لو الاعمى سألك تعمل ايــــــه ؟؟؟؟

السلام عليكم
ازيكو يا اعضاء و عضوات المنتدى
يااااا ترى حد فكر فى حاجة مهمة
لو انت ماشى فى الشارع
ووقفك رجل اعمى لا يبصر
و سألك انت شايف الحياة ازاى
او الحياة عاملة ايه
او اوصفلى الحياة شكلها عاملة ازاى
حلوة ولا وحشة سهلة ولا صعبة
يا ترى هتقوله ايه
هتكدب عليه ولا تقوله الحقيقة
يا ترى كل واحد يقولنا رأيه فى الحياة ايه ؟؟؟؟؟؟؟؟؟
شكرا يا جماعة
يا ريت نسمع ارائكم

ااقلة ربنا اداك نعمة

هههههههه
ليه يا محمد ربنا اداك نعمة بقى
سورى على السؤال

هقوله روح استمع فالقران الكريم الي ايات نعيم الله في جنته
واعرف ان اللي خلق الجنه هو اللي خلق الارض
واتخيل انته بقي

عشان مش بي شوف الى بيحصل فى الدنيا من كل حاجة

ماشى يا سيدى ولا يهمك خيرها فى غيرها

تسلم ايدك يالف بوى موضوع جمبل قوى
انا بالنسيالى هوصفله الحياه زى مانا شيفاها
هى نعمه من نعم الله بس للاسف اللى عايشينها عايشينها غلط مليانه كدب وخداع دايما يوم تضحكلى وعشره تقسى عليه
دايمامتعذب منها اللى انجرح ودايما الصدق فيها قليل
يعنى ده جزء من اللى اتعلمته واللى شفته فى الحياه
متاسفه انى طولت

لا ولا يهمك
اسعدنى مرورك

الحياه؟؟؟؟؟؟
الحياه دى لعبه كبيره
لسه محدش عرف التركايه بتاعتها
بس مع الاسف لعبه صعبه اوى
يوم ما تفتكر انك فهمتها
تطلع ولا فاهم اى حاجه

هههههه
كلامك مظبوط مليون فى الميه يا موون
اسعدنى مرورك

كلام كبير مش كده
يارب يكون حد فهمه

كلام كبير بالنسبة لواحدة صغيره
ههههههههههه
بس احنا فاهمينه
اسعدنى مرورك

لالالالالالا
مين قال انى صغيره
انا بس متبعه كلامهم ف شهاده الميلاد
لكن عقلى وتفكيرى مش حاطلهم حدود
فهمت لو الاعمى سألك تعمل ايــــــه ؟؟؟؟ 656778

ههههههههههههههههههه
ماشى يا موون

انتى كبيرة ولا تزعلى
بس ما زلتى صغيرة برضو
هههههههههه
سنا بس

انا رأيى من راى عيون
هوصفلو الحياه فعلا زى ما هيا وزى ما انا شايفها
وهو بقى اللى يعرف ايهما افضل الحياه ولا اللى هو فيه
بس فى النهايه
محدش عاجبو حاله ابدا فى الدنيا دى كلها
لا الاعمى عاجبو حاله ولا السليم برضو عاجبو حاله وراضى بيه
وعجبى

شكرا على الموضوع الجميل ده
بس هقوله كفايا عليك انك ضمنت الجنه
وكمان مش بتعمل ذنوب بعنيك خالص
غاضض البصر كده من عند ربنا
يابختك ياعم احمد ربنا وعيش حياتك
اما احنا فربنا يستر علينا ويرحمنا
عشان الدنيا صعبه اوى ووحشه اوى
حتى لو ضحكت عليك وورتك ايام حلوه
كده كده الفراق موجود حتى لو دام القرب سنين
مش ربنا قال الحياة الدنيا لعب ولهو وزينة وتفاخر
معلش طولت اوى

كلالالالامك تحفة يا بسنت بجد بجد تحفة
اسعدنى مرورك

فعلا ماحدش بيعجبه حاله

لكن انا من رأييى ان الدنيا جميلة جدا بس المشكلةوالعيب فينا احنا لاننا احنا اللى بنخليها وحشة عن طريق وضع قيود على نفسنا ونحدد لنفسنا طريق ضيق اوىىىىىىىى نمشى فيه ونسيب الطريق الواسع
يعنى المجتمع والعادات والتقاليد و...الخ

والدنيا زى ماقالت مون لعبة والشاطر اللى يفوز قبل مايطلعله جيم اوفر

وشكسبير قال ما الدنيا الا مسرح كبير

كلامك صح جدا ياريتاج بحس ان عقلك كبير الدنيا وكل حاجة حوالينا حلوة بس العيب فى الناس زى ما اى بنت تدخل محل قدامها اللبس المحترم وقدامها الضيق محدش بيجبرها بس العيب عند البنت نفسها هى اللى بتختار

صح عندكو حق بس المشكله
انك ازاى تعرف العيب اللى فيك
وهيا دى مشكلتى الحاليه

اولا ممكن يكون الاعمي فاهم وشايف الحياه اكتر من ناس كتير بتشوف
انها لا تعمي الأبصار ولكن تعمي القلوب
والحياه كلها عباره عن مرحله بيمر بها الانسان عباره عن بونس
مطلوب منك فيه انك تجمع اكبر قدر من الحسنات وفي نفس الوقت تتمتع
والمتعه هتكون كامله لما ترضي ربنا لانه هيخلي الدنيا كلها حلوه في عينك
حتي لو اتحطيط في مواقف صعبه
هيبقي سبحانه عيزك تصبر وتحمده
ومع كده إحنا بشر واللي بنشوفه من غش وخداع من غيرنا بيعلمنا
يمكن بتبقي أصعب دروس بس بتعدي
سوري طولت
ولسه ينعشها وبنقاوح فيها

اكيد هقولو انو اولا يحمد ربنا على نصيبه انو مش بيشوف
لكن الحياة زى ما فيها حاجات كتير وحشة اوى فيها برضو الحاجات الكويسة الجميلة
واللى لازم نشوفها بعنينا
الحياة يا جماعة مش كبت وضيق وحزن طول الوقت ؟ لاء
الحياة دى ممكن نستمتع بيها بحاجات بسيطة تحسسنا بالرضا
انا هقولكم ملخص قصة صغيرة جدا
ولد صحى من النوم مكتئب وحزين جدا فساله والده قالو كرهت نفسى والحياة
قالو تعالى نشوف النعم اللى ربنا ادهالك وانت مش حاسس بيها ومش موجودة عند غيرك
قالو انت صحيت من النوم ..دى اول نعمة تحمد ربنا عليها انو احياك ليوم جديد
تعبد فيه ربنا وتكفر عن ذنوبك ولم يمتك فى منامك
صحيت مدايق ... تحمد ربنا انو وهب ليك الاحساس والعقل وفكرت فى حاجة ودى نعمة العقل
اللى غيرك محروم منها
صحيت على صوت المنبه .. تحمد ربنا على نعمة السمع اللى غيرك محتاجها
صحيت بتكلمنى وشايفنى ... تحمد ربنا على نعمة الكلام والنظر وغيرك معندوش
صحيت بتشكيللى .. تحمد ربنا انك جيت الدنيا لقيت والدك غيرك بيتولد وبيموت يتيم من
غير ما يشوف والديه
فاللى انا عاوز اقوله انو احنا منبصش للحياة من المنظور السلبى بس
لازم نبص لنص الكباية المليان مش الفاضى
واديكو شوفتو ازاى النعم البسيطة دى اللى ربنا عز وجل انعم بيها علبنا كافية
جدا اننا نكون سعداء ومبسوطين
اسف على الاطالة وتحياااااتى للموضوع القيم والجميل ده ,,,,

اولا هساله عايز الحقيقه و لا الكدب
الكدب الله ع الحياه هو ف اسهل و احلى من الحياه يا سلام اهو الحمد لله ع النعمه و ربنا يخليك تخف ع تتمتع بيها
بس طبعا لما يخف هاقوله مايعرفنيش ع هايعرف انى كدابه كبيرررررره
لو الحقيقه الحمد لله بس مكنتش زى ال ف خيالى دلوقتى كلها حزن و كئابه و قرف و الفرح فيها قليل اوى
و الخيانه و الغدر يجولك من اقرب الناس يعنى متقلقش كل واحد ربنا مديله نعمه و اكيد ال انت فيه حكمه من ربنا ع حاجه معينه و هقولو ف الاخر انا مش عايزاك تكتئب من الكلام ال قولتو
سورى لو طولت نااااااااااااااااااااااااااااااااايس توبيك

على فكرة ارائكو كلها مختلفة شوية بس كلها روعة بجد نايس يا لو مان و هاااااااابى و لاف جيرل

اش اش يا love boy هقولوا ان الدنيا مفيهاش اي حاجه حلوه لان معظم اللي بنعملوا ذنوب وبعدين الدنيا دي ملهاش لزمه اللي لحصد الحسنات زي السنه الدراسيه وكلنا هنممتحن في الاخر