تعبت........... :(((((((

مش عارفة ابدأ ازاى ولا اقول ايه
بس كل اللى اقدر اقوله انى تعبت اوى من كل حاجة
من الحياة
من الحب
من الدراسة
من كل حاجة
وللاسف
انا اللى جنيت على نفسى
انا اللى بختار غلط
وبفكر غلط
واختياراتى الغلط دى وقعتنى فى مشاكل كتير اوى مش عارؤفة اخلص منها ازاى
انا بجد ابتديت اكره نفسى واكره كل حاجة غلط عملتها فى حياتى
قاسية على نفسى لدرجة انى مش قادرة اسامح نفسى ولا قادرة ارجع زى مانا
انا مش لاقية نفسى
ولا بقيت عارفة انا مين
نفسى المرار اللى جوايا يتحول لحاجة كده اطلعها بره جسمى
حاجة مادية يعنى
نفسى ارجع بريئة زى زمان
بريئة فى تفكيرى وف مشاعرى وف احساسى
الشخص اللى ارتبطت بيه اخترته غلط
وبوظلى حياتى كلها
وطبعا لازم اتحمل نتيجة اختيارى ده
اهلى بعد اختيارى رافضين اى ارتباط تانى خالص وبيرفضوا اى عريس يتقدملى عشان انا اخترت غلط وميتكررش ده تانى
وبردو بتحمل وبسكت لان انا اللى اخترت غلط
وهما عندهم حق
مقدرش افتح بقى بكلمة واحدة
ساعات كتير بتمنى الموت
مع انى لسه فى تانية كلية
عمركوا شفتوا واحدة عندها تمنتاشر سنة نفسها تموت
نفسى ارتاح واريح كل الناس اللى حواليا
نفسى اخلص من دنيا قاسية
هتقولوا انتى بتفكيرك واختيارتك خلتيها قاسية
هرد واقول اللى حصل حصل
انا عايزة الحل
مش عايزة حد يقولى انتى غلط
علشان انا عارفة انى غلط
انا انسانة غبية
وبكرر اخطائى
وكرهت كل حاجة حواليا
لو تقدروا تفيدونى ارجوكوا
انا مخنوقة
مخنوقة
مخنوقة

نسيت اقول كمان
انى انسانة فاشلة بكل ماتحمله الدنيا من معنى
فاشلة فى حياتى لابعد الحدود

بصى عايزاكى تقعدى مع نفسك وتكتبى كل حاجه حلوه فيكى سواء اتقالتلك او انتى حاساها
يعنى الحاجات الحلوه اللى ف شخصيتك
وورقه تانى فيها الحاجات الوحشه اللى فيكى الورقه بتاعت الحاجات الوحشه احرقيها
كل يوم قبل ما تنامى والورقه الحاجات الحلوه تخليها وكل يوم قبل ما تنامى تضيفى حاجه حلوه فيكى مش كنتى واخده بالك منها
وهكذا ....صدقينى هتلاقى انك حاجات كتييييير حلوه فيكى انتى مش اخدتى بالك منها
وبعدين عايزه اوصلك حاجه لازم تعرفى اننا ممكن اوى نختار غلط احنا لسه ف اول حياتنا وعادى جدا اننا يحصل معانا كده
مش معناها ان العيب فينا بس نتعلم ونحاول نتعلم غلطنا تانى نرجع ونقول برده هنتعلم
لازم تعرفى انك حاجه كبيره اوى
شوفى انتى ايه هواياتك ونميها املى حياتك اشتركى ف اعمال خير هتلاقى نفسك هناك
زى ماتكونى طفله كل حاجه بتعمليها بتسعد الناس حواليكى
صدقينى لازم تملى حياتك حبى نفسك عشان الناس تحبك
اسفه طولت عليكى اختى
بلوكس

بسم الله الرحمن الرحيم

اولا ستايل ونور مبارك قالوا كتييييييييييير حلو اوى بصراحة وياريت تسمعى كلامهم
وممكن تزودى كمان
اولا انسى اللى انتى فشلتى فى اختياره دة خالص واقطعى اى حبل ممكن يوصلك منه
ثانيا انسى دلوقتى حكاية اختيار شخص تكونى معاه قصة حب علشان ميحصلش ولا قدر الله تكرار فتكرهى الجنس الاخر
ويحصللك عقدة معينة ممكنر تاثر بعدين فى اختيار اى شخص
ثالثا لازم تسمعى كلام البيت فى كل حاجة هما بيقولوها اكيد هما والديكى وعايزين مصلحتك طبعا
رابعا من الافضل بعد هذا ما حدث ان تجلسى فى بيتك معززة مكرمة حتى ياتى صاحب النصيب واذا ما جلستى معه
وارتحتى نفسيا ابداى اسالوا عليه وبعد ما تطمنتوا وكل حاجة وشوفتيه مناسب ليكى توكلى على الله
وهيبقى الحب بجد طعمه حقيقى جدا وطعمه حلو اوى لانك اختارتيه بعلم واالديكى وتحت شرع الله وليس اختياره هو انتى بس مسئولة عنه من ورا البيت
فهمانى
ياريت اهم حاجة تركزى السنتين او الثلاثة دول فى الكلية وبسسسسسسسسسسس ودراستك ومع صحباتك وسيبك من العلاقات التافهة اللى جايز يكون نهايتها فشل بس انا مش بعمم دة على كل الشباب فى كتييييييييييير اوى نيتهم سليمة وغايتهم ارتباط وفى بيتسلى كتير
اللهم اغننا بحلالك عن حرامك ووفقنا فيما نختار دائما يارب
المهم ياريت جنب الدراسة تشتركى فى اى جمعية خيرية زى ما قالوا فوق وتوهبى نفسك عشان تساعديهم فى الصدقات والخيرات
ممكن تلتحقى بمدرسة قران فى مسجد وتتعلمى تحفظى الاطفال قراءة القران
ممكن تتابعى مذاكرتك ومحاضرتك جدا وتنفضى كتيييييييير عشان متقعيش تانى
وتحطى فى مخك حاجة واحدة
انه النصيب قاعدلك قاعدلك ومهما تروحى وتعملى نصيبك جاييلك مش انتى تروحيلوا وتدورى عليه لا هو اللى هيجيلك غصب عنك
ياريت تتقبلى وجهة نظرى دى ومتكونش ضايقتك

كمان نسيت اول واهم حاجة
الجاى الى الله واطلبى منه دايما العون والمساعدة والتعويض وقربى منه جدا هترتاح اوى والله
اقيمى الله وادعى الله فى سجودك بقلب مخلص ونفس خشوعة

مش ها اقول اكتر من اللي قالوه
بس ها اقولك انك صغيره اوي ع انك تتمني الموت
خلي بالك من نفسك ومن قلبك بلاش تستعجلي علي وجع قلبك لا سيبيها ربك يرتبها صح
بس انتي لكيد بعيد عن ربك شويه صح
مش معني انك بتصلي الفروض يبقي انتي قريبه من ربنا لا
اقري قرءان جميل
عارفه لو قرتيه كده وانتي قاعده لوحدك ها ترتاحي

لو عايزه تكلمي اللي ما هو افضل من الخلق كلهم
لو عايزه تكلمي الله صلي كتير
وروحي لربك واشكيله كل همك وكل اللي جواك اتكلمي مع ربنا واطلبي منه السكون والهدوء الي نفسك
صدقيني ها تبقي تمام اسمعي برامج دينيه كتير وهتلاقي هنا مواعيدها لو سمعتيها بجد هاتبقي فرحانه من نفسك
الدراسه جايه واشغلي نفسك زي ما قال مصطفي الدراسه بس
واي حاجه تانيه ارميها وراء ظهرك وقولي يارب
بس من قلبك ربنا مش ها يخذلك ابدا
يارب يفرج همك وكربتك يارب