فضفضه رسمى سيبونى اتكلم شويه

يمكن عشان عايز افضفض كتير اوى معاكم فتحت الصفحه دى بجد وانا مش عارف هقولكم ايه بس عندى كلام كتير عايز اقوله ومش مرتبه ولا محضره تعرفوا انا حاسس بأيه دلوقتى او مش دلوقتى دا من امبارح قبل الفجر ولحد دلوقتى احساس الخيانه اه مستستغربوش اوى كدا انا عارف الكلمه دى تقيله اوى واعرف معناها كويس والأجازه اللى فاتت دى كنت واحد من بين المحظوطين جدا انى اقابل جمعه الشوان او احمد عبد الرحمن الهوان اكيد اغلبنا يعرفه كويس اوى طيب حد يقولى وايه اللى دخل دا فى الموضوع يا استاذ رسمى اقوله لالا استنى شويه وركز فى كلامى الحكايه اصلها مرتبطه بخيانه بس هنا خيانه الصديق وهناك جمعه الشوان خيانه الوطن بس مش اعتبرها خيانه لانها مرتبطه بأعمال جاسوسيه والموساد الإسرائيلى ومصلحه الوطن اللى فكرنى بجمعه الشوان وكلامه لما جاب جهاز الإرسال لمصر اللى مفيش منه غير اتنين فى العالم وقتها واول رساله تبعتها المخابرات المصريه للموساد الإسرائيلى وقالت فيها نشكركم على حسن تعاونكم معنا وإلى اللقاء فى عمليات اخرى وقتها طبعا انهارت اجهزه الموساد الإسرائيلى لحظه الخيانه لما تكون مع شخص لفتره طويله وتديله كل ما لديك وفى الأخر تكتشف انه خانك الخيانه هنا كبيره اوى لانه جمعه الشوان انسان عبقرى قدر يجنس جوجو لمصلحه مصر ويكون جاسوس لمصلحه مصر فى اسرائيل ويخدعهم اكتر من خمستاشر سنه ويجيب اعظم جهاز ارسال فى العالم لمصر بيبعت الرساله وقتها ايام الحرب فى اربع ثوانى تخيلو ؟؟ وقتها ظباط الموساد الإسرائيلى قتلو نفسهم من كتر ما هم مش مصدقين نفسهم وشمون بيريز اللى اخد الجهاز وحطه فى فرشه الجزمه وكانت جديده وعشان لما يدخل جمعه بيها مصر لما ييجى من ايطاليا ميقولوش هو فى حد جى من ايطاليا يجيب معاه فرشه جزم فأخدها ومسج بيها جزمه المصرى جمعه الشوان عشان تكون قديمه واستعملت ومحدش فى مصر يشك ان جواها حاجه دى العبقريه لما ييجى حد يخدعك فتره طويله متبقاش عارف تقوله ايه احساس انك عايز تقتل نفسك واحساس انك عايز تقوله لأ برافو عليك بجد انت عبقرى وقدرت تخدعنى طول الفتره دى المشكله انك متتخيلش انه يعمل كدا وساعتها تقول لو سمحت غير الموضوع لانى مش قادر اتخيل ان دا حصل حقيقى وترجع تفكر تانى فى نفس الموضوع ومتقدرش تنام بسبب كدا ليه احساس الأمان مبقاش موجود دلوقتى انا بكدا هبتدى اشك فى كل انسان ماهو خلاص احساس الشك بقى موجود جوالك مسيطر على افكارك وليه الناس بقت تحب المغامره وتعافر فى الدنيا لما هى مش اد المسئوليه ومش حسباها صح ولما تيجى تقع يسكت ويكش وميعترفش بالغلط وتخاف من الفضيحه الصوره قدام الناس لذيذه وجميله بسلطاتو ببابا غنوجو لما جوه القلب منيله بستين نيله ونقعد نسمع بقى اسطوانه افتكرلى اى حاجه كانت حلوه منى وانا مش عارف وانا مش قادر واه بس شكرا اوى شكرا على المشاكل اللى حصلت والحوارات والأفلام العربى الأبيض واسود دى اللى مش بتتخلص ابدا
انا مخلصتش فضفضتى لسه فى كلام تانى عايز اقوله لو حد حابب يشارك اهو التوبيك مفتوح قول اللى انت عايزه براحتك لحد ما ارجع تانى سلام مؤقت

على فكر الدنيا مابتقف بينا عند الناس اللى خدعوك بس وانتى تحمد ربنا انك عرفت الناس دى بدر واكتر فى الكويس وفى الوحش والوحش ده بنتعلم منه اكتر من الحلو

شوف يا رسمى
محدش بيتعلم بالساهل وزى ما فى ناس واضحة وصريحة اكيد
فيه ناس خاينة برضو المهم اننا نعرف ازاى نتعامل مع الفئة دى
والاهم اننا نكتشف دا عشان نبقى حذرين ف التعامل معهم
وكويس انك بتكتشف ده ومبتفضلش مش حاسس بحاجة
لانو اكتشاف الاشخاص دى
بيساعدنا اننا منقعش تانى فى حد كدا ,,
و ربنا معاااااك,,

عايز اقولك يا رسمي بجد صدمة كبيرة وخصوصا لما تلاقي الخيانة دي جاية من حد مكنتش تتوقع انها تيجي منو
وساعتها العقل تشتت والتفكير توقف والواحد يلاقي نفسو مش عارف يعمل ايه ولا يقول ايه للخاين ده
يقعد يقول لا خلاص انسى وفي نفس اللحظة يفتكر كل اللي حصل والمشاكل والافلام اللي اتعملت
حس انه نفسه يعمل حاجة تشفي غليله وتريحه من الشعور اللي حاسة لما عرف الحقيقة
والله الواحد مش عارف يعمل ايه بس لما يحصله كل ده يبق تجنبه احسن
بس بردو مننساش زكريات زمان
يوووووه الواحد والله اتشتت
حسبي الله ونعم الوكيل

طبعا المتر بيتكلم صح فى ان محدش بيتعلم بالساهل
يمكن انا وعن تجربة شخصية اتخدعت كتيييييييير بجد بس عارف مباتش اثق فى حد بالساهل
ابدامهما كان باين عليه انه طيب
بس مش بعمله وحش ولكن سرى بيفضل جوايا
عارف يا رسمى علشان الطيبة الى ملهاش حدود عمرها مبتفيد ودلوقتى بجد بقيت مستريحة جدا من جوايا

يمكن طولت بس حسيت انى عايزة اتكلم

ياة كل دا في قلبك
بص يا رسمي انا واحد من الناس اللي مرت بظروف ذي دي

بس ساعات بيكون صاحبك دة اوي اي شخص خانق تكون الظروف برة ادية فعلا ومش بارادتة
عشان كدة هو عمل كدة
بس لو هو قاصد فعلا يبقي مش ينفع يكون صديق او صاحب
لان اللي يبيعك بيعة
بس في حاجة ممكن تتعمل معاة عادي خالصولا كان حاجة حصلت عشان الناس واللي يعرفوك مش ياخدو بالهم
اني في حاجة حصلت
بس اللي في القلب في القلب طبعا
ياريت تكون فاهم انا عايز اقول اية

وطلع طلع ما تخليش حاجة في قلبك

روق كده محدش وخد منها حاجه وكمان الواحد مش بيتعلم بسهل ويمكن الوحش بتعلم منه اكتر وكمان على رغم من الموقف الصعبه وبتطلع منه اقوى ان انشاء الله ومتحاولش تفكر كتير علشان متتعبش وحاول تكون اقوى تتجاوز المحنه ده

معلش يا ابو رسمى احنا كلنا اخوات موصلتش لحد الخيانه و حوار الجواسيس
انا معاك انك متدايق بس خلاص انسى و افتكر للحد ده الحاجات الحلوه اللى عملها
انا عارف انه غلط بس احنا نعديها وننسى دى بردو مش الخيانه اللى توجع
انت فاهمنى دى مش خيانه هو يمكن كان ليه هدف بس العمليه وسعت منه غصب عنه
خلاص المسامح كريم و انت قلبك ابيض انا عارفك 3 سنين مشفتش فيك غير انك حد جميل و قلبه ابيض
يا رب تتقبل رأيي يا رسمى
اخوك ابو على

اسئله و كلام غريب كان بيلف فى دماغى بقاله كدا يومين معرفش انا هعمل الموضوع ده للفضفضه معرفش ليه وانا قاعد بفكر تخيلت لو انا مت دلوقتى اكتر حاجه هندم عليها ايه هندم على احلى الاوقات اللى قضيتها مع الخلق اكتر حاجه بردو هندم عليها اننا مش عرفنا نقرب من بعض اكتر من كدا معرفش بحس ان كل حد فينا شايل للتانى اكتر ثقه و اهتمام و احترام فى الدنيا و بخاف احساسى يطلع غلط هو فى كده ؟ فى ان عشان قربك او بعدك من حد ممكن تعمل اى حاجه عشان تنسى ان الحد ده مش موجود اد ايه حياتك بتكون لذيذه لما تعرف الحقيقه بس لو جرالك حاجه هتعب اكتر هو انا امتى هبطل اقابل ناس كدا امتى الجزء التانى من نفسى المتمثل فى الجزء الحلو هيموت امتى هبقى بعرف الناس فى محاولات فاشله انى الاقى حد يغنى حد فى حاجه تانيه

موش عارف اقولك اية يا ابو رسمي
بس هو كدة انسان ناقص عن جد
سيب منة خليك مع اصحابك التنانيت اللي بحبوك واللي بيخافوا عليك واللي بتعيش معاهم
احسن الحظات في اصحاب رجالة كتييييييييييييييييييييييييييييييييير اوي وانت عارف كدة
روق ياابو رسمي كدة وسيبك مش يستاهل اللي بتعملة عشانة

السلام عليكم يا رسمى
بجد انا ادايقت جدا من الموضوع ده
هوة بجد حاجة توجع
بس مهما كان المفروض الواحد مش يغير من نفسة عشان حاجة كدا
اوك انا معاك ان الواحد بيبقى مش طايق حاجة فى حاياته ساعتها
بس فى نفس الوقت
مش لازم يغي صفاته الحلوة
بس ممكن يقومها شوية
عشان مش يتعب
يعنى مثلا
انا حاسة انك بتاخد كل حاجة
على اعصابك قوى
وتعول هم جامد
لا لازم تكون حيادى
اوك الواحد بيتصدم بس
مسير الحياه تمشى
وانا سمعت جملة عجبتنى قوى
بتقول
ان اى تجربة الانسان بيم بيها
بتكون زى الطوبة
ياما تقع على دماغك
ياما انت تخليها سلمة
ترفعك لفوق
بحيث تكون خبرة ليك
ياريت تستفيد من تجلربك دايما فالحياة
وياما هتقابل
الكويس والوحش
بس المهم انت تفضل زى مانتا
مش تسمح لاى حاجة
اها تغير اى صفة حلوة فيك

ياريت اكون قدرت اهون شوية

بس وروق كدا
معلش اسفة على التطويل

سلام

الموافق ع طرد هذا العضو
يتقدم برفع يده

موافقة

يارسمى مفيش حاجة تستاهل زعل لان الدنيا مش تستاهل ابدا
بس كفاية انك بتتعامل مع الناس بالى يرضى ربنا
وصدقنى ده كفاية

وعلى فكرة هتستريح قوى لو صليت وتتكلم مع ربنا وتدعى انه يريح بالك لان هو الى معاك علطول
وهو الى عارف اد ايه انت مخنوق
عشان احنا بنتكلم معاك بس يمكن مش حاسين بالى جواك وده اكيد
وان شاء الله ربنا هيريح بالك