السلام عليكم ورحمة الله وبركاته ..........
أولا آسف على التأخير وعدم الرد على المشاركات بتاعت حضراتكم ...بس عشان الامتحانات والشغل ...........
حبيت يكون أول موضوع بعد تعب وملل الامتحانات ...... امتحان ...بس مش أى امتحان .... ده امتحان الثانوية لإخواتنا الصغيرين علشان يتدربوا عليه ويذاكروا كويس ......هههههههههه.....
مش هطول عليكم ..... هسيبكم مع الامتحان ........
بس اللى له أى تعليق .... ياريت يكتبوا وميبخلش .... علشان الموضوع من غير رد بيبقى ملوش أى قيمة .........
أولاً نحب نوضح سبب سقوط بعض الطلاب فى الامتحانات .....الطالب ليه بيسقط في الامتحانات
مش ذنب الطالب إذا سقط لأن فيه 356 يوماً فقط في السنة
و هذا تفصيل عن حياة الطالب في هذه الايام
...
أيام الجمعات : 52 جمعة في السنة
حيث يتبقى من السنة 313 يومالعطلة الصيفية 50
يتبقى 263 يوم
8
ساعات نوم يومية
وده معناه 122 يوم
يتبقى بس 141
يوم
ساعة واحدة لللعب يومياً
(مفيدة للصحة)
مما يعني 15 يوماً إضافياً
يتبقى
126
يوم
ساعتين يوميا للأكل مع المضغ جيداً
أي
30
يوم
يتبقى 96 يوم
ساعة يومية للكلام والتحدث
(فالإنسان مخلوق إجتماعي)
وبذلك نضيف 15يوم ,يتبقى
81
يوم
أيام الامتحانات في السنة على الأقل 35 يوم
يتبقى 46 يوم
العطل النصفية والربعية وأيام الأعياد الدينية والوطنية والإنسانية والقومية
40
يوم
باقي 6 أيام
أيام المرض السنوية على أقل تقدير 3 أيام، يتبقى3 أيام
متابعة الأفلام وبقية الفعاليات الترفيهية
عايزين نعيش حياتنا برضه
على أقل تقدير يومين
باقي ....... يوم واحد
!!و اليوم ده هوّ بالضبط
عيد ميلادك .... ألف مبروك
وكل سنة وانت طيب
ثانيا نيجى بقى للإمتحان ........امتحان للثانوية العامة سنة 2015
***********************************************
وزارة الفرهدة و التهييس
بالاشتراك مع السبكى للانتاج الفنى
الماسة-النصر- اوسكار للتوزيع
يقدمان
امتحان مادة اللغة العربية
للمرحلة الاولى من الثانوية العامة
لعام 2015-حتى 2020
زمن الاجابة : خلص نفسك و اجري
=====================
هذا الامتحان برعاية بيبسى الراعى الرسمى لجمهورية مصر العالمية
==============================================
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري
على أن يكون مجموع الأسئلة 7
ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))
==================================================
السؤال الأول القصيدة
==============================================
قال ريكو في أغنية (( خلي الشعب يعيش )) مايلي :
راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
==============================================
الأسئله
==================================================
1- اشرح الآبيات الاربعة الاخيرة من النص بما لا يقل عن 90 سطرا باختصار شديد
2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟
3- استخرج من البيت الاول محسن ابراهيم و محسن اسماعيل مبيناً نوع كل محسن منهما وكنانة واستعارة متنية .
4- استخرج من البيت الثالث صورتين فوريتين مبينا نوع الكاميرا
==================================================
مساحة خالية للإعلان -: وخليك قدها و لو فتحت بقها
==================================================
السؤال الثاني
==================================================
أعط أسباب ما يلي مع شرح وافي
:
(( ياعم كبر يا عم بص .. ده حتى بص ده الواد بيلظ ))
=====================================
1-اذكر عدد الشعيرات البيضاء فى دماغ مدير شركة
الشامبو سانسيلك فرع كوم حماده مع كتابة نبذة مختصرة عن ماتش الالمنيوم و
الكروم فى دورى الدرجة التانية عام 1920
2-كام بذرة فى البطيخة الى كان بيكولها محمد هنيدى فى
فيلم وش اجرام و متنساش طبعا لمحة عن حياة بائع البطيخ و عائلته و اسم
جيرانه نفر نفر
3- ايه الى كان بيقوله سونج فى سره لما زيدان قطع منه الكورة فى كاس افريقيا)
مع ذكر نوع الصابون الى استحمى بيه محمد زيدان قبل الماتش
4- أسباب اندلاع الحرب بين ..... ما فيش فرق، اختر أي7 حروب من الى حصلوا و ارغى براحتك فيهم مع التوضيح باسماء الشهداء فى كل حرب، )
============================================= أخي الممتحن لو لسه فيك الروح أقلب الصفحة
و تنتمنى ان يحوز منتجنا على راضاكم:
دوريتوس طعم يخطفك ...
==================================================
السؤال الثالث –اختياري-
بس مش هتقدر تغمض عنيك
اكتب الاسم المستوفى من السؤال
ما اسم الراجل اللي حط كرتونة مياه (( بركة ))
المعدنية رقم - 966504 - في سيارة نقل القاهرة رقم - 125986 - مع ذكر اسم
اول زبون اشترى ازازة ميه من الكرتونة ديه مع ذكر لون شرابه ؟
ما اسم بائع اللبن الى بيودى اللبن كل يوم للى حاطط
الامتحان ده مع ذكر نبذة مختصرة عن كل من الحلاق و الزبال وجوز اخت مرات
واضع الامتحان_مع العلم ان اللي واضع الامتحان معندوش اخوات بنات)
==================================================
فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))
==================================================
السؤال الرابع (ادينى فى اللذيذ يا عبد العزيز )
==================================================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "
الأسئلة
==================================================
1-ماذا كان يريد ان يقول عمرو دياب للمزة مع توضيح اسم خالة المزة ورقم موبايلها و لون الستاير الى فى بيتهم؟
2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟
3- ما اسم صبي الخياط بتاع ام الموديل اللي كانت مع
عمرو في الكليب مع ذكر اسم مدرس الايطالى الى كان بيدرس للصبى قبل ما يسيب
التعليم ؟
==================================================
بسكوت كلابالة لو بتوأوأ وتيعط لو تاخد منه واحدة هتلاقى نفسك بتظيط
**************************************
السؤال الخامس(نهنئك بوصولك لهذه المرحلة)
==================================================
موضوع التعبير
قال الشاعر: " حسن زعبولا .. ماشي بيتسالا .. محندق الجاكيته و بيتعايق بالقلة
"
أكتب نبذه عن حياة ابو حسن زعبولا (( الحاج زعبولا )) و اذكر 13سبب عن سبب انفصال الحاجة زعبولا عن هندامة ( زوجته الاولى )
==================================================
سفن اب يا لذيذ يا عايق
المشروب الرسمي لهذا الامتحان
============================================= أخي الممتحن أقلب الصفحة أحسنلك (( اصلك مش عارف اللي فيها ))
==================================================
السؤال السادس(سؤال الادب و البلاغة )
==================================================
اجب عن أربعة فقط من الأسئلة التالية
==================================================
1- ما رأيك بتصرفات " رفيع " و " فرحة " في مسلسل الضوء الشارد و اسم بياع الجلاليب الى اشتروا من الجلاليب ومقاستهم ؟
مبيناً ماذا سيحدث في فيلم ( تيتو ) بعد مقتل ( تيتو ) في الفيلم
2- ما رأيك بموقف "حسام" من "سرية" في مسلسل الحقيقة و السراب ؟
3 من برأيك أقوى وأفضل بوكيمون - هل هو – بيكاتشو و مين اطول واحد فى سلاحف النينجا مع ذكر نبذة مختصرة عن شنخر و صخر
4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم في كوريا و اليابان 2002
==================================================
عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً
وكمان خدمة >الخَطبه< من سمعان ........
==================================================
سؤال المساعدة (المستوى الرفيع) ( لو محتاج تزود درجات)
و ملهوش لازمة اساساً
==================================================
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء
==================================================
انتهت الاسئلة و نلقاكم في امتحان الدور التاني انشاء الله
والسلام عليكم ورحمة الله وبركاته ...........
تحياتى .....Mohammad
موضوع: %%ّّ امتحان الثانوية .. 2015 ّّّّّ%% 
الخميس يناير 27, 2011 2:51 am