي باستفتاء شعبي والناس تقول اه او لاء علشان الاحزاب تعرف تعارض والصحافه تكشف فضايح والاعيب أي رئيس يجيي من غير خوف ولا ضغوط يعني مفيش ظابط يقبض علي مواطن من غير اذن مالنيابه ولا هاتوا ورايا عالبوكس ولا الحوارات دي .... ولا كل رئيس تقرصه ناموسه ومش لاقي فبيتهم قرص كيتو يقوم يعلنلك حاله الطواريء فالبلد ... وحاجات تاني كتير فالتعديلات ممتازه دي اهمها ..

الجيش : يا حلاوه يا ولاد .... طب والله عال اوي علي أكده

المجلس الاستشاري : امال يعم.... لا وخد دي كمان .... هنلزم الرئيس الجديد والمجلس انه اول ما يتم انتخابه مباشره يجتمعوا مخصوووووص علشان يشكلوا لجنه مع بعض النواب الجداد اللي الشعب اختارهم مصطفي بكري طلعت السادات ايمن نور بتوع الوفد كل الناس دي والرئيس ويشكلوا لجنه تعمل دستور براحتها سنه اتنين تلاته خمسه ... يعني بالبدلي دستور ماركه سيبها الاربع وتعالي خدها الحد لو مش فاضي الحد تعالي الاتنين مش مشكله البنوك فاتحه برضه .... علشان عارفك يا جيش غبي وهتيجي تقولي طب ماهو كده الريس الجديد هيعمل دستور يا سيادنا علي مزاجه يعني دستور ماركه شاي العروسه زي اللي فات .... احب اقولك يا جيش بطل بقي عيشه العبيد دي وخليك واثق فنفسك واتنفس حريه يا جدع وبلاش تقولي النواب هيجوا ايه ومعرفش ايه ومتقوليش اصل كدا الاخوان هيمسكوا البلد وشيخ الازهر قال معرفش ايه والبابا شنوده قال ايه والحوارات دي وجنون الاضطهاد اللي عندك ده اهدي كدا وصلي عاللي هيشفع فيك الناس فاقت خلاص والنواب هيجوا بالمسطره والرئيس اللي مش هيحترم نفسه هننزل نقلعله عريانين فميدان التحرير فخلي عندك ثقه فنفسك وفبلدك وفشعبك واديك شايف الناس متحمسه ازاي وكله بقي ليه فالسياسه وهينزل يصوت ويقول رايه ويشارك مش زي الاول .... وبعدين هيه مش بزازه هيجبوهالك يا جيش لازم تشارك وتتحمل جزء من المسئوليه وتختار وتصحح لو اختيارك غلط مش نستني لما المهد المنتظر بقي يبقي يجي يحكمنا بلا خيبه تقيله يا جيش يا مهيطل علي راي بتاع الفراعين قناه العرب اجمعين ...

الجيش : طيب يعم انتوا مالكوا سخنتوا عليا كدا ليه بالراحه شويه ...

المجلس الاستشاري : خلاص يا جيش بس بص .... كدا احنا فالحالتين في دستور جديد .... وفالحالتين الدستور
القديم وقع ... الفكره دلوقتي اننا نكسب وقت ونعمل انتخابات وهيكل تنظيمي للبلد بطريقه ديموقراطيه وفنفس الوقت نشتغل عالدستور الجديد و ننجز فام سنتنا دي ....لاما نقعد حاطين ايدينا علي خدنا ونايمين مستنين بقي الي ان يشاء الله والدستور الجديد يتعمل وابقي حلني بقي .... يا راجل ده ست مواد والفطفطه اشتغلت اهيه ده يقولك الغي الماده اتنين .... انا مش فاهم مال التعديلات ومال الماده اتنين واللي يقولك لاء اصل دي ضد البرادعي .... ودي ضد زويل ... ودي ضد الانفلونزا... وماسكين فبعض ..... ما بالك بالدستور الجديد ؟؟؟؟ ده مش هيخلص قبل تلت اربع سنين ..... نسيب البلد كده من غير كبير وعريانه للجواسيس والعملاء وولاد التيت يدخلوها ويعششوا فيها وبعدين نلاقي كنيسه اتفجرت ومتحف اتسرق وخط انابين ولع وعشه فراخ البيض اللي فيها اتسرق الشر برا وبعيد يعني يا خويا ...... واصلا متنساش يا جيش مالاول الناس اتنططوا عليك وقالولك تمشي بعد الست شهور وانته راجل كلمتك واحده ولازم تمشي بعد الست شهور .....

الجيش اه صحيح ....... طب ازاي همشي بعد الست شهور وانته بتقول الدستور هيحتاج سنين وبعدها نبدا نعمل انتخابات ونجيب رئيس ومجالس ..... اه اقولكوا انا ايه رايكوا نعمل مجلس رئاسي يحكم البلد بعد مانا ما امشي .... ماهو مش معقوله نسيبها كدا من غير رئيس ولا مجالس .....

المجلس الاستشاري : وحياه امك؟؟؟؟؟ لا خفيف ياض !!!! وهيفرق ايه ام المجلس العسكري عن المجلس الرئاسي كدا كدا هتبقي ناس مش متخصصه ولا ليها فالسياسه ولا يحزنون وجايين مده قصيره والكل هيتنمرد عليهم وهتخلق اطماع جديده فالسلطه ونرجع تاني بقي الممالك والعثمانين وفرنسا عاوزين الحكم ونستني اماا يجيي محمد علي وياخدوه منهم .... عالاقل يا جيش انته عبيط واهبل اهو بس ضامنينك ياخي هتمشي بعد الست شهور .

الجيش : طيب وفول الحزب الوطني يعم ؟ يا تري فول بطحينه ولا بالزيت الحار هاااااااااي ؟؟؟؟؟ حلوه دي ؟؟؟؟

المجلس الاستشاري : تصدق انك عيل رخم .... اللهم ما طولك يا روح ... ركز يا جيش يا بابا معايا ... انا عارف اخرتنا سودا مع بعض ...يابني يا حبيبي الله يهديك يعني هيه البلد خلاص مفهاش غيرعضو اسمه حزب وطني وعضو اسمه اخوان ااول ما هتشوف الاخواني كدا مربي دقنه ولابس جلبيه صغيره وراكب الناقه هتقول يا مامي وتجري تدي صوتك لبتاع الحزب .... يقوم يرجع تاني الحزب وفوله ابو طحينه ونبقي الثوره فشلت ومعملتش حاجه ...... ولما هوا كدا كنت زعلان ليه يا جيش وتقول الحزب بيزور مالاول .... يبقي الانتخابات اللي فاتت دي الحزب بقي كان بينجح فعلا باصوات الناس يانوغه يا عين امك علشان خايفين مالاخوان مش بالتزوير .....

الجيش : اه صحيح امال ايه يعم ؟؟؟؟

المجلس الاستشاري : حبيبي في حاجه اسمها مستقلين ونواب شرفاء ومعروفين هما دول اللي الناس هتختارهم بعيد عن العصبيه والقبيله والبلطجه والتزوير قولنا خلاص الناس فاقت ومبقتش زي الاول جاتك القرف

واحد قاعد بيتفرج وحاضر الحوار : معلش ايها المجلس الاستشاري بالراحه عالجيش شويه ... وشه حمر وبقي فنص هدومه خدوه علي اد عقله معلش اصله ده ايش فهمه فالديموقراطيه ده عاوز يعمل نفسه شارك فالثوره وخلاص وبيثور علي دبان وشه يا راجل.... وتجيله يمين يجيلك شمال ... تجيله شمال يجيلك يمين واهو عكس عكاس المهم يقول لاء ويعمل فيها ثورجي قديم وخلاص هههههههههه

الجيش بعد ما وشه حمر : انتوا كلكوا عليا ولا ايه ايه ؟ وااااااء وااااااء وااااااااااااء

المجلس الاستشاري : بااااس بس يا جيش بس متعيطش يا بابا احنا بنفهمك عشان مصلحتك بس اهدي كدا وصلي عالنبي حبيبي دلوقتي لو جبتلي نبي نازل مالسما معاه دستوري سمائي مرشح نفسه حزب وطني الناس هتقوله لاء ... طب تصدق بالله انا لو ابويا مترشح حزب وطني هسقطه وكذلك الحال للاخوان الناس خايفين منهم لسه من الكلام اللي كان نظام سابق ولاحق بيقوله عليهم فمحدش هيديهم اوي والمجلس هيجي تشكيله حلوه علي مزاجك ....

الجيش : اه يعم واهوا يجي شويه اخوان علي شويه وفد علي شويه غد علي شويه ناصري علي شويه وطني والمجلس يبقي ملبن وكمان الكلب اللي اسمه فتحي سرور اتشال ...

المجلس الاستشاري : بس عيب متغلطش فحد .... فبص يا جيش المهم اننا فظروف دقيقه ولازم نكسب وقت وزي ما قال الامام نثور لنهدم الفساد ثم نهدا لنبني الامجاد .. ده مش معناه انك بطمش ولا كبرت دماغك ولا عاوز تخلص ده اسمها سياسه تشوف حل وسط فيه مصلحه الجميع ... ومتجيش تقولي يعمي وجع ساعه ولا كل ساعه .... دي فرصه مش هتتكرر وهوا احنا يعني هنثور كل يوم خلينا كدا قاعدين البلد علي حل شعرهاونقعد نعقد ونكلكع فكل حاجه واهي ساعه الحظ متتعوضتش .... وانته اصلا مش فاهم حاجه وعمال تقولي نعمل دستور احنا نشكله وكانه الدستور القديم علشان عدلنا الكام ماده دول فيه يبقي خلاص هنشتغل بيه تاني ومتعرفش انه احنا اخدنا منه المواد دي بس علشان ننظم بيها الانتخابات بما ان البلد فلحظات عصيبه بطريقه تانيه بدل ما نعمل مواد جديده للاعلان الدستوري عدلنا دول ولو انته فكك شويه وفكرت وعرفت اصلا ايه الموضوع مش زي الاطرش فالزفه ودحكوا عليك بكلمتين وخلاص يا جيش ....... هتعرف انه حتي فالدستور الجديد هيتضمن نفس المواد دي بعد تعديلها حتي لو لجنه تانيه اللي عملت الدستور غير طارق البشري واللي معاه ... لانها بتحقق الديموقراطيه فعلا زيها زي اي دوله محترمه ومش هتحتاج لتغيير تاني فانته اصلا قاعد تتنطط علي وانته مش فاهم انته رايح استفتاء عن ايه من اصله فاكر نفسك رايح توافق علي الدستور القديم كله بعد ما اتعدلت كام ماده فيه ههههههههههههههههههه
والاستفتاء اصلا عن كام ماده صغيرين بيقولك كويسين كدا دول بعد ما اتعدلوا ولا لاء ؟ يضمنولك طريقه انتخاب كويسه ولا لاء مش رئيس كويس ... الرئيس ده المفروض مسئوليتك انته يا نوغه ..... اللي تختار مش يفصلولك مواد تجيبلك اللي فبالك هما ليهم الاليه ...الطريقه بس والاختيار عليك والمواد كلها فاللذاذه وقشضه علي راي العضوه المحترمه سنو القشضه
الجيش : يا بتاع الايييييييييييييه .... وانا اللي كنت فاكر انه الطريقه دي لو تمت هنرجع تاني للدستور القديم ولا كاننا عملنا حاجه وانها كروته وخلاص .... ده فعلا كدا احسن بدل ما البلد تقعد من غير سياحه ولا استثمارات ولا مشاريع ومفهاش امن وفنظر العالم دوله مضطربه زي تونس فنظرنا او ليبا حاليا ونشحت العيش الحاف ... واهوا كدا كدا الدستور الجديد هيتعمل بس نجيب رئيس ومجلس شعب ودستور فوقت واحد وبطريقه كويسه ومضمونه ... احسن ما نستني علي ما الخناقات علي الدستور الجديد تخلص ويلاقوا راي يتفقوا عليه كلهم لان اللجنه فالحاله دي هتبقي معينه من قبل الجيش مش بالانتخاب من قبل النواب المحترمين الجدد .... وبعدها بقي نبدا نجيب رئيس ومجلس ... لا لا كدا احسن يا جماعه فعلا .
المجلس الاستشاري : الله ينور عليك كدا انته فهمت يلا بقي اطلع فهم الناس وقولهم كدا واللي يقول نعم كتر خيره واللي يقول لا ولدنا برضه بس محدش يقول علينا ماشيين مع التيار وخلاص ولا عايزين نريح دماغنا زي ايريني ولا الاخوان ز ويكا ولا دستور مرقع زي لوف .
الرجوع الى أعلى الصفحة اذهب الى الأسفل
Private Emotion
عضو فعال
عضو فعال


السرطان عدد الرسائل : 1511
العمر : 26
الموقع : المنيا
العمل/الترفيه : الشقاوه
المود : بيس
السٌّمعَة : -3
تاريخ التسجيل : 09/11/2010

مُساهمةموضوع: رد: روحت استفتاء النهارده ؟؟   الأحد مارس 20, 2011 3:16 pm

انا قولت لاء علشان مش عاوز
دستور مرقع
ولا اخوان فالسلطه
ولا فلول حزب وطني يرجعوا تاني
ولا التفات علي الثوره
الرجوع الى أعلى الصفحة اذهب الى الأسفل
المهندس الطيار
عضو نشيط
avatar

الثور عدد الرسائل : 553
العمر : 28
العمل/الترفيه : طالب
السٌّمعَة : 5
تاريخ التسجيل : 05/01/2010

مُساهمةموضوع: رد: روحت استفتاء النهارده ؟؟   الأحد مارس 20, 2011 3:24 pm

انا قولت لالالالالالالالالالالالالالالالالالا لتعديل الدستور
الرجوع الى أعلى الصفحة اذهب الى الأسفل
small bird_ereny
عضو فعال
عضو فعال
avatar

الاسد عدد الرسائل : 1891
العمر : 27
الموقع : a place in the earth
العمل/الترفيه : table tennis
المود : 3ady
السٌّمعَة : 7
تاريخ التسجيل : 13/05/2009

مُساهمةموضوع: رد: روحت استفتاء النهارده ؟؟   الأحد مارس 20, 2011 10:40 pm

private emotion

بص انا مش هرد على القصة اللى انت حكيتها دى
بس انا هقولك ان خلاص التعديلات اتوافق عليها ومعندناش حاجة نعملها غير اننا هنستنى نشوف البلد هيحصل فيها ايه ويااااااااااااارب يكون كلامك ده صح بس برضه محدش قال ان التعديلات دى مؤقتة وكده الدستور هيفضل زى ماهو بس بالتعديلات دى لكن مفيش دستور جديد هييجى علشان لو كان فيه دستور جديد كانوا زمانهم بدأوا يحطوا فيه من دلوقتى علشان يادوب يلحقوا يعرضوه قبل انتخابات الرياسة

ع العموم خلاص مبقاش فيه كلام يتقال دلوقتى غير
ربنا يستر ويحافظ ع البلد
انا كنت حاسة اننا خلاص هنعيش فى حالة استقرار وامان وسعادة وديمقراطية بس دلوقتى مش حاسة بكده خاااااااااااااااااااااااالص
الرجوع الى أعلى الصفحة اذهب الى الأسفل
Private Emotion
عضو فعال
عضو فعال


السرطان عدد الرسائل : 1511
العمر : 26
الموقع : المنيا
العمل/الترفيه : الشقاوه
المود : بيس
السٌّمعَة : -3
تاريخ التسجيل : 09/11/2010

مُساهمةموضوع: رد: روحت استفتاء النهارده ؟؟   الثلاثاء مارس 22, 2011 6:36 pm

اوكيشن يا ايريني بس انتي محتاجه تتاكدي من معلوماتك وتدوري فالموضوع اكتر .... الاعلان الدستوري جاهز من قبل الاستفتاء .... ولو كانت الناس قالت لاء اللجنه المعينه لتشكل دستور جديده جاهزه برضه .... الجيش كان مجهز السيناريوهين فنفس الوقت .... اني واي الاعلان الدستوري او الدستور المؤقت اللي هيضم المواد اللي اتعدلت هيعلن النهارده ان شاء الله .
علشان تتاكدي انتي وكل اللي قالوا لاء انكو للاسف مكنتوش فاهمين فعلا الاستفتاء كويس وانكوا معاهم معاهم عليهم عليهم ماشيين ورا التيار وخلاص .
تحياتي
Wink
الرجوع الى أعلى الصفحة اذهب الى الأسفل
M.2K
عضو ذهبى
عضو ذهبى
avatar

العذراء عدد الرسائل : 3635
العمر : 30
الموقع : https://www.facebook.com/photo.php?fbid=157020404333009&set=o.258207509790&notif_t=photo_reply#!/profile.php?id=100000154796662&v=wall
العمل/الترفيه : Customer Service At Sohag Intel. Airport
المود : So CooOooL
السٌّمعَة : 12
تاريخ التسجيل : 11/01/2009

مُساهمةموضوع: رد: روحت استفتاء النهارده ؟؟   الأربعاء مارس 23, 2011 7:30 pm

Private Emotion
لو سمحت شيل صورة علم اسرائيل كتوقيع لك
عيب احنا مصريين
الرجوع الى أعلى الصفحة اذهب الى الأسفل
Private Emotion
عضو فعال
عضو فعال


السرطان عدد الرسائل : 1511
العمر : 26
الموقع : المنيا
العمل/الترفيه : الشقاوه
المود : بيس
السٌّمعَة : -3
تاريخ التسجيل : 09/11/2010

مُساهمةموضوع: رد: روحت استفتاء النهارده ؟؟   الأربعاء مارس 23, 2011 7:41 pm

اوكيشن بس تتفضل انته تشيل التوقيع بتاعك الاول ... والصوره الشخضيه لو سمحت .... وتغيرلي اسم m.2k بعد اذنك يعني .
الرجوع الى أعلى الصفحة اذهب الى الأسفل
small bird_ereny
عضو فعال
عضو فعال
avatar

الاسد عدد الرسائل : 1891
العمر : 27
الموقع : a place in the earth
العمل/الترفيه : table tennis
المود : 3ady
السٌّمعَة : 7
تاريخ التسجيل : 13/05/2009

مُساهمةموضوع: رد: روحت استفتاء النهارده ؟؟   الخميس مارس 24, 2011 12:16 am

انت تقصد مع مين احنا ولا على مين
بصراحة انا مفهمتش منك حاجة وعلى فكرة بقى انا مش مقتنعة باى كلام بيبرر موضوع ان التعديلات دى هتفيد البلد ولا هتحقق الاستقرار ولا هتعمل اى حاجة لصالح البلد ولصالح الشعب
وبعدين على رأى المثل ولا المقولة ولا معرفش اسمها ايه اللى بتقول "ياخبر النهاردة بفلوس بكرة يبقى ببلاش" يعنى اللى احنا مش عارفينه دلوقتى هنعرفه بكرة مع انى نفسى بكرة ده ميجيش لانى متوقعة هيكون ايه فيه. وفعلا شباب الثورة الرجالة قاموا بالواجب وزيادة بس ياعينى عملوا ايه بقى بالثورة دى؟ شالوا رأس الفساد بس سابوا نظامة لا وايه ده بقى نظام العن كمان. بجد كتر خيرهم وكتر خيرك يا برايفت ايموشن على معنى كلامك اللى تقصد بيه اننا مش فاهمين حاجة وزى ما الناس بتقول احنا بنقول وراهم.

بس بكرة مش بعـيـــــــــــــــــــد وكله هيبان وهيبقى كل حاجة عينى عينك.
كفاية بقى كلام فى الموضوع ده لانه ملوش لزمه ومش هيغير حاجة دلوقتى.
الرجوع الى أعلى الصفحة اذهب الى الأسفل
small bird_ereny
عضو فعال
عضو فعال
avatar

الاسد عدد الرسائل : 1891
العمر : 27
الموقع : a place in the earth
العمل/الترفيه : table tennis
المود : 3ady
السٌّمعَة : 7
تاريخ التسجيل : 13/05/2009

مُساهمةموضوع: رد: روحت استفتاء النهارده ؟؟   الخميس مارس 24, 2011 12:21 am

وبعدين مش انت كاتب انك قولت لا؟
ولا انت بقى اللى معاهم معاهم عليهم عليهم؟؟؟؟؟؟
الرجوع الى أعلى الصفحة اذهب الى الأسفل
Private Emotion
عضو فعال
عضو فعال


السرطان عدد الرسائل : 1511
العمر : 26
الموقع : المنيا
العمل/الترفيه : الشقاوه
المود : بيس
السٌّمعَة : -3
تاريخ التسجيل : 09/11/2010

مُساهمةموضوع: رد: روحت استفتاء النهارده ؟؟   الجمعة مارس 25, 2011 10:18 am


دي المشكله يا سمول انك حاطه فدماغك فكره مش راضيه تغيريها حتي بعد ما ثبت انها غلط لمجرد ان الفكره محققتش طموح جماعه او فئه تبقي غلط ... بمعني تاني اهم حاجه عندنا مصلحتنا ... مش مصلحه البلد ... ولو مصلحتنا متمتش تبقي فوضي وكوسه وتزوير وفساد ونظام جديد العن مالقديم وحوارات .

وانا وصفتك بنفس وصفك فاول رد ليكي لما قولتي اللي قالوا نعم عاوزين يخلصوا من وجع الدماغ وماشين مع التيار معاهم معاهم عليهم عليهم ... مضايقه ليه بقي ؟؟؟ في حد يدايق من كلامه برضه ؟؟؟

وبعدين مفهاش حاجه لما نتكلم ونتناقش ونتعلم مالتجربه هي دي الديمو ... انتي هاجمتي كل اللي قال نعم ووصفتيهم بانهم مش فاهيمن وماشين تبع القطيع وخلاص ... وانا بصفتي قولت نعم مش لاء زي ما قولت وانا بتريق بعد الرد الطويل اللي كتيبته دافعت عن نفسي ووضحت وجهه نظري ... وكنت اتمني الاقي رد مقنع منك انما انتي كل ردودك مفيش داعي نتكلم فالموضوع خلاص ... والبلد خلاص كدا باظت وولعت واتحرقت وبقت جهنم حمرا ....... لييييييه دا كله ؟؟؟؟ الله اعلم !!!
Wink
الرجوع الى أعلى الصفحة اذهب الى الأسفل
small bird_ereny
عضو فعال
عضو فعال
avatar

الاسد عدد الرسائل : 1891
العمر : 27
الموقع : a place in the earth
العمل/الترفيه : table tennis
المود : 3ady
السٌّمعَة : 7
تاريخ التسجيل : 13/05/2009

مُساهمةموضوع: رد: روحت استفتاء النهارده ؟؟   الأحد مارس 27, 2011 2:02 am

صدقنى يا برايفت انا مش قصدى اهاجم ولا حاجة
وبالعكس كويس اننا نتناقش زى ما انت قلت
بس بجد لحد دلوقتى انا مش فاهمة احنا كده هنوصل لايــــــــه؟؟؟؟
وبعدين انت بتقولى " لمجرد ان الفكره محققتش طموح جماعه او فئه تبقي غلط ."
انا مش فاهمة قصدك ايه بالظبط فى الحته دى بس صدقنى انا اخدت ندوة عن الموضوع ده قبل ما اروح واقول رأيى علشان افهم انا هعمل ايه بالظبط وعلى فكرة اللى كان مسئول عن الندوة واحدة محامية وكمان مسلمة علشان متقولش اننا بنسمع كلام اللى زينا ونعمل زيهم وخلاص
اه صح وكمان كان موجود شيخ بس مش فاكرة مين صدقنى لكن هو حد مكانته كبيرة قصدى واكيد لو تسمع عن جمعية الجزويت هتعرف انهم بيجيبوا ناس مختصة وفاهمة والناس بتكون مشتركة "مسلمين ومسيحيين" وبنقول رأينا كلنا مع بعض وبنسمع بعض وبنفهم
وهما كمان مقالوش روحوا قولوا كذا
لا
دول قالوا ايه اللى هيحصل لو قلنا نعم & وايه اللى هيحصل لو قلنا لا
وانتوا اختاروا اللى تشوفوه صالح

لكن بخصوص انى بقولك خلاص بقى منتكلمش فى الموضوع ده تانى
ده مش هروب منى انى مش عارفة ارد مثلا او انى مش عارفة ليه احنا كان المفروض منوافقش
بس كل اللى كان قصدى ان ايه اللى هيحصل يعنى بعد ما اقول ولا احكى فى الموضوع ده تانى وعلشان انا كمان كنت شوية مضايقة من اللى حصل واظن انت سمعت عن موضوع الناس اللى كانت بتوزع تموين واللى كانوا موجودين جوا اللجان واللى كانوا ماشيين فى الشوارع يهددوا فى الناس انهم هيدفعوا غرامة لو مقالوش نعم وحاجات كتيييييير
لو فعلا التعديلات دى كانت صح مكانوش هيخافوا ان الناس مش هتوافق وكان المفروض يكون فيه توعية للناس وهما يختاروا براحتهم بقى مش غصب عنهم
على فكرة الموضوع ده طويل جدااااا والكلام صدقنى مش هيرجع حاجة

وانا بقولهالك تانى اهو
لو فعلا اللى حصل ده هيغيرنا للاحسن او حتى مش لازم يغيرنا بس مش هيضرنا ع الاقل يبقى انا بتأسف عن اسلوبى اللى اتكلمت بيه وانا فعلا هبقى غلطانة انى قولت لا وهشكر ربنا انه رغم اختيارنا الا انه هو اختارلنا الصح

وثانكس برايفت وسورى لو زعلت من اسلوبى
الرجوع الى أعلى الصفحة اذهب الى الأسفل
king of hearts
عضو مشارك
عضو مشارك
avatar

السمك عدد الرسائل : 123
العمر : 29
الموقع : لا اله الا انت سبحانك انى كنت من الظالمين
العمل/الترفيه : مستنى الليسانس اللى مدبلره على ماده
المود : الى حد ما متفائل لكن طموح جدا
السٌّمعَة : 0
تاريخ التسجيل : 07/10/2009

مُساهمةموضوع: رد: روحت استفتاء النهارده ؟؟   الأحد مارس 27, 2011 8:19 pm

law man

اانا بقدملك اعتذارى لانى خالفت قواعد التوبك وفتحت باب للمجادله اللى ملهاش لازمه فعلا
لاننا دينا صوتنا والاستفتاء خلص
والحمد لله اتقال نعم وعيبنا اللى الله يسامحه عاللى عمله فينا
اننا مبنحترمش اراء بعض وكل واحد فينا مصمم يخلى التانى يكون معاه فنفس الرأى
اللى يسامحه علمنا غلط وكل واحد فينا مبيسمعش الا لنفسه وكمان بيسممع للجهه اللى هو بينتمى ليها سؤاء كانت سياسيه او دينيه محدش مستقل برأيه او يقدر يقرر بنفسه
لكن معظم اللى قالو نعم كانو من عامه الشعب الغير مختلطين باى عمل سياسي او غير مسيسين بمعنى ادق او غير منتمين لاى جهه سياسيه
واللى قال لا طبعا معروفين لانهم اعلونها صراحه اغلبهم من المعارضه والاحزاب المعارضه واللى مصلحتهم ان يسقط الدستور بكل مواده خاصه الاولى والتانيه منها وكمان نرجع للصفر
عشان كل واحد منهم يلحقله قميص سياسى على مقاسه وتبقى المعارضه كلها وطنى وطنى وطنى (العقل) وليس الحزب او المسمى الحزبى لليهم

ومن المضحك ايضا ان اللى طالبو بعصام شرف هما نفس الناس اللى جايه عليه دلوقت وهتتجنن ومش عايزاه بس هههههههههه عملهم قوانين ارخم من الطوارئ واشد وتجريم المظاهرات وحبس البلطجى لحد يوصل الى 15 سنه
وامن الدوله اللى كان من اقتراح شفيق اللى غارو عليه بهجماتهم كان من اقتراحه وارجعو للحلقه اللى اتهتر فيها شفيق فالاو تى في قبل يوم استقالته اللى استقال بعديها فتانى يوم ومدى عدم الاحترام وقله الادب من الاسوانى وحمدى قنديل و نجيب سويرس اللى كان ظاهر حنين اوى لكنه المدبر الكبير اوى للمؤامره على شفيق المهم الاقتراح بتاع امن الدوله هو ان مش هيتحل وانه يتسمى اسم تانى وبنفصل خالص عن الدخليه واللى رفضه اللللى ربنا يحرسه لماما بتاع عماره يعقوبيان هو وقندله قصدى قنديل والاخ نجيب سويرس
واللى برضه عصام شرف نفذ اقتراح شفيق لانه مينفعش امن الدوله تتلغى لكن الفكر هو اللى يتغير والاسلوب هو اللى يتغير
وبرضه اصرار تغير كل القيادات اذا كنتو انتو ياللى بطالبو من ايام النظام يبقى كلكم بقى تتشالو ابويا يتشال وابوك يتشال وكل يتشال عشان الكل يستريح

وارجع تانى لحلقه الشعراوى امام المسلمين وكانه شايفنا دلوقت فالحلقه دى الثائر الحق هو الذى يثور ليهدم الفساد ثم يهدأ ليبنى الامجاد
ومن المضحك ايضا انى اسمع واحد معترض على الحديث ده ويقول انى عندى كل احاديث الشعراوى واول مره اشوف الحديث ده هههههههه تقوله ايه ده بقى؟
انا فضفضت لكن فيه كتير يضحك ويحزن لكنه سببه اللى بوظ التعليم وخلانا كده الحاج حسنى ربنا يسامحه


انا بعتذر كمان مره لانى خالفت قواعد التوبيك يا لو مان
الرجوع الى أعلى الصفحة اذهب الى الأسفل
Private Emotion
عضو فعال
عضو فعال


السرطان عدد الرسائل : 1511
العمر : 26
الموقع : المنيا
العمل/الترفيه : الشقاوه
المود : بيس
السٌّمعَة : -3
تاريخ التسجيل : 09/11/2010

مُساهمةموضوع: رد: روحت استفتاء النهارده ؟؟   الإثنين مارس 28, 2011 4:38 pm

كلامك غريب يا سمول بيرد ... بتقولي مش عارفه هنوصل للايه بكدا ... وحضرتي ندوه وقالولك فيها لو قولتي نعم يحصل ايه ولو قولتي لا هيحصل ايه وسابوكي انتي تقرري ... اني واي مش موضوعنا بس طالما انك قولتي لا علشان مش عارفه لو قولتي نعم هيحصل ايه وطبقتي مبدأ الناس اعداء ما جهلوا يبقي متقوليش علي اللي قالوا ايوه عايزين يشتروا دماعهم وماشيين ورا التيار ... لان في ناس فيهم فاهمه ومقتنعه وقالت نعم لسبب !
وحصل خير وتجربه نستفيد منها ... بعد كدا تقولي نعم علي طول !

والكينج عنده حق انا كمان بعتذر لرجل القانون عن الخروج عن شروطه فموضوعه ... بس كله من سمول بيرد علي فكره هيه اللي شعللت الموضوع وقلبتها مؤيدين ومعارضين وكانت شويه شويه وتجيبلنا بلطجيه يضربونا فالمنتدي وتعمل موقعه جمل هيه كمان ... انا لو منك ابلغ عنها الشرطه العسكريه وبما انك راجل قانون فاكيد عارف ان عقوبه الشغب اليومين دول من خمسه لخمستاشر سنه ... وانا هشهد معاك يعم !!! وهقول ان الكينج مشترك معاها هوا اللي جابلها البلطجيه !!!
الرجوع الى أعلى الصفحة اذهب الى الأسفل
king of hearts
عضو مشارك
عضو مشارك
avatar

السمك عدد الرسائل : 123
العمر : 29
الموقع : لا اله الا انت سبحانك انى كنت من الظالمين
العمل/الترفيه : مستنى الليسانس اللى مدبلره على ماده
المود : الى حد ما متفائل لكن طموح جدا
السٌّمعَة : 0
تاريخ التسجيل : 07/10/2009

مُساهمةموضوع: رد: روحت استفتاء النهارده ؟؟   الإثنين مارس 28, 2011 7:22 pm

ههههههههههههههههههههههههههه

ماشى يا بريفيت انا معاك يا معلم ايدى فايدك اهو

دانت حبيبى ولا هتزعل كمان لما اقولك حبيبى زى يحيى اوعى ؟؟؟؟؟؟؟؟؟

الرجوع الى أعلى الصفحة اذهب الى الأسفل
Private Emotion
عضو فعال
عضو فعال


السرطان عدد الرسائل : 1511
العمر : 26
الموقع : المنيا
العمل/الترفيه : الشقاوه
المود : بيس
السٌّمعَة : -3
تاريخ التسجيل : 09/11/2010

مُساهمةموضوع: رد: روحت استفتاء النهارده ؟؟   الثلاثاء مارس 29, 2011 1:25 pm

ههههههههههههههههههه
لا يحيي مزعلش ولا حاجه هوا بس تلاقيه فهم علط او افتكرك بتتريق !!!
الرجوع الى أعلى الصفحة اذهب الى الأسفل
 
روحت استفتاء النهارده ؟؟
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
shababsea7a :: 
M I X . S E A 7 A
 :: C O L L E C T I O N
-
انتقل الى: