بحث شيق ولذيذ

بسم الله الرحمن الرحيم
السادة العضاء المحترمين السلام عليكم ورحمة الله وبركاته وبعد

جرت العادة في طرح أى موضوع للبحث أن يطرح الباحث الموضوع بكامله
وينتظر آراء الآخرين مما يشكل صعوبة علي بعض الناس في فهم البحث
ويكون فيه تداخل للأفكار في بعضها البعض

فقررت كسر القاعدة دى وأريدكم أن تتخيلوا أننا جميعا في مكان واحد
مدرج مثلا وأنا سألت سؤال - مع انى بحث فيه كتير - وأنا لا أعلم شئ
عن اجابته وأريد آراءكم ونتناقش سويا لنصل الى الحقيقة هل اتفقنا؟
السؤال أين يقع شق البحر الذي في قصة هروب سيدنا موسى عليه السلام وقومه من فرعون ؟

أرجو أن تكونوا قذ فهمتم ما أقصد والله الموفق

جميل اوي يا يحيي
وانا هبدأ مباحثاتي من الان الموضوع عاجبني جدا رغم انه صعب حبتين ...

أوكى
وأنا في الانتظار
وعلى فكرة الموضوع ده شاغلني من زمان وأنا بحثت فيه كتير
وتوصلت لنتيجة لكن عايز أشوف الأراء الأول ونتناقش سوا

مش عارف اوصل لحاجه يا يحيي

واضح اني فاتني كتير
بحث شيق يا يحيي بس هيبقي صعب الوصول لنتائج فيه
بس هنحاول
ان شاء الله

بص انا كل شويه بيطلعلي فالخرابه عفريت
النيل ؟؟؟ عاصمه الرعامسه كانت فشرق الدلتا يعني مفيش نيل اصلا علشن يعدو منهم لسينا علي طول
خليج السويس ؟؟؟ القناه مكنتش اتحفرت كان ممكن يعدو من المنطقه اللي فيها القناه دلوقتي عادي كانت ارض
خليج العقبه ؟؟؟ مينفعش لانهم بعد ما هربوا وانشق البحر دخلوا علي سينا وعبدوا العجل وتاهو فيها
فمش عارف

كويس خالص
انت كده فعلا بحثت في الموضوع

طيب خد الاحتمال ده اللى محدش من العلماء الكبار فكر فيه
وقول ايه رأيك
خليج السويس؟

يا مان مانا قولتلك خليج السويس ...مكنتش القناه اتحفرت ساعتها كانت قناه سنوسرت التالت وكانت من الخليج للنيل يعني الطريق من فوق عالخريطه كان ارض عاديه ممكن يمشوا عليها عادي جدا ويدخلوا سينا ... يعني كان في منفذ قدامهم ممكن يعدوا منهم والملك مكنش هيقدر يزنقهم الزنقه اللي اتزنقوها دي

طيب سؤال :
فين بالضبط نقطة التقاء سنوسرت بالنيل ؟
من فين بدأت مسيرتهم للهروب ؟ وفين كانت اقامتهم ؟
هل كان فيه طريق معين يسلكه الشخص للوصول من النيل الى البحر الاحمر والعكس وللا لأ ؟ولو فيه فين مكانه بالضبط؟

مش عارف بالظبط ...انا مبحثتش فالوضوع كبحث فكتب وكده انما انا بحثت فمعلوماتي وثقافتي .... ومعلوماتي المتواضعه بتقول ان القناه اتحفرت فعصر الدوله الوسطي الاسرات حداشر واتناشر وتلاتاشر ... و فرعون موسي كان فالدوله الحديثه الاسرات تسعتاشر وعشرين ....يعني القناه كانت اتردمت بلا ادني شك ...اعتقد ان في ملك اعاد حفرها بس كان فالعصر البطلمي تقريبا او العصور المتاخره يعني بعد ما القصه انتهت اصلا وكمان اعاد حفرها عمر بن الخطاب فالعصر الاسلامي....وعالعموم حسب معلوماتي برضوا القناه كانت من راس الخليج لمنطقه الفيوم ...وبني اسرائيل كانوا فشرق الدلتا يعني برضه هيقدروا يعدوا من غير ما يجوا عند الميه خالص
بس مش متاكد من مكان حفر القناه ... والعلاء نفسهم مش مستقرين علي راي فتحديد مكان عاصمه الرعامسه

كلامك معقول لكن :
د/ زاهى حواس قال انها في مستنقعات في الدلتا
والاحتمال ده انا مش مقتنع بيه ,,ليه؟ لأنه لو كان الغرق في الدلتا يبقي ده داخل مصر ايه اللى هيخليهم يروح سينا ما يقعدوا في بلدهم أحسن حيث النيل والخضرة وبيوتهم وللا ايه؟
ثانيا بعض العلماء الاجانب قالوا ان الغرق كان في خليج العقبة
وده طبعا احتمال بعيد كل البعد لأنهم ف الحقيقة لما خرجوا من الشق وجدوا انفسهم في سيناء مش في الاردن أو السعودية
ثالثا كانت القناة مردومة فعلا فأصبح طريق قبل اعادة حفرها فخرجوا من خلالها الى قبل وصولهم للخليج هبت عاصفة ترابية جعلتهم يحيدون عن مسارهم ووجهتهم جنوبا بعض الشئ فوجدوا أنفسهم عند نقطة خروج الخليج من البحر وهناك حدثت المعجزة
طبعا هذه مجرد استنتاجات خاصة بي ومن خلال بعض البحث الغير مكثف

ايه رأيك في الاحتمالات دى؟

مش فاهم موضوع زاهي حواس ده ياريت تقوله تاني بالتفصيل
وموضوع العاصفه الترابيه ده ايه الدليل عليه ؟؟؟؟؟ ومفتكرش ان ده ممكن يحصل نبي وجماعه مؤمنين متوكلين علي الله ومهاجرين في سبيل الله قوم ربنا يقوملهم عاصفه تتوهم ... وتحطهم فموقف زنقه زي دا مفتكرش

أولا : موضوع زاهى حواس يطول شرحه شوية عشان كده هأجله
ثانيا : العاصفة أنا معنديش عليها دليل بس سمعتها أقتنعت بيها لحد ما
ثالثا : أنت قولت "ومفتكرش ان ده ممكن يحصل نبي وجماعه مؤمنين متوكلين علي الله ومهاجرين في سبيل الله قوم ربنا يقوملهم عاصفه تتوهم ... وتحطهم فموقف زنقه زي دا مفتكرش "
ده نبى وكل الانبياء ليهم ابتلاءات وده ممكن يكون ابتلاء وبعدين متنساش انه فيه مجموعة من القوم سخروا من سيدنا موسي عليه وعلي نبينا الصلاة والسلام معنى كلامهم ايه اللى يخلينا نتبع واحد يودينا الصحرا بعد ماكنا مرتاحين فربنا سبحانه وتعالى له حكمة في كده انه يوريهم معجزة من المعجزات

وبعدين متنساش انى قلت نبحث في الموضوع سوا يعنى اى حد عنده معلومة ياريت ما يبخل علينا بيها لغاية لما ربنا يوفقنا ونوصل للحقيقة

مين اللي قال انهم كانوا مرتاحين ؟؟؟؟؟؟؟؟؟ ده كان طالع عين اللي يعرفوهم يا راجل

هيبقوا مرتاحين بعد غرق فرعون افهم المعنى

لما يوسف عليه السلام بعت اخواته لابوه يعقوب عليه السلام وقال.... ائتوني باهلكم اجمين ... جه سيدنا يعقوب والاولاده وانسابهوقرايبه ومعارفه وكل اللي يقربلو ولو حتي من بعيد وكانوا كتير ...دخلوا مصر فعصر الهكسوس ..واستقروا فشرق الدليت جنب عاصه الهكسوس وبدؤا ينخرطوا فالعمل طبعا تبع حكومه الهكسوس ...فالشعب المصري شاف انهم زي ما يكونوا عمله او خونه بيساعدوا المحتلين ضدهم فكرهوهم جدا وطبعا ده علي مدي اجيال ...وجت الفرصه لما احمس طرد الهكسوس قام لافف وشه عليهم وقالهم تعالولي انتوا بقي ...وقام نزل بهدله فيهم وكان اول ملك يضطهد بني اسرائيل ...ومن بعده ابنه امنحوتب وبعده تحتمتس الاول والتاني وحتشبسوت واتحتمس التالت وهكذا ...اصبح زي ما تقول واجب علي اي فرعون لما يمسك الحكم يعظم الالهه ويبهدل فبني اسرائيل علشان يرضي الشعب ...وبلغ الاضطهاد اقصاه فعصر فرعون لما كاه قاله ان في مولود هيتولد هياخد عرشك والكلام ده فبقي يقتل اولادهم خالص ...راحوا وزرائه قالوله انته لو فضلت علي كده نسلهم هيتقطع ومش هنلاقي حد نستعبده ويقوملنا بالشغل الصعب ...قام قالهم خلاص نقتل اولادهم سنه ونسيبهم سنه وكان هارون اخو موسي مولود فسنه من السنين الفري دي ...اللي عاوز اقوله ان المشكله مكنتش ففرعون بحد ذاته ...ومش هتنتهي بغرقه ابدا ...ده لو كانوا رجعوا كان هيتقطعوا ويتعلقوا علي ابواب الكرنك ومش بعيد يقعدوهم علي مسلات يا جدع وخصوصا انهم سرقوا الحلي وهما ماشيين ... واضف الي ذلك انهم عبيد وهربوا من اسيادهم شوف العرب كانوا بيعملوا ايه لما عبد يهرب ايام الجاهليه
فهمتني؟؟؟؟

يحميك لمصر بجد هى عاوزاك اوى

معلش يا يحيى انا مش مطنشة الموضوع

بس محيرنى اوى انا عملت بحث الجغرافيا عن سيناء ومكانتها

حددوا كل حاجة الا مكانين

الاول الجبل اللى ادك لما سيدنا موسى لنا كان عاوز يشوف المولى عز وجل

التانى الحتة اللى انفلق عند البحر دى

بس عموما بندور ولو وصلت لحاجة هبلغكم

بس بصراحة سؤال لا ينم عن شئ غير زكائك وثقافتك

احييك عليه بجد

السلام عليكم

قعدت ادور نفس النتايج لحد ما طلعلى عفريت

اللينك ده طلبت من حد يدور معايا لقيه اخدته

لف بدماغى عموما شوفوه واهى كلها محاولات

انا كنت هلخص اللى فيه بس علشان الصور وكده

وممكن انا علشان مش مقتنعة اطنش كلام فيه

ففضلت يبقى الموضوع كله قدامكم


http://www.v90v.com/forums/t18540.html